森美餐廳

營業中

休息中

第一次幫襯，剛好2:30有下午茶及午餐。著重健康, 我選了三文魚牛角包$40, 肉食系老公選擇黑毛豬午餐$60。三牛角包賣相吸引, 大大件的，夾有芝士鮮茄，味道不錯。餐飲另加十元升級為焦糖咖啡, 味道較淡, 冇焦糖味, 失望。午餐附有南瓜湯及餐包, 湯品有水準, 餐包細細, 但最出色, 內軟外脆，配牛油甚佳。黑毛豬有肉味，獻汁調味適中, 不錯。另包餐飲咖啡, 味道竟與我的加錢咖啡差不多, 今次笨了。慶幸埋單不設加一。另要讚讚餐廳環境, 枱椅之間寬敞，裝潢富心機, 侍應殷勤抹枱，以這價錢能享受休閒舒適的一餐, 滿足已。

餐室位於馬路旁，看見路上泊車在旁，看著街景，環境很舒適呀，內部裝修亦很雅致簡單，看見牆上推介 $88.- 澳洲安格斯牛扒，就試試吧。 冰咖啡，味道不錯，坐下遊魂放空好地方，餐湯份量不多，但亦都不錯，麵包熱辣辣，但牛扒上枱就失望了，牛扒煮過籠，浪費掉。。。可惜可惜，會比多次機會，再試試其他菜式。如果飲嘢，吹水，一個人靜靜坐坐，亦是好地方。

荃灣地膽一定對開業20年嘅森美餐廳不感陌生，近來老闆嘅仔仔們係舖頭樓下，即係華都中心地下開左一間同樣叫森美餐廳嘅工業風Cafe，夠曬寬敞足夠容納50人，坐得舒服之餘又可以一瞥街景。Menu方面雖然同舊店一樣走西餐路線，菜式方面卻有80%不同，更加西化，不拘一格，有炸魚薯條、安格斯牛肉芝士漢堡等Causal Food、牛肉眼扒等大舊肉、西班牙風腿凱撒沙律等小食，想重溫舊森美的味道，亦有招牌脆燒德國咸豬手，呢個絕對係我嘅飛佛，我一定會重臨大戰佢一場！菜式大大碟，如有可供6人食用的2kg美國斧頭扒，方便一家大細Share。食材都upgrade，如牛油果蟹肉沙律用上了羽衣甘藍，又有波士頓龍蝦漢堡，正值時令，蝦膏爆燈。想係到飲杯野chill一chill又得，店子落重本設置一部價值7萬嘅咖啡機，除咖啡、花茶外，仲引入英國手工汽水，由天然香草發酵，英國古法汽水比一般可樂味道更濃更自然。 用2磅以上嘅豬手，所以夠曬厚肉唔欺場，工序都唔少，需隔日風乾、焗完再炸，外層超級香脆，肉質食然Juicy，伴自製的紫椰菜酸菜。我一定會再去Encore一下。波士頓龍蝦正值時令，非常多膏，爽口鮮甜，配自製千島醬、蕃茄、

記得第一次幫襯森美餐廳係大約5年前, 因為朋友邀請食晚飯, 他介紹了荃灣一間食德國咸豬手的餐廳, 試了真的很滿意!之後, 雖然間中都會幫襯森美, 但也不知道原來最近它在地面開了這麽大間裝修華麗的餐廳! 一入餐廳, 門口附近放了很多精美的擺設。裡面用的枱櫈跟裝修配合但很好, 很有風格!我們一行四人點了多道菜色, 由沙律, 到多款Starter, Pasta, 及Main Course。每一款的份量十分, 賣相亦一流, 比舊店更為出色! 我強烈推介脆燒德國咸豬手及脆炸大咖菇配黑松露汁! 呢度有環境有食物質素, 絕對適合大型朋友聚餐或搞派對!

