極尚大喜屋

營業中

休息中

其實有時食lunch 放題都幾爽，都好多野食又可以食耐啲，最緊要係坐耐啲慢慢嘆😆雅蘭原來上面嘅稻香係有間極尚大喜屋！！今日食覺得質素非常之高！！！甚至乎好似都好食過KT個邊，送菜好似無漏過單，而且好快送到👍🏼走廊位好寛闊，行出行入都舒服啲！感覺都乾淨企理，偏向多旅客嘅！不過佢地有個位俾佢地放gip 所以唔會阻住人行！外面自助一如既往嘅有飲品櫃，有雪糕櫃，有甜品櫃，有前菜生果，有啲熟食，有湯，不過竟然有清酒梅酒，羅漢果菜同點心😆😆好surprise wor!!!點心都唔少野，有燒賣蝦餃潮州粉果鮮竹卷！燒賣係酒樓個啲黎💕刺身花款都好多，而且好多都係厚切㗎😋新鮮今日食得多都係炸物😗不停食炸榴連彈同炸鮮奶，好正，次次都啱啱炸起！椰子燕窩燉蛋白都係encore 咗幾次！好清，唔會好甜！熱辣辣食好味道🫶🏻

好耐都冇食放題啦我哋今日8:30入座食到10:30價錢係298再加一～每次嚟到呢都超多人食，其實放題都幾抵食，大家可以食自己想食嘅嘢，又好多款式揀🤓-佢外面分咗熟食區、生果區、飲品區、甜品區🍦甜品區最吸引到我係嗰個芒果老鼠造型嘅甜品🐭佢好似雪糕但係又唔似但係都幾好食見到好快俾人哋拎晒😁有好多唔同款嘅布甸、乳酪、豆腐花、糯米糍、連芋圓都有😳雪糕雪條都好多選擇當然有Häagen-Dazs雪糕啦😎仲有軟雪糕可以自己加配料🤓-熟食區我都見到有四五款嘢仲有炸物我就食試咗款一口小籠包都唔錯入面都有肉汁👍🏻-而飲品區都有好多款有成八個雪櫃仲要佢係每兩格都有唔同嘅款式酒款真係算多款，一個雪櫃都已經有幾款唔同嘅酒👏🏻而隔離仲會有啲熱清酒燒酒同埋其他即斟既果汁🍹-中間就係沙律同生果區而家比之前多咗熟蝦同埋青口🤗-我哋QR code落單超快就上仲冇漏單連收碟都好快👍🏻做得越嚟越好💕-嘢食方面除咗食物款式花款多咗好多之外連賣相都比之前靚咗好多～講吓啲特別嘢食有燒貓山王榴槤、吞拿魚蓉海膽三文魚子裂左係糖心蛋入面、燒蠔配佢啲炸蒜真係好好食🤤鵝肝多士佢個多士超脆同鵝肝入口即溶好有對比、柚子醬薄切池魚、白汁蝦除咗個汁

今次同媽咪難得一齊放假，所以去左旺角食好野😋位置旺角雅蘭中心嘅大喜屋新裝修，地方寬敞，特別多卡位，好岩朋友家人一齊傾計食飯講返食物，一坐低緊係叫返盤刺身食左先，每次都覺得大喜屋刺身擺盤好有心機，好啱相機食先，食物嘅擺盤擺得靚都可以增加食慾，所以我叫左甜蝦，三文魚，帶子刺身，甜蝦清甜美味，三文魚厚切啖啖肉。仲有好多壽司招牌乳鴿王，肉汁鮮嫩，啲肉唔會好嚡，味道啱啱好。鮮蟹粥一邊蟹係有蟹膏嫁，用咁新鮮嘅蟹煲嘅粥梗係好鮮甜啦。魚子醬鵝肝多士，多士上面嘅鵝肝好厚啊，鵝肝根本係厚過塊多士，鵝肝香口多士鬆脆，加埋鵝肝上嘅魚子醬根本係絕配。自助位有好多生果食，全部都切好咗，自己拎自己鍾意食嘅就可以啦，當中包括有哈密瓜，西瓜，火龍果，全部都好新鮮，又健康又好味。小朋友嚟仲可以喺自助區度拎甜品食同埋軟雪糕，雪櫃仲有名牌雪糕任食，仲有好少見嘅榴槤雪糕。今次仲見到飲品櫃，有鴨屎香檸檬茶，真係好跟得貼潮流，外面流行食咩去到大喜屋都有得食😋

