棋哥燒鵝 (已結業)

忽然好想食燒鵝，就諗到嚟尖沙咀棋哥。門口掛住各式各樣嘅燒味，好吸引，不過今次外賣拎走。餐牌多咗新款式，最新推出嘅係期間限定手撕雞套餐，但我哋冇揀呢啲，最後都係叫咗個燒果二人餐。買外賣嘅時候都見到餐廳多咗好多人，餐廳防疫意識都做足。馳名燒鵝，食落有煙熏味，係我個人覺得食燒鵝一定要有嘅香味！外賣燒鵝返到屋企個皮仍然都係脆，而且燒鵝唔算好肥！正！燒腩仔，一樣都係好脆，燒腩仔可以話瘦嘅比例較多，但係絕對唔會覺得好韌好鞋口，同埋唔會死鹹。比起出面食嘅好食多多聲！仲有碟油菜、兩碗粉麵同兩杯嘢飲，二人套餐來講絕對可以食到超飽，燒味份量大，夠晒滿足！

最近唔知點解特別鍾意食燒味見到啲叉燒掛晒喺度就有一種衝動想買來食！不過今次係比啱啱新鮮出爐嘅燒鵝吸引住！媽咪話不如買半隻燒鵝返屋企斬料，今晚就唔使煮餸啦！仲有埋白切雞、鹹雞、豉油雞添！太多款，就心大心細，好多樣嘢都想買！最後都係買咗半隻燒鵝咁岩又有個promotion凡買燒鵝半隻加$10就可以買到半隻雞咁當然比多$10多半隻雞啦！抵好多啊！落咗order師傅就開始斬！隔住塊玻璃就咁睇已經好吸引啦！買到返屋企打開個外賣盒燒鵝嘅味道湧出嚟真係好香！每一件都咁多肉！偷食咗一件！鹹雞都好出色勁大個雞皮而且肉質好嫩滑！

是日是結婚前準備上頭的一晚，訂了美麗華酒店出門；由於要上頭，所以要準備一隻雞，所以經過棋哥道咁順便買了。廚房掛著的雞、鵝和叉燒都非常吸引！*棋哥燒鵝飯 ($53)本來只買一隻雞，但看到招牌燒鵝超吸引，就忍不住外賣了一個燒鵝飯；雖然有原隻燒鵝髀飯，但感覺太奢侈了，所以就只點燒鵝飯；但幸運地獲分了髀的位置，感覺只是細鵝髀飯少少。平常我吃鵝都會走皮，因為怕肥；但為了這隻鵝，咬了少少皮食，就食唔停口了！個鵝皮超香，有點炭香味；鵝肉的部份很嫩，一點都不乾；飯拌上適量的醬汁，很開胃，又忍不住扒多幾啖飯。*桂香切雞 ($158)上頭用完的雞，拿回家自己再做手撕雞；雞肉很嫩滑，而且味道很夠，不會和平時的白切雞一樣淡而無味；雖是醃過，但都沒有蓋過原有的雞味。

以前陪阿媽睇粵語長片，有個人氣男主角叫棋哥，現實生活中都有一間好出名嘅燒鵝餐廳，棋哥燒鵝餐室，唔使去到深井一樣食到鮮味熱辣辣的靚燒鵝。麻辣手撕雞定食 $28夏天炎熱無胃口唔緊要，有惹味涼拌小菜特別開胃！麻辣手撕雞最可愛嘅地方是將蒸熟的雞肉撕成肉絲，懶人最愛！拌入香濃的麻辣醬汁，香辣好味，超美味的前菜！燒鵝雙拼飯 $70燒鵝味濃、皮脆肉嫩、入口非常juicy，一口咬下去更是油香四溢，滿口餘香！燒鵝肥厚嫩滑，皮烤得香脆，肉有鹹香味，從皮到肉都係極品，賣相好，價錢平。雙拼招牌叉燒，蜜汁外表光澤透亮，傳統味道讓人一食愛上。厚切的叉燒肥瘦適中、肉質非常嫩滑有肉汁，香濃蜜汁好惹味！凍檸茶 清新的檸檬味，茶底夠清，冰涼透心。

今日在公司開OT沒有得準時走，為有買外賣回家吃，想起公司附近開了間棋哥燒鵝就在這裡買飯啦！燒鵝脾飯每次經過都見廚窗掛著滿滿燒味非常吸引，而燒鵝係招牌菜當然要叫啦！一打開外賣盒已很香，大大隻燒鵝脾每件都皮脆肉嫩，煙薰柴火味很濃的燒鵝很甘香，皮與肉中間沒有多餘肥膏，肉厚多汁很好吃。脆皮燒腩仔飯這個也是水準之作，外賣回家已一段時間燒腩仔的皮仍然非常脆香，腩仔一層肉一層膏餸飯真的一流。凡惠顧外賣燒味飯盒，可以優惠價$3加配足料滋補潤肺靚湯一碗，今日是沙參玉竹佛手瓜煲唐排。大大碗湯非常足料，味道清甜好滋潤。

