椰子樂

營業中

休息中

Omakase 店長推介 💰32（超大杯裝）因為係即叫即開即制嘅鮮榨椰汁🥥，所以椰汁係自然嘅甜味，係偏淡嘅甜🤔，飲杯淨椰汁應該幾啱消暑解渴🌞有啖啖椰絲外，仲有各種口味嘅爆爆珠、珍珠、布丁、仙草同椰果等配料，份量非常多，配料好有咬口，布丁、仙果同椰果好滑順，大件夾抵食，推😻如果想消暑解渴嘅，可淨叫椰子汁🤔如果想邪惡之選，可自選配料/Omakase店長推介😈#香港美食 #美食推薦 #美食日記 #粉嶺 #粉嶺美食推介#椰子 #椰汁控 #椰奶 #Mcdonald #椰子樂 # 板町椰汁#foodie #latte #coconut #coconutdrink #hongkongfood #hongkongfoodie #fanlingfood #hongkongfood #hongkongfoodie

剛剛搬入粉嶺，就聽到朋友介紹椰子樂呢間小店。話老闆娘好好人飲品又好飲，所以特登去試吓初初入到去咩唔識，睇menu都睇左好耐。老闆娘好忙都仲好用心介紹，最後嗌咗椰子特飲。老闆娘仲送左個仙草比我地試試味道唔會話死甜，亦都飲到有椰子味，配料好多又大大粒，誠意十足味道都好好飲，好抵飲。小店值得推介祝長做長有

喺巴士站附近，呢間舖頭專買椰汁，大家可以揀唔同嘅配料，包括芋圓，珍珠，椰果，蘆薈等等。飲品可以選擇細杯，大杯，或者特大杯。大杯賣$26 ，特大杯賣$29 ，所以選擇特大杯比較化算。有店員都好精心調配，所以等候時間比較耐，椰汁椰子味唔算好重，但係因為無添加嘅關係，所以會太甜。，椰汁裏邊有加入一啲椰絲，飲嘅時候會增加口感同埋有一絲絲嘅少少甜味。而且凍飲嘅冰都係椰子味嘅冰，所以啲冰融左之後都唔會溝淡本身椰汁嘅味道。好適合喺夏天作為一杯透心涼嘅飲品。

一直覺得聯和墟係最多隱世小店嘅地方！除咗有雞脾包 豬手麵 腸粉等等今次就去咗間朋友推介嘅椰汁特飲店！店舖即使係平日下午嘅時間 都有唔少附近放工放學嘅街坊落嚟排隊買～朋友話唔想等嘅話 可以wts落單同預留配料！店內椰汁係用原個新鮮椰子鮮榨 即叫即制 絕無添加任何罐頭椰漿❗️如果嫌純飲椰汁好單調 可以加唔同配料變一杯大特飲( ¯ᵕ¯ )♡配料除咗平時常見嘅珍珠 雞蛋布丁 愛玉 仙草等等仲有各式各樣唔同味道嘅爆珠同布丁又或者好似有選擇困難症嘅我咁 直接叫老闆幫手調製 只要你講有咩要求就得ฅ๑̅‪꒳๑̅)話就話揀1至2款 但老闆有求必應 盡量滿足客人要求 充滿人情味！🥥 鮮榨椰汁特飲 $29飲落偏淡 靠配料帶出返啲甜味同口感 不過唔會似其他舖 一飲就係罐頭椰漿嘅死甜( ⩌⤚⩌)配料份量都 非 常 多 ！當下午茶咁食就非常滿足 好過飲其他廢水～🤣比起味道 呢到會令我再訪嘅 絕對係老闆對客人嘅態度 真誠咁有人情味嘅小店都越嚟越小～絕對明白點解有唔少街坊會去買！如果去開 不妨可以支持一下！希望下次試到朋友推介嘅小丸子(ㅠ-ㅠ)👅味道：2.5/5💰性價比：4/5👀回頭率：3.5/5