朋友生日就約佢黎到位於旺角雅蘭中心極尚大喜屋食餐好，鐘意呢度有好多美食選擇，有前菜、小食、飲品、刺身、壽司、炸物、鍋物、仲有最鐘意食既榴槤。刺身每次見到成盆上枱已經好吸引，三文魚同牡丹蝦好吸引，最重要係夠新鮮肥美。燒牛舌同羊架火候控制得好好，煙煙韌韌好入味。鮮蟹粥每次都必點的，粥底軟綿綿，入口好鮮甜加入粟米粒口感一流。燒乳鴿炸至金黃色，外皮香脆可口，肉質鮮嫩。金湯慢煮鮑魚花膠，材料十足可以養顏又補身，花膠好好用，鮑魚爽脆，醬汁亦都好鮮甜，超美味。最後食埋個極品金枕頭榴槤燒，好甜好濃郁榴槤味道，食唔停口。

舊同事約gathering, 一班人最岩就係食放題, 唔洗諗又唔洗遷就, 就卜左雅蘭新開既極尚, 通常大家聽到極尚大喜屋都冇反對, 始終係放題大集團麻。刺身黎講大喜屋都真係毫不留手, 片片都切到厚一厚, 而且D魚係幾肥美, 完全唔似一般放題質素。另外壽司款多而且一D都唔hea,  連海膽, 拖羅哩D貴價野都有, 仲想點~熟食除左一般炸物, 天婦羅之外, 仲有好多特別野食。好似燒帆立貝, 大大粒肉好好味, 最估唔到有燒榴槤,, 仲要係原粒肉!!!香煎大虎蝦拌黑松露忌廉汁, 虎蝦大大隻配脆卜卜既麵條好得意。蟹粉菠菜苗甜甜地冇渣既。牛肉鍋同埋壽喜燒牛肉我每次都會一齊嗌, 佢地兩個係perfect match黎!又點估到連椰皇蒸蛋白都可以係哩度食到, 仲要係好味既椰汁味突出又唔會過甜。你諗到既哩度一定有, 你諗唔到既哩度都可能有!! 真心覺得大喜屋係一間好amazing既一間放題店。

同🐨好想食日式放題🥺朋友介紹左我地去旺角嘅極尚大喜屋環境好乾淨 仲有好多外國遊客呢個放題真係好多嘢食 好多嘢飲仲設自助吧 梅酒清酒白酒等等仲可以任飲等我地黎重點介紹下 有咩正野同其他放題唔同啦😋創作刺身冰鎮柚子海蜇 夠凍有埋柚子酸甜味 又爽又好味👍🏻泰式虎蝦 有好味嘅泰式醬先係真正嘅泰式虎蝦😎魚籽柚子醬池魚王薄切 醬夠香配埋池魚王薄切味道均勻空運象拔蚌 每件都好鮮好香✨.松葉蟹腳 池魚王 北海道鮮帶子全部都香好鮮👍🏻.創作壽司芝士飛魚籽玉子燒 芝士夠邪惡有埋飛魚籽嘅口感同香味 加埋香滑玉子燒 唔錯嫁👍🏻牛油果醬拌松葉蟹肉 牛油果醬香得黎夠滑 拌松葉蟹肉唔會搶走蟹味又好食😎魚子醬鵝肝多士 魚子醬 配埋 鵝肝多士 高質享受✨又香又好味一品料理香煎Black Tiger Prawn 拌黑松露忌廉汁大大隻香煎虎蝦 加埋 黑松露忌廉汁食落肉多夠滿足 味道更香更豐富 Very Good😎皇牌燒乳鴿王 乳鴿食落多肉又嫩滑外皮又燒得香脆 又保留到肉汁👍🏻金蒜蓉粉絲蒸扇貝 蒸蓉粉絲配蒸扇貝永遠都係冇得輸嘅煮法😎 粉絲索啲海鮮精華🥰.金湯慢煮鮑魚花膠盛 鮑魚同花膠量都夠哂✨而且食落香爽滑👍🏻.薑蔥爆鱔球

