梨花園 (已結業)

今日放假出街行下 ,行到支力支力地， 見得一個人 就想近近地 簡單咁食餐飯之後就回家去。 今日想食韓國野 . 所以就揀左食food court 入面既梨花園。晚市選擇多 , 想食泡菜飯同時又有得食粉絲既朋友可以叫呢客香辣泡菜炒飯配粉絲。 跟餐可以揀牛肉 /雞/ 豬。 仲有蛋蛋同跟餐海帶湯。 $52呢個價錢， 以份量同晚餐計 算好抵食啦😍😍😍 唔使30分鐘就比我ko 哂 😋😋粉絲夠味但油多左dd ,泡菜炒飯就夠味又唔太辣。 👍👍

自從APM的出現，對觀塘這個舊區，的確起了一個變化，有時候十一點幾經過，依然人流不絕，偶爾有對音樂的愛好者在表演，帶來了不一樣的氣息。其實APM的food court都光顧過不少次，但水準有點參差不齊，今次就試了梨花園。牛肉湯粉絲套餐味道十分大路，同樣是粉絲多過牛肉，已在預期中，配料有金菇、蘑菇及椰菜，比起又一城的認真得多，白飯好腍身，明顯落水太多，伴和牛肉湯，三扒兩撥就算，又可以剔走一間。

除了星期六日之外，經過好幾天在公司捱飯盒，好不容易地今天走出公司辦公，順勢在外午膳。由於仍有事要辦，用餐時間也不敢太長，只好尋找一些可以快點吃完就走的餐廳。來到APM 的Foodcourt，同樣有不少選擇，而在下亦選擇了梨花園吃個簡約的午餐。從食物樣本櫃裡不乏有石頭飯和麵食，在眾多的樣本中，選擇了石頭雞肉飯配泡菜及飲品。而在下等候期間，一位店員正在把泡菜舀在細小的膠杯裡，準備與套餐一并送上。拿在手裡的石頭雞飯，仍然發出吱吱聲響，坐下後一嚐石頭裡的配菜，是椰菜也，很腍也是幾爽脆的，雞肉就不是嫩滑，但是有勁嚼，也有口感，只是米飯卻很濕很稀爛，而且有點黏住一嚿嚿，像似是結了的粥一樣。泡菜味道辛辣，但未至於辣到入不到口，辛辣程度是小辣。飲品方面只是汽水而言，不提也罷。整來說味道一般，不會說了好不好吃。另外等候時間卻長了一點，不過還可接受。除了等候食物要花時間外，其等位時間也很快便可就坐。

晚上回觀塘接太太，亦陪她在APM買買野，於是我們的晚餐也就腳地在APM附近享用。太太茹素，附近亦沒有什麼真正的素食餐廳。觀塘是她的地頭，尋素食點也是她的專長，由她帶領之下，我們來到APM的 food court，食石頭飯。早有一手準備的太太，一早已鎖定要我陪她吃石頭飯。於是我們就叫了一個雜菜石頭飯，走汁，因為汁是有肉的，純素茶加點豉油，清淡的味道，香味是飯同飯焦帶出來的米香，愛淡口味的人士可以試下走汁。 茹毛飲血的我，就要了一個石頭牛肉飯，這個也可以算是大部份人都喜歡的石頭飯類型。這裡的石頭飯，好的地方是夠熱，令我覺得普通的地方就是牛肉，因為韌了少少，可以說是一分錢一分貸的關係吧。汁幾好，份量亦夠飽，肉食的竟然沒素食的咁驚喜。 味道還是可以的小食店，而這兒最重要就是有熱熱的飯食。簡單一餐，求飽而已。