專程搭車去試下，小店係球場隔離就算唔係粉嶺人都好容易搵。老闆一人經營，每個order 即叫即整好新鮮👍 三十幾度飲返杯真係好正。雞蛋布甸 好滑有陣香甜既焦糖味 同椰汁mix 埋勁夾，芋圓有唔同口味，綠茶既茶味幾出，亦都好有咬口。 老闆勁nice 仲會建議埋加d 咩野料可以再好味d 🥰 重點係所有料既量都唔少。小店人手有限，但有service 又有quality 都只係lee 個價錢。就算要等下都值la, 真係十個推薦👍👍

聯和墟一遊結尾就飲依一間椰子汁專賣店做尾聲。老闆係非常之好客，由於我唔熟餐牌所以問老細有咩推介。佢推介左當日佢即煮嘅配料再配合佢即場榨嘅椰子汁。一飲非常清涼，二配料非常好食令我唔經唔覺好快飲完一杯。

睇到好多影片分享網站既片，黎聯和墟試食都會利是飲呢間椰汁。椰子樂由我細細個喺出邊球場踢波就已經飲過，今次黎認真試飲影相，睇下同以前有冇分別。今次買咗兩杯淨椰汁，因為覺得加咗其他配料好似試唔到佢嘅原汁原味。老闆一如既往服務態度一流。因為諗住一杯即場飲一杯買俾屋企人飲，老闆好好地叫我哋返去要雪15分鐘先😂詳情忘記了。然而即場飲個杯 飲得出係幾新鮮嘅飲品，亦都feel到佢好足料。但唯獨係椰子味唔係幾飲得出🙈奶味有小小蓋過咗。拎返屋企飲個杯可能我哋雪得唔好，未到已經完全及唔上即買即飲個杯。總括而言，以椰汁來講味道也許及唔上以前，但呢個價錢買到一杯新鮮調製嘅飲品同埋老闆好好嘅服務，都值得既。

粉嶺聯和墟新鮮即榨椰子汁 喺聯和墟應該超出名 見到幾多人排隊 實測竟然排左一個鐘 今次實測有啲百感交集 突破我嘅極限 所以詳細少少記錄今次體驗.呢日大概1900夜晚嚟到見到大概有四至五個人排緊店內就只有叔叔一個人忙緊排左大概10分鐘 叔叔問：排左杯未？眼見在場最少排緊10幾杯 叔叔一個人都幾忙排咗大概40分鐘 終於開始揀配料‼️呢度有一個最大賣點 係佢哋嘅配料（點解賣點係配料 而唔係新鮮椰汁後面再講）餐牌上面寫住 可以自選一兩種配料👍🏻但係叔叔勁nice 基本上你選擇幾多款 其實佢都會俾你所以在場每位顧客 都選擇四五款以上好多顧客都叫老闆配料分開杯上😱最後滿一杯配料 😱加¾杯高杯椰汁 😱超級抵飲而我就懶諗 直接叫咗omakase 老闆推介而老闆就講 呢杯叫⭐️repeat王 飲完一定返轉頭（入邊主要加咗 珍珠 榛子 榛子超級甜 超重榛子味 好似飲緊金沙咁）.雖然老闆忙到爆 但都係一手包辦🤦🏻‍♀️帶住手套做晒以下所有嘢收錢 排杯 睇有冇客電話落單 再榨汁 包裝.再講返呢間招牌 賣點係新鮮即榨椰汁🤔係用左平時好硬嗰隻海底椰 連外層啡色椰殼絲🤔再加水喉水 一齊攪拌打汁 再隔渣後俾你飲除此之外 佢