是日一大班同事提議，收工後歡聚一下，於是便聯群結隊到大喜屋，決定來個放題之夜聯誼下食放題當然必定要食刺身，刺身種類多，非常新鮮肥美，冇得輸除左刺身，仲有壽司、卷物、手卷，熟食方面選擇一樣都多，有牛柳粒、燒羊架、天婦羅、 蒜蓉蒸扇、花膠冬菇、溏心蛋、炸物、冷盤、前菜小食、甜品、雪糕等，包羅萬有，歡聚聯誼好地方。

今次同幾個老友仔去咗極尚大喜屋，話說我地一行人正燃！先來講講隔籬桌嗰三文魚，睇落去新鮮過直送，拎起件嚟一啖，嘩真係彈牙得嚟又唔腥，我同我啲朋友差啲嘅咗眼淚。然後諗住食返啲中意嘅，咪即刻嗌咗跟金蒜蓉粉絲蒸扇貝同避風塘軟殼蟹，呢啲真係戥街邊小店嘅一戰，尤其啲粉絲吸晒啲蒜香汁，嗰種瑤心揼舌嘅滋味，食完仲想再嚟！啱啱提到老友仔，佢就最鍾意食串燒啦。佢話，啲牛舌揼到火嘅啱啱好，外面微微焦香嘅口感，入嘴即化，雞軟骨又嘩啲嘩啲，食住食住諗起小時侯，嘩，差啲喊。我又唔客氣，搶咗件芝麻雞翼嚟試吓，酥脆嘅外皮同肉滑嘅雞肉，正宗得嚟又唔肥膩，簡直係夠晒口福。工作日過後同三五知己喺極尚打個飽，有美食伴隨，有笑聲相送，啲日子真係過得咁開心，下次再黎，仲要挑戰下啲雪糕，多謝哂今晚款待，極尚，我地仲會再戰！🥢🍣🎉

是日夜收工，諗唔到食咩好，即興來了旺角的大喜屋放題。8:45到，以為食夜晚最後一輪人唔會太多，但門口原來已經排滿人。因為人太多，所以都要等到9點先可入座。任食2小時到11點。自助區有齊各款罐裝、紙包飲品、自家製茶飲、啤酒清酒等。仲有鮮榨果汁、涼茶等，選擇豐富。餐小食區一邊有齊鴨腎、麻辣魚皮、中華沙律、鳳爪、螺頭等，另一邊則是生果、冰鎮海鮮，每次黎都要食個夠的！熟食區有點心湯品，有蒸魚、牛腩亦有炸物。我當然是要飲返碗菜乾豬肺湯暖胃再迎接刺身吧。因為是二人枱，我地點的食物接連上枱，要趁快食先有位再上菜。刺身當然是不會令人失望，三文魚、油甘魚、甜蝦、赤貝、赤蝦、北寄貝等，都十分肥美新鮮！壽司有特別款式，點了幾款黎試，有松露油甘魚、牛油果醬吞拿、魚子醬北海道帶子，飯細細件，食完唔會太飽！特色食物當然唔可以錯過，蒲燒鰻魚、川味燒蠔、薑葱爆鱔球、燒香草羊鞍、蟹黃扒豆苗、燒榴槤、燒牛舌、燒扇貝，款款都唔馬虎，牛舌仲要厚切，食落有咬口！金湯慢煮鮑魚花膠盛係必食，大大碗有齊花膠同鮑魚，食一碗已經夠回本！仲有香煎虎蝦伴黑松露忌廉汁，絕對拍得住西餐水準，一連食了2碟。最後encore多一轉刺身，encore

