梨花園 (已結業)

記得尖咀(海港城)的梨花園那碟炒粉絲，好大碟，配料與粉絲比例平均，炒得夠乾身，面頭還鋪滿蛋絲和芝麻，香得很！但cwb呢間就分別很大，冇蛋不特止，粉絲多過，又獨姑一味是洋蔥和紅蘿蔔絲，黑椒太多，感覺極嗆喉，吃完滿口是油，有點可怖！雖然吃過一次，但印象中都唔係咁o既，都唔明點解可以差咁遠~~

唔知點解會得桐欏灣呢間express有得食，其他都冇！煎餅都唔錯，但太多，反而其他配料欠奉，不過煎得好好味，不太油，很香！

一心諗住去食石頭飯,叫了一客什錦石頭飯,一客牛肉粉絲飯,點解兩個飯的用料都一樣??石頭飯除了用石頭鍋,多了生雞蛋(今時今日重食生雞蛋, 又唔問下我食唔食就同我放在飯中)同少了粉絲之外, 根本就一樣,菜一樣, 牛肉一樣, 泡菜一樣....唉.....最差就係d飯太多水,濕淋淋,石頭飯一d飯焦都冇,牛肉又"un", 泡菜又咸, 無里味道, 加d辣椒醬啦, 唉....辣都唔辣,咸到死, 搞錯, 我以後都唔去啦!!

今日食個牛肉泡菜鍋飯, D牛肉同泡菜都好有味, 可惜D飯太太太太太太濕同爛, 攪到我好似食緊baby food咁。明明上次去海港城o個間都煮得OK, 點解會差咁遠? 另外有一小盒泡菜跟餐送o既, 嘩得個咸字, 同泡菜完全扯唔上關係, 呢點絕對需要改善。基本上味道呢三分只屬於鍋入面o既牛肉同泡菜。

款式唔算多，但每一款都係代表韓國o既食物，我首推牛肉飯，醬汁香、落足料，整碗飯都充滿牛肉汁，味道好食過吉野家！

嘩！好耐都冇食過o的飯食極都仲咁熱o架喇…果日放早行開Times Square，肚餓..上面食通天又未開，於是走o左落o黎food court食o野…係度叫o左個海鮮錦飯..48蚊連一碗面鼓湯同泡菜~ 泡菜好正~夠辣又開胃！而個飯就好大個，仲好好味添boo！個飯話就話什錦，其實得魷魚同蜆..不過對於我o黎講都已經好足夠~ d飯雖然睇落好似好油咁... 不過食落又冇乜油膩感覺喎..又冇乜味..我都搞唔清究竟果d係咩o黎o架…爭係知食到最底都仲有成層o野鋪o向度~.