梨滿園韓國料理

營業中

休息中

餐廳位於科學園，夜晚很寧靜，空間又大，感覺很寫意，可以慢慢吃品嚐美食。三文魚刺身：二百多元放題有燒肉，啤酒任飲任食，竟然還有刺身！？實在太花算，cp值爆高。炸物；整體不錯，全都是即叫即炸，上桌時在冒煙，我最喜歡吃餃子，外皮香脆沒有油益味，裡面是韭菜粉絲，味道很好，粉絲更加添了口感。黑豚五花腩：新鮮沒雪味，每塊都是厚切，煎到脆身吃，油脂很香，跟前菜配搭感覺更清爽不油膩。豆腐鍋：用海鮮牛肉煮湯底，非常鮮甜，豆腐滑，份量小小，多喝也不會太佔肚子空間。

近期科學園多了許多新餐廳, 所以閒時都會去科學園拍拖覓食。有別於平時的韓式燒烤店陰陰沉沉的環境，梨滿園的環境新淨且光潔明亮。通風系統亦佳, 食完韓燒都不會一身油煙味。餐廳採用手機下單模式，方便又衛生，按量出菜亦可以確保食材的新鮮程度。眾所周知韓牛一向是高級的美食，想不到韓燒放題都有幾款韓牛任食，$218 的定價可算是超值！頂級韓牛肩肉油花分佈平均，顏色鮮紅亮麗。略略燒一燒兩面就食得。口感柔軟，有油脂香。用生菜包裹牛肉，生蒜，泡菜，麵豉醬等一口吃下，才是最正宗的吃法。值得一讚的是生菜好翠綠新鮮。頂級韓牛板腱肉另一款回本美食。油花雖然比韓牛肩肉少一點，但牛肉味亦比較濃郁一點，口感亦比較有嚼頭。個人更愛這款。美國頂級安格斯一口牛切成丁狀的一口牛，外面燒得微微焦脆，內裡仍然保持粉嫩，每咬一口都有肉汁。牛舌薄薄的一片，一燒即熟成攣曲狀。口感可以用脆來形容。黑豚腩肉黑豚腩肉經過燒烤，「邊位」燒至金黃香脆，亦能把油脂都逼了出來，入口完全沒有肥膩感，充滿油脂香。魷魚𠝹了花，一燒就自動捲曲，入口鮮甜彈牙。帶子個子雖小，但鮮味十足, 沒有雪味。熟食即叫即製，上桌時是熱辣辣的，而且水準絕對跟「散叫」一樣高。

之前工作時經過科學園看見這間韓式放題好像幾多人吃，今次一心來吃吃放題，又可以放縱一餐🤤這裏是自助掃QR code落單，可以自己追蹤食物，食物種類不算少： 肉有牛豬雞海鮮等 /卷物/ 炸物/鍋物/ 汽水/雪糕等 ；而且不同種類的前菜是可以refill 的🐮首先要推介韓牛，這裏的韓牛絕對真材實料，入口不算肥膩，油脂分布平均，而且每一次上碟都大大碟 🫶🏻 有別於其他放題店；有足夠的水份及油脂，不會黏爐，回本之選⭐️另外帶子也不錯，灑上一些黑胡椒，也是另一項矜貴的食材🥘海鮮豆腐鍋也是我日常喜歡的韓國菜，這裏的大大鍋，是正常份量，不是放題size；鍋物還有韓國出名的石頭飯🐥吃過韓式炸雞才覺得自己吃韓國菜🤣🥚喜愛韓式蛋卷及海鮮餅，功夫之作整體感覺良好，環境尚算乾淨整齊，燒烤爐是無煙設計，吃完不會一陣燒烤味，服務員貼心，不時會看看有沒有客人需要幫忙，會回頭

一般韓燒放題總令人非常忙碌，因同時要兼顧取食物及燒烤，但呢間位於香港科學園內嘅「梨滿園韓國料理」，就輕鬆自在得多，因除了可用手機經 QR code 落單外，還有服務員嘅殷勤招待。此外，餐廳地方寬敞整潔，抽風做得唔錯，還有好多二人卡位添！燒烤肉類款式多多，剩係A+頂級牛類，就有牛肩肉、牛板腱肉、牛仔骨、一口牛粒、肥牛…等等。各款都滿有牛肉味，尤其牛仔骨，因肉厚之餘又嫩滑，醃得好入味！另外，還有黑豚腩肉、豬頸肉、豬大腸…燒起嚟香噴噴。而海鮮類就有青口、海蝦、魷魚、帶子，真係應有盡有，梗有一款啱你胃口！估唔到廚師料理有驚喜 ，除了即叫即整外，還有每碟份量唔多，可以嘗試好多不同款式。尤其美味係：醬味濃郁嘅韓式大醬湯、蛋味香濃嘅韓式蛋卷、脆卜卜嘅迷你海鮮煎餅、外脆餡軟嘅煎餃子、最後梗唔少得就係酸酸辣辣嘅韓式泡菜喇…樣樣都各具特色，真係食到舐舐脷、好滿足！

