森美餐廳

營業中

休息中

老公聽人講話好食，我本來諗住 「up dup」商場冇得坐得舒舒服服，有 d 擔心，點知間餐廳係商場出塲嘅，仲好靚好企理。老公叫咗西冷，配燒菠蘿包超正我叫咗墨魚汁麵，大蝦正加多個 ham, 已經好飽。每人加多 $30，有飲品 + cake香橙可樂，老公話正，我話似葯水味食埋件 cake 真係 perfect end!隨機配送 cake,冇得指定，我地食咗一件薄荷朱古力，同埋香橙 cake, 非常好食!眼見隔離枱 d 野食都好得咁我會再幫襯，試下其他野

商場內有間森美餐廳（主打：便宜、快、靚、正），而地下亦多開了一間森美餐廳（主打：正宗cafe、高品質、歎），好像是父子檔。店內座位寬敞，環境舒適，有不少裝飾品給客人欣賞及拍照。Menu亦有不時更新轉換，不怕吃悶！餐湯雜菜湯好夠味，有一點點辣，十分開胃，內裡配菜多，再吃掉餐包，已經有三分一飽感了。今次嚐了比較昂貴的安格斯牛肉芝士漢堡，擺碟賣相都十分吸引，可是牛肉有點太乾及鬆散。麵包有焗熱，少少脆！薯條新鮮炸

上年呢間森美開咗無耐，我同朋友仔已經食過兩三次dinner，水準唔錯，好味，仲寫埋好評讚賞！但琴日一行五人14:45左右打完羽毛球，嚟到仲見到有午餐食，朋友們叫下午茶，我就叫咗個肉眼扒午餐，$60呢個價錢都唔期望咩肉眼，應該同普通茶記嗰d一樣，希望唔好有被梳打粉味掩到無晒牛扒味就okay... 點知碟肉眼一上枱，我d朋友就O咗咀問，你呢個係咩嚟，賣相咁差ga？當然我一睇，眼見塊扒薄如紙，細塊就預咗，但意想不到比大家樂早餐嗰塊薄牛扒仲要薄一半？朋友問呢塊其實係打邊爐肥牛嚟㗎？跟住問一問侍應小姐: 唔好意思，想問呢碟係咪我order嗰個肉眼扒午餐？跟住侍應小姐答，你地叫咗一個肉眼餐啫(示意呢碟就係)，跟住我説，因為我地覺得塊牛太薄，唔知有無錯。侍應小姐立即回答，係吖，肉眼係薄㗎，就走咗了。🙈説真的，呢碟牛扒質素太差，超薄之餘仲要鞋鞋地，只值普通茶記午餐$3X價錢。大家樂早餐牛扒餐會抵過佢好多🤪我建議佢地喺餐牌上注明返呢個係”薄牛扒”比較附合商品說明條例🤣🤣🤣🤣

星期一好悠閒, 本身諗住去荃灣食下午茶,但想去個間執左,唉！唯有繼續行去找其他cafe,去到荃灣地鐵站方向,荃昌邊行邊找,終於搵到一間比較企理嘅地方,攰攰地就入去,人不多只有2檯, 裝潢是暗暗的, 我覺得ok,進去就是咖啡bar,44方方不錯, 坐那裡可以看到咖啡師做咖啡,然後研究menu, 我主要為的是甜品,不過佢哋選擇不多⋯⋯基本menu上一樣野都唔岩食唯有叫個茶乜乜乜芝士乜乜乜,港女至愛,依個抹茶芝士蛋糕,抹茶芝士蛋糕嘅抹茶味係吾夠強但整體都算不錯,但正宗抹茶控就可能覺得吾夠另外香蕉焦糖窩夫賣相0k,微熱,焦糖香蕉甜度適中,然後配上灑上朱古力醬,味道㚒

服務員,服務態度非常之好，食物非常吸引，必須要再黎。非常細心介紹食物，花茶非常好飲，花茶酸中帶咸，甜中帶苦，令人回味無窮，誠意推介必須要飲花茶正正正正正正正正正

荃灣好野食 係人都知但估唔到呢間森美 咁隱蔽 唔係朋友介紹都唔識黎 錯過左佢 平時幫襯開連鎖店的大家 真心要試一試雖然係遠小小 唔近荃灣心臟地帶 但包你一試難忘星期四果日 下午一點 肚餓要搵野食突然醒起朋友的介紹 就去一去一去到 餐廳的佈置就吸引了我的眼球 處處見用心 公仔多到呢 午餐套餐選擇不多 但勝在包飲品 又有湯同餐包推介 忌廉湯 餐包都好味 但嫌佢唔夠熱 相信如果個餐包熱住上 美味倍升今次揀左黑毛豬 同牛扒老老實實 黑毛豬 完勝牛扒 有肉汁 筆墨難以形容 仲要無加一 $60 一個有質素 環境氣氛也一流的餐廳 邊度搵 好心提提大家 佢午市都幾full