這天又和母親在這foodcourt午餐，看見別人在吃的韓式食品賣相不俗而且韓式的東西大多惹味帶辛辣，正合我這天的口味，便選了這間店子。店子供應的食物幾乎都以熱鍋作底的而眼見大多數的人都是選麵食類，但個人較偏好飯而且這兒的韓式麵食看起來就像公仔麵的樣子，不太感興趣。在一眾飯類中最終選了這個像是雜錦鍋的一項(實際名字忘了喇!)配飯、湯和前菜($5X)。叫了號碼便立刻到店前拿取食品，看上去時還真的挺有驚喜，雜錦鍋熱度十足，還在滾燙著的呢!拿到位子裡去，雜錦鍋以鮮紅色的湯底，面層泛起紅油，看似辛辣非常的，而當中的配料亦甚為豐富，除了豆腐、蔬菜粒和豬肉碎之外，還有一點迷你的海鮮，如蜆肉、蝦和魷魚等，十分足料。而前菜是芽菜和莧菜，有著頗濃的麻油香，不錯，反觀那牛肉湯就是水準以下之作。先把雜錦鍋中不同的食料放到飯上同吃，起先味道不如所見般辣，但吃了多口後，辛辣味便慢慢滲出，但到最後也沒因太辣而是吃不下，這個辣度於我而言是可接受的，但對愛辣人士而言應該就是不足了。雜錦鍋中的各類食物都是一般般的水平，除了豆腐夠滑(其實也只是超市貨!)外，其他的都無甚特別，唯數量足以用來佐飯而已。畢竟二人在foodcou

food court梨花園既人參雞湯明明唔錯架, 雖然未算正宗同埋足料, 但總算價廉物美, $48有半隻人參雞, 唔太餓的話兩個人都夠share黎食早排夏日炎炎曾經停售左一段時間, 呢近先至從新推出唔通就係因為幾個月無整到人參雞湯, 攪到唔記得左點整?!今次要左一隻雞, $62蚊再加$3要左蘆薈汁個湯整得太咸喇, 又太杰, 係咪當錯左呢個係人參雞茨呢?! 攪到我地兩個湯精都剩低三份一既湯隻雞本身就已經無期望, 係淡而無味加上好鞋雞肚内既糯米份量亦太少, 我認為呢d糯米係精華黎架嘛陰功值得一讚既係好夠熱, 拎既時候熱到仲起緊泡, 另外份量亦好多, 一個人基本上難可以食得哂我就俾多d時間你掌握番點將個茨變番做湯, 過一排再試下

去APM行，就順便到美食廣場食LUNCH，由於成日都是食個D石頭窩飯，SO今次食炒年糕。味道OK，但是就覺得分量少了些。D年糕都幾好味，而且好有咬口，而且加上D汁，辣辣地~~~~正。可能是因為我唔食太辣，所以覺得D汁剛剛好。除左D汁外，碟野仲有D椰菜，完隻蛋，同D牛肉。但D牛肉就真是才左D，對於$45一餐，唔知算唔算抵。但整體來說，是好味的，大家可以試下。

每次到梨花園都係食石頭窩飯加柚子茶，今次一於試下同事推介的香辣牛肉公仔面炒年糕，餐飲仍是柚子茶。公仔面份量足，如果可以改為辛辣面就更好，年糕好煙韌，辣度夠，雖有3-4片薄切牛肉，但牛肉過熟，非常’鞋’同好韌，唯有放棄晒啲牛肉；餐飲柚子茶跟以前不一樣，味淡且無甜味。下次都係食番石頭窩飯穩陣。

So many choices around the food court !!Since I tried "Stone Pot Rice" in Causeway bay branch before and it tasted good so I decided to try noodles this time. Spicy Beef Ramen was ordered and it was around 8 pm..Suprise !!!!!The noodles mentioned in menu being "Ramen" but the real thing in front of me was a bowl of "Instant Noodles" !!!!Waxy and tasteless noodles !!The soup was quite good though ...If you liked the soup...worth a try...but if you dont expect instant noodles being served in a f

好少落 APM.今次落去又已覺得有點新意思.好似又多了選擇,喜出望外.自從上一次跟惡男,KC,去過食韓食,便一直想再去吃多次,奈何未能抽空,只能一直放在心上.在 APM 竟然給我看到大眾化的梨花園,就讓我止止咳吧石窩飯 keep 得啲飯好熱辣,正, 正, 正 !!!!啲泡菜正好解決咗我嘅韓食情意結,攪到我食到舔曬脷