有次經過見到呢間餐廳裝潢幾靚，好似坐得幾舒服，咁就去試吓點知叫咗三樣嘢，全部不合格，強差人意我都好少寫食評，不過呢間令我不得不寫，免得多人中伏1. 西班牙風乾火腿哈蜜瓜，Parma Ham 完全無香味，選用平價低級食材，好un, 咬不斷2. 安格斯牛肉芝士漢堡，個麵包好難食，牛肉一般，唔知點解會整到咁3. 炭燒黑毛豬扒，聽個名，好期待，點知未食齋睇個樣就知中咗伏中之伏，豬扒絶對不是黑毛豬，同樣是十分平價食材，第一，不是炭燒，純粹煎，好多油，塊扒好多筋，切不開，也咬不斷，十分失望盛惠360, 無下次

森美餐廳，是一間家庭式餐廳。這間新店，環境比之前的大，裝修你之前的舒適闊落！凱撒沙律的沙律菜幾新鮮牛扒咬到牙都軟，配菜的焗蒜頭好一般芝士蛋糕好食，＄20一件，幾抵食又幾好食。如果想喺荃灣坐得舒舒服服，同朋友傾計，都是一個好選擇。但食物就一般。

九月初嘅一個下午，約咗朋友食下午茶，佢提議去到呢一間新開嘅餐廳，唔係佢講都唔知道原來森美餐廳去多咗一間分店。入面嘅裝修好舒服，木製嘅枱櫈帶點田園風。下午茶時段，客人不多，有一種悠閑嘅感覺，可以同好友坐低慢慢嘆一個tea。下午茶選擇都算頗多，有13款之多。牛油果牛角包餐$40雖然係下午茶嘅時段，食物display一啲都唔馬虎，牛角包烘得微暖香脆。牛油果同埋入邊嘅蔬菜都好新鮮。跟餐嘅飲品非常特別，平時最常見就係檸樂，你呢度竟然有香橙可樂。杯入邊已經擺放左切好嘅香橙片，飲法同檸樂相似，香橙嘅味道可以自己調校。呢個飲品真係第一次飲，幾新奇有趣。總括嚟講價格相宜，可以一試。

本來去隔離轉彎間咖啡店，但係冇冷氣位，坐出面唔惦，朋友話見呢間叫cafe，是但喇，咁就入去叫咗兩個下午茶， 雖然40蚊唔算平，想飲杯咖啡啫，咁我就叫咗一杯expresso，一個牛油果、 蘑菇 croissant套餐, 個croissant係熱同埋脆嘅!,隔離仲有一小堆green salad，仲有 balsamic vinagre. 杯espresso 就正過Pacific coffee 好多倍喇！蕳直同係法國飲嘅差唔多。

同男人搵地方食lunch, coffee絕不能少🙅🏼🙅🏼泊好車，路過見到尼間舊式商場地下嘅新式西餐廳，裝修偽文青得黎，空間感算高，好似好舒服甘，唔洗迫迫夾🙈🙈🙈眼睛叮一叮😻😻😻就決定試下啦，果然無失望❤️❤️❤️我哋叫左兩個set, 包餐茶,咖啡，但cappuccino 同 Latte 果啲要加錢，不過都ok, coffee好正。。。。食物不過不失，環境舒適👍🏻👍🏻回頭率都十分高！！！

一行5人喺荃灣車廠打完羽毛球🏸🏸，見到對面開咗一間新餐廳名叫"森美餐廳"...見到個環境好舒適就入去試吓！☺️☺️因為打完羽毛球，我哋五個好似生積咁叫咗：重量級炸魚薯條＄118炸魚夠新鮮香脆，外脆內軟，一d都無魚醒味，魚肉嫩滑，薯條勁多多到食唔晒，果然係重量級！脆燒德國鹹豬手$188呢個德國燒得啱啱好，皮脆肉嫩，大大隻豬手，肉質唔鞋，好味，有質素！菠菜三文魚意粉$108一上枱以為上錯咗，點解成碟都係菜喺上邊？原來啲菠菜遮住晒啲三文魚意粉，呢個好flesh 的感覺，唔錯！牛油果蟹肉沙律$108都幾多牛油果同蟹肉，但略嫌菜少了一點😅😅我呢個食草怪嚟！parma ham melon$88呢個無特別跟住叫咗每人一支特色飲品都唔錯可以一試！環境舒適座位寬闊，服務員態度有禮，成日會加水，可以再嚟！

