梨花園 (已結業)

又係去apm... haha..無辦法 太懶...渣車近近地 又多 d 野行嘅mall... this time 行下food court.. 發覺 display 有我喺 korean嘅最愛wor????腸仔麵鍋!! hahah..我真係好 love呢個 pot ;pppp佢呢度都整得嘅好食!令我有d覺得番返去 kimchi town for a sec

五月二十五日 (星期二)老公仔做完gym,和他會合都不早了,決定到apm吃citysuper foodcourt....老公仔選了梨花園點了韓式海鮮麵可惜老公仔忘記要求少辣一吃就覺真得很辣令到不能盡情享受公道點說,材料實在很充足大量的小青口,魷魚等等還有辛辣麵份量很多,單看那個大煲就可知一二給了好...只是我們忘記了要少辣

放工等返學, 九龍灣冇咩好食...唯有走一轉觀塘, 一向都覺得FOOD COURT D野唔會話好食, 行左個圈, 都唔知食乜,口淡淡, 想食辣野, 見佢寫明係辣泡菜豬肉石頭飯, 就試下點知真係有驚喜, 好好食, 泡菜又爽又夠辣, 豬肉都好入味~我都冇預佢咁辣, 冇叫野飲, 個飯份量好多....食完飽到上心口....唯奉勸唔食得辣, 就真係唔好0學人叫辣野食, 因為真係幾辣下....

9點機個food court都仲係好多人~揀左一輪最後決定食梨花園o既牛肉炒年糕公仔麵...個賣相已經夠樣衰...D野一pat pat...個碗又放唔正...入面D野食倒埋晒另一邊...D年糕未煮透,好似咬橡筋咁D公仔麵又煮得霖得滯...得個辣字...依個價錢去食其他舖頭形式o既韓國快餐好佢N倍喇...冇下次~

同老公仔做完gum後,到觀塘foodcourt吃晚飯!本想吃pepper lunch的,但是已經見到很多人在等,加上已經九時了,吃點不用久等的食物吧到了南京路,想吃它的炒年糕,可惜已經售罄,唯有再行行看看吧見到梨花園,又吃炒年糕吧是個辣牛肉炒年糕,加飲品-pepis light,$50不便宜呢個汁比較辣,我吃到大半時,已經飲完了飲品!年糕都不錯,有口感!牛肉份量比較少,有一隻蛋和椰菜味道不錯...可是比想像中辣!

中午在apm food court很快就等到位，就幫襯坐位最近的梨花園 (Lee Fa Yuen Express)。焯焯看一眼，就立刻要人參雞湯飯套餐，我要人參雞湯麵，康康要香辣牛肉麵。湯麵很滑，人參雞有半隻，人參湯味不太濃，反而湯內的人參很濃味，可能煲湯時間不夠長，人參味未出，數一數人參足足有10倏，吃剩2條才醒覺映相，柚子茶唔甜，泡菜辣味重。飯亦很大碗，焯焯將飯倒入湯內吃，似在韓國吃法，以$51價錢，有泡菜、柚子茶，又有10多條人參，他說不貴又好味。麵和飯都是大大碗，份量足夠有餘。香辣牛肉湯麵加汽水 $48，麵食落好像是辛辣麵，湯味好像只落了半包辛辣麵辣粉似的，不算濃辣。但牛肉又鞋又乾（下次不要選擇牛肉）。吃完再看一次櫃內食品模型，發現另一款人參雞湯套餐$60有雞一隻、飯和泡菜，如果2個不是大食之人共吃會更平宜。

食下午餐真係＜零舍＞抵食，只係２０元的ｔｅａ　ｓｅｔ！　韓式炒粉絲～有紅蘿蔔絲，蔥，牛肉，好少椰菜見到細細的長形碟．．原來食落又唔係好少，半透明的粉絲～油方面，唔算話太多的．．．ｄ　粉絲很彈牙ＱＱＱ，牛肉不錯呀～！ 果杯 凍柚子茶,都唔算太甜～我唔算ｌｉｋｅ　柚子味道，所以唔稱得上好好飲～

很少在AMP的food court食野, 太多人, 好難搵位. 可能佳節過後, 少了人外出吃飯, 要醫肚的時候, 走過food court, 竟然有位, 仲唔開餐. 石頭磨菇牛肉飯 - 份量夠, 加上d牛肉不是肥牛, 最合我心, 磨菇也很多, 好飽的一餐.

