椰子樂

營業中

休息中

街口一間小店，裝修平平無奇甚至可以話係無點特別裝修過，但見到個個𡃁仔學生妹都揸住杯，大人放工又買返杯，亦有不少中年師奶呀叔都買大排長龍，湊近一看竟然不是甚麼台灣過江龍，而是本地鮮榨椰汁😳老實講門面張椰子特飲相嘅五顏六色珍珠topping有啲驚嚇，但個個都係叫特飲，有雞蛋布丁芋圓珍珠爆珠椰果😳我淆底所以淨係品嚐原味椰子汁😳同時因為太多人幫襯又得老闆一個所以需時等候，途中見十個當中有十個都係叫特飲加配料，仲要個個都叫「strawberry stars、mango stars、要多oreo、多椰絲」，企左十分鐘聽到已經識背，同時好疑惑點解個個都甘叫係咪好好飲😳應該明顯睇得出我吾係依區粉嶺友😳最後飲落味道好飲嘅，大家幫襯千祈唔好俾舖面相嚇蛭！👓鮮榨椰子汁 大杯 $20椰子味其實唔算特別重，如果同椰汁大王比當然大王較好飲因為夠重奶味偏香甜有椰子味，但會feel到係肥啲邪惡啲，而依間主要偏清新清甜。冇乜鬼少甜選擇，但甜度剛好唔會太甜，好明顯真係天然嘅味道，甜味來自椰子嘅鮮甜，完全唔係糖精或死甜味。物盡其用完全純天然，因為椰絲來自椰子肉碎，親眼望住老闆係 機 壓揸椰絲。評分：7/19

成日搭車經過都見到椰子樂，一係無開門一係排長龍搞到原本對椰子無乜興趣嘅我都想試一試今日終於有機會係附近食完晚飯經過，見無乜人即刻行埋去睇下原來得老闆一個看舖，入面光猛乾淨開頭仲周圍揾餐牌點知老闆話呢度無餐牌，你話我知想要純椰汁定椰汁特飲就好了我地揀椰汁特飲老闆會推介配料款式，如果某啲配料唔岩口味，都可以同老闆講老闆就會再俾其他建議呢個落單方式幾得意，而且過程好舒服老闆好好人，有求必應🤩重點係杯特飲好好飲超足料👍🏼性價比超高下次一定再幫襯❤️

<< Daily 豬仔為食記🐖>> 唔知大家係咪椰子汁嘅fans呢，🥥其實聯和墟一直都有一有好多小店，喺度開咗好多年，而且呢啲小店都好用心咁去做佢哋嘅食物。其中一間呢就係開咗好多年嘅椰子樂，專賣椰子嘅飲品。以前呢就開喺匯豐銀行嗰邊，而家搬咗嚟近海聯廣場呢，我就經常幫襯啦！🤣就腳！因為知道老細每次都好認真去做每一杯飲品！🥥同埋好健談！每一次呢過去，佢都會介紹有啲咩特色嘅toppings 可以加入去，老細會用介紹個日有咩新鮮啲嘅配料啦，同埋佢會為咗保持佢椰子汁嘅品質，如果你同佢講遲啲先飲呢，佢會將啲toppings 同埋個椰子汁分開裝，仲提我地要雪番30分鐘先好飲，先會係最好嘅！🌟老闆一直好用心去做佢哋嘅產品，所以一直都有好多老街坊支持，所以路過聯和墟嘅大家就可以試吓去飲佢哋嘅椰子汁，因為真係好好飲又唔會太甜，加上啲toppings都好有特色，同埋有得加椰絲同埋Oreo，仲可以同老細講你係fans！🤭🤣🤣🤟🏼不過要注意！因為我經常都見係只係得老細一個人喺度做，所以都幾比較忙碌，有時都會好多人排隊㗎，所以可能真係要等10至15分鐘先飲到一杯好飲嘅椰子飲品！😎

佢喺粉嶺開過三間分店，我由第一間分店開始飲到而家第三間分店，即係由細飲到大，佢整嘅椰汁真係好好飲，我本身唔鍾意食椰子/椰青肉/水，但係呢間鋪，佢整嘅椰汁我都會飲。👍👍👍🥥🥛

今日去聯和墟，路過椰子樂就買左杯黎飲下，每次老闆都好用心沖椰子汁，呢到既椰子汁係我最鍾意飲既椰子汁有分唔同size既杯裝，仲可以選擇要唔要椰絲同配料（珍珠，布甸果啲）我呢杯係超大杯，揀左唔要椰絲唔要配料既，咁大杯兩個人share都得良心小店要多多支持

