207
11
7
港鐵香港大學站 B2 出口, 步行約3分鐘; 火鍋撚轉彎,入口位於日富里 繼續閱讀
所有分店 (3)
電話號碼
28781118
66809197 (WhatsApp)
開飯介紹
在室內享受大排檔的樂趣,裝修、海報都採用大排檔風格,食物亦十分懷舊,有豬油撈飯、鍋仔粥、各式鑊氣小炒等,必試煎黑松露蓮藕墨魚餅及黃金栗米。 繼續閱讀
營業時間
今日營業
17:30 - 02:00
星期一至日
17:30 - 02:00
*最後落單時間:01:00
付款方式
Visa Master AlipayHK 現金 八達通 銀聯 PayMe
座位數目
60
其他資料
網上訂座
Wi-Fi
酒精飲品
切餅費
電話訂座
賞訂座積分
外賣服務
加一服務費
以上資料只供參考, 請與餐廳確認詳情
食評 (246)
🔥楚撚記一直都係我最愛嘅中式餐廳已經食過無數次 都仍然覺得好食😋之前一直都係叫外賣 堂食反而係第一次西環店既裝修 以傳統大排檔同霓虹燈為最大特色 💡空間闊落 坐得好舒服🪑🪑而且所有菜式都係水準之上 ⬆️⬆️絕對係會再訪嘅餐廳👍👍👍***\ 🍄‍🟫香煎松露手打蓮藕餅 / ($118)店內招牌菜之一⭐️🌟一食落口已經感受到濃郁既松露味!!🍄‍🟫墨魚餅煎到金黃香脆🦑加上蓮藕粒 非常有咬口 係個人最鍾意嘅菜式!! 必點推介!!⭐️\ 🐽楚撚記原隻脆皮炸豬手/ ($166)豬皮炸到超級超級脆!! 脆得黎又唔會乾身而肉既部份鹹度適中 唔會過份油膩而且份量超多!! 🤭係非常適合搭配啤酒既下酒菜🍻\ 🌽黃金椒鹽粟米 / ($76)粟米多汁鮮甜 咬開爆汁 💦配鋪滿鹹香十足既咸蛋黃碎 非常適合送飯食!! 🍚\ 🍚楚撚豬油撈飯 / ($25) 食小菜點少得配個靚仔!!😍😍店員非常熱心咁教我哋點撈先好食!!!首先用筷子整鬆米飯加上滿滿既蔥粒同芫荽碎 之後灑上適量豬油同豉油油香味十足 非常邪惡😈 但真係好好味 忍唔住一啖接一啖咁食 🤤🤤非常有驚喜!!! 絕對係必點推介!!! ⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
等級2 2024-06-11
0 瀏覽
不嬲都聽楚撚記好出名,記得疫情嗰陣都曾經試過佢土瓜灣店嘅嘢食,雖然嗰陣係叫外賣,但食物質素都幾唔錯,即使叫炸嘅嘢食,拎到返到公司都仲係好脆仲熱辣辣,印象唔錯。適逢同同事食飯,又諗起佢嘅小菜,就決定嚟試佢西環店嘅嘢食,裝潢陳設我就唔多講啦,大家上網都見到佢裝潢行老香港風格,比返種以前食大牌檔嘅氛圍,而地方環境都企理舒服嘅。睇佢菜單食物選擇都多嘅,因為好想食熱氣嘢,所以一口氣叫咗三樣煎炸嘢食同埋一個菜同湯:1. 香煎黑松露手打蓮藕墨魚餅2. 椒鹽九肚魚3. 避風塘鮮魷4. 飛天通菜煲5. 老火菜乾煲豬肺湯1. 香煎黑松露手打蓮藕墨魚餅:煎得唔錯,落咗適量嘅油煎,咬落去表面焦脆,唔會成口油淋淋。仲有淡淡嘅黑松露味,調味剛剛好,黑松露味唔會太搶。2. 椒鹽九肚魚:唔使講又係炸得香脆,食落熱辣辣出哂煙,同坊間嘅椒鹽九肚魚唔同,佢嘅調味有少少特別,食唔出係咪加咗柚子,但食落感覺輕盈,零負擔。3. 避風塘鮮魷:一如槪往,又係炸得出式,呢碟菜係我地全晚最期待嘅菜式,而佢真係不負眾望,避風塘嘅味道好突出,亦唔係好辣,啱哂唔食得辣嘅我地。而本身無打算叫飯嘅我地,都因為要食埋啲炸蒜,而專登叫一碗飯嚟送,所以真係幾好食嘅。4.  飛天通菜煲:味道幾好,我欣賞師傅整呢道菜嘅時候唔會好似其他食店咁,整到得個鹹字,會就住調味。5. 老火菜乾煲豬肺湯:中規中矩,調味尚可,冇太勁味精。