椰子樂

粉嶺的「椰子樂」是一個我心中的寶藏，從中學時期每次來附近都一定會光顧，老闆調配的特飲總讓我期待不已。特飲都是由老闆從不同地方選購材料，再調配最合適的配搭，讓每杯飲品都帶有一份獨特的風味。最近我再次造訪，點了最愛的布丁。這次老闆建議加點珍珠和羅蔔臣啫喱，果真是一個驚喜的選擇！椰汁的濃烈與清新的椰絲相得益彰，珍珠的嚼勁和柔滑的布丁完美融合，令人每一口都忍不住陶醉。如果你也愛椰子，這裡絕對不容錯過！「椰子樂」不僅是一杯飲品，更是一次難忘的味蕾旅程。每一次的造訪都如同再一次品味幸福。…查看更多

在粉嶺的椰子樂，這裡的椰子鮮榨椰汁特飲讓人一試難以忘記。今次叫左椰子特飲配士多啤梨布甸和雙莓爆珠，這款特飲不僅顏色繽紛，還散發著濃郁的椰子香氣，好好飲。飲品的基底是新鮮榨取的椰汁，口感滑順，天然的甜味與清新的椰子味交織，讓人感受到椰子的純粹與新鮮。在這新鮮的椰汁中，士多啤梨布甸帶來了一絲酸甜，豐富了整體的味覺層次。布甸質感細膩，入口即化。搭配的雙莓爆珠更是讓整體味道昇華，當咬破爆珠的瞬間，莓莓汁彈出，瞬間充滿口腔，帶來驚喜的口感。…查看更多

炎炎夏日☀️一杯冰涼飲品絕對是消暑良方🌬️除了風靡一時的台式茶飲，鮮榨椰汁亦是不少人的心頭好🥥———————————————————————店家在客人面前將鮮榨椰汁隔渣倒入杯中，真材實料一目了然😎椰香味道雖然不算濃郁，但勝在天然純粹😙不會甜膩頗為清新👍🏻椰汁特飲備有多款台灣手搖配料可供選擇🤩當中不少是非常少見，食客可挑選其中兩款配搭✌🏻這次所選的綠茶椰果有淡淡茶香🍃口感爽彈👌🏻仙草亦夠彈牙嫩滑，整體表現未算驚艷但合格有餘😙———————————————————————椰子樂的椰汁清爽怡人🌱配搭各款配料令人更是滿足，不失為盛夏解暑的一個好選擇⛄️…查看更多

椰子樂位於粉嶺聯和墟的隱藏小店，經好友推介黎到粉嶺試飲，此店主打新鮮即開即榨的手工椰子汁，完全不加罐頭椰漿，保持椰子天然的清香與微甜。老闆選用的椰子肉的厚度和水分充足，令椰汁香氣濃郁且口感滑順，喝起來一點也不膩，十分自然。店內椰子汁的配料豐富多樣，包括晶瑩剔透的珍珠、軟糯的布丁、口感跳跳的爆爆珠和新鮮手工椰絲，這些配料各有特色，令整杯飲品口感層次更豐富。椰絲細膩且帶有椰肉的香氣，與椰汁融合得恰到好處，珍珠Q彈有勁，布丁柔滑入口，爆爆珠則在口中爆開果味汁液，為椰汁增添趣味。整體飲品甜度適中，椰汁底微甜不腻，中，完全是夏日消暑的好選擇。…查看更多

Blingbling美食推介✨🥥椰子樂粉嶺超人氣椰汁✨💠💠💠💠💠💠💠💠今日係呢頭行完山，記得之前睇過網上有人介紹，所以就特登黎試下~ 下午5點黎到都人山人海！黎到諗緊想要咩配料既時候，記得同老闆講聲排定杯先啊！可以排左杯先，如果唔係就有排等架啦！老闆超級nice同熱情！見我第一次黎好迷茫咁就提議我要咩~同埋原來要幾多款配料都係同一個價錢！！好驚喜！！我最後揀左鷄蛋布丁，黑糖珍珠同埋由老闆發板😹😹(sorry我都唔知道老闆加左咩比我😹😹)不過椰汁同配料好夾，真係好味既~餐廳環境：【外賣】服務質素：🌸🌸🌸🌸🌸/5食物味道：😋😋😋😋😋/5 性價比：💰💰💰💰💰/5椰子樂📍 粉嶺聯和墟和泰街69A泰昌樓地下A號舖…查看更多

