棋哥燒鵝 (已結業)

好耐冇食燒味同燒鵝啦，今次黎到尖沙咀加拿分道的「棋哥燒鵝」。顧名思義，餐廳最出名嘅係燒鵝，今次就點左個棋哥精選一人套餐同一個棋哥燒鵝髀飯作為午餐足料滋補潤肺靚湯是日靚湯係：沙參玉竹佛手瓜煲唐排湯，每碗湯嘅材料勁豐富，有佛手瓜、紅蘿蔔、豬肉、南北杏等等，無添加味精，好鮮甜呢原隻棋哥燒鵝髀飯價值$118的燒鵝髀勁大隻，外層鵝皮燒至半香脆，鵝肉肥美嫩滑，配上酸梅醬就更加滋味。飯粒仲吸收晒鵝肉嘅精華雙拼燒味份量十足嘅雙拼燒味，半肥瘦叉燒香軟肉嫩，蜜汁甜度適中，叉燒夠入味，甜甜鹹鹹的～豉油雞勁嫩滑，雞肉同樣好入味，好好食啊！郊外油菜白灼菜心，口感爽脆，無油，清淡健康熱奶茶呢杯熱奶茶嘅奶味比較突出凍檸茶冰凍解渴，透心涼之選

疫情的關係，已經久沒出門，外賣都已經食到有點厭倦，今日想到尖沙咀逛逛，經過棋哥，已經好耐冇食過燒味飯，正好。餐廳做好探熱分隔枱的標準工作，讓食客食得放心。看餐牌，新推出了期間限定的"手撕雞定食"，我點了鴛鴦味試下。鴛鴦手撕雞定食 $30一邊是麻辣一邊是鹽香，雙重享受，雞味香濃，我個人更喜歡麻辣味，很惹味。1人套餐 $128豉油雞 燒腩仔 雙拼例牌 配 白飯效外油菜龍鳳檸樂 +$8今日好幸運，正好是雞脾位，雞肉嫩滑味香濃，燒腩仔皮香脆，肉明顯分三層，爽口吸引，蘸點黃芥末，更美味。還拌有鮮炸花生。棋哥叉燒飯 $60加配老火靚湯 +$8今日靚湯係紅蘿蔔瘦肉。咸檸七 +$8還點了招牌叉燒飯，飯淋滿叉燒汁，叉燒半肥瘦，肉質腍軟香甜，正。

重點棋哥燒鵝 靚靚燒鵝放在眼前，它啲色澤、佢啲淡淡煙薰及柴香味都相當吸引，一口咬落去皮薄肉嫩，肥膏不多，好似食多幾件都不會肥多啲叉燒係我第二至愛的！它一點都唔比燒鵝差，入味且稔，真係好好食㗎！🐷啲燒肉一層脆一層肥膏一層肉、再一層肉， 咁既組合，肥而不膩口感豐富，邊個好肉的人會唔識食🌱雖然我無肉不歡，但食菜都好好好重要，呢個份量幾抵食，又夠綠，都係要叫番碟👨‍🍳呢度工作環境都乾淨，眼見侍應同師傅都帶口罩手套做野，抗疫功夫都齊備，呢個緊張的氣氛下都食得安心

啲野食好好味但今日大家食緊飯嘅時候突然之間係度裝修，又嘈又大塵，之後主動要求調位，都要理論幾句先肯俾我地調位。重點之後就係見到斬燒味個位師傅無戴好口罩喺度做野，邊斬邊講野，啲口水飛哂落啲燒味到。

同朋友去尖沙咀行完街本來諗住去食拉麵，經過加拿芬道睇到棋哥燒鵝，廚窗內掛咗紅卜卜的燒鵝，令人唾涎欲滴，朋友說棋哥燒鵝是自家養大，餵榖養肥，肉質份外鬆化，立即轉左去食燒鵝。乳豬鵝飯，燒鵝燒得均匀，皮脆且薄，酥香不韌，帶有煙燻焦香，而且熟度掌握得好，燒鵝肉嫩多汁，配枱上的酸梅醬更惹味。乳豬外層燒得金黃香脆，肉質豐腴多汁。乳豬义燒瀨粉，燒味除了配飯，還可以改配瀨粉或米粉，义燒顏色紅潤，肉質鬆軟多汁，香甜美味。义燒切雞米，切雞鮮嫩，米粉爽口。加8元有老火靚湯，今日係沙蔘肉竹煮豬骨，夠火喉又足料，香甜美味。奉送熱飲：熱阿華田，凍飲加3元咸檸七

