椰子日記 (已結業)

椰子食品 香港一直都唔算流行 近來對於喜歡吃椰子的我 有一個喜訊 就係 椰子日記 係香港開業啦👍🏻巴西莓碗 屬店家的特式椰子碗系列之一，動用十數粒新鮮士多啤梨，打碎後加入冰塊，再高速攪拌混和，變成沙冰狀態，再放入椰子碗中，椰子選用海南島直送到香港，海南椰子較挺身，椰香味更濃，然後加上新鮮原粒藍莓和士多啤梨，使整個鮮果味道更突出，清甜中帶酸味，夏天消暑首選，椰子碗更可再用來做椰子雞湯，一物兩用，CP值更高喔。雪絨奶蓋四季春 把椰子水融入奶蓋中，做到有香濃椰子味道的奶蓋，少了一般的芝士味，換來更特別的椰香味，配上清純冰冷的四季春茶底，一香一淡，帶來獨特的味覺享受，又一消暑之選喔。椰奶藍水晶 聽說是店家的開山作品，測試多種配搭後得出的誠品，為客人帶來「希望為枯燥忙碌的都市帶來椰意」的意思，於鮮榨椰奶裡面加上海藍色啫哩，有點兒波子汽水味道，雪白中的海洋流般，打破了傳統椰奶予人的印象，如夢幻一般的飲品。 招牌原味椰凍 椰奶混和椰子水放入椰子碗中，經冷凍處理後變成挺身啫喱狀態，再加上炸椰肉，每口口感豐富，又香脆又軟綿綿，椰子味非常重，沒有另外加糖，完成是椰奶的甜味，清甜有口感，是健康的選擇。📍椰

椰子日記係一間專門賣椰子食品同飲品既店舖。提供堂食同埋外賣兩種選擇。呢次一共試咗1樣嘢，值得一提嘅係呢兩種食品都係用新鮮既椰子殼來做容器既。今次試左呢一款飲品：鮮榨椰奶+薏米燕麥雙拼（$32）鮮榨椰奶+薏米燕麥雙拼：椰汁同埋奶嘅比例十分之完美，細細品嚐嘅時候，品嚐到椰汁嘅香味同埋甜味，而同時間亦都唔會比奶味蓋過咗。而燕麥同埋薏米係沉於飲品嘅底部嘅，相比椰奶，味道會較甜。但同埋椰奶味道非常之夾。超級好飲，可以話係我飲過既最好飲嘅椰汁。呢款飲品健康得來又好飲！超級推薦👍👍👍👍👍

這間椰子日記明顯椰子便是店內的主角，店子少少，只有一張很細的枱，多數都是外賣吧。新開張，店主很細心介紹他們的產品，有椰子凍，椰子碗，椰奶雪糕，鮮榨椰奶等多款甜品及飲品都是由椰子做成的，椰子控必試。經過店主細心介紹下，選了兩款椰子凍系列，一個是芒果西米椰凍，一個是雜果芋圓椰凍，賣相吸引，用上椰子殼盛著，椰子凍用上椰青水做成，食落清甜，雜果芋圓椰凍的面層放上QQ的芋圓，芒果粒及火龍果粒，生果粒切得精緻。而芒果西米椰凍則舖上芒果粒及爆滿的西米。兩款椰子凍味道清新健康，好適合夏天食用。我會比較鍾意雜果芋圓椰凍，因為QQ的芋圓多了一份口感。外賣的椰子凍包裝相當精美。另外買了兩杯飲品，一杯是椰奶藍水晶($35)，白色配上藍色，配撘很美，藍水晶是用上碟豆花製成的一條條果凍，配上椰味濃郁的椰奶。除了椰奶之外，還有乳酸或奶茶飲品，點了一杯西柚乳酸菌($27)，味道是一杯西柚味的益力多，不錯啊。

看到Facebook ad上介紹，專程一試。可惜是外賣店，店面太小只有2個企位。除雪糕飲料可帶走，椰子碗糖水比較不便，附近沒有地方可坐下來吃。除以上問題，椰子產品選擇不少。質素很好，味道美椰香味濃。下次會再來大愛椰子友的朋友值得一試Highly recommend to everyone who love coconut 🥥🥥🥥Suggest bring a sliver spoon for easy to eat xDDD

