影片
更多
2019-09-11
60 瀏覽
而家周街都係台式飲品店，有時都會飲到厭，好彩俾我發掘左呢間新開既椰子日記！店鋪主打用椰子製成既飲品都甜品！甜品仲係原個椰子上，食完可以將個椰子拎番屋企煲湯🤣甜品主要分為椰凍同椰子碗，椰凍係以用椰漿造成既奶凍做底，面層加上唔同配料，椰子碗就係原個椰子放入唔同水果，岩哂想食甜野又怕唔健康既人！最特別係呢度有椰子造成既奶蓋，不過今次未有肚試，留番下次再飲！我同朋友因為岩岩食飽飯，所以只係叫左個招牌雙層椰凍同一杯鮮榨椰奶加芋泥青稞雙拼。雙層椰凍上層係椰青水整既啫喱，下層就係椰奶製奶凍，啫喱食落清甜，奶凍就椰味濃郁啲，仲幾滑👍🏻面層既係烘乾左既椰肉，好脆口，加埋椰凍一齊食口感更豐富。鮮榨椰奶配芋泥青稞，椰奶入口順滑，不會過甜！芋泥綿密，同椰奶非常相襯。青稞係一粒粒透明珠，口感煙韌，第一次食又幾有趣。而家天氣咁熱，可以一路行街一路拎住個椰子食真係好爽😎
店鋪主打用椰子製成既飲品都甜品！甜品仲係原個椰子上，食完可以將個椰子拎番屋企煲湯🤣
甜品主要分為椰凍同椰子碗，椰凍係以用椰漿造成既奶凍做底，面層加上唔同配料，椰子碗就係原個椰子放入唔同水果，岩哂想食甜野又怕唔健康既人！最特別係呢度有椰子造成既奶蓋，不過今次未有肚試，留番下次再飲！
我同朋友因為岩岩食飽飯，所以只係叫左個招牌雙層椰凍同一杯鮮榨椰奶加芋泥青稞雙拼。
雙層椰凍上層係椰青水整既啫喱，下層就係椰奶製奶凍，啫喱食落清甜，奶凍就椰味濃郁啲，仲幾滑👍🏻面層既係烘乾左既椰肉，好脆口，加埋椰凍一齊食口感更豐富。
鮮榨椰奶配芋泥青稞，椰奶入口順滑，不會過甜！芋泥綿密，同椰奶非常相襯。青稞係一粒粒透明珠，口感煙韌，第一次食又幾有趣。
而家天氣咁熱，可以一路行街一路拎住個椰子食真係好爽😎
張貼