放假襯著疫情舒緩，周末踩完單車之後入了科學園走走，運動完後食慾大增，見到有韓式燒烤放題，價錢又好抵，立即心心眼衝入去食！入到去發覺環境都幾舒服，不會像平時岀面韓燒餐廳會太迫同油油地污糟的感覺。每次食韓菜都最喜愛食韓式小菜，泡菜，芽菜都非常入味好食，未正餐前已忍不住吃了很多。肉類都算多選擇，由其事牛肉都有6 ，7種，對於熱愛食牛肉的我，算是很不錯，而且質素都幾好，有牛味，好食！燒肉都幾熱氣，任飲汽水，啤酒就簡直是一流！最後食埋甜品雪糕就為今天劃上完美句號。

梨滿園韓國料理 呢間餐廳位置喺科學園，就喺17W一樓位置，本身果楝商場已經有停車場，揸車去的話好方便。喺呢個大廈入面感覺好舒服，有好多可以坐下休息下既地方，而呢間餐廳亦正正位於扶手電梯附近，好輕易就揾到。 入到去發現係新裝修，非常乾淨明亮，完全冇燒肉店果種油膩感覺。店內全部都是卡位，私隱度很高，坐底之後就可以用電話掃QR code自行點餐。我揀左燒肉放題，大部分既食物都可以隨意選擇，而且選擇好多，對我黎講已經非常足夠。 食物選擇有好多，有熟食，亦有燒的生肉；熟食有前菜類，例如泡菜、菠菜、芽菜等，之後可以揀刺身，三文魚好好味，係新鮮肥美；仲有炸雞、炸蕃薯、炸南瓜、炸餃子、韓式飯卷等，非常美味。而燒肉選擇方面，我推薦牛仔骨，非常入味可口，另外亦有豬頸肉、牛肩肉、雞肉等等都非常齊全。如果覺得D肉太油膩可以攞D生菜包住食，咁就唔怕喇，生菜好脆好新鮮，質素唔差。 以上都只係一部分，唔好咁快食飽住，因為仲有海鮮同蔬菜，海鮮係非常新鮮，D蝦燒完仲係彈牙，都唔係細隻架，另外有帶子、青口等選擇，其實性價比非常高。仲有D金菇、冬菇、粟米呢D可以叫，燒起上黎都幾好食。 飲品都有好多款選擇，自己隨便揀隨便攞，

今天大埔踏單車，路經科學園，週圍逛逛，發現一間韓國餐廳。此餐廳下午五時前提供特價午餐，選擇包括石頭鍋飯、烤肉、牛骨湯、人蔘雞湯、海鮮麵、煎餅等等，包羅萬有。午餐並已包括飲品和前菜，十分經濟。今天點了牛仔骨，肉質嫩滑，十分美味，而洋蔥也炒得很香。除了牛仔骨外，也點了海鮮麵，可以要求辣味或清湯。海鮮麵有蝦·青口、蜆肉、蛋及少量蔬菜，麵的煙靭度適適中，海鮮也煮得不錯。飲品方面，除了一般的檸茶咖啡，也可以加$5要薑茶或柚子蜜。今天點了薑茶，熱辣辣而薑味濃郁。餐廳侍應十分有禮貌，招呼周到，值得一讚如果你經過科學園，不妨一試這間美味的韓國餐廳！

本園員工，在午膳期間用膳，到收銀處埋單，個女收銀員，應該係樓面收銀兩邊做，淨係問一聲可以可俾apple pay，佢d語氣同態度真係極奇差！又顯得好唔耐煩咁！其實做到咁晦氣做乜仲做呢？已經唔期望係好service啦，但對客人態度可唔可以好少少呢？又唔係刁難你d 西客，只係問句野都可以咁唔滿意😤😤😤😤

之前有兩次，晚市在這裏吃放題，抵食，服務都OK。今天和Honey在這裏吃午餐，感覺就非常差！60多元一個午餐，不平也不貴。但部隊鍋……那個辛辣麵，根本「煮不透」。看看賣相……石頭飯，應該不會失手的。石頭飯還可以，不過飯太稔太濕。食物尚可。服務員態度……我明白現時疫情人手短缺，趕急的情況下，未能盡善盡美。但，也不至於……總之一句，服務真係……令人不回頭。

和朋友一起食飯，我們都叫了一個石鍋飯味道還可以，但絕説不上好吃，辣醬的味道完全蓋過了食材。不過辣醬的味道還是可以的結帳的時候，這一餐我朋友請客。由於我朋友不會看中文，但會説中文，他打算用八達通付款，收銀的女人竟然指着收銀處貼着的一張紙說：「這裏用了中文寫不收八達通！」我十分生氣，因為這個女人的語氣明顯就是說我朋友沒有注意看，但我朋友也不懂看中文我説：「你這裏又沒有英文，我朋友不會看中文，怎麼能知道？」説完那個女人沒有出聲我們付款後也走了*****總括而言，食物還可以，但收銀的女人態度極差！一間在科學園的餐廳竟然會有大排檔水準的服務，質疑我不會看中文的朋友沒有看他們那張用中文寫的告示，簡直貼錢買難受！永遠不會再來！