朋友就黎搬office 唔再返尖沙咀🥺🥺臨別依依 決定同佢試吓尖沙咀都幾多人食既棋哥燒鵝🦆桶子豉油雞飯 $60好大碟呀😍佢仲比左隻髀我😋😋講返味道先 隻雞都幾新鮮 完全食唔到冰鮮味👍🏻姐姐推介 新出既 鴛鴦手撕雞$30 我最鍾意食依個！又平又好食 仲要一雞兩味 手撕雞去埋骨 好方便 啱晒我呢啲又要食又要懶既人 兩隻味都唔錯👍🏻👍🏻乳豬拼燒肉$75 兩個都燒到卜卜趣 皮脆肉嫩 好味！叉燒拼燻蹄$65 叉燒好多肉汁 燻蹄勁爽口 😝😝油菜$20 新鮮👍🏻大合照 好多野食 好正呀😍總捨黎講 雖然棋哥燒鵝比普通燒味鋪貴少少 但係作既質素同分量都比街邊好 什至好過連鎖鋪太X !真心的！

雖然疫症期間大家放咗工都盡量少流連街外， 飯總係要食， 今日遲咗放工長途跋涉回家之後先買飯真係會餓到暈， 我哋經過加拿芬道《棋哥燒鵝》， 入去食燒味飯實行快靚正之选！店舖裝修簡潔明亮， 牆壁很多巨型招牌菜圖片， 店家主打嘅秘製燒鵝， 選用五斤四兩黑棕母鹅。燒鵝係港人至愛嘅美食之一點可以唔試～原隻燒鵝髀飯餐 （包飲品）$118嘩，我哋見到真係兩眼發光。。 好耐冇食原隻燒鵝髀， 立立令， 離遠都聞到香味～ 燒鵝脾皮冇收縮， 望落都好脆， 咬落真係脆口！而且有好重煙燻味道， 竟然一啲都唔覺得油膩， 越嚼越上癮 ，非一般其他燒鵝嘅做法～ 肉質纖維幼嫩而且有肉汁， 鵝味香濃， 蘸些特製酸梅醬配甘香嘅米飯， 簡直係天下極品！ 😋😋👍👍例湯:燒味飯餐另加$8例湯燒味加例湯絕配， 豬骨粟米蘿蔔經典禮湯清甜美味唔覺有味精。油菜$20細節位就係佢將菜葉同菜梗分开， 切得靚靚。👍😋咸檸七 套餐加$8少少咸又夠冰凍嘅咸檸七原來同燒味都幾夾～👍😍屋企人揀咗乳豬拼叉燒飯$75乳豬一啲都唔肥， 可以話係偏瘦，所以冇咩肉， 或者主要係食乳豬皮，又脆又鬆化！原來叉燒也絕不遜色， 肉質軟腍夠蜜味！各款燒味也沒有令人失望，

食過咁多間燒鵝店，始終都比覺棋哥既鵝最好食，係會令你心癢癢。佢既鵝係咪最脆，我唔敢包，但味道就真係無得頂，陣鵝香味，真係無一間做得到，同埋做到咁既水準而價錢只$538一隻，半隻就$270添，再加上可能都受疫情影響出多左d抵外賣食套餐，$128有半隻雞＋叉燒半斤/燒腩仔半斤，買半隻鵝＋$10有半隻雞。所以今次就鵝＋雞，盛惠$280一返去，打開盒雞睇睇，隻雞都算細，仲幾嫩滑噃，鵝就唔駛講，超級好食順帶一提，第一次係尖沙咀新店買，唔知係咪因應路面既設計關係，間鋪整到可以完全望住師傅做野，在等候期間，隔住玻璃睇住果位哥仔手起刀落，成個過程快且準，真係好佩服由於我只係外賣，所以對佢入面既環境同服務唔能夠比到分

It was Saturday. My wife and I looked for lunch in Trim Sha Tsui after shopping. 棋哥燒鵝looks delicious and we decided to have a try.We ordered a set for two. Although both the roast goose and steamed chicken are regular but they are big size in other restaurants. The chicken is cooked tenderly and the roast goose is exceptional. The goose skin is roasted to crispy, while the meat is still tender. You can taste the barbecue and wood taste. This is definitely one of the best roast goose I have ever

早幾日朋友話有間叫棋哥燒鵝嘅餐廳幾好味，今日咁啱經過附近就去幫襯下!!order咗個二人套餐$250都唔使，有一份例牌燒鵝，一款自選燒味，一碟菜，兩碗粉，仲有杯嘢飲最緊要係好食物份量多又有質素例湯超足料濃郁冇味精主角登場呢間嘅燒鵝有陣好香嘅味道，食落唔會油膩，又唔會好似出面一啲餐廳咁乾憎憎，燒得啱啱好，真正嘅色香味俱全，呢個仲只係例牌份量已經好大份，兩個人食勁滿足，另一款自選燒味揀咗油雞，雞肉肉質嫩滑夠肥美，雞毛都處理得好乾淨，成個餐廳環境、食物都令到人哋好舒服， 再沾上薑蓉可以送到好多碗飯@@下次一定會再encore呢個價錢淨係個燒鵝例牌都已經值回票價，都算我係香港食過數一數二好味嘅燒鵝