其實經過呢間餐廳多次，但因為太趕時間，沒有幫襯，但已經同自己講，呢間一定要試，因為荃灣區有格調嘅餐廳真的很少，比較多的都是為一般打工仔以設的快餐店，終於今日有足夠時間可以試試首先環境方面令人有一種寧靜的感覺，在這環境下進食及休息一下確是理想的地方，但待應哥哥比較Cool的態度如果改善一下就會理想好多，呢個西冷牛扒配意粉，大約八十元左右，配湯及麵包，味道説真的很有肉味，醬汁也極為匹配，有80分以上這坏凍飲，賣相極之吸引，未飲已經心曠神怡，不得不拿手機把它記錄下來，整體感覺不錯

難得早放工，就同朋友去咗附近嘅森美餐廳一嚐佢嘅下午茶，下午茶時間客人唔算好多，可以係一個舒適嘅環境好好傾下計。蜜糖味嘅雞翼好有驚喜，皮脆肉嫩而且佢嘅蜜糖唔會令到佢個雞翼皮好乾，但係佢啲雞翼係會有淡淡嘅蜜糖甜味而且上邊嗰啲紫菜仲會係好脆。仲配上胡椒，甜得來又辣辣地。薯條新鮮脆身。焗薯分量唔算大，各嘅時間掌握得好好，因為佢嘅皮仲係好煙煙銀銀，而且落嘅汁適中，而且香濃，配上煙肉，好有風味白汁意粉意粉唔會好淋身，好彩香濃嘅忌廉味，而且配上蒜頭，別有一番風格。咖啡鍾意飲齋啡又得，加奶又得，加奶加糖都得

今次係第一次去，而去嘅原因喺朋友聚舊順道慶生。所以大家都是以一個輕鬆的心情去吃一頓晚餐！環境～單從門口的擺設就感覺到輕鬆的氣氛，一貫 café 的木枱，不太侷促。🙏🏼服務～侍應不多，但比我感覺係有活力又對客人留心注意；例如點菜時會有一些提議，又例如我們只是互相問下有沒有牙簽？他們已經應了及放於面前👍🏼食物～當然味道很重要，首先他們不會是死勁的偏咸味；我們點了1/ 焗金文拔芝士 - 少少一個焗至裏面流心用克力架沾上暖溶的芝士，嘩～不得了🤤2/ 海苔蜜糖雞翼 - 皮脆肉嫩蜜糖清甜帶著海苔的些微咸香，不錯哦！3/ 森美沙律 - 用上店名喎，當然要試！材料包括 BB 菠菜、乾果、果仁、雨衣甘藍、西班牙火腿、南瓜片、蘋果⋯配自己混合芝士汁，不過我覺得配醋汁會好吃一點🤤4/ 炸咸豬手 - 又一皮脆肉嫩之作，配菜豐富🤤5/ 醬燒豬仔骨 - 烤得恰到好處，不會太乾身，自家汁醬不會過咸！侍應推介加$30就可以有一件自家製蛋糕及一杯飲品！$30 蚊唔係唔加下話。蛋糕係廚房隨機出貨，客人不可以選擇！就這樣可以有一些驚喜。而飲品選擇也不少，朋友點了一個橙樂，就是用橙代替了檸檬😝整體感覺非常滿足🙏🏼🙏🏼🙏🏼

今日中學同學派貼,有同學就建議黎呢度食..仲因為無留意行左上去上面果間....=.=入到去感覺唔錯,感覺好大,位置都闊,又不太嘈,野食又好味又靚,職員都好友善^^