下午茶做到6P就完.減肥關係,已有食早飯的習慣.既可以省回晚飯錢,又可以KEEP FIT,實在一舉兩得23蚊有個細碗韓式牛肉飯+柚子茶.牛肉飯個汁甜甜地幾好味.絶對值得一試.雖說是細碗,但都唔細架喇.食完都飽飽.飯粒亦好味.吉野家以外,又多一個平平地的牛肉飯選擇喇

原來APM個food court既野食唔平架!! 一個石頭鍋飯都要4x - 5x其中一樣我最愛既野食就係石頭鍋飯 food court來講 同佢既味道 賣相 要4x蚊 真係貴左d....不過算啦...呢度好似得呢間韓食店講反個石頭鍋飯先個鍋真係幾熱 所以唔好亂落手掂佢呀!!飯好多 對我來講 多左dd配料好多 <<<< 正!!佢最正係d 韓國辣椒醬 同醬油 都可以分開自己落 自由調教辣度不過要加餐先可以有汽水/ 餐湯 同泡菜....呢個衰d ><

apm個food court真係幾時都咁多人架...如果唔係朋友想食飯我真係情願坐係starbucks食下三文治就算...搵左位好耐好耐...叫野食同等野食都等左好耐!由於好唔願意係呢度食既關係..我求奇叫左一個我都唔係好知既set黎食...見佢50蚊有咁多野食都幾低....有一大碗白飯,細細dull既粉絲,一碟有豬有菜既餸同埋一杯熱子蜜.先食左個冬粉絲..冇咩特別,但係勝在夠香夠醒胃...d飯好差呀!!!!!硬到死!!!痴埋一舊...都唔知放左幾耐咁...d菜同d肉加埋o個d所謂既汁...其實..我覺得唔應該叫汁law...叫做油差唔多...食落去真係成口閃令令架....唯一既安慰係杯熱騰騰既柚子蜜...係就係貪佢平姐...但係洗唔洗咁難食呀....仲要等咁耐!!!!!好討厭!!!!

Foodcourt最大作用是快、易搵位，是日要在附近辦點事，場內餐廳十室十滿，可選擇地方就只有這裡。原打算吃新開的豚肉店，不過人氣到超高，無時間等，結果選擇韓式，也別以為獨行俠易搵位，其實在飯市，也要繞場兩周才搵到吉位，這盆東細不輕，再加上重型行理，舉步維艱吃餐飯真不易。牛肉鍋飯夠熱，菇粒無助食味，與牛肉味也是格格不入，韓式薄牛肉煮得夠味，白飯亦軟熟，$45套餐價錢不平宜，只是人在江湖有時真的身不由己。

錯誤O既選擇!!! 去到FOOD COURT真係花多眼亂, 掙扎左好耐想食咩好, 左揀右揀終於選定啦~ 可惜 >.<咁多款石頭飯, 有牛肉、豬肉、原味、海鮮...多數款式SET都係$50左右... 唉~~~ 唔想食太多肉, 於是最終又選擇左海鮮~~~不過, 唉~~~ D海鮮其實唔係海鮮LAW, 係海鮮"碎"上...............有相為證!!! 外貌已經唔討好, 而且飯入面D汁味道又有D怪, 又過份多汁添~~~ 攪到一路食一路撈都唔似食石頭飯, 完全冇O個種味道, 而且又焗唔到飯焦!!! 食石頭飯最期待其實係飯焦...最終, LEE碗飯我應該只係食左1/3, 因為味道怪已經不在話下, 而且個樣又好難睇, 就連配菜O既泡菜都係唔好食, 唔辣O既.... 唉~~~ 好失望點解自己最終選擇食LEE間~~~ 攪到我以後都唔會再O向FOOD COURT食韓食....唔想再失望而回~~~