╹ 椰子樂 - 粉嶺 Fanling╹#tori粉嶺ʅ前排mm介紹過聯和墟嘅美食 呢間鮮榨椰汁特飲店🥥就係其中之一 睇完勁想試!!真。三顧草蘆後 終於朝聖到🤩✨每杯椰汁都係由老闆親自製作 落足心機整每一杯 又會問客人鍾意啲咩配搭～推介最好飲嘅combo！🔔‼️提提大家：由於椰汁每日限量供應 唔想摸門釘就當日WhatsApp老闆64172220 落定order啦😉ʅ🥥仙草芋圓黑糖珍珠椰汁（超大杯裝） ($26) (9/10分)喺咁熱嘅天氣底下🔥☀️清爽解渴嘅椰汁真係完勝奶茶🤤椰子汁十分清甜 就算加咗配料 椰子汁香味依然突出🥰超大杯裝可以兩個人share（好飽！配得上一碗鮮芋仙甜品🍮）芋圓、黑糖珍珠口感煙韌 加上嫰滑嘅仙草 口感更有層次😍‼️ʅ 📍椰子樂粉嶺聯和墟和泰街69A泰昌樓地下A舖ʅ#hkig #hkiger #hkigshop #hkigfood #hkfoodie #hkfood #hkfoodblogger #hkgirl #hkcafe #hkiger #hkcafe #foodie #kowloonfood #hkislandfood #fanling #fanlongfoo

椰子汁就飲得多，加左料既椰子汁你又飲過未？😗🥥鮮榨椰子汁特飲$26（超大杯裝）26蚊想加咩料都得，正常系加1-2樣，但老細任你加都得，只要你同老細講聲就ok,老細都幾nice,不過老細逐杯都比心機沖，所以想飲既朋友仔需要比d耐性去等！老細尊重每個客人，佢會問埋要唔要椰子渣，而杯椰子汁系無加椰漿，所以飲落去唔會好甜，加埋配料，增加杯野既咬口，$26非常之抵飲！好飲指數：8.2/10———————————————————————🏠 椰子樂 (粉嶺)📍粉嶺聯和墟和泰街69A泰昌樓地下A舖#香港美食 #吃貨 #打卡 #相機食先 #椰子汁 #手搖飲料 #粉嶺美食 #飲品推薦 #hongkong #hongkongfoodie #hongkonggoodfood #food #foodssss___

-{粉嶺椰子特飲🧋}三顧草廬 終於試倒🥺😭😭太感動喇💓🤤鮮榨椰子汁🤤 ($23)超 級 大 杯😋睇住即叫即榨 我個杯有大甲芋頭 九份芋圓同埋仙草 芋圓好煙韌😘🥳芋頭係新鮮冇加任何野嘅原本嘅芋頭味 仙草好滑🥰 椰子汁香濃😚👖褲評: 8/10店家好似omakaese咁係咁推薦配料配搭😂😂😂老闆都好好人毫不吝嗇杯杯都好足料😍但我嚟咗第三次先有開舖😌依度老細電話可以whatsapp或者signal order: 64172220✨性價比: 10/10服務: 10/10環境: nil🚩 椰子樂 🚩地址: 粉嶺聯和墟和泰街69A泰昌樓地下A舖 #fuudjai #fuudjai粉嶺 #fuudjai茶飲

超級失策 唔記得咗影相飲到最尾先醒起 Holy...sh...算啦 唔緊要 最重要杯野係好唔好飲我係買$23特飲 先講講個椰汁 甜度適中唔係杰到漿口個款配料有好多款 俾你揀完全唔需要加錢老闆one man Band逐個逐個serve 佢每個客都勁有心機同你推 今期主打咩配料可惜我唔食爆珠 好耐冇食芋圓 睇過之前啲評語佢係有芋圓 但見過配料list上面冇寫度問老闆有冇 佢話有😍😍😍佢再推介埋小丸子真心 鍾意食軟糯嘅 一定要叫老闆同我講係九份入貨搞到我勁掛住台灣我冇叫寒天 但係佢幫我加咗少少佢話配搭埋寒天 食落去個感覺唔會咁漿口最後老闆同我講 收$20 話我係fans其實我係第一次嚟 << 當然冇透露啦我冇接受佢嘅好意 話晒打開門做生意一杯嘢飲都係$23 更何況自己有做嘢而家生意難做 真係唔多呢啲有人情味嘅良心小店買幾多杯 先可以為到鋪租同人工如果山長水遠入到黎 真係要試一試佢這小店值得支持