今晚返外家食飯，費事阿媽煮，去了棋哥買燒味返去食。買了個燒鵝下庄，叉燒及燒肉各半斤，都係$276。燒腩仔返到屋企食外皮還脆卜卜，腩仔真係一層油一層肉，入口肉質鬆化，而且有肉汁。叉燒用了梅頭豬肉，半肥瘦的叉燒入口鬆化，加上叉燒汁帶蜜香，表面燒至帶微焦，肥瘦均勻。燒鵝下庄棋哥既招牌就係燒鵝，一打開個盒已經聞到好大陣既煙燻香味，鵝皮入口還帶脆，而且有燻香，皮下脂肪都唔算太多，鵝肉很香味道濃郁，每件都都充滿著木的燻香。

棋哥既燒味其實同出面既燒味好唔同, 主要我覺得係佢D肉質係偏肥小小, 食落口感就會軟小小,同埋美肥D, 中意半肥瘦, OR 偏肥肉既人就會好中意呢間.廚房係半開放, 比人感覺會乾淨D叉燒比想像中要軟, 一D都唔硬, 我估主要原因係選肉個邊係偏肥, 食落好軟口小小彈牙, 帶有小小入口即溶既感覺.本身叉燒都甜甜地,不需要格外調味, 但我中意自己落火炒炒再食, 味道會更好味, 同埋熱辣辣會好食D!燒腩仔,  都係偏肥肉質, 食落有小小入口即溶既感覺, 但就會比較易濟, 夾返飯食, 中和返個油感其實就會好好食!桂香切雞, 味道淡淡既香味, 肉質比較鮮同滑, 唔老. 小甜,主要係肉質滑會好食, 新鮮既雞係會見到肉質比較香色同順滑.店員耐心, 同埋有禮貌 呢到係最值得尊敬.

棋哥燒鵝之前試過喺棋哥燒鵝堂食，覺得好味又抵食，於是我今次就買埋外賣番屋企同家人happy share😝.一入去就已經見到座位full曬，睇嚟午餐時段都幾忙，我都等左大約五分鐘。我就嗌左半斤叉燒（$64）、半斤燒腩仔（$64)、半隻麻辣手撕雞($78)，total都只係$206😮真心抵食！.我番屋企用Air fryer整番脆個燒腩仔，其他都係翻熱下就ok👌🏻 叉燒偏瘦但唔會韌，好香花椒八角味，真係夠入味！麻辣手撕雞夠麻，而且份量多，三個人share都得。

最近負責廚房嘅VIP太忙，冇乜時間煮飯，唯有搵外援去斬料。外賣價錢經濟實惠，而且燒味組合已經有心水食物，再慳10幾蚊燒味飯都好多選擇，呢度出名食燒鵝，要咗棋哥燒鵝片飯呢度堂食衛生環境都好理想，座位之間有啲膠片分隔開。$85嘅燒味飯賣相幾好起咗骨嘅燒鵝片鋪滿盒飯！鵝皮同肉之間冇肥膏而且冇咗骨啖啖肉咁食！半斤燒肉份量都唔少！燒肉唔會好肥，皮幾脆，肉嘅部份又唔係好咸套餐可以揀豉油雞或者白切雞，我就要咗豉油雞！豉油雞顏色好靚，外皮又爽又滑仲配埋食雞必備嘅薑蓉！下次收工要斬料都可以再去呢間！

今晚上好朋友屋企食飯，循例都要斬料啦... 朋友指明要食祺哥燒鵝～🥰行到去櫥窗一睇，嘩... 冇得輸，全部新鮮脆皮嘅樣，非常吸睛🤩... 除咗燒鵝，仲有燒腩仔都非常吸引，係我至愛嘅化皮燒腩仔...拎咗外賣，大約45分鐘路程，沿途聞着陣陣燒鵝香味，已經開始覺得肚餓... 心諗外賣盒焗住咁耐，會唔會淋晒呢？！擔心之下，到步即打開外賣盒，竟然一啲梳氣嘅感覺都冇，仍然脆卜卜...原來全因為燒味師傅響個外賣盒上，毫不起眼地開咗兩個窿... 燒鵝皮脆、燒腩仔皮更脆... wow~😋不枉好朋友做丑人嘅苦心，特登叫我千里邵邵去棋哥買燒鵝，當初真的有一點暗暗地咒罵... 食過棋哥燒鵝獨特嘅味道，及鬆脆嘅外皮，真係大嘆，好彩朋友點我去祺哥買... 回味嘅一餐～

見咁多人話好食 ，又多分店，所以終於試第一次，下午茶燒鵝瀨粉已經好細碗 ，價錢都要45元，但斬咗出嚟既碎骨竟然多達20粒以上， 一路食一路lur， 勁驚自己會哽親， 從來未食過燒鵝會有咁多碎骨， 個師傅真係差到不得了， 味道都係很普通， 冇乜味道，啲評語講到好濃烈嘅煙燻炭香味， 完全食唔到， 我覺得街市20蚊盒燒味飯仲香過佢，好味過佢囉 ，冇啲人講到咁誇張，咁好食， 唔通下午茶就會整得差啲，仲要枱面勁多蟻， 真係可一不可再，試完就算

