極上帝王水產

營業中

休息中

我地係book左位既，帶位個侍應態度都唔差，但係帶左我地去坐喺廚房出口隔離，而我地座位隔離個櫃係擺曬啲要洗既餐碟碗各種，個環境勁污糟！之後問其中一個職員可唔可以換位（嗰陣仲未係好多客坐），個職員話仲遲啲有客唔得！之後一邊食飯一邊見到佢地丟啲污糟既碟同碗落個盆度！個櫃除左擺污糟餐碟外，仲擺埋廚房啱啱煮好既食物，見到都覺得超級唔衛生，個環境差到爆炸又唔俾換位！明明就有空位都唔肯俾人換！體驗差到爆！坐多一陣都唔想

禁止🚫左晚市堂食咁耐，終於有機會可以出去食返餐放題啦🤪🤪上網搵中左呢個放題試吓，之後網上訂位就訂左3月14黎食，諗住同男朋友過返過白色情人節之後一去到餐廳，侍應安排左一張卡位俾我哋，我地安頓好d野就出左去拎野飲，飲品種類唔算多，大部分都係汽水，我想搵支或者搵罐無糖茶都冇，連有啲放題有既荔枝紅茶嗰啲都冇，見到之後就有d失望咁求其攞咗嘢飲之後返左埋位，order左刺身，炸物，壽司，等左10分鐘，刺身終於上枱。見到碗刺身，發現落少左好多嘢，帶子又冇黎，一開始都算數，諗住再落多次單都無所謂啦。之後黎左d炸物，以為等左15分鐘，一定好熱？你哋錯啦，全部d野食都係唔熱架！我都唔知點解我等咁耐，係全部野食都唔熱。我唔知係我咁唔好彩定點，但我對呢間野真係好失望，呢餐仲要唔平架，HKD$269再加一，我真係唔會再黎。另外，我仲想講，原先網上訂座有份食物送，可以6選1，咁2個人姐係可以分別揀2樣啦。好啦，我揀左海膽同精選雪糕，一開始就上左海膽，好合理啦，之後到埋單，我問侍應仲有份雪糕，之後佢叫左我去門口拎免費普通個d韓國雪糕，姐係唔係佢餐牌上面movenpick個d，我心諗，其實佢算唔算係呃人？

我同好為食既H先生❤️覺得好耐無食過放題就襯放假又無野做出左去旺角食 以前成日去兆萬食放題 大個之後就不了🥶🤢🤮.....諗住比多次機會佢啦~~價錢***一位229$再加一***- - - - - - - - - - - - - - - - - - - - - - - -首先刺身方面除左蛋好奇怪一啲都唔似放題食嘅甜蛋(但食落去似蔥油炒蛋鹹鹹地)另外帶子唔太新鮮之外 其他都唔錯😛值得一讚嘅係刺身種類好多(≧▽≦) 刺身大概10分鐘左右就黎到 ~啊啊啊！仲有生蠔 🦪雖然係送嘅 但係都唔太差架(^｡^) 不過唔夠鮮甜 但都算好好好大隻H先生揀咗三款最鍾意嘅野食1.七味三文魚 煎得夠香又幾滑估唔到都幾入味 平時放題都好少煎三文魚食2.鹽燒活海蝦🦐 好大隻 食得出有好香既牛油味😋😋所以好香口 不過有1 至2隻就有少少霉(｡ ́︿ ̀｡)3.甜品 雪條Premium mango bar 30%🥭好甜 凍冰冰有啲似芒果沙冰 同雪凍左嘅芒果乾 超級jeng!!!!!!!!!我就覺得日本紫薯餅好好味(^｡^)夠熱 脆卜卜 有栗子係入面 仲有好甜既紫薯味🍠🍠 之後係 烤奧爾良雞翼 會少少辣同少少蜜糖味 咬落去會