總結嚟講,食物質素嚟講係中上,三個人五碟嘢啱啱好,今次嗌咗太多煎炸菜式,個胃未有空間可以試到佢啲小炒、沙拉骨嗰啲;但對於男士嚟講,可能就要叫多幾碟。而就住服務嚟講,平日晚市見佢最早17:30就可以book枱,下一輪係19:00,如此類推,用餐時間九十分鐘。可能食早嗰輪啦,餐廳都未算多人,仲有好多吉枱,以上菜速嚟講,佢絕對係有效率嘅👍,叫完大槪十五分鐘嘢食就陸續上。見佢由18:45開始多人,可想而知,19:00嗰輪應該係最多人入座嘅,但當晚食到7點3到都唔見佢有人喺門口排隊,亦無其他食客等點位,點知都比人趕😅唯一要講嘅地方,喺用餐時間內,待應對人嘅態度係okay嘅,仲好細心咁提我地要小心枱同枱之間嘅罅隙,唔好郁到張枱。但喺接近完嘅時候,倒數分別30/15/5分鐘待應會催你交枱,前前後後比佢催咗三次,見你仲食緊嘅時候又準時交唔到枱,佢地會一致咁木無表情😶‍🌫️,喺你枱邊行下又望下,以身體語言催下你咁…睇得出,呢班同事真係好幫得老細手,大大提高高翻桌率👍 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-09
0 瀏覽
淨係呢間分店都食緊第三次,今次叫咗兩個煲仔菜,一個小菜,果然係一排冇食都仲係咁好味呀,之後都會不停返嚟,一入到去氣氛超,無論情侶、三五知己、定係一大班friend都好適合菠蘿拔絲咕嚕肉呢個都算係每一台必叫,咕嚕肉做咗梅頭嚟做,他們夠肥瘦分明,落去嘅時候除咗有焦糖化妝嘅脆皮外皮,入邊嘅肉都仲好淋滑,除咗菠蘿仲有蜜桃香爆黑椒牛仔骨煲牛仔骨一件都大大嚿,全部都比醬汁包裹住,黑椒超級香口啊,仲熱辣辣㖭,啲醬汁超級好餸飯飛天通菜煲飛天通菜夠晒入味,但係又唔會過鹹,吞咗落去之後後勁都好凌厲,啲辣味浸返上嚟,正呀今次為咗影相仲試埋佢哋嘅豬油撈飯,用完豬油再用豉油撈,勁香口!嗌埋支大啤,真係飽晒 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-03
0 瀏覽
約了先生去大排檔,突然掛起風球又落雨,幸好我們相約在楚撚記,有大排檔的風味卻又環境舒適,坐得惬意。🏅飛天通菜煲($92)🏅難忘漁港蝦醬骨($118)🏅香煎黑松露手打蓮藕墨魚餅($118)🏅楚撚記豬油撈飯($25)今晚點了兩味蝦醬菜色,滋味濃郁,非常惹味。飛天通菜煲是粵式做法,用了蝦醬、蝦乾和蒜頭放在砂鍋爆炒,一上枱已香味四溢。蝦醬骨又名海山骨,是一道無任何配料的傳統菜,簡單來說就是蝦醬炸排骨,不過現在餐廳多數用豬腩肉片來做,一粒骨都沒有,而且香脆可口,鮮美多汁。香煎墨魚餅也鬆軟彈牙,蓮藕粒切得幼細,黑松露味較重,有點搶了墨魚的風頭。最後不得不讚楚撚記的招牌豬油撈飯,豬油、豉油分開上,另有蔥粒和芫荽碎,非常細心。豬油我只是加了少少,然後加豉油、和蔥粒芫荽,拌勻後非常香,無餸都可以食一碗飯。最後還送每人一碗紅豆沙。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-03
0 瀏覽
一直都聽朋友推介楚撚記好出名今次就同朋友嚟到西環分店最緊要記得book位 真係全場爆滿🔥🥢豆漿杞子鮮腐竹浸時蔬可以選擇當日時令嘅蔬菜揀咗娃娃菜 配淡淡嘅豆漿味道好清新🥢香煎黑松露手打蓮藕墨魚餅墨魚餅好彈牙香口 食到粒粒蓮藕 又重黑松露味絕對出色嘅招牌菜 抵食夾大碟!🥢楚撚記原隻脆皮炸豬手好吸引~外皮炸得非常香脆 無骨啖啖肉 筋肉位超好食食得好爽 配大啤一流!🍚豬油撈飯初嚐豬油撈飯~倒入半枝豬油同豉油撈 加多香蔥芫荽真係超香 我完全可以就咁食晒一碗飯 繼續閱讀
(以上食評乃用戶個人意見 , 並不代表OpenRice之觀點。)