數個月前吃過棋哥其他分店，覺得非常好吃，今天在尖沙咀吃飯，才知道金巴利道還有另一分店。細細看了餐牌好一會兒發現還是套餐比較划算。如果不想吃太多的話，則是燒味套餐比較合適。2人套餐 $248套餐先包一份例牌棋哥燒鵝，我們選了下庄，亦即鵝的下半身，包含了鵝脾，覺得比較肥美，好吃！套餐另包一份例牌單拼燒味，可以選擇叉燒、燒腩仔、切雞、豉油雞、燻蹄或紅腸。我們一個想要叉燒一個想要豉油雞，轉雙拼只是加$10，不用爭，哈哈！豉油雞雞皮嫩滑，配上薑蓉特別適合配上白飯。另外還有郊外油菜1碟，比較健康。我們選擇了要白飯及瀨粉、一碗老火靚湯及一杯凍奶茶 。老火湯後火候很好喝，其他各樣也是符合預期的水準。值得一提的是店員服務態度良好，環境整潔，下午茶的價錢也不過三、四十元，是尖沙咀不錯的選擇！

棋哥燒鵝遠近馳名，相比城中其他著名品牌，品質不遑多讓！ 所以趁著空閒時間，與友好到尖沙咀加拿芬道店一試二人套餐，對於我跟朋友來說份量有點多，吃不完呢，價錢實惠。先來老火例湯，材料十足，清甜入味！單拼燒味方面，我們選了燒腩仔，層次分明、肥瘦適中、皮香鬆脆，伴碟的花生也極為香脆，絕不失色！油菜新鮮，還細心的分開葉和莖部份。瀨粉清湯底，爽口彈牙又滑身。至於主打的燒鵝，入口非常香口，不單皮脆肉嫩，還肉汁豐滿，吃到不能停口！據了解，鵝是採用約五斤四兩重的黑棕母鵝，以獨特的荔枝柴煙燻技術，加上特製的醬汁和醃製配方燒成，怪不得這樣好味。燒鵝散發出的香味，真的很香濃獨特。餐廳裝修簡單而不失雅緻整潔，服務員態度友善殷勤，有空絕對要再去回味一下！

這裏光線充足, 地方寬敞, 地方又乾淨, 第一次去燒味餐廳坐得那麼舒服呢~鹽焗手撕雞定食 - 有鹽香, 同時有麻油味, 雞肉新鮮, 不乾身。原隻燒鵝髀飯 - 大大隻燒鵝髀, 還沒有吃就已經很期待它的味道! 白飯份量多, 性價比高。點了這個飯後, 還可以較低價錢配上凍飲或特飲。常餐 - 有叉燒通粉、炒蛋、火腿、多士。炒蛋非常嫩滑, 有蛋香, 仍留有少許蛋汁。烘過的多士很厚身, 有外脆內軟熟的口感, 有牛油香, 配炒蛋吃很好吃呢！叉燒的肥肉及瘦肉分布平均, 份量夠多, 表皮有焦香。

今次去食嘅係一間好出名嘅燒鵝店，香港本地人應該都非常熟悉。咁多間燒鵝店入邊，棋哥燒鵝店馳名中外可謂數一數二。攞咗米芝蓮嘅燒鵝美食真係唔少香港人嘅驕傲店內非常乾淨嚟到一定係要食燒鵝，但係其實其他燒味都非常不錯。可以考慮吓牛展、叉燒棋哥燒鵝出咗名係用荔枝柴燒出陣陣幽香，融入左係燒鵝入邊。燒出嚟嘅皮香澤光滑細緻，肉汁多，但係覺得有腥味。鵝髀肥瘦適中，脂肪燒得肥而不膩。皮香脆且薄，肉質甘香而且有好重鵝油味。咀嚼後的油脂香味餘韻不錯。食燒鵝髀一定係配上瀨粉，濃香鵝汁鵝油配清淡的瀨粉，味道超夾！酸梅醬清香脆皮燒腩仔一邊記得仲有好多其他燒味拼盤值得選擇，我自己個人就當然比較喜歡脆皮燒腩仔肉。另外加碟蔬菜平衡一下

食過幾次，一次比一次差舊燒腩仔可以切到咁，食落口都感覺唔到，你都咪話唔服佢刀工睇相以為都有幾舊？ 其實舊舊都係咁薄，打橫睇包嚇親你，最大舊果舊都唔過2cm (唔知幾大可以睇下間尺)咁就收$40，仲衰過美*、大*樂最堅係碗飯冇咩豉油，問丫姐拎，第1次話碗飯有落仲要都唔等你講咩就走左去第2次再問，2個人只比一碟仔，我地話2個人喎，先好唔情願比多一碟仔，老實講果碗仔豉油真係唔夠，問足3次先比少少，豉油好貴? $40蚊買薄切豆豉大燒腩仔飯，仲要豉油都冇，問就預左乞衣咁先會有2,3ml咁上下量下次絕不再去系列