🌹環境： 😁因應COVID-19, 入座前會消毒，入座時候再消毒，加分❤️😁空間度：2人坐4人枱，shopping 完，可以放袋同戰利品，加分❤️😁氣氛： 聖誕裝飾，加分❤️🌹食物：😁入座即送：（2揀1）1️⃣鱈場松葉蟹海鮮鍋2️⃣日式和牛壽喜燒揀左1️⃣，同普通打邊爐差唔多，星級火鍋list K可以加配料，但選擇唔多😁日本菜：利申（唔食魚生），朋友話同出面一般食到既質素都差唔多😁野飲選擇同出面一般放題差唔多😫泰國菜：佢個通菜好辣🥵😫甜品：得好少揀🥺🤩🤩🤩佢個燒菠蘿好有驚喜，有燒焦糖係面，脆卜卜，幾好食🌹傳菜效率：😫呢個有少少慢，有時會miss左單,但職員會幫跟番🌹店員：😁佢地都好勤力執野，態度都有禮貌，年輕職員多🌹回購度： 可以再黎既

武漢肺炎又爆過，呢餐應該係自我閉關前嘅最後的午餐~ 咁緊係要搵間勁嘅嚟食啦我第一次嚟呢間，見佢lunch可以食6 粒鐘， 咁就緊係試吓啦~ 個friend仲買埋coupon, $179+79 per head就可以咁食法， 真係痴咗線。 不過佢都應該難捱， 又爆武漢肺炎，希望佢呢d良心店可以頂得住啦 加油呀！！！我地book咗4 位， 一坐低緊係即刻叫嘢食啦~ 佢都真係好多嘢揀， 仲有得打邊爐，係咪癲架。。。。 $179+79 = $258 任飲任食6 粒鐘 抵到爛呀！！！佢d嘢都ok好食，最愛佢嘅芝麻雞翼， 我地encore咗幾次 佢都好多sashimi揀， 總之就多啦~ 我地慢慢食， 真係食咗成5 粒鐘， 唔駛好似其他放題咁好趕， 我地可以坐響度傾吓計， 食吓嘢~ 唔錯唔錯最有驚喜係佢嘅雪糕雪條櫃， 超多雪條揀， 連d貴價雪條都有， 真係冇得頂~ 遲d放監再約friend食過！！ 而家都係自己閉關先啦， 正苦一路唔封關，我地都係靠自己吧啦。。。

終於係時候要一改食放題的時間以前一向都會同朋友傾夜晚食咩時段的放題抵啲依家終於唔洗 我都好suprise 極上帝王水產可以由12點食到6點仲要價錢係$200頭同朋友係旺角要揾個靜而又野食好食仲要抵食真系真心推薦💛刺身種類多 連赤貝北寄貝呢啲少有嘅款都有甜蝦都有兩至三款仲有個限定牛肉鍋 好足料而熟食方面 唔好以為放題就一定唔會凍炸物一上口仲係熱辣辣 亦都唔會好似其他放題咁個炸粉好勁 款式亦都好多比較特別嘅係避風塘蜆 咬落去煙煙unun 又唔會特別好辣仲好惹味炸雞翼同炸年糕都OK而燒物方面比較推薦甜薯同埋羊架無任何好so 接受唔到的味道而且所有熟悉都冇嗰種雪味甜品方面有我最鍾意食嘅燒菠蘿朱古力心太軟有surprise飲品方面選擇仲好多添不得不提係舖頭嘅裝飾有啲似日本嘅居酒屋幾特別而且放題來講算坐得闊落同舒服

好耐冇食過放題又唔想夜晚同人迫就揀咗星期日晏晝黎食一坐低就送上小食同醬料除咗最熱門嘅刺身呢度仲可以打邊爐二揀一揀咗佢嘅日式和牛壽喜燒都幾大兜幾足料有牛肉金菇豆腐娃娃菜生雞蛋葛粉條唔夠食仲可以嗌多D配料繼續打依度既D刺身都算新鮮解雪做得唔錯無咩雪味重點係嗌幾多就黎幾多個人推介三文魚北寄貝大赤貝三文魚夠肥美大赤貝就好爽口放題既壽司一般都好凍同偏硬而依度既壽司做到飯粒分明鰻魚同火炙三文魚都唔錯燒羊架就失色左少少食落暖暖地唔係好夠熱炸物就熱辣辣得多食得出係即叫即炸香芋丸係我每次放題必食仲有嗌左飛天通菜試下食落有鑊氣香辣同好惹味由12點到6點食足六個鐘只係$209加一提前預約仲有95折添整體黎講性價比好高成6個鐘完全唔洗急可以慢慢食最啱同朋友黎食野吹水

