梨花園 (已結業)

今日同朋友去完大浪灣玩之後黎timesquare食din.等位已經等左好耐 因為我地有8個人-3-揀左好耐就食呢間韓國野我要雜菜烤雞飯set跟kimchi+coke=$46唔算貴啦kimchi我食左1舊 好辣-_-coke我叫左light佢冇比我 我冇飲~個飯真係好大碗!我地4個女仔其實應該叫2碗-.-大家都食剩超多...不過都幾好食個面一半係菜一半係雞2個味道都幾好d雞比我食晒 好好食菜都炒得幾好不過問題係佢d野真係超級多油...!食到我肥晒-口-

叫了一個烤雞飯，跟泡菜同汽水。個飯乾到連一滴汁都無，齋食白飯，後尾都要出去攞豉油。飯用上珍珠米，口感總算好些。配d椰菜；d雞數量不少，不過好鞋，好鞋 & 好鞋！泡菜辣度交足貨。整體黎計，算貴夾唔抵，food court 裡仲有大把好過佢嘅choice~

去呢個food court食飯多數食呢間, 以food court來講泡菜豆腐煲好足料, 女仔食唔晒, 當然你唔可以要求佢係頂級豬肉同豆腐之類啦, 話晒比五十蚊之喎, 亦食過佢ge泡菜湯麵湯底就略嫌淡口, 麵可能係辛辣麵, 但係一大煲好開心, 好似好豐盛咁~

一日同老公去銅鑼灣買野, 諗住求其食, 去左梨花園兩份食左個牛肉粉絲湯, 因為我次次都食佢,貪佢熱騰騰好大份, 一個人實食唔晒, 食晒d飯又食唔晒d粉絲, 果然我地兩個人岩岩好食晒無浪費亦夠飽, 其他野我未食過, 亦無興趣試, 因為都幾貴架。

與朋友晚餐時叫了一個炒粉絲和一個烤雞肉飯, 其實味道不錯, 但員工的態度實在令我整餐飯都很谷氣. 問題在於那碟炒粉絲, $30, 已經冇跟野飲, 竟然離譜地細碟. 我問那員工"就係得咁少喇?" 佢話係呀. 我話同個玻璃櫃show出黎果碟差好遠喎, 佢仲要勁理直氣壯話"係呀, 假扮丫嘛" 另一員工亦向我投以不友善目光. 火都黎!! 咩態度呀! 冇蛋絲, 冇椰菜, 已經冇野飲跟, 仲要細碟到下午茶咁款, 幾啖就食完, 竟然仲要用咁既態度對客人, 唔該train train佢地啦!!

這次到梨花園選了燒牛肉粉絲飯, 份量意料之外的多. 味道可以, 好惹味, 但牛肉跟煎蛋也比較老, 整體一般, 份量足夠2個女生!

因為去唔成跑馬地正斗食粥, 於是hea住去citysuper解決...見咁耐無食過韓國0野, 又想錫住父母個荷包, 又要兼顧埋家人的飲食習慣, 於是叫0左個套餐啦...即叫即有的, 我都覺得奇怪...一食落口...只餘微溫...每一啖飯都充斥油感...那芡汁厚厚的...一啖一驚心...叫個套餐平d, 都唔使咁對我下嘛...???? ><無怪乎喊多過笑...

當日5點半去到，見一個人都無，叫了粉絲燒牛肉。點知好快就有，但成個飯一D都唔熱; D牛肉和蛋仲好似放咗好耐，很乾! 見到班女侍應只係掛住傾計，真係火起!

石頭雜錦窩飯，有青菜，芽菜，蘿蔔絲，雞肉，還加生蛋一隻。沒有什麽味道，唯一可取的是即叫即做，所以那窩飯是名副其實的新鮮滾熱辣。套餐50元，包泡菜一小碟和汽水一杯。泡菜也是不值一提。如此價錢，去食茶餐廳碟頭飯或大家樂好過。

今日來到呢度本來想食香辣屋先知道最裡面果兩間以關閉。包括(香辣屋&富臨) ﹐好奇地去瞄瞄張NOTICE得知會開TRIPLE O。大失所望﹐因為本人覺得TRIPLE O D BURGER唔值咁貴。來左梨花園。本人叫左燒汁烤雞肉飯﹐而老婆叫左泡菜海鮮烏冬。燒汁烤雞肉飯不過不失﹐只係D飯比較硬。但係老婆個泡菜海鮮烏冬就好唔掂。我地兩人望住個烏冬以為佢地比錯左個素菜烏冬﹐因為望落去淨係得黃牙白同烏冬。于是我地兩人用筷子係咁撩﹐終於比我地發現佢地所為既海鮮。五六粒蝦米仔﹐三四粒青口同埋一粒尤魚。無倫蝦米仔﹐青口或者尤魚﹐每一粒既SIZE完全可以FIT落你尾指指甲。註﹕絕無誇張﹗同佢地放係玻璃櫃供點菜既人參考既樣版直程係兩樣唔同既野。以咁既價錢食D咁既野簡直離普。去超市買$5-6一個韓國農心泡菜即食麵既質素一無一樣。

其實在food court食午飯味道沒有太大期望，只是沒想到連菜也有“賞味限期”，大家看到下圖后，我想我不用再多講了。。。

6.20 (wed) dinner當晚度度都好多人，我地又肚餓，所以就去左citysuper速食，反正之後都去飲野。我叫左個雞粒飯set，送炒粉絲（因為送炒粉絲我先揀呢個set，其他係送泡菜），野飲要佢個湯(好多白蘿蔔)。其實３樣都好味，但個胃唔舒服，碟飯其實食左1/4已經唔想再食，係我身邊o既兩位朋友唔經唔覺夾晒黎食=,=（佢地分別叫元八拉麵&香辣屋，但唔多掂）。炒粉絲幾出色：唔油、有口感、入味！在世廿多年未試過美食當前時胃口差到咁，食多啖都想嘔。

citysuper依家有個清酒節, 同朋友仔放工諗住去睇下順便就係呢度食埋飯炒粉絲($30) - 粉絲咬落煙煙韌韌, 有洋蔥, 蘿蔔絲同蔥同炒, 但洋蔥真係太多同有點辛辣, 後來挑番出來都有一大堆, 碟底唔油, 整體來講都唔錯

order 了一個鮮菇豚肉飯, 以石頭盛載, 以為是石頭飯, 點知勁難食, 一點飯焦都冇, 因為飯太濕. 其實冇飯焦都唔緊要, 個飯好食都算, 但最難食的是汁很油, 仲油過茶餐廳的"獻汁", 食到想嘔, 吃了一半都冇已吃不下去. 這個飯像是將茶餐廳不好吃的燴飯放於石頭內.

燒牛肉粉絲飯，全部都唔熱，最熱係飯，牛肉算多，唔叫un，又有成堆雜菜，可惜粉絲又係偏油，不過佢夠粗身好口感，辣椒醬甜甜辣辣幾好。大大碟，實夠飽，但要睇住快ｄ囉，因為好易miss左都唔知，影響晒味道。