尋日(10-12-2017 Sun)晏晝同老公落荃灣買o野,由於冇食晏,所以我o地就食個下午茶,佢話呢o度開o左間有格調o既西餐廳,我o地就行o黎睇,啊,原來係森美,唔知同之前另外o個間有冇關係?我睇見有$128.00o既二人下午茶,覺得可以,於是入去, 而呢間o野重擺o左好多膠公仔做裝飾,裝修都好特別.我o地坐低後再睇menu,就決定要呢個二人下午茶啦,但原來禮物六,日,下午茶要3點後至供應,我o地唯有坐住等時間過,真係唔好意思.o係呢個時候,我老公就係咁影人o地啲公仔,我o地等呀等, 等呀等,終於到3點喇,我o地就叫呢個餐喇,我要熱伯爵檸檬茶,老公要熱特濃咖啡,女職員即刻話佢知係細細杯,佢話OK.落完單後,兩杯飲品先後o黎到,男職員問我落唔落糖,我就答唔使,佢就冇擺低啲糖.我篤完檸檬飲,伯爵茶味道偏苦,麻麻地.而老公o個杯真係好細杯,重要只有半杯,個杯碟都烘熱o左o既.老公一飲,好苦.十幾分鐘後,成個下午茶到o黎,顏色又係好吸引,影好相後,我由右邊o既沙律開始食,雜菜沙律,車厘茄同唔知係咩菜,個菜冇乜草青味;水牛芝士車厘茄,黑醋好醇好味.然後到魚,蝦,蟹迷你漢堡包,魚係三文魚,蟹就

就是在樓上的賣衫店姐姐介紹，在門外見到好多玩具擺設，落地玻璃都貼上funny 卡通人物，好有玩味。由侍應小姐遞上的menu, 本以為要散叫怎知道有湯同麵包送上，而且仲要暖凹凹的兩種麵包，又鬆軟又好味。湯係煙肉薯仔啖啖煙肉薯仔好香。沙律係蟹肉牛油果，第一啖入口係Fresh !! 的汁同個菜好夾，唔知係咩菜（係咪雨衣甘藍呢～）但真係好fresh 因為的菜係“甜”架!叫左個辣汁蜆肉意粉，我朋友一望到就話的意粉煮得好，無overcooked。我食左一粒蜆，真係同出面果的完全唔同，出面果的得個韌字又細粒，呢個粒粒賬卜卜又有汁又林身。我自己都有去沙灘掘蜆後即煮。個口感係一模一樣架。唔通佢養住的活蜆黎煮意粉？最後叫左個白酒煮青口，呢個就一般啦，因為青口有渣。。。甜品線6茶芝士cake 幾好，不過donuts 試過就算啦，可能雪得太耐又凍又硬仲要好乾，唔得。

荃灣區嘅港式西餐廳有好多，森美餐廳其實質素都係平均。但係佢仍然可以保持生意甘好，而且仲可以開到兩三間，皆因為佢價錢實惠👌🏻午餐每位都平均只係＄60 ,已經包括有餐湯，主菜同飲品，都真係幾抵食😊而且裝修亦都很跟潮流，所以無論價錢或佈置都係想吸引年青食客😍我哋嘗試左幾度午餐。香煎肉眼扒，香煎雞扒同茄醬蝦意粉都好味，兩種扒都煎得好香👍🏻 蝦亦煮得爽口，配上茄醬都覺得好開胃😋比較差嘅就係黑毛豬豬扒，唔知點解好似冇點煎過咁嘅樣，完全唔見金黃色，而且仲要無乜肉味，只係靠汁去調配味道。比較失望嘅一個😒

前排望OPEN RICE見到呢間餐廳食評好似唔錯，所以約左個朋友去荃灣食飯吹下水。夜晚我地去到果時都算多人，但好彩餐廳環境夠曬寬敞，位與位之間好寬落所以坐得幾舒服。至於裝潢方面都擺左心思，成個牆壁放左唔同種類既玩具。由我地坐底到落單等左唔算太耐就已經有得食，果日唔係好餓，淨係嗌左個意粉、安格斯漢堡包同芝士蛋糕share食。個意粉普普通通，賣相唔係太吸引不過味道都OK既至於個包同塊牛肉就硬左少少略為失左水準但不得不讚個芝士蛋糕整得好好食，全晚最滿意就係佢啦!!呢間餐廳整體唔錯，有機會都可以再黎試下其他野食。

下午經過華都揾食，發現開咗間森美決定一試，環境寬敞舒適之餘，門口有好多店主喜好既擺設幾特別，午餐揀選了羊仔脾肉意粉，什菜湯，味道不錯，羊仔脾肉嫩多肉，黑毛豬意粉等，以60元來說尚算不錯，也包飲品免加一，飲品可選較有特色凍飲，西柚/蜜桃紅茶等等，茶底用black tea.