自從疫情後，都冇再食過放題。今次第一次食返，係久違嘅放題呀～我記得以前嘅放題，都係只係食魚生壽司甚至係一啲日式嘅食物比較多。但係而家嘅放題已經多元化咗好多，仲有好多唔同嘅款式可以揀。無論係壽喜燒，雞煲，魚生，生蠔，小龍蝦，串燒....有得任你揀。絕對啱晒啲選擇唔到食咩嘅朋友仔。難得疫情好返啲，所以揀咗食放題，可以一次過滿足晒唔同嘅願望。呢間放題魚生好靚，賣相十分好。當然最重要最重要嘅緊係甜品同飲品，佢地嘅種類都有好多，喺雪櫃任你揀。

雖然好多張點食紙~ 但係硬係好似冇乜食咁嘅~ 始終收得二佰幾感覺質素應該再好啲~ 食完第一輪想叫第二輪已經唔係咁有興趣再 order~ 一啲有調味粉嘅熟食就太重手好喊吓~ 嘢飲方面赤小健康嘢~ 好多茶類飲品都冇~ 另外個火煱啲蟹好差又細又廋~ 完全食唔到肉~ 🤔🤔🤔

1. BOOK左時間，職員點左2次名，後面的人入哂座，於是去問職員才知道遺留左，職員仲講句: 你BOOK丫嘛早點講。真想問呢間餐廳唔BOOK位能夠WALKIN嗎？點名係廢2. 環境狹窄，拎飲品，側哂身。替職員辛苦遞食物行來行去。台又細，根本放唔落食物，即黎即食才得3. 食物難食，泰式生蝦重要是醬料，沒有提供。在街市買返黎煎一煎的餅蝦。炸類物個份很厚，4. 生菜包勁難食，肉放入不知咩醬料。5. 這間是很差的放題，永遠不會再去

放題深受港人喜愛，我也喜愛，皆因一價就可以食盡刺身、日式前菜、沙律、天婦羅、和風小食、炸物、爐端燒、壽司、手卷、軍艦、火炙壽司、多國菜、火鍋……今次去了極上帝王水產放題 !中午時段＄209+10%服務費入座即送：鱈場松葉蟹海鮮鍋～滿滿蟹膏，加少許葱花和飛魚子，味道鮮甜甘香。日式和牛壽喜燒~一口和牛，口感細膩軟滑。接著刺身拼盤～生蠔口感滑溜、蟹棒鮮甜滋味、三文魚肉質堅挺、帶子肉厚味甜、希靈魚口感爽脆、北寄貝口感彈嫩、八爪魚口感柔韌、鮑魚片、象拔蚌……全部都好新鮮。還點了其他熟食：🔅榴槤炸彈～邪惡之物，外脆內軟，不失榴槤的香味。🔅炸牛奶～外表金黃，內裡潔白，咬一口，奶香味濃郁。🔅焦糖燒菠蘿～外面塗上焦糖輕輕燒香，菠蘿多汁又解膩。🔅鹽燒海蝦～鹽味鹹度恰當，蝦肉爽嫩彈牙。🔅日本支豆、香草燒羊架、黃金燒廣島蠔……整體都好吃。飲品和甜品設自助區，隨自己喜好選擇。

以前曾經黎過一次，因為唔好食，已經blacklisted. 點知有日男朋友話朋友推介，一去到門口先醒起6點幾，裡面唔係太多客，個職員好殷勤sell. 無奈男友又唔想再搵第二間，唯有比多次機會睇下有無改善。可能疫情期間人數較少，服務比以前好左。不過座位依然極窄，高大or肥d係坐得好辛苦。上的頭盤小食好乾、雪左好耐咁。刺身雖然任點，但係好冰、未溶雪，無鮮味。火鍋煲仔上，得腸仔、菜之類加，完全唔想encore. 炸物上得好快，都熱、不過好大舊，食一舊已經好飽。最後，食物質素同味道係做餐飲最基本，但連呢樣都做唔倒⋯

