森美餐廳

營業中

休息中

星期日佣工例假，乜都唔願做唯有出街食，記憶中荃灣三棟屋對面也有一些新cafe進駐，勝在位置靜中帶旺，與荃灣另一邊相比，這裡是個不錯的歇腳點。在華都中心見到有間名叫 Cafe Sammi 森美餐廳，大門採用沉實黑玻璃摺門設計，整體風格時尚引人注目，午飯時間門外排著人龍，看看有什麼咁吸引，大約輪候了15分鐘後安排入座，店內走新派風格，牆上掛著不同款式潮流玩具。餐牌上有十幾款午餐選擇，午餐包餐湯、麵飽、主菜及飲品。餐湯: 蘑菇忌廉湯/羅宋湯(兩款餐湯略嫌太鹹)主菜: 香煎羊髀扒及雞扒意粉(港式豉油餐- 雪藏味肉配軟身意粉)餐飲: 熱咖啡(還奉上一小杯熱奶及啡糖，可惜我只愛黑啡）總括來說: 一試無妨 再試投降

聽聞呢間餐廳唔錯已經好耐，今日係荃灣有野做就順便黎試下，黎到已經1點鬆啲，可能lunch peak time已過，唔太多人，坐底叫左2個餐，一個係肉眼加意粉，另一個係扒三文魚跟飯，其實6，70蚊一個套餐既期待都唔太高，但唔好太差就ok。我習慣食野前會抹一抹餐具，點知一拎起匙羹就發現佢有發過霉既痕迹，咁我叫左陣waitress，見佢地唔得閒，我就起身自己去換啦，點知個好「忙」既waitress，見我開櫃拎餐具就終於肯過黎問我做咩，話叫佢地幫手拎，好啦，叫你地又冇反應，自己去拎諗住唔洗煩到你地，你又又唔like，其實都好小事。咁我就食我份肉眼意粉，60蚊既肉眼果然不能有任何期待，唔會好食，但未去到差，不過都關個成本事，60蚊佢俾唔到太太塊或厚既牛扒，就好難控制到好好既火喉，唔韌唔乾哂已經ok ，但意粉就over cook,，煮得太「林」，我自己煮仲好過佢果下慘🤦‍♂️，最大鑊係個意粉份量好似下午茶咁，少得可憐，仲要有人話呢度既份量好多😮。到最後我地先點餐飲，點左杯Earl grey 同 Latte ，但足足等左差不多10分鐘，杯earl grey只係茶包加熱水沖完就搞掂，我見佢差不多10分鐘

星期日約左朋友食lunch兼行千色，所以就揀左這間森美餐廳食，方便食完就行街。 我地12點多去到都已有幾批人等位，等左20分鐘左右才有位；餐廳裡放了很多公仔擺設，坐得都幾舒服。我地叫左香煎牛肉眼扒配意粉和蟹肉卡邦尼意大利飯share一齊食。 餐包幾軟熟，不過唔夠熱，只係暖暖地南瓜忌廉湯好濃南瓜味，夠creamy牛肉眼扒幾"林", 意粉幾彈牙，個汁都唔錯蟹肉卡邦尼意大利飯，好多煙肉，仲有蟹籽，但好似唔覺有蟹肉，個飯都好"月念", 唔會好似食糊仔咁

菠蘿燒雞巴馬火腿沙律🥗🍍香煎牛脾扒配飯🐏.森美餐廳係荃灣都不斷插旗，是日就去到食set lunch！菠蘿燒雞巴馬火腿沙律🥗🍍賣相頗靚，巴馬火腿既鹹香帶起左整碟沙律，燒雞肉唔鞋口👍🏻，配菠蘿係絕配🍍，仲有番茄仔添🍅！面層仲灑上左不少既芝士碎🧀，正呀！店員事前會問問落唔落芝士，很貼心❣️.香煎牛脾扒配飯🐏有大大塊羊，不過羊味唔算濃厚，味道同牛扒差不多，overall唔算硬，淋上燒汁都ok的！

我係一個捨得用錢食嘢嘅人，但我唔接受一件肉眼係嚟到切開只有唔夠三份一份係食得的，我二個人叫咗二個主菜同一個小食，前二個食物質數食咗後，我會再嚟，但到件肉眼嚟到後，我好客氣問咗店員，呢件係未我叫嘅肉眼，佢話係，之後我話好多根，切開都有難度，佢話咁你等等，之後我就食埋其他嘢係度等，等咗十幾分鐘後覺得唔對路，無人覆，再追問時，再次叫我等等，再過幾分鐘，有人嚟啦，我就重覆將成件事講咗一次，佢的答覆係，肉眼係咁㗎，我話ok，我係一個唔浪費的人，我唔係要你換俾我，又或者唔俾錢，但無可能放件扒係度等咗咁耐之後，我唔追，你唔答唔理，之後佢話，多謝你寶貴的建議，之後走咗，我無說話好講......