由搬舖前已經幫襯過好多次，呢間嘅椰子同配料都係由老闆同徒弟由台灣運黎香港，絕對唔係街邊連鎖店貨色！每次老闆都會介紹當日新鮮配料同配搭，好細心，因為每杯都係老闆即叫即沖，所以會等耐左，但絕對物超所值！我每次都會叫特大杯加兩款配料，而且一定要加椰絲！都係26蚊，fans仲添3蚊添！我最鍾意就係芋圓同芒果爆爆珠，不過今次錯過左老闆推介嘅黑芝麻布丁，佢話有下round，下次一定要試到！今日試左芋圓加芋圓布丁🍮

第一次去叫咗超大杯特飲都幾抵飲老闆會推薦配料搭配選擇（配料類仲有雞蛋布甸可以揀🥰）配料量多另外可以加埋椰絲（雖然我個人對椰絲一般般，但依杯加埋椰絲個層次感真係唔同哂）值得推薦💛

💛上網見到椰子樂係黃店💛特登去聯和墟支持下！小店只有老闆一個人，同埋老闆勁有heart，每杯都即打，絕不馬虎！所以都排左十分鐘隊見到Menu剩係得鮮榨椰子汁同鮮榨椰子汁特飲，不過冇寫可以落咩配料。問老闆有咩配料可以揀，佢話佢幫我特製一杯最後佢推介芋圓同布甸芋圓咬落去口感煙韌，每啖都食得出芋頭、番薯同紫薯嘅味！個人認為真係必試老闆見杯野咁多料 仲特登拎咗個特大杯裝 話驚我唔夠椰汁飲見我戴口罩 最後走嗰陣 老闆仲細細聲同我講左句加油💛五大訴求 缺一不可

是日到粉嶺探望嬸婆並在她家吃飯，席間得知附近有家她很推薦的椰子汁，離開的時候便過去買一杯喝。店子在球場旁邊，若不是有人推薦也不會留意到這家小店，到達時有幾位客人在等。點了一杯超大杯裝$23，加椰絲免費，還可以免費加OREO，若果要加珍珠便要多付$3，遵循簡單原則，我選擇只加椰絲。 由於現點現做製作需時，故要在店外等一下。等候期間，看看店面的店舖介紹，原來小店已經開業9年了，有些材料是店家由台灣帶回來的，很有誠意哦。還有一段資料介紹椰子的藥用價值，對人體的好處...等等。終於拿到椰子汁了，啜一口嚐味，有椰子鮮香，口味不夠濃郁，解渴是不錯的。 因為加了椰絲，若大口吸啜會容易嗆到，喝時要小心哩。實在很懷念當年天樂里與摩利臣山街交界的<和昌>椰子汁啊！

喺聯和墟嘅呢一間台式飲品椰子樂！ ！ ！ 係新鮮椰汁加埋台灣配料由我小學飲到出嚟做嘢大大話話佢都搬左三四次鋪，但依然屹立不倒主要係用鮮榨椰汁配合唔同嘅配料我仲會嗌多椰絲，濃味啲又有口感另外芋圓都係我最愛 細細粒咁又好煙韌另外佢仲有珍珠啊爆爆珠椰果等等嘅配料俾我哋選擇佢仲設有唔同嘅size 有超大杯裝飲完相當滿足嗰度嘅老闆都好好人 相當友善會介紹佢唔同嘅配料同埋mix and match 迎合返我哋嘅口味同埋喜好老闆仲成日收平我哋哈哈不過咁多年都見佢好似係小本經營唔知會唔會有一日可以開多幾間分店甚至連鎖

今天，我們剛巧來到了粉嶺，當然少不了周圍看看有沒有什麼好吃的。我本身十分喜愛椰汁，上網見到很多人說這家椰子樂的是真材實料，於是便慕名而來。原來搬了新的地址，感覺像更開揚，然後我點了這杯大杯的椰子汁，還得到老闆的推介，我有幸品嚐到限量的黑芝麻珍珠。我看到老闆在製作的過程中加入了椰絲和牛奶布丁，使這杯簡簡單單的椰子汁充滿了層次而且椰香也是真材實料絕無花假，老闆也十分健談，和我們分享他的心得，過程十分愉快，建議大家到粉嶺必定要來試試呢！

買左兩杯大杯嘅椰汁特飲 🥥老闆超好人 開頭我地唔知加咩配料好佢係咁推薦我地加咩好飲仲收平我地錢👏🏻👏🏻大大杯野飲 又快手👍🏻飲完好飽😋下次會繼續幫襯🤤

有一次諗住買外賣， 咁岩剛過呢間椰子樂，之前見網上都有人介紹過， 就打算試一試啦～店內個女仔態度超好，仲好有禮貌。本來我叫左一杯椰子珍珠，但因為珍珠賣晒既關係，我就是但點左杯彩色既，個女仔話幫我溝返似珍珠，當其時因為落緊雨， 其實我都聽唔清楚佢講咩， 就話是但啦～試完味道真係唔差，好多椰果， 超重椰子味，如果鐘意椰子味既，一定要去試下最後，真係要大讚個女仔態度好好啦，平時既小店，真係唔會咁好態度，有機會會再去