與好友飯聚完全想不到食什麼🤔，又不想食西餐中餐，不如跟朋友去吃日式放題，一個價錢全包就可以任食食盡時令各式各樣的魚刺身、壽司及炸物等等。放題選擇眾多，不少日式放題有優惠，真的不知去邊間好，最後同事介紹位於旺角西洋菜街1號兆萬中心9樓的極上帝王水產放題。一入內不算多人，疫情下做足防疫設施座位都有阻隔，餐廳滿大卡位舒適私隱度高，服務員態度殷勤有禮招待，加一後每位$230非常之抵食。餐紙選擇繁多由A至S真係令我感覺花多眼亂，每一張一張看揀選了幾款刺身、炸物、手卷和必食燒和牛牛肉粒和甲羅燒。甜品和飲品都係任食任飲啦，有多款不同口味汽水仲有啤酒。這個刺身盤擺得十分之靚好豐富有廣島蠔、希靈魚、赤貝、甜蝦、帶子、北寄貝、象拔蚌、蟹柳棒、三文魚等⋯⋯非常之新鮮，我和朋友都較愛北海道帶子、希靈魚和生蠔🦪叫了兩次。生蠔很新鮮肥美, 估不到放題都可以食到咁正生蠔。炸物有我至愛食日本榴槤炸彈，入口外脆內𥚃淡淡的榴槤香味感覺滿好味，日本炸牛奶甜甜地幾好味。鹽燒活海蝦肉質鮮嫩美味。一口和牛上枱時候是結冰的，自行慢慢燒，內質柔嫩入口即溶化。甲鑼燒灰灰泥泥的蟹膏混有蟹肉，鵪鶉蛋黃，再加上蟹籽及蔥花，蟹膏濃郁鮮甜不腥。

今日同媽媽2個慶祝生日，去了這間在旺角兆萬中心的良心放題！價性比高的環境都幾靚，日式感覺有好多掛的燈及紙旗，有熱鬧的大廳及獨立的房間，燈光剛好！服務員用心友善，有禮貌又勤快，無遺留單或食物情況首先2選1個鍋：我們選了松葉蟹海鮮鍋，開了爐煮熱，湯底鮮甜，足料蟹鉗、松葉蟹棒、魚角、娃娃菜、粟米等再來寫的紙單有好多張，分類的食物可以慢睇慢點先來一盤刺身：好新鮮好大隻，生蠔好大又滑、刺身選了油甘魚、海膽、三文魚、螺肉、鮑片、生蝦、甜蝦、甜蛋等等，豐盛的刺身又來了壽司，喜歡這些細細件，可以食多啲不同款的，有火炙、手卷、卷物等，我推介汁燒A5和牛卷、牛油果軟殼蟹卷炸物及燒物都好多款又美味，即點即製，香口又滋味，喜歡熱辣辣的感覺！推薦：紫薯餅（外脆內香滑又甜美，更有一粒粒栗子粒）榴槤炸彈（榴槤味香滑，外脆內香）；燒物就愛食燒牛舌（軟腍易咬，厚身有口感）燒多汁軟軟的雞髀菇片、燒日本番薯仔（好甜好細粒可愛）最後是甜品及飲品，可以自取有多款選擇，紙盒罐裝飲品也有、甜品是韓式雪糕雪條

細個嘅時候成日嚟呢度食嘢，大個之後雖然比較少，但呢度最近做緊折扣，所以午餐都約咗朋友嚟試一試。呢度雖然收嘅價錢唔算好高，但店員嘅服務態度就真係好好。我好喜歡佢呢度嘅壽司，呢度嘅壽司有好多款式可以揀，我就特別鍾意佢嘅火炙三文魚壽司，三文魚燒得入口即溶，魚油亦都好豐富，但連埋啲飯一齊食，就一啲都唔會覺得好油膩。花之戀亦都係出色。之後我哋亦都叫咗一版海膽，海膽雖然唔係北海道嗰啲非常多汁入口即溶嘅海膽，而係選用左加拿大嘅海膽。其實一食就食得出，但以呢個價錢，食到咁樣嘅質素，其實真係好好。再之後我哋就食甲羅燒，有蟹膏同埋和牛。和牛細細舊，放上炭爐燒，有一浸炭爐嘅香味。佢呢度亦都有和牛卷可以食，醬汁亦都好香濃。最後我哋臨走前，仲叫多咗個清酒去飲。清酒好香醇，唔會好刺激，所以同朋友一齊飲嘅話，大家都會比較容易接受。甜品食咗個Häagen-Dazs。呢度嘅甜品係自助形式，但要行到出去門口先搵到個雪櫃，所以呢個位要特別留神。