尋日16-12-2018 (Sun)朝,同老公諗食咩早餐,呢排熱氣,食粥?天氣唔係太凍,唔食住;茶餐廳?都係食o個啲o野,但冇計,又唔想飲茶,行落去至算啦.行行吓落雨,諗起呢間,於是行o黎睇,早餐都好貴,由$35.00起.不過老公話都行到o黎,食啦.我決定要$40.00o既腸仔通粉,要凍蜜桃紅茶,但落單時,亞姐話冇通粉,咁改意粉啦.老公要$50.00o既美國豬梅扒早餐,飲西柚可樂.冇耐,我o既迷你牛角包同炒蛋到o黎,食o左先,炒蛋全熟,唔算好滑; 迷你牛角包鬆,牛油味唔太濃.之後,老公o既西柚可樂到o黎,睇吓西柚份量都幾多,飲吓先,味道唔及檸樂清新.然後佢o既早餐到o黎,有迷你牛角包,炒蛋,薯餅,茄汁焗豆同沙律菜,睇見佢o既炒蛋比我o既唔同,除加o左啲調味粉重多啲添.我試佢o既豬扒, 豬扒厚切,仍有少少彈牙,個燒汁味道幾濃.薯餅外脆,正常冇問題; 沙律菜o既黑醋味道可接受.我杯凍蜜桃紅茶呢,一般吧,蜜桃味唔多.我o既腸仔意粉呢?腸仔唔係普通茶餐廳俾o個隻,呢啲正常冇問題.味道係3.26分服務:收o野收得太快,我食完迷你牛角包同炒蛋,想留起餐具試老公份餐,佢就收埋把刀;食完意粉,想留支叉

餐廳位置比較偏僻，聽朋友說食物質素不差所以特來試食。一見到有我最喜歡的羊鞍基本上諗都無諗就點左，味道不差的，仲略嫌羊肉韌了少少，。飲品點了未飲過的伯爵接骨木花茶，反而好有驚喜，幾好聽，大家不妨試下。

經過見到餐廳頗有特色 就想入去一試午餐大多60元 有餐湯餐包及飲品一杯點了一份肉眼扒配意粉 及 一份紅酒燴牛肋條飯一紅湯一白湯湯全部都太稀奶奶的 感覺加了很多很多水麵包則是即上的 沒有烤過麵包沾湯來吃也是不行 因為湯太水了 掛不了湯也吸不了湯的味道而主菜來說肉眼扒是不乾柴 外面煎的脆脆的意粉是凍的 一直溫著它是有多難呢相反的牛肋條飯簡直不是紅酒汁的味道一點都不香 就是普通醬油蠔油醬汁的味道而牛肋條也不嫩 扒開沒有肉汁 吃了會黏牙齒同樣的 兩道主菜份量也沒有很多小女生吃完也不會覺得飽飽的 只是剛好最後嘛要點飲料了本來是想嘗一下巧克力咖啡的可吃過它的菜以後覺得沒必要多加10塊去試就點了一杯蜜桃伯爵茶跟果汁驚喜的是真的有蜜桃加進茶 不是只加蜜桃汁而果汁就只是一般xx先生一類的果汁 沒什麼特別以這樣的質素來講 可以一試 不過我覺得60多塊並不值得了

呢間其實係第二間分店，商場上面爸爸一間，阿囝一間位於地下！今次嚟到呢間係阿囝開，環境同設計上都會較年青，而且坐位闊落！早餐方面嘅選擇都算唔錯有大型嘅有輕型的，以喱類餐廳比較價錢都唔算太貴！今次我食嘅牛扒餐分量相當足夠，牛扒都夠淋，個咖啡☕️夠熱同香！有機會又想坐得舒服，慢慢嘆大家不妨一試！不過提一提個早餐去到早上11點！

和朋友們聚舊，早前閱報，得悉這家西餐廳質素佳，於是一試。我們一行三人點了以下食物：蟹肉沙律份量極大，令我們嚇了一跳。蟹肉一梳梳亦鮮甜，羽衣甘藍新鮮爽脆，牛油果有半個，軟腍滑溜，車厘茄酸甜開胃。鵝肝意大利飯大大片鵝肝，鋪在飯面上，鵝肝濕潤，滑不溜口。意大利飯有芝士碎，令米飯顯得更有香氣。飯粒外軟內硬，煮得煙韌。安格斯牛排外型吸引，但有近三分一面積是脂肪，令我們有點掃興。牛排煮得7成熟，肉汁迷人，沒有腴味，入口無渣。底下的配菜亦烚得爽脆，配合得天衣無縫。我們點了兩件甜品蛋糕，忌廉香甜軟滑，但蛋糕的質感一般，和連鎖餅店的差不多，有點失望。餐廳整體食物質素佳，份量大，價廉物美，服務亦不錯。

