森記粥店 (南昌街) (已結業)

今晚夜回家，去Foodpanda訂外賣， 竟然有個咁差嘅經驗， 而且投訴無門，foodpanda嘅服務差到極點，唔肯退款和賠償， 真係半夜三間都要上嚟寫食評，唱衰呢個foodpanda同呢間森記粥店! 花咗大半個鐘訂外賣，嘢都唔食喺度等外賣，竟然送貨延遲，等咗大半個鐘都未來，明明說20分鐘內到， 仲要明明寫咗地址，都發訊息嚟問地址! 😠 而且食物嚟到全部都有問題， 打開碗田雞碗粥竟然有幾條頭髮，一啖都唔敢食，實在極恐怖!😱🤬🤬🤬 而且腸粉和炸兩都係酸餿味，初時唔知係因為腸粉定豉油!， 後來係發現那些黐埋一pat，粉團咁嘅腸粉和炸兩粉皮， 一陣酸餿味， 完全入唔到口! 🤮🤮🤮一打開韭菜豬紅，啲湯污濁到飛起， 豬紅碎濕濕，韭菜得幾條仲要淋曬! 成間舖冇樣 食得落肚，好恐怖， 收到呢啲垃圾食物之後完全冇曬胃口! 咁樣盛為$141! 仲未收到退款，foodpanda嗰啲客服又冇人回應!  立即黑名單這間店! 並準備去食環署和消委會投訴!

夜媽媽肚餓唔想食m記就入去食碗粥啦，不過我唔應該expect 太過高，因為我相信分錢分貨概念。豬腰田雞粥，有d稀。。。。。水多過米，同埋豬腰碎到無乜咬口同無甜味，田雞無肉食既，食d骨，3x蚊碗粥如同白粥般淡而無味，加多少少胡椒粉先有返d味。呢份炸両真係心照，呢個時候我知油炸鬼一定唔會係新鮮即炸，但你拎入微波爐釘下都得掛，而家咩天氣咩溫度呀，凍到d油益味岀曬嚟，個腸粉皮好似玻璃粉咁又唔滑！我食左2件放棄左了。

叫左一個豬潤腸粉，啲粉好厚，都算，成個腸粉得三舊豬潤，食左咁多間腸粉店都未試過。離譜到一條腸粉一舊豬潤，我係叫豬潤腸粉，唔係叫齋腸窩，你收我豬潤腸粉嘅價錢，但係比我齋腸嘅質素，以後都唔會再幫襯

唔舒服咗幾日，想食碗粥，呢間森記粥店喺正我屋企樓下，開嘅時間又長， 又平 不過我本人喺身體健康嘅時間係從來唔搵粥食嘅， 對上一次我買就係老婆病， 今次就我病老婆買畀我， 所以對我嚟講食粥都唔知係好定唔好，哈哈。呢度食碗一般嘅粥，例如艇仔粥，豬紅粥，及第粥嗰啲， 加個齋腸，佢有套餐都係26蚊 ，外賣就加兩蚊， 佢粥底棉滑， 用料都尚算充足 ，齋腸份量都幾夠， 麻醬甜醬芝麻自己落。 因為病咗幾日肚空空 ，覺得一碗粥加個齋腸唔夠，就嗌多個蘿蔔糕， 但變相就唔係咁抵啦 ，蘿蔔糕要15蚊 ，而且講真， 因為我想食清清地，所以揀蒸嘅， 味道就真係麻麻，冇乜必要大家可以唔使買。