見到有人大推呢杯椰汁 🥥我住咁近都冇留意過呢間嘢 同埋好耐冇飲椰汁所以要過嚟飲番杯先🥤原來已經扎根咗粉嶺17年 真係唔知道😅呢度用新鮮椰子鮮榨而成 再加入唔同配料價錢都好抵 比起坊間嘅手搖飲品超大杯裝都只不過係$32😻點咗一杯超大杯裝我見只可以揀一至兩個配料一開始就揀咗布丁同埋仙草老闆聽到 話覺得咁樣配合唔好味🧐所以佢就幫我揸主意 變左真正嘅omakase😅最終佢係加咗唔止兩隻配料落去另一杯就點咗椰子汁 細杯裝佢會問你介唔介意加唔加番啲椰子絲如果你唔想食到碎 咁就唔好加了🙂‍↕️我哋杯嘢有爆珠、珍珠、愛玉仲有唔知咩😂味道有啲蓋過咗椰汁唔知道本身椰汁有冇落糖同埋奶椰汁底唔係好甜 配料都幾好味飲完唔會好膩 但唔係好飲得出椰子味道不過個人想飲到椰汁味多啲如果你都係 咁就點純椰汁算了但係佢都唔似坊間賣椰汁嘅感覺可能出邊其他店係因為加咗罐頭椰漿以呢個價錢黎講 真係冇得輸👍🏻消暑飲返杯都唔錯😚仲有老闆都幾Nice同好客😊小店果然係有人情味多啲💕…查看更多

呢間粉嶺聯和墟嘅手搖店真係好正！我今日去咗試吓佢哋嘅椰汁特飲，真係嘆為觀止呀！老闆真係有心機，佢話將新鮮椰汁同台式手搖嘅配料mix埋一齊，整到啲飲品又靚又好味。我叫咗個椰汁特飲，個杯嘅賣相已經吸引到我眼球啦！睇過以前嘅報導，話佢哋嘅椰汁係人手劈開新鮮椰子整㗎，仲要將啲椰肉打碎，有啲攪成沙冰，有啲就打成汁。最抵讚係連隔渣後嘅椰絲都唔嘥，加返落去增加口感，真係一啲都唔浪費！最重要係唔會太甜，飲完都唔覺得漏。總之呢間店真係值得一試！$32蚊一杯，價錢都幾公道。如果我下次去聯和墟行街，一定要去飲多杯。…查看更多

Omakase 店長推介 💰32（超大杯裝）因為係即叫即開即制嘅鮮榨椰汁🥥，所以椰汁係自然嘅甜味，係偏淡嘅甜🤔，飲杯淨椰汁應該幾啱消暑解渴🌞有啖啖椰絲外，仲有各種口味嘅爆爆珠、珍珠、布丁、仙草同椰果等配料，份量非常多，配料好有咬口，布丁、仙果同椰果好滑順，大件夾抵食，推😻如果想消暑解渴嘅，可淨叫椰子汁🤔如果想邪惡之選，可自選配料/Omakase店長推介😈#香港美食 #美食推薦 #美食日記 #粉嶺 #粉嶺美食推介#椰子 #椰汁控 #椰奶 #Mcdonald #椰子樂 # 板町椰汁#foodie #latte #coconut #coconutdrink #hongkongfood #hongkongfoodie #fanlingfood #hongkongfood #hongkongfoodie…查看更多