住新界東想食韓燒終於唔洗出市區 原來科學園都有而家哩度都開多咗食店如果踩單車🚴🏻‍♀️經過可以嚟食嘢、休息吓若然想靜靜地 平日夜晚嚟就啱哂！今次食嘅哩間韓燒放題真心唔錯🏷$218/位（成人）$168/位（小童）有頂級韓牛🐮、美國牛。油花靚，牛味濃！另外，基本嘅肉類都有齊哂：豬、牛、雞、蔬菜… 仲要啲肉質係好OK！全部都完整一塊塊，而且有彈性。仲有大蝦、帶子、青口、三文魚刺身🦐附送新鮮生菜、麵豉牆、生蒜配燒肉食，好正！而且啲生菜都好新鮮！🥬另外想讚佢哋嘅鍋物同炸物都好食！我哋叫咗大醬湯，材料豐富而且好夠味。炸魷魚鬚都好好味，即炸、勁香脆！放題仲有石頭鍋飯、煎餅、炒粉絲… …我見隔離枱食石頭鍋飯 好香好吸引下次留肚試啦。幾鍾意哩度係剔紙仔點菜，會衛生好多，而飲品、甜品、雪榚就係自己出去拎的。

味道差，服務態度差！之前行過見到好多人排隊，已經好想試。諗住試下午餐先，好食再食晚餐。叫左2個套餐，牛肉石鍋飯同辣牛肉粉絲湯。辣牛肉粉絲湯同飯上先，個侍應上個飯嘅時候比我見到佢d手指掂到d飯。我明白係出街食飯冇可避免呢啲衛生問題，但佢係d手指。我見到真係冇胃口，要筆走邊邊d飯。個湯就得辣油味，粉絲又太淋。石鍋飯勁燶，一上枱就聞到，之後食的每一啖都係燶味。仲要等左勁耐給結果係咁嘅味道。絕對唔推薦過嚟！冇諗過科學園會遇到咁嘅餐廳。

朋友相約在科學園食韓燒，環境靜靜地，唔怕又嘈又多人餐廳闊落，坐得好舒服，韓式燒烤放題 $218/位。先上前菜，小食，生菜。又可以自己出去攞汽水，凍飲，雪糕食物都幾多樣化，肉類，海鮮， 蔬菜。而熟食有刺身，壽司，炸物，小炒，湯，飯，麵等等。頂級牛類確係好味，牛肩，牛板腱肉，牛仔骨，一口牛粒，全部都好有牛味，油脂豐富，味道濃郁還叫咗雞肉，雞腎，黑豚腩肉， 肉質鮮美。尤其黑豚腩肉，口感極佳試下呢度啲刺身同壽司，又唔錯喎，叫咗甜蝦同三文魚，好新鮮美味燒烤海鮮也同樣鮮味，幾款海鮮如海蝦，魷魚，帶子有encore好想食石頭鍋飯，炒年糕，炸物，泡菜煎餅呢啲韓式熟食， 但係敵不過燒烤嘅魔力，留返下次如果大胃王嚟呢度食嘢，真係相當抵食

今次來到科學園揾食，見到呢間裝修靚樣的韓國料理，原來有燒肉放題，好耐冇食韓燒,決定入去試試。食放題既，梗係要點d最靚最貴既野。二話不說馬上點左幾款肉（牛肩肉，牛肉粒，牛舌，牛仔骨，牛肋條）。牛肉送上，賣相十分新鮮，鮮紅肉色帶少許雪花，令人十分想食下。燒至七成熟，入口有肉香，質感十足，不錯不錯。於是牛肉盤來多兩碟，食到飽飽。呢度最特別的係有足料的石碢飯同大醬湯，豆腐湯可點。仲有飯卷及炸雞，正宗韓國料理呀。一家大細都一定有野岩食。

難得放假 去咗科學園接屋企人收工 順便喺附近食飯 再次黎到梨滿園食韓國燒肉放題 呢度有別於出面嘅韓國燒肉放題 呢度嘅燒肉比較少醃味 全部都係簡單原材料食嘅味道 食嘅係本身肉同海鮮嘅真味 我哋今日就主攻牛肉同海鮮 尤其以牛仔骨同埋蝦最為好味 牛仔骨醃過肉質軟淋唔會Un 而蝦就超大隻 肉質爽彈鮮甜 我哋不停Encore 除咗燒肉之外呢度都會有刺身同壽司 三文魚刺身比預期中新鮮同靚Tim 另外我哋都叫咗啲炸物 個炸漿夠味又夠脆 食落唔會太油膩 不論炸魷魚定炸魚定炸豆腐都好好味 另外呢度嘅清潔度算係唔錯 唔會好似出面好多燒肉店都會有黐立立嘅感覺 呢度坐位舒服乾淨企理 食完燒肉出面仲有雪糕任食Tim 當日就有綠茶 曲奇同埋芝麻味三種口味 維記出味 另外飲品種類選擇都多 有茶 汽水同埋啤酒等等