泡菜湯飯$50間唔中就會掛住呢個湯飯，成碗嘢紅卜卜，食完成身汗好過瘾，泡菜唔過淋，唔過辣，有啲豬肉喺入面，仲有塊雞扖叧上，個汁幾好，但塊扖好重雪味佢碗飯份量幾大，再加埋啲湯，一個女仔係食唔晒

薑餅人剪髮後買來梨花園外賣午餐， 分別有韓式炒粉絲和泡菜豬肉飯。韓式炒粉絲有椰菜絲， 紅蘿白絲和豬肉碎的配料， 對我來説， 還是粗身的粉絲吸引。 粗身的粉絲今次有些過稔， 有欠彈牙， 但我持著不浪費的原則，依然吃不少。泡菜豬肉飯顏色火辣， 除了有惹味的泡菜外， 還加了瓜片， 感覺頗健康， 薑餅人對此十分捧場。之後還有乳酪蛋糕和蛋撻吃， 很豐富耶～～

本身有諗過去Pepper lunch食，但係條人龍實在太太太恐怖，所以我地揀左食韓國野。一去到，見到有我想食好耐既 “韓國辣牛肉公仔面炒年糕”，開心死！！！男朋友之後再揀多個 “泡菜豬肉石鍋飯”。48蚊係一個TEA SET，可以揀飲湯或者汽水。韓國辣牛肉公仔面炒年糕（＄４８）：牛肉呢？牛肉呢？我搵左好耐剩係搵到幾粒牛肉碎，我本身好鍾意食年糕，一食，好好味！！夠晒煙煙UN UN！！加分！！個汁甜甜地辣辣地，好有韓國既味道，公仔面唔太淋，吸晒Ｄ醬汁，味道好好！！！碗面食極都食唔完，因為個底好多年糕，極度飽肚，抵食又好味～除左牛肉失蹤之外，依個係值得俾個笑面咖！泡菜豬肉石鍋飯（＄４８）男朋友一路食一路同我講，“一定要俾喊面佢呀,快D上OPENRICE寫食評呀！！”。原來男朋友平時唔係好食辣，仲要依個係超辣，連我平時食開辣既都要飲多兩啖水，最離譜係豬肉又失蹤！失蹤左都算喇，成碗都係泡菜，連飯都係得兩三啖，成係差差差！喊面呀！！如果同一樣既價錢，我寧可食多碗公仔面炒年糕呀！如果剩係食左韓國辣牛肉公仔面炒年糕，我一定會俾笑面，但係男朋友碗泡菜豬肉石鍋飯實左….又冇豬肉…又冇飯…剩係不斷食菜…所以變

因這廣場主要是年青一代的逛街地點﹐因而這廣場內的餐廳都是以煎炸及濃味食物為主來形合年青一代的口味﹐就連這食物廣場也是一樣。梨花園主要是提供韓式菜﹐菜式以辛辣烹調煮法再所難免﹐唯有喝冰凍氣水來救火。是晚點了辛辣雜錦海鮮拉麵 - $46 – 味道不用多說都在預期之內﹐很鹹很辣﹐湯底呈鮮紅色﹐拿到座位時湯底還熱騰騰地翻滾著。另其外貌看落辣度已甚高的湯鍋變得更勵害。雖然所為雜錦海鮮只是微細的魷魚粒﹐青口粒及蜆肉粒﹐但數目絕不少﹐可說是用數量來搭夠材料的質素。 麵用上韓式辛辣麵﹐所以吃到尾聲麵質還不至太淋身。以這質素及份量來說﹐在這食物廣場內算是不錯的選擇。

原來對上一次係度食已經差唔多係一年前既事 哈!同朋友坐左係food court傾計傾下傾下又口痕叫左個下午茶韓式炒粉絲 + 7up ($20)原來都幾細碟............但係味道唔差!幾好味!有d芝麻同蔥係面 幾香粉絲又唔會話太淋!不過我諗我下次唔會食依個xd要20蚊的話我會選擇食其他野....

話說上次去睇harry porter 之前好肚餓so 就係food court 食左d野先 choose 左梨花園既泡菜豬肉石頭飯 一黎到既時候 .. 就已經好香 .. 仲有 ja ja 聲tim 今次叫左個set .. 就係+ 8 (好似係) 就有個小泡菜 + 湯 雖然我地個飯都有泡菜 ..但係個個人話唔同既 .. 咁我地就試下啦 首先 泡菜豬肉石頭飯 好香好熱 d 食送好多 .. 一啖飯+食送 .. 好好味呀 .. 仲有呀 .. d飯係下面仲會脆脆地嫁 .. yummy ..個個 泡菜同飯入面個d 真係唔同d嫁 .. 佢係凍既 好味另外個湯都好甜 .. 仲有d 豬肉係到嫁 .. 證明係足料既湯 下次想試下d 面呀 !

琴晚同左女友去左呢間店到食晚餐,叫左個香辣牛肉麪,一見到鍋麫,勁多料,好似唔洗錢咁,d料仲多過d麫,味道唔太辣,可以接受,而且味道唔錯,食完都唔會話好辛苦,可以一試!!