剛剛搬入粉嶺，就聽到朋友介紹椰子樂呢間小店。話老闆娘好好人飲品又好飲，所以特登去試吓初初入到去咩唔識，睇menu都睇左好耐。老闆娘好忙都仲好用心介紹，最後嗌咗椰子特飲。老闆娘仲送左個仙草比我地試試味道唔會話死甜，亦都飲到有椰子味，配料好多又大大粒，誠意十足味道都好好飲，好抵飲。小店值得推介祝長做長有…查看更多

喺巴士站附近，呢間舖頭專買椰汁，大家可以揀唔同嘅配料，包括芋圓，珍珠，椰果，蘆薈等等。飲品可以選擇細杯，大杯，或者特大杯。大杯賣$26 ，特大杯賣$29 ，所以選擇特大杯比較化算。有店員都好精心調配，所以等候時間比較耐，椰汁椰子味唔算好重，但係因為無添加嘅關係，所以會太甜。，椰汁裏邊有加入一啲椰絲，飲嘅時候會增加口感同埋有一絲絲嘅少少甜味。而且凍飲嘅冰都係椰子味嘅冰，所以啲冰融左之後都唔會溝淡本身椰汁嘅味道。好適合喺夏天作為一杯透心涼嘅飲品。…查看更多

一直覺得聯和墟係最多隱世小店嘅地方！除咗有雞脾包 豬手麵 腸粉等等今次就去咗間朋友推介嘅椰汁特飲店！店舖即使係平日下午嘅時間 都有唔少附近放工放學嘅街坊落嚟排隊買～朋友話唔想等嘅話 可以wts落單同預留配料！店內椰汁係用原個新鮮椰子鮮榨 即叫即制 絕無添加任何罐頭椰漿❗️如果嫌純飲椰汁好單調 可以加唔同配料變一杯大特飲( ¯ᵕ¯ )♡配料除咗平時常見嘅珍珠 雞蛋布丁 愛玉 仙草等等仲有各式各樣唔同味道嘅爆珠同布丁又或者好似有選擇困難症嘅我咁 直接叫老闆幫手調製 只要你講有咩要求就得ฅ๑̅‪꒳๑̅)話就話揀1至2款 但老闆有求必應 盡量滿足客人要求 充滿人情味！🥥 鮮榨椰汁特飲 $29飲落偏淡 靠配料帶出返啲甜味同口感 不過唔會似其他舖 一飲就係罐頭椰漿嘅死甜( ⩌⤚⩌)配料份量都 非 常 多 ！當下午茶咁食就非常滿足 好過飲其他廢水～🤣比起味道 呢到會令我再訪嘅 絕對係老闆對客人嘅態度 真誠咁有人情味嘅小店都越嚟越小～絕對明白點解有唔少街坊會去買！如果去開 不妨可以支持一下！希望下次試到朋友推介嘅小丸子(ㅠ-ㅠ)👅味道：2.5/5💰性價比：4/5👀回頭率：3.5/5…查看更多

專程搭車去試下，小店係球場隔離就算唔係粉嶺人都好容易搵。老闆一人經營，每個order 即叫即整好新鮮👍 三十幾度飲返杯真係好正。雞蛋布甸 好滑有陣香甜既焦糖味 同椰汁mix 埋勁夾，芋圓有唔同口味，綠茶既茶味幾出，亦都好有咬口。 老闆勁nice 仲會建議埋加d 咩野料可以再好味d 🥰 重點係所有料既量都唔少。小店人手有限，但有service 又有quality 都只係lee 個價錢。就算要等下都值la, 真係十個推薦👍👍…查看更多

聯和墟一遊結尾就飲依一間椰子汁專賣店做尾聲。老闆係非常之好客，由於我唔熟餐牌所以問老細有咩推介。佢推介左當日佢即煮嘅配料再配合佢即場榨嘅椰子汁。一飲非常清涼，二配料非常好食令我唔經唔覺好快飲完一杯。…查看更多