椰子碗係外國已經好出名，而家連油麻地都有得食啦，即刻變咗網紅打卡甜品！店舖非常易搵，油麻地地鐵站一出轉左就係椰子日記，呢間鋪頭本身係一間外賣店，但旁邊都有少量企位可以堂食！我哋叫咗個網紅椰子碗（黃金海岸椰子碗） $50呢個椰子碗係採用原隻椰子🥥連殻，一邊刮走椰子肉放上芒果、香蕉加上軟綿綿嘅沙冰組合而成，拎住呢個椰子玩嘅時候彷彿就有一種喺夏威夷嘅感覺！另外我哋仲叫咗招牌椰子凍 入邊嘅芒果西米椰凍$44呢個椰凍鋪滿芒果和西米，依個底亦有好多椰子粒，好清甜，芒果紅嘅真係唔可以錯過另外我哋亦叫咗兩杯野飲一杯係椰香雪絨四季春$29同埋椰奶藍水晶$35呢個四季春茶底係無糖嘅，當然如果你想加糖亦都會有不同甜度可以自由選擇，呢度嘅奶蓋好重椰子味，相信有椰子味嘅奶蓋真係全港得呢度先有！另外椰奶藍水晶嘅藍水晶非常彈牙，水晶通常都係透明狀，但係呢度用上藍色嘅藍水晶令到整杯嘢飲色彩繽紛，飲起嚟都開心啲！

以前經常見到有椰汁賣，幾蚊柸，但近年比較少見。經過見到呢間新開的「椰子日記」，一定要買柸飲吓！選擇唔少啊，除咗椰子飲品/甜品，仲有其他如鮮果乳酸菌。🥤椰奶藍水晶賣相非常吸睛最底層是碟豆花粒粒，入口即溶，碟豆花本身是冇味，特別之處是「靚」！除了是天然染色劑外，亦有抗氧化及抗炎之功效！🤭椰奶唔會好甜，好香呢！🥤鮮榨椰奶+椰青水果凍就是椰奶加紅火龍果，椰奶真係好香！每飲一啖就會飲到紅火龍果粒粒，唔錯！🥥雜果芋圓椰凍賣相滿分！橙黃綠粉紫黑白，色彩繽紛，好啱炎炎夏日食！芒果蓉，火龍果加芋圓，健康又有o趙口！生果下面係椰凍，是布甸與啫喱的混合口感，又香又清甜！🥥甜蜜桃膠椰凍嘩！面層全是桃膠，夠洒滋補，下層的椰凍就唔使再多講，正！可以外帶㗎！將個椰子碗用保鮮紙包完再放入膠盒，完全唔會瀉漏，仲好美觀呢！我覺得。。夏日炎炎，送椰碗俾人食比送cake更吸引！

近來看到有一間以椰子作賣點的店舖，開設於油麻地，當然要去一試啦。來到時店舖簡潔，以簡單的裝潢反而襯托出其樸實。店內當然是以椰子作主要賣點，多款食品都是以整個椰子上桌。不只這樣，而且賣相也十分吸睛，如：黃金海岸椰子碗、冰島藍椰子碗等...真係睇得又食得。而且為了方便下單，更設有QR Code 自助落單服務，免了排隊等候的時間。椰子碗冰淇淋 - $33椰子碗來到時，已聞到香噴噴的椰香味，證明真的貨真價實。後來查問後，原來是以新鮮椰果肉自制的。椰子碗椰味濃郁，而且更加上了香脆的椰茸椰粒，有口感之餘，更不失其椰香。椰奶藍水晶 - $35一飲下去椰奶味香濃，而且喝下啖啖的藍啫喱時，更有點像喝波子汽水般，口感爽彈。

而家周街都係台式飲品店，有時都會飲到厭，好彩俾我發掘左呢間新開既椰子日記！店鋪主打用椰子製成既飲品都甜品！甜品仲係原個椰子上，食完可以將個椰子拎番屋企煲湯🤣甜品主要分為椰凍同椰子碗，椰凍係以用椰漿造成既奶凍做底，面層加上唔同配料，椰子碗就係原個椰子放入唔同水果，岩哂想食甜野又怕唔健康既人！最特別係呢度有椰子造成既奶蓋，不過今次未有肚試，留番下次再飲！我同朋友因為岩岩食飽飯，所以只係叫左個招牌雙層椰凍同一杯鮮榨椰奶加芋泥青稞雙拼。雙層椰凍上層係椰青水整既啫喱，下層就係椰奶製奶凍，啫喱食落清甜，奶凍就椰味濃郁啲，仲幾滑👍🏻面層既係烘乾左既椰肉，好脆口，加埋椰凍一齊食口感更豐富。鮮榨椰奶配芋泥青稞，椰奶入口順滑，不會過甜！芋泥綿密，同椰奶非常相襯。青稞係一粒粒透明珠，口感煙韌，第一次食又幾有趣。而家天氣咁熱，可以一路行街一路拎住個椰子食真係好爽😎