相信呢個品牌其實都唔需要點樣推薦，愛吃燒味嘅人自然會識。前天跟朋友講起呢間野，先發覺原來好耐冇食過。可能我好耐冇出過尖沙咀，行過先發現，係霸嗎拉麵對面又有間新分店，上次喺樂道現場食過，還非常掛念嗰燒鵝嘅香味。係咁近嘅地方，有兩間新分店，仲要係咁嘅市況，證明實力幾強。當你行過舖頭，見到啲燒鵝齊齊整整咁排喺度，令人垂涎欲滴，就會自然想食。於是就帶份上庄回家，再加半份手撕雞返屋企加料。當入口那刻，完全感受到強烈濃厚的煙燻炭香味，用上荔枝柴煙燻過，同外邊嘅燒鵝感覺完全不同，口感層次都有多重，雖然上庄冇咁肥，但啖啖肉，好滿足。最鍾意睇嗰啲肉嘅紋理，好靚，加上層皮先至係重點中嘅重點，又脆又香，如果有支Ardbeg襯，一流。手撕雞又係超值，返到屋企先知咁抵食，有辣有唔辣，鹽焗和麻辣隨你喜歡，屋企人怕食辣，所以選擇吃不辣。$78半份，可以食足兩日，鹽焗烤雞味濃郁，雞肉滑滑，比起厚興瑜記手撕雞當然好得多。而家外賣都好平，全部有優惠價，經過又未試過的話，絕對會有驚喜。棋哥燒鵝  尖沙咀加拿分道40-46號香檳大廈地下2號舖

每次經過棋哥燒鵝, 都會比佢掛住出黎既燒鵝吸引,我同BUDDY都係燒鵝控, 今晚唔煮飯, 就索性買外賣返去同BUDDY齊齊食。上OPENRICE搵地址時, 原來棋哥燒鵝餐室有幾間分店, 今次去尖沙咀分店買外賣, 坐港鐵可以係尖沙咀站B1出口, 餐廳近THE ONE向美麗華商場的斜路上。除左有外賣餐單仲有茶餐。最後揀左 :棋哥燒鵝飯 $53燒鵝併叉燒雙併飯 $58諗定左食乜野, 一入去就係收銀處, 職員先幫你探熱, 亦要酒精搓手液清潔雙手。餐廳光猛整潔, 坐位分隔開以免聚集。大約等左5-10分鐘就有, 期間不斷有客人外賣及堂食, 餐廳都好多人幫襯。棋哥燒鵝飯打開真係香噴噴, 燒鵝燒得好香, 燒鵝皮又脆又JUICY, 肉質香滑, 配有菜心。白飯有少少鼓油加上燒鵝汁, 好好味。燒鵝併叉燒雙併飯勁LUCKY竟然有燒鵝髀, 大大塊燒鵝皮連肉, 堅真心正呀 !叉燒係最正既半肥瘦, 易入口, 讚呀 !食完都係唔夠喉, 其實餐廳仲有其他, 例如:手撕雞, 乳豬, 燒腩仔, 豉油雞等等, 下次可以試下。

上次喺銅鑼灣分店，試咗佢嘅乳豬，覺得抵食又高質；今日去尖沙咀，記得都有棋哥分店，所以就再嚟encore啦。本身都有諗過不如堂食個燒味飯，但望一望Menu，堂食同外賣嘅價錢都有一段距離，加上想食得安心啲，最後都係決定買外賣。既然佢叫得做棋哥燒鵝，今次就梗係要試吓佢嘅招牌啦！為咗食隻脾，買咗個下庄，$148。雖然肉唔算多，有少少肥膏，但皮脆，而且真係好香燒鵝香，一個人都食得晒！另外一提，今次發現佢有新產品，就係手撕雞。定食價錢望落好似抵啲，下次可以一試。

好開心今日又有me time，將囡囡放咗喺娘家，之後去咗尖沙咀嘅美容院做facial。做完就去附近嘅棋哥燒鵝，斬料返娘家開餐。來到棋哥燒鵝梗係要食馳名嘅燒鵝，買咗個下莊，有肥美嘅燒鵝髀🤭😋另外再買咗個爸爸喜歡吃的叉燒燒腩飯，滿足地回家。返到屋企仲熱辣辣，未打開已經聞到香噴噴嘅燒鵝香味。燒鵝充滿油光，咬落爆汁，非常肥美juicy，全家人一致讚賞。叉燒燒腩飯都好好食，叉燒半肥瘦夠淋唔會乾。燒腩仔脆卜卜，肥瘦相間，個飯底又夠軟綿綿，我唔鍾意食硬飯架。啲飯索曬燒味嘅精華，好香✨✨😜