聖誕節🎅🏻就到，所以聚會多左好多，今次推介大家黎食一間高質嘅放題😋，餐廳嘅自助區都超大，入面有前菜，熟食，連點心區都有，估唔到放題都有點心食😍同埋都好光猛，座位有好多卡位可以坐👍🏻餐廳用QR code 落單，店員好快就送野食過黎🥰完全冇漏單嘅情況👍🏻🤩🌸刺身種類好多，同埋都好新鮮🥰全部都係厚切😋赤蝦大大隻，鮮甜爽口❤️三文魚腩係厚切👍🏻壽司類都好多款式可以揀☺️當中都有唔少創意壽司🥳🌸燒物同一品料理都好出色，有大大件嘅鵝肝多士，煎得岩岩好，連埋多士食唔會膩🤭🌸香煎大虎蝦拌黑松露忌廉汁，成份熱辣辣送到，有d似酒樓嘅脆麵，拌埋黑松露忌廉汁又幾特別，虎蝦大大隻😋🌸估到餐廳有🦀一品蟹皇小籠包伴面🦀佢係蟹皇麵上面有爆汁嘅小籠包🤭條條麵都掛到汁🌸 極品金枕頭榴蓮燒，平時好少食到燒榴蓮估唔到又幾好食🤤同埋都保持到creamy 😆最後為大家都精選埋幾款甜品，除咗平時嘅自助區雪糕之外，冬天當然唔少得暖笠笠又潤嘅甜品喇🤤就係極尚椰皇燉燕窩，香滑嘅椰皇蛋白配上滋補嘅燕窩😋

食放題一定揀食大喜屋呢間放題開咗喺雅蘭中心4樓平時行完街上嚟食就啱啦選擇有好多，而且上枱速度都好快出邊仲可以自己夾海鮮清酒又任飲刺身拼盤三文魚好肥美，又夠厚切帶子好鮮甜，每粒都好大粒甜蝦夠軟糯，夠鮮甜估唔到仲有長腳蟹食每件都夠鹹鮮，俾埋剪刀你容易開蒲燒鰻魚醬汁濃厚又偏甜但魚肉肥美好味估唔到呢度仲有蝦餃食一籠龍擺出邊任拎蝦餃蝦肉好多配竹筍爽脆金湯慢煮鮑魚花膠盛回本位一定係佢鮑魚好入味花膠巨軟糯花膠好大片避風塘炒魷魚魷魚好爽口好惹味仲有炸到好脆嘅魚皮好香口嘅一道菜火炙壽司仲有好多唔同種類嘅壽司最愛一定係火炙壽司比較份量比較細唔會食得太飽甜品一定唔少得嘅就係甜品唔單止有Häagen-Dazs任食仲有椰皇燕窩燉蛋白呢個甜品真係好出色天寒地凍食一個熱辣辣嘅甜品真係好舒服

味道: 😋😋😋😋價錢: 💰💰💰抵食指數: ⭐️⭐️⭐️⭐️尋日放假同朋友出黎旺角打個轉 打算睇下啲毒野🤣 咁係行街前一定要醫飽個肚 朋友同我又係超大食 所以就揀左間都幾抵食嘅大喜屋🤤 我同朋友可以大刷一波😆💙優惠午市放題 $268 (星期一至四)大喜屋放題嘅食物選擇真係絕對唔會令人失望 選擇總類係多到不得了 由港式 中式 西式 日式組成🩵🩵👍🏻👍🏻 而且飲品都係超多選擇 又有唔同嘅酒可以揀例如 啤酒 清酒 白酒 燒酒，然後又有好多唔同嘅無酒精飲品 絕對岩哂男女老少👍🏻👍🏻由前菜冷盤開始，結合左酒店自助餐嘅冷蝦同田螺👍🏻又有日式嘅中華沙律 八爪魚 同螺肉❤️ 仲有各種生果同沙律自助吧熱食都有好多選擇 雞湯 豬肺湯 冬天飲返碗就暖入心🤤 又有超淋豬手 鹽水鴨 小籠包 味道都唔錯架⭐️刺身又多選擇 三文魚係我至愛❤️每件都好肥美❤️ 油甘魚 甜蝦 大赤蝦 帶子 種種港人至愛刺身都有提供⭐️壽司又有花之戀同埋海膽壽司 味道都keep到好食 唔腥唔臭👻熟食就有超靚鰻魚 每件都煮到好淋 鰻魚汁都好入味👍🏻 粉絲蒸扇貝 好香口😋 鵝肝多士超級甜 好好食🤤👍🏻 天婦羅又炸到熱辣辣送上黎 脆卜卜好好食😆😆