琴日同朋友係油麻地發現左間專賣椰子嘅小店 平時港島區先會見到嘅açai bowl估唔到竟然而家連油麻地都有有得食到仲要係超級貼地價 點可以唔試🤭.〰️巴西莓椰子碗〰️食落先知原來係莓果沙冰底 唔稱得上healthybowl但聽老闆講佢絕對係用足料沙冰底係用上新鮮士多啤梨同埋藍莓打成食落酸酸甜甜好開胃 冰冰涼涼好解暑夏天食呢個真心透心涼又健康.〰️黃金海岸椰子碗〰️另外一款係由芒果 香蕉 熱情果做基底因為芒果香蕉都係偏甜嘅生果所以呢款式多嘅甜都會比上一碗嘅莓味高但食得出佢係天氣嘅生果嘅清甜上面仲有帶微酸嘅冰凍冰菠蘿粒 好消暑中間仲放左成半個熱情果 老闆真係好揼本🤭.除咗椰子碗佢哋仲有主打椰子凍同其他飲品系列每個都係用上真。椰子做造型打卡呃like真心一流好有gimmick又健康去個時老闆勁熱心介紹又會問下客人意見真心好有心 好欣賞呢啲小店 經過會再食☺️

近日油麻地開咗一間新野「椰子日記」，小店主打健康椰子產品，椰子由海南直送，有食得又飲得，大受對奶有敏感人士同埋椰子控。果然係網紅椰子碗，單睇賣相已經好吸引。前面呢碗 coconut bowl 係叫「巴西莓碗」，以新鮮士多啤梨及藍莓打做沙冰作底，冇加添加劑及糖，再以生果襯托，十分天然。味道好fresh，食完令人好清爽，感覺好健康。後面果碗係「招牌原味椰凍」，用椰子水及椰奶製成，絕冇加糖，在椰凍面鋪上香脆椰茸，令椰子味更濃，而且非常飽肚。飲品方面都好多選擇，有椰香雪絨系列、鮮榨鮮奶、鮮果乳菌同奶香系列。當日我飲咗佢哋嘅皇牌推介「 鮮榨椰奶+椰青水果凍」，生果粒粒是飲品師發版，今次我呢杯加上紅肉火龍果，味道清甜有好椰子味，解渴佳品。至於朋友就喜歡飲奶茶，所以點咗杯小確幸，平時用綠茶底，今次轉咗用紅茶底，味道都不錯，茶味同椰奶味都平均，加上有少量珍珠同啫喱，飲得又食得，好過癮。

雖然就黎到中秋，但天氣仲係好熱，行完旺角想同朋友一齊食個tea涼爽啲，見到呢間新開嘅甜品店就試下～由於我地都好口渴，每人叫左一杯飲品：奶蓋茶系列原來呢度嘅奶蓋嘢飲都係用椰奶整，夠曬特別，而且好香，顏色好適合打卡我地仲叫左個椰子雪糕share，椰子碗冰淇淋初時以為粉紅色係士多啤梨味，原來都係椰子味。同之前食過嘅椰子雪糕唔同，佢個啲有椰絲，又唔會好甜，食完冇咁有罪惡感因為外面突然落雨，冇帶遮嘅我決定留多陣，所以除咗雪糕，我地再一人一樣椰子甜品。我叫咗個巴西莓碗，係酸酸地嘅沙冰不過個別士多啤梨太酸，牙齒敏感可能就要避一避我朋友嗰個係招牌雙層椰凍原汁原味，啲椰子水整成嘅果凍酸酸地下面果層甜嘅，同時食會好啲食完啲甜品同飲品，成個人涼爽晒呢間甜品店我整體都會比70-80分，仲有嗰20-30分係可惜冇得坐低慢慢嘆啲咁正嘅甜品（得企位）；啲士多啤梨唔當造唔夠甜（不過其實酸酸地再襯番啲甜嘅沙冰都中和到嘅）；同埋人多嘅時候要等一段時間