呢排日日落大雨，湊住細路，想二人世界都唔可以去太遠。見 openrice 呢間餐廳評語唔錯，所以一試。星期六晏晝一點半，去到唔使等有位。成間餐廳算四正，佈滿 figures，幾得意。不過冷氣算幾大。各位想幫襯，一定要帶定件外套，我老公無帶外套，食完變左雪條🙈😆我地喺午餐餐牌分別點了兩個set，分別係慢煮黑椒咸豬手配薯菜同埋海膽帶子忌廉意粉。餐湯我地都選擇紫薯忌廉湯，味道偏淡，紫薯同忌廉味唔特出，湯身好稀。仲有啲番薯渣，最重要個湯黎既時候已凍冰冰🙈餐包係燕麥餐包，又硬又凍😕主菜方面，上菜算快，15分鐘左右到。先到嘅係海膽帶子忌廉意粉。海膽有三舊仔，算新鮮。帶子有兩大粒，其中一粒煮得耐，啲肉好韌。另一粒就太生😅意粉還可以，但略嫌太多忌廉，連埋意粉太淋，有啲食緊漿胡嘅感覺🙈幸好，有少許蟹子同香草伴碟，賣相討好挽回些分數。另一個主菜慢煮黑椒咸豬手配薯菜，咸豬手大大件，抵食。味道尚可，豬手肉質偏鞋。但伴菜新鮮，薯條炸得香脆，熱辣辣，算好味😋呢度 drink menu 唔錯，有 Earl Grey接骨木花茶，茶香濃，接骨木清甜，配上 Earl Grey 幾特別😆凍檸茶一般，無咩特別。餐廳佈滿fig

其實呢一間餐廳，佢係有另外一間嘅分店係喺樓上，同樣叫占美餐廳，係一開始嘅時候係食樓上第一間嘅，之後開咗間比較華麗裝修丶比較靚丶坐得比較闊落嘅，位於地下.....如果真心講要相比起食物，覺得樓上嗰間會比較好食點！以我所知呢一間係分店，係由主店嘅兒子開的，所以兩個都好唔同！但係如果想坐得舒服同朋友傾吓計咁我建議去樓下嗰間！而我今日吃的是午餐，$60..有湯有丶主菜丶有飲品都算係便宜啊！今次整體我覺得個咖啡丶同麵包係最好！

今日為左等朋友，就自己一個搵間野食下午茶磨時間，如果食茶餐廳，好快食完比人眼超超趕走，咁我唯有周圍行下，去d小店，人小小食，係荃豐諗住多小店，點知全部都係食得好full 既下午茶餐，好失望之制就行下出去街外的鋪頭，點知比我搵到間裝修唔錯，又有輕食既tea,又唔多人既cafe ,坐係度完全無壓力，d服務員仲好nice 唔好似為我食牛角包會好飽，其實我係見隔離枱食，好正咁樣，所以叫，勁鬆既牛角包🥐，仲要係脆，真係好小係餐廳食到, $48 有咁既質素，咁既環境，真係低

其實Lady唔係第一次嚟呢間餐廳, 不過對上嗰次都差唔多成半年前啦~望一望個menu, 六十蚊一個set lunch, 喺同區嚟講價錢都算中上😎跟餐嘅餐湯係南瓜湯台，附上嘅餐包微熱，內裏鬆軟，水準中上👍Lady平時好少食🐮，但唔知點解近來好想好想食🙊所以就叫咗香煎牛肉眼扒配意粉，有兩塊薄身嘅牛扒，而牛扒並唔係一般茶餐廳嗰啲"梳打牛"，食落有肉味但略嫌煎得比較乾😦而最令Lady驚喜係佢嘅西柚可樂, 飲品係原罐可樂另加杯裏面有两件已經預先喺吧台"中"爛咗嘅西柚，完全唔係交"行貨"，抵讚~

聽聞荃灣森美扒餐不錯，特登去食一次，7點零鐘到，唔使等位，又話好食，點解唔使等位？跟住叫咗一份西冷，一份肉眼。西冷等十零分鐘就到，但份肉眼等到份西冷就嚟食完都未嚟，兩百多元一份扒餐，份量少，味道一般，唔包餐飲，不值得回頭。