愛吃壽司刺身的家人從外地回來，要好好為他們洗塵，到極尚大喜屋吃放題，讓他們吃到飽吧！這邊的放題真的是比一般放題店高質素。先說自助區，小食、飲品、甜品種類繁多，最愛有冷熱清酒、梅酒自助取，小食有熟蝦、帶子裙邊、中華沙律、無骨鳳爪、雞腎、涼拌魚皮等等，味道都不錯，也定時加添，感覺新鮮。而任吃餐牌的食物選擇，還有些特別菜式如極品金枕頭榴槤燒、一品蟹皇小籠包拌麵、魚子柚子醬池魚王薄刺身。每位$298加一服務費的價錢，吃高質素食物，吃得值得。先來吃刺身吧！全部厚切，大大片的，擺盤漂亮。最愛吃甜蝦，Size大隻，吃下鮮甜滑滑的；虎蝦口感爽滑，但比甜蝦味道淡；赤貝爽爽的鮮甜味，越吃越想吃；三文魚又厚又有油香；希靈魚爽口、脆卜卜；帶子香而滑的口感很不錯。魚子柚子醬池魚王薄切，真的超好吃！有柚子醬微微酸甜味道，但又有池魚的鮮味，吃完再翻點，推介要試。壽司之中，最喜歡吃拖羅蓉軍艦，有入口即溶的感覺，吞拿魚油香滿滿；海膽軍艦的海膽很新鮮，一整塊放上去，鮮甜味道，吃得滿口餘香；白松露油甘魚壽司也不錯，喜歡滑溜有油香的感覺；七味芝士蒜蓉大蝦壽司，也是特別的自創壽先之一，蒜蓉配芝士香味道很夾。小食方面，極品金枕頭

旺角出名多放題食而呢間都唔例外～ 餐廳位於雅蘭中心，主打兩小時日式放題，價錢按入座時間計算，平日夜晚都full house，記得要book位！呢間有好多分店，最舒服應該係呢間，座位夠闊而且環境乾淨整潔，上菜速度好快，冇錯order，而且店員收碟都好快手，唔怕個枱冇位放嘢食👍🏻最近menu新增咗好多食物，雖然過咗季節但仲有金枕頭榴槤可以叫，大大力推介蟹黃豆苗同小籠包拌麵、咖喱羊腩煲、香煎Black Tiger Prawn 黑松露忌廉汁，無論係賣相同味道都好出色😍印象深刻嘅仲有羊架、花膠、鮮蟹粥、魚子醬鵝肝多士、芝士玉子燒、乳鴿、燒菠蘿同椰皇燕窩燉蛋白，其實已經好飽但忍唔住encore咗轉🤪刺身、壽司、串燒、燒物、炸物都係常見嘅選擇，值得一讚嘅係全部都熱辣辣上枱，一定唔會hea你！出邊仲有勁多甜品、飲品、湯品，性價比高，推介一家大細過嚟食餐飽🩷

又到食飯時間，無法決定想吃什麼時，極上大喜屋放題便是最佳選擇。餐廳提供了一個無限量供應的自助放題，盡情享受美食。從自助區到餐前輕食，從飲品到甜品，還有各式各樣的雪糕和新鮮水果，這裡的選擇繁多，絕對能滿足味蕾。除了美食的多樣性，極上大喜屋還提供了方便快捷的QR code點餐服務。不需要等待服務員，只需掃描QR code，就能輕鬆下單，節省了時間，又環保。刺身類馬刀貝：馬刀貝有著鮮嫩的質地和濃郁的海鮮味道，每一口都充滿了鮮甜的滋味。它的口感柔軟，帶有微妙的海水香氣，回味無窮。赤貝：赤貝肉質鮮嫩，帶有淡淡的甜味，口感豐潤，有著絲滑的質地。甜蝦：甜蝦有著鮮美的鮮味和豐富的甜味，肉質鮮嫩多汁，彈牙的口感讓人愉悅。北寄貝：北寄貝具有鮮甜而濃郁的味道，帶有微妙的奶油香氣。肉質細嫩，口感滑潤，每一口都能感受到它的豐富風味。北海道鮮帶子：北海道鮮帶子肉質鮮嫩，帶有濃郁的甜味，口感豐潤，帶有一絲彈性。希靈魚：希靈魚肉質鮮嫩，具有濃郁的魚香味和微妙的甜味，肉質鬆軟，口感豐富。油甘魚：油甘魚有著豐富的油脂含量，帶來濃郁的魚油味道和淡淡的甜味。肉質鮮嫩多汁，口感豐富，給人一種濃郁而滋味的享受。三文魚：三文魚肉質