街口一間小店，裝修平平無奇甚至可以話係無點特別裝修過，但見到個個𡃁仔學生妹都揸住杯，大人放工又買返杯，亦有不少中年師奶呀叔都買大排長龍，湊近一看竟然不是甚麼台灣過江龍，而是本地鮮榨椰汁😳老實講門面張椰子特飲相嘅五顏六色珍珠topping有啲驚嚇，但個個都係叫特飲，有雞蛋布丁芋圓珍珠爆珠椰果😳我淆底所以淨係品嚐原味椰子汁😳同時因為太多人幫襯又得老闆一個所以需時等候，途中見十個當中有十個都係叫特飲加配料，仲要個個都叫「strawberry stars、mango stars、要多oreo、多椰絲」，企左十分鐘聽到已經識背，同時好疑惑點解個個都甘叫係咪好好飲😳應該明顯睇得出我吾係依區粉嶺友😳最後飲落味道好飲嘅，大家幫襯千祈唔好俾舖面相嚇蛭！👓鮮榨椰子汁 大杯 $20椰子味其實唔算特別重，如果同椰汁大王比當然大王較好飲因為夠重奶味偏香甜有椰子味，但會feel到係肥啲邪惡啲，而依間主要偏清新清甜。冇乜鬼少甜選擇，但甜度剛好唔會太甜，好明顯真係天然嘅味道，甜味來自椰子嘅鮮甜，完全唔係糖精或死甜味。物盡其用完全純天然，因為椰絲來自椰子肉碎，親眼望住老闆係 機 壓揸椰絲。評分：7/19

成日搭車經過都見到椰子樂，一係無開門一係排長龍搞到原本對椰子無乜興趣嘅我都想試一試今日終於有機會係附近食完晚飯經過，見無乜人即刻行埋去睇下原來得老闆一個看舖，入面光猛乾淨開頭仲周圍揾餐牌點知老闆話呢度無餐牌，你話我知想要純椰汁定椰汁特飲就好了我地揀椰汁特飲老闆會推介配料款式，如果某啲配料唔岩口味，都可以同老闆講老闆就會再俾其他建議呢個落單方式幾得意，而且過程好舒服老闆好好人，有求必應🤩重點係杯特飲好好飲超足料👍🏼性價比超高下次一定再幫襯❤️

<< Daily 豬仔為食記🐖>> 唔知大家係咪椰子汁嘅fans呢，🥥其實聯和墟一直都有一有好多小店，喺度開咗好多年，而且呢啲小店都好用心咁去做佢哋嘅食物。其中一間呢就係開咗好多年嘅椰子樂，專賣椰子嘅飲品。以前呢就開喺匯豐銀行嗰邊，而家搬咗嚟近海聯廣場呢，我就經常幫襯啦！🤣就腳！因為知道老細每次都好認真去做每一杯飲品！🥥同埋好健談！每一次呢過去，佢都會介紹有啲咩特色嘅toppings 可以加入去，老細會用介紹個日有咩新鮮啲嘅配料啦，同埋佢會為咗保持佢椰子汁嘅品質，如果你同佢講遲啲先飲呢，佢會將啲toppings 同埋個椰子汁分開裝，仲提我地要雪番30分鐘先好飲，先會係最好嘅！🌟老闆一直好用心去做佢哋嘅產品，所以一直都有好多老街坊支持，所以路過聯和墟嘅大家就可以試吓去飲佢哋嘅椰子汁，因為真係好好飲又唔會太甜，加上啲toppings都好有特色，同埋有得加椰絲同埋Oreo，仲可以同老細講你係fans！🤭🤣🤣🤟🏼不過要注意！因為我經常都見係只係得老細一個人喺度做，所以都幾比較忙碌，有時都會好多人排隊㗎，所以可能真係要等10至15分鐘先飲到一杯好飲嘅椰子飲品！😎