難得可以約齊4個好朋友仔聚一聚梗係要搵個好地方，試下新餐廳先，好在一早訂定位啫！未到8點已經差不多滿座，近門口嘅擺設公仔估計全部都係店主嘅收藏，忍唔住要影多幾張相!!環境好舒服，侍應好有禮貌咁為我地介紹菜式，仲同我地有講有笑好親切每一款食物都為我地帶嚟驚喜!海苔蜜糖雞翼好香，香辣蜆肉意粉出色，森美沙律最多配料好吸引，12安士西冷牛扒Juicy，意想不到嘅配菜竟然有燒菠蘿仲有好多款特式咖啡同梳打汽水，咖啡仲有拉花好靚呀抵食指數爆燈💡💡💡💡原來開業只有一個月多，已經有咁多客人捧場真犀利!唯有係位置比較難形容俾朋友聽，因為位於商場外面，我一定會約朋友仔嚟多幾次飯局😋

好友介紹，荃灣新開咗間美式工業風嘅cafe，嗱嗱聲相約飯局，遠少少都無所謂啦！餐廳走kidult路線，滿壁限量版玩具，裝修都值80分。落單，點咗：牛油果蟹肉沙律-蟹肉份量略少，但係配上羽衣甘藍，超健康呀！蜜糖雞翼-正常水準白酒藍青口-配上大量洋蔥、茄乾，精彩！煙三文魚意粉-意粉略嫌太淋，無乜咬口，可能迎合大眾口味香草羊架-火喉控制得宜，鮮嫩juice炸豬手-皮脆肉嫩，送啤酒一流（可惜未有酒牌，要行幾步去幫襯惠康）配菜燒菠蘿極之出色，早知單點一客。反而原粒蒜頭未焗至變蓉，仍帶苦澀味。最後加杯焦糖咖啡（焦糖味太搶，冚咗唔少咖啡味）同牛乳蛋榚作完美句號。整體嚟講，勝價比極高嘅餐廳，遠少少都會再嚟！

荃灣開左間近cafe!地方都算大! 裝修都幾靚! 今日去食左個午餐!和風鰻魚飯一向勁鐘意食鰻魚既我當然覺得不錯!厚厚身既鰻魚~幾好味!但係員工態度就差左dd..我地一行3人, 坐張4人枱! 2個坐sofa, 一個坐對面...咁我同友人坐sofa果邊都話風吹得好勁!可唔可以調位呀...(有多餘位置的)佢就叫我[ 咁你坐對面囉! 我有少少突然架!友人已經坐左係我對面, 咁我又點樣再坐對面呢?> 坐大脾?都唔知好嬲定好笑~

If you live in Tsuen Wan, I recommend you to go to this restaurant . It has comfort seats and yummy food. The design of the restaurant is a bit weird; the logo is hidden inside the restaurant. Hope you will enjoy its tasty amazing food! hope you agree with my content above when you taste the food!

忌廉蜆肉三文魚意大利粉蜆肉同三文魚份量唔算少味道唔錯意大利粉嘅軟硬度適中份量啱啱好醬汁配搭不過不失如果有更多蟹籽則更佳重量級炸魚薯條炸魚薯條夠脆唔會好油有兩款醬料提供燒法國春雞(半隻)雞肉口感唔「鞋」醬汁都幾入味雖然半隻燒春雞睇落唔多但食落都幾有肉地對女仔嚟講 份量唔算太多唔會嘥嘢