睇到好多影片分享網站既片，黎聯和墟試食都會利是飲呢間椰汁。椰子樂由我細細個喺出邊球場踢波就已經飲過，今次黎認真試飲影相，睇下同以前有冇分別。今次買咗兩杯淨椰汁，因為覺得加咗其他配料好似試唔到佢嘅原汁原味。老闆一如既往服務態度一流。因為諗住一杯即場飲一杯買俾屋企人飲，老闆好好地叫我哋返去要雪15分鐘先😂詳情忘記了。然而即場飲個杯 飲得出係幾新鮮嘅飲品，亦都feel到佢好足料。但唯獨係椰子味唔係幾飲得出🙈奶味有小小蓋過咗。拎返屋企飲個杯可能我哋雪得唔好，未到已經完全及唔上即買即飲個杯。總括而言，以椰汁來講味道也許及唔上以前，但呢個價錢買到一杯新鮮調製嘅飲品同埋老闆好好嘅服務，都值得既。…查看更多

粉嶺聯和墟新鮮即榨椰子汁 喺聯和墟應該超出名 見到幾多人排隊 實測竟然排左一個鐘 今次實測有啲百感交集 突破我嘅極限 所以詳細少少記錄今次體驗.呢日大概1900夜晚嚟到見到大概有四至五個人排緊店內就只有叔叔一個人忙緊排左大概10分鐘 叔叔問：排左杯未？眼見在場最少排緊10幾杯 叔叔一個人都幾忙排咗大概40分鐘 終於開始揀配料‼️呢度有一個最大賣點 係佢哋嘅配料（點解賣點係配料 而唔係新鮮椰汁後面再講）餐牌上面寫住 可以自選一兩種配料👍🏻但係叔叔勁nice 基本上你選擇幾多款 其實佢都會俾你所以在場每位顧客 都選擇四五款以上好多顧客都叫老闆配料分開杯上😱最後滿一杯配料 😱加¾杯高杯椰汁 😱超級抵飲而我就懶諗 直接叫咗omakase 老闆推介而老闆就講 呢杯叫⭐️repeat王 飲完一定返轉頭（入邊主要加咗 珍珠 榛子 榛子超級甜 超重榛子味 好似飲緊金沙咁）.雖然老闆忙到爆 但都係一手包辦🤦🏻‍♀️帶住手套做晒以下所有嘢收錢 排杯 睇有冇客電話落單 再榨汁 包裝.再講返呢間招牌 賣點係新鮮即榨椰汁🤔係用左平時好硬嗰隻海底椰 連外層啡色椰殼絲🤔再加水喉水 一齊攪拌打汁 再隔渣後俾你飲除此之外 佢哋可以選擇加椰絲🤔即係加埋上面啲椰渣 椰殻絲落去👎🏻一個負皮嘅位係 椰渣相當硬 同大粒🤮係果種飲完會 卡喉嚨 唔舒服嘅感覺亦都因為椰渣相當硬 唔係打成椰漿呢種椰子 平時燉湯兩個鐘都未必出味👎🏻所以其實椰味唔重 加完水甚至 可以話淡🤔主要只係飲到配料 糖 同罐頭奶嘅味道.同埋佢地寫住絕不添加罐頭椰漿 人工色素不過佢哋會加糖 同罐頭奶而果堆 色彩繽紛 既珍珠 布甸 爆爆珠就唔多講啦.試完呢間 覺得其實直接用罐頭椰漿 會仲好.整體評價超級差店舖優點係配料 亦都成咗佢嘅缺點如果落咗配料 就更加飲唔到鮮椰味平時鍾意輕鬆飲幾杯飲品既我竟然飲唔晒而要等待一個鐘呢一點 成為最後一根稻草成功進入 以身試伏 記錄入邊呢間應該好多人鍾意 睇完求大家高抬貴手.#hkfunfoodrecord窮遊香港#hkfunfoodrecord_粉嶺#hkfunfoodrecord以身試伏.#椰子樂 (粉嶺)地址：粉嶺聯和墟和泰街69A泰昌樓地下A舖.⭐️評分：味道：1.5/5 環境：-/5服務：-/5抵食：3/5 其實多配料真係好正 $20-$30都唔貴.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #粉嶺美食 #麵包店 #泡芙 #聯和墟美食 #雞髀 #飲品 #椰子汁…查看更多