炎炎夏日 突然好想食番碗冰凍又解暑嘅甜品 我個朋友係椰子控 咁啱行過嚟敦道見到呢間以椰子做主打嘅甜品店 唔理三七二十一即刻衝入去食呢度嘅招牌菜式是椰子凍及椰子碗 賣相同埋造型真係好別緻好吸精 椰子嘅外殼做碗 椰子內嘅水用來製作甜品 完全沒有浪費整個椰子甜蜜桃膠椰凍$52女士恩物養顏桃膠份量有好多 充滿膠質 滑捋捋 凍冰冰 透心涼 食完頓時覺得火氣全消桃膠底下有椰子凍 口感好似食緊啫喱咁 有好重嘅椰子及椰漿香味 質感非常細滑金海岸椰子碗$50呢個係用椰漿及椰水打成嘅水果沙冰 黃金海岸命名 所以食材都用咗黃色做主題 包括鮮菠蘿 芒果及熱情果 非常夏日消暑嘅甜品 感覺清新又健康部分飲料都是加入椰子作為元素 感覺新穎 大眾嘅台式飲料已經飲到有點悶 試試新產品 結果有相當大的驚喜椰奶藍水晶$35這杯是店內的王牌飲品 蝶豆花造成嘅啫喱呈現湖水藍色 漂亮非常 味道有啲似飲緊波子汽水 又帶點薄荷香味 清爽夏日嘅感覺 最適合這個炎炎夏天椰香雪絨四季春$29芝士奶蓋平時就飲得多 上面係椰子嘅奶蓋真係未試過 感覺非常有趣 椰子嘅泡沫香氣十足 建議先飲用上層嘅泡沫 質感比較厚重 然後再飲綠茶 馬上有種解渴嘅效

今日去果欄買野之前見到對面馬路開左間叫「椰子日記」既舖頭，所以就行去睇下係咩東東！原來係賣有關椰子既甜品、飲品！大熱天時飲下凍野，食下凍野係唔錯既！椰奶藍水晶，睇到個顏色好治癒，有種望住清涼海水的感覺！藍色水晶其實係用上碟豆花黎調色，所以沒有什麼味道，椰奶好香椰子味，但飲落又唔會有一種好漏的感覺！四季春椰子奶蓋，呢度的奶蓋同出面最大分別，便是這裡是用上椰奶去整的，飲落有淡淡的椰香，加上飲品冇加任何糖份，使飲品有種清新的感覺！甜蜜桃膠椰凍，兩者都係對皮膚好的食材，桃膠有養顏的作用，他們加了點點黑糖調味，一啲都唔甜！椰奶凍順滑，香椰奶味！巴西莓碗，呢款係近期好hit既椰子碗，有士多啤梨同埋藍莓整成的果蓉，上面再士多啤梨、藍莓同埋椰絲作裝飾，酸酸甜甜又冰涼，超解暑呀！聽老闆講佢地冬天仲會推出椰子燉湯，好期待呢！

有成2個月無食甜品，咁啱今日約咗好朋友出街，就去咗椰子日記度嘆個下午茶我同朋友每人各自都嗌咗1款甜品同1款飲品1) 巴西莓碗$56 裏面由藍莓同士多啤梨同椰子幾款水果打成，口感似雪芭，好重藍莓味，味道非常清新2) 椰子碗冰淇淋 $33 冰淇淋有2款口味，係椰子味同士多啤梨味，好香椰子味，佢嘅雪糕口感好特別，唔太甜3) 紅豆布丁奶茶$27 因我非常鍾意食紅豆同布丁，所以我覺得呢杯奶粉好好好好飲，加埋布丁落去令口感好滑，紅豆一粒粒，分量唔少，最重要係唔會太甜4) 椰奶藍水晶 呢杯飲品顏色係漸變藍色，杯底係波子味道嘅汽水，再加上面嗰層係椰奶，味道方面咁樣配搭其實好清新

最近油麻地開左一間最新網紅店“椰子日記” 以椰子為主題既甜品店 有3大類別分別係*椰子奶凍* *椰子奶茶* *椰子特飲*裝修風格清新簡單 又有好吸引的圖片參考 而且店主好熱情芒果西米椰凍 $44(好味指數: 😋😋😋😋)椰凍好清甜 食得出無添加糖 係椰子本身既清甜感覺 好香椰香味 而芒果西米真係百搭之選 配咩都係甘夾雜果芋圓椰凍 $44(好味指數: 😋😋😋)雜果有芒果配火龍果 如果雜果有更多種類芋圓更加Q彈就更好巴西莓碗 $56(好味指數: 😋😋😋😋)網紅之選 藍莓草莓沙冰 一放入口立即透心涼 而且食得出真粉實料而且用心制作 每一粒草莓都雪過真正既100%原粒草莓冰 係椰子碗面仲鋪左椰子肉乾多一份口感多一份咬口椰奶藍水晶 $35(好味指數: 😋😋😋😋😋)超夢幻既白色加藍色 底下既藍色水晶係用碟豆花做成既啫喱 絕對係天然色素 聽店主講好多客人都食到唔到既感覺同味道 而我就食到'可爾必思'乳酸味 同椰奶好夾😍(5分為最高)整體食物質素: 性價比:推薦指數: