梨滿園韓國料理

營業中

休息中

這店位於科學園內，裝修簡約雅致，座位寬敞，坐得好舒服，燒肉放題不貴，價錢相當合理。牛肉種類不少，牛肩肉、橫隔膜肉、牛板腱、牛仔骨、牛柳扒等等。牛板腱油花均勻，入口軟滑，滿口甘香。牛肩肉牛肉味濃，燒起來十分香，相當有質素。牛仔骨加上黑椒調味，燒烤起來很惹味，肉質有彈性，口感很好。厚切五花腩，肥瘦相間，看上去已很吸引，燒烤時油香四溢，用生菜包著五花腩，再加上少少生蒜片，真是美味可口，油而不膩。原隻生蠔，很大隻，加上少許黑椒調味，一邊燒一邊已聞到陣陣蠔香，蠔身胞滿，很肥美，入口軟滑肉汁豐富，美味。帶子，有原隻帶子和拆殼帶子，各有風味，原隻帶子慢慢燒，肉質嫩滑可口。而拆殼的則快熟，烤至兩邊金黃，相當惹味。鮮海蝦，都算大隻，很新鮮，肉質彈牙鮮甜，感覺燒烤比火鍋好味，能吃到蝦本身的鮮甜。刺身，以放題而言種類都不少，有三文魚、帶子、白貝、吞拿魚、白肉豚、青魚、立魚等等，頗新鮮，肉質鮮甜，我最喜愛吃三文魚刺身，很肥美嫩滑，入口甘香。而且還許多熟食，炸雞翼和春卷都十分香脆，我想應該是現炸，否則不會如此熱燙和鬆脆。其實還有芝士炒年糕、石頭鍋飯、拉麵......但真的吃不了那麼多，只點了芝士辛辣麵，麵質爽

之前睇哩度食評咁多人俾笑，於是特登揸車試吓。先講結論，我真係唔知係因為科學園無嘢食定係啲食評係買返嚟，因為哩間韓燒真係前所未有咁難食。因為太唔好食所以連影相都費事，純文字討論。我同朋友叫咗頂級果個任食course, 見佢有幾款聽落高級嘅牛肉同刺身。先講牛肉，牛肩肉同牛阪腱係無醃嘅，但兩者都無肉味又無油白，不過至少像嚿肉。橫隔膜肉有醃嘅，味道同出面野火燒烤場啲下價牛扒一樣，不予置評。最瀨嘢係牛仔柳肉，一客兩大塊，好大塊但真係十分難食，除咗咸，只食到鬆肉粉味。全部所謂頂級牛肉叫咗一round之後根本已經唔想再加單。今晚成間舖其實得5檯人，幾個鄉音阿姐都不斷搞錯order，漏單，錯單，不斷送錯隔離檯啲食物嚟我哋檯，而我哋個刺身又要追兩次單先到。講到刺身，三文魚我哋得到一堆好似角切咗嘅魚碎，吞拿魚仲食到冰兼變到淺粉紅色，䲞魚啲筋仲多過頭先塊牛阪腱根本食唔到，哩一好食少少嘅白玉豚叫咗兩round, 想再加佢話無晒...然後到“頂級海鮮”，我終於明乜嘢叫「頂」級。帶子同魷魚係發水，無味之餘仲有擦紙膠嘅口感。扇貝無咁膠，但一樣係完全無味。蝦係算好果樣。我哋因為見到阿姐攞錯隔離檯果碟五花腩過來而無叫，

山長水遠入到嚟科學園，緊係飲飽食醉先走人喇！去咗呢邊幾次但我都係第一次去食呢間韓燒- 梨滿園！因為價錢好抵只需$198起！佢吸引我其中之一嘅原因就係門面好乾淨，座位闊落！坐得舒服，就可以慢慢食喇🤭！今次唔想諗揀食咩所以揀咗頂級韓燒放題!話明頂級，即係咩都有得食😂😂！！包括海鮮、刺生、壽司、雞、牛、豬、蔬菜等！！仲有好幾款炸物、煲類同滋味小食!真係數都數唔完！嚟到梗係先揀咗炸物薯條先啦！邊食邊等佢出菜！薯條熱辣辣新鮮炸起，外脆內軟，流口水了！！！另外呢度嘅肉類選擇多好多，我哋差唔多款款都嗌咗啲嚟食 🤤🤤當中最鍾意嘅就係豬頸肉！燒完之後非常爽口，加埋汁醬一齊食真係一個享受😍😍😍！另外，海蝦新鮮大隻!帶子晶瑩剔透，朋友仲叫左生蠔食，一d 都冇腥味，呢個價錢任食新鮮生蠔真係抵👍 !!另外我仲叫咗我最愛嘅韓式粉絲炒粉絲！呢度抽得好惹味,真係一路食一唔讚！粉絲口感煙煙韌韌，加上麻油香！有啲後悔太遲先order 佢，搞到勁飽食唔晒😌😌😌!!呢個真係必食推介！另外飲品方面,雖然選擇唔係話好多，但口味都頗為特別! 而且仲有獅威啤酒任飲！！加入喺呢度行到好攰，再同朋友嚟呢再打牙骹，真係一個唔錯嘅選擇！🥳

黎到科學園同喺度做野嘅朋友晚餐，😲佢就推介梨滿園嘅韓式燒烤放題，👍🏼環境整齊企理，除左各款肉類海鮮之外，日式刺身亦都係任點嘅。😍放題就梗係咩都叫d嫁啦，🥩淨係牛肉都已經叫咗六七種，😋味道口感每款都唔同，我就最鍾意用生菜包住d牛肉黎食，唔會太膩。🐙🦐🦀海鮮類就有帶子、海蝦、帆立貝等等，除此之外當然有好多唔同嘅蔬菜、其他燒物同韓式小食啦。😜其他燒物方面我最鍾意就係腸仔，對於我黎講佢個賣點就係有好多唔同嘅種類，例如牛仔腸、紐倫堡腸、法蘭克福腸等等，🍣日式刺身款式都唔少，我覺得佢做得比連鎖嘅日式放題餐廳做得更有心機，味道新鮮而唔會冷冰冰。👍🏼

同屋企人踩完單車好攰好肚餓，知道附近有韓燒放題就去睇吓啱唔啱食，跟住見到有放題就二話不說入咗佢。😂店裏嘅裝修都非常之新座位都好闊落，見到有飲品櫃同埋雪糕櫃，我哋最後揀咗頂級韓燒放題😋。頂級韓燒放題 $228美國橫隔膜肉美國牛肩肉美國牛板腱牛有好多唔同嘅部位選擇，唔同部位嘅牛喺口感上都有唔同嘅感覺，牛肉味亦都好足夠，再點埋佢韓式嘅醬汁，令到牛肉更加嘢未。海蝦帶子帆立貝講得係頂級嘅放題當然都係有海鮮🦞，海蝦新鮮，食落感覺彈牙結實。帆立貝亦都係原隻新鮮，連殼成隻攞落去燒。三文魚吞拿魚白玉貝仲有刺身選擇，款式喺韓燒放題來講都唔算少，食落都非常新鮮。仲要係放題所以我哋都唔客氣叫左唔少😂。當然唔少得蔬菜🥬，佢嘅款式都唔少。燒起上嚟有啲燶燶哋仲開胃同帶啲炭燒味👍。另外亦都有好多唔同款式嘅小食可以唔使燒即刻食，啱晒踩完單車肚餓嘅我哋。飲品亦都有好多無糖嘅選擇啱晒keep緊fit 嘅我。最後雖然我keep緊 fit但係我見到佢啲雪糕我都忍唔住要食😂😂😂。

是日與家人到科學園玩，於網上找到一家不錯的韓燒，不過打去book staff説是沒的，所以我哋預返時間去等一等，大概15分鐘到就有我哋今次揀咗頂級肉 因為我想食海鮮見到有蠔👽呢度都係QR code落單 ，落單後再去取飲品任飲嘅飲品都算係咁 有coke有beer有茶 而且都夠凍第一round來個牛陣先都可以睇到色澤係新鮮嘅牛，而且無雪味無發黑，最喜歡美國橫膈膜肉同埋美國牛肩肉 有𡁻口而且肉味香濃食韓燒熱辣辣必須配夠凍啤酒熱食也有很多選揀，點了個韓式煎餅試下煎餅唔會太厚成口油，而且很香 密密煎 密密食 正第二round點左啲海鮮試吓有青口，蝦 ，扇貝這三種對我想入黎主打海鮮就有啲失望，因為仲有雪味同埋肉質有啲霉 豬大腸肥膏，肥到令人卻步於是再點其他試下生蠔有驚喜 無雪味而且juicy,都keep到蠔味也點咗幾款香腸試下紐倫堡腸，牛仔腸唔，法蘭克福腸呢幾款香腸都正常沒有雪味，香烤過後也是下酒良物呢

看見食評不錯，專程到來試一試，實在有點失望！種類還算多，先點了頂級牛肉丶海鮮及刺身，食食下發現碟牛裡面夾雜著一條牙籤!🤮帆立貝第一個round係靚嘅，第二個round就唔新鮮，想食都無再點了。白玉貝好爽，但只來了第一round，之後再點都沒有來了😆其實呢個價錢，喺科學園仲可以有好多選擇呢！#個半鐘韓燒加埋海鮮真係唔夠時間

好耐無食韓燒啦，朋友之前介紹過科學園嘅韓燒放題睇落唔錯，所以同朋友收工去試下，一入去就安排我哋坐中間卡位，望落環境乾淨企理，座位都有充足空間坐得舒適望下餐牌有咩食，分晚市套餐同放題，好肚餓直接睇放題，有兩款，一款係「精選韓燒放題」，而另一款就係「頂級韓燒放題」，兩者分別在於「頂級」有埋任食刺身同美國牛肉，同埋包咗好多款小食，散叫個價錢都唔止任食嘅價錢，好抵食，所以我哋就叫咗頂級韓燒放題😋，嘢食嚟之前，有幾碟泡菜，芽菜，菠菜，泡菜好爽口，微甜微辣👍🏻飲品方面，入邊有個大雪櫃自取，有各款紙包飲品同汽水🥤刺身到喇，放題梗係每樣都點嚟食，三文魚、吞拿魚、白玉貝、白玉豚、立魚同醋青魚，刺身都好新鮮，無雪味😋 炸物方面，我哋點咗炸雞、炸魷魚，炸物用嘅粉唔會好厚，啱啱好，雞肉嫩滑，恰到好處，忍唔住點多份炸魷魚食😈 韓燒嘅重頭戲，燒牛肉！有唔同部位嘅牛肉俾我哋選擇，有橫隔膜肉、牛肩肉、牛板腱、安格斯一口牛、牛仔骨、牛仔柳扒同牛肝，每款都點嚟食，一邊燒，啲香味湧晒入鼻，侍應好貼心每一枱都放咗一籃生菜，生菜包住熱辣辣嘅牛肉，點啲調味料加片蒜，放入口，唔會好油膩之餘，亦食到牛肉嘅鮮味到海鮮類，點咗生蠔、海蝦

對唔住係我大失預算🤦🏻‍♀️冇諗過呢間韓燒放題上菜咁快同全部大大碟😭諗住每樣試少少嘅我點到成枱都係餸🥺餐廳姨姨要開多張枱比我地👉🏻👈🏻仲有佢個爐好猛火架，所以我同阿妹兩條女成餐密密食密密燒冇停過😂😂個半鐘放題好似大胃王挑戰咁冇停過口，絕對回本有突😎☄️頂級韓燒放題（晚市90分鐘）$228食物種類多到我叫一轉已經擺滿兩張枱🫢有7款頂級牛肉、海鮮同刺身，仲有齊牛雞豬肉類、丸類、蔬菜類、炸物、湯物/湯麵、石鍋飯、壽司手卷、同韓式小食等✨咁多款牛肉當中 ，值得推介嘅係牛板腱、牛肩肉同牛舌，肉味香濃有口感，油脂分布均勻👍🏻海鮮類亦值得讚！🦪生蠔、帶子、帆立貝同海蝦，大隻新鮮😋不過大家記得唔好眼闊肚窄☝🏻利申最後食左八成，淨係叫左頭 round就冇再叫😂因為餐廳好似不計成本咁大大碟出🫣

好耐冇食過放題嘅小編，見到科學園入面有一間好平嘅放題，星期一至四夜晚只需要$228 ，所以就大膽一試刺身方面有六款，比較偏門既白玉貝同白玉豚竟然都有，韓式放題黎講刺身不過不失燒烤肉類蔬菜方面，款式都好多諗得出嘅都有得食，而且份量毫不吝嗇，上菜又快，食得非常爽快。餐廳亦預先準備好生菜、蒜頭、韓式辣醬、泡菜等配料，等客人自製生菜包，非常貼心。熟食方面，餐廳亦提供不下20款韓式美食，由於最後太飽，所以只叫咗韓式海鮮煎餅同埋水冷麵，食得出係即叫即做，煎餅非常香脆，而水冷麵非常開胃解膩，燒肉後食平衡番油膩感。而飲品選擇都唔少，當中值得一提嘅係獅威啤酒係任飲㗎

有十年以上無寫過食評，不吐不快。。。。昨晚7:05到此餐廳，當時餐廳滿了9成左右，還有2，3張吉枱，拎左飛等入座。等到7:40，好多人埋單，嗰幾張吉枱由3張變到5，6張都唔比人坐，問職員話未得。。？！眼見佢哋人手不足，亦唔知佢哋如何安排，都默默選擇體諒。。。7:50喺我4歲小朋友等到唔耐煩既時候，佢走去問個職員點解有位都唔比人坐，職員表示 未得，哈哈。。。。😅我同小朋友講咁不如去隔離食，職員表示好快，另一個職員發現就話我哋可以入去坐哪，其實嗰張開枱一直都吉左喺度。。。。。同職員表示要 「精選」，就比左個QR code我哋嗌嘢，我先生話唔知點解可以嗌 頂級既嘢，我話可能個app係咁，我哋就避開嗌 頂級既嘢食，食物質素一般，食開放題都知係咁尚下，無特別。。。埋單時候，見到帳單寫住要收我 頂級 價錢，原來呢度個銷售手法係咁屈人，同職員表示嗌嘅係精選，佢話精選同頂級個QR code唔同，我話我唔清楚，叫職員check返電腦，我哋並沒有嗌頂級的食物。佢話點check😅😅😅😅我話睇電腦囉，佢見講我唔贏屈我唔到，就黑面，叫多兩個職員嚟凶我，我嗰下真心覺得好唔開心，大庭廣眾隔離枱聽到以為我無錢比，真心

今晚同朋友興之所知，好想吃下韓燒野食，上網看去那間吃，選今晚這間吃，大家未試過科學園餐廳吃，環境真不錯，卡位舒適寬倘，開始掃二維碼點食物三文魚手卷手卷細細，入口好有口感海帶湯好有海帶鮮甜香味，海帶爽滑韓式蛋卷入口嫩滑好有蛋香味，菜好爽脆韓式炒年糕爽滑，軟軟硬硬，好有口質感迷你海鮮煎餅煎得好香口，好有海鮮味海鮮類半殼青口，半殼帆立貝大隻厚身，好有鮮海水鮮味雞翼特別香雞肉味，好嫩滑豬大腸好霖，爽脆彈牙腸類紐倫堡腸，厨師腸軟熟滑，好香肉腸味刺身三文魚，吞拿魚，白玉腸，立魚醋青魚，白玉貝每片都厚身，入口好滑，好有海水鮮甜味粟米好香粟米味，入口唰唰聲肉類豬肉，雞肉特別香豬同雞味，肉有厚度炸物炸雞，春卷炸得脆卜卜，好香口芒果雪榚好香芒果味

在科學園工作的食友引路，得知這家韓國菜館，全日皆有套餐多款及九十分鐘幾十款菜式韓燒放題😊一於開懷大吃放題，座位寬敞室內樓底高，光線充足，侍應即時奉上配菜， 蔬菜，蒜片及點菜用二维碼😊决定先嘗多款牛肉， 包括橫隔膜肉，牛肩肉，牛板腱 ，一口牛粒，牛仔骨，牛肝，其中較喜好牛仔骨的冧滑肉味足，少見的牛肝薄切輕烤即食，入口爽脆有嚼感😋再來一道牛舌及海鲜，牛舌一燒即熟，入口甘香，生蠔及帆立貝質量好又新鮮，烤熟比生吃更有口感😋火熱燒烤過後，來了一碗涼食水冷麵，冰凍微甘的湯汁配彈牙的韓國麵及醋醃過的蘿蔔薄片，正好消散韓國烤肉熱氣，好好的選擇😋再吃了一杯蜜瓜雪糕便完结這頓滿足的韓國烤👏

科學園越來越多公園落成，餐廳的種類也越來越多！今日踩單車到科學園，順便食晚餐。來到梨滿園食烤肉放題，一個價錢任食靚牛加海鮮，仲有一大堆韓式料理可以任食！不得不讚餐廳裝潢非常明亮，不會好像一般烤肉店油淋淋，卡位坐到非常舒服我哋選擇的放題套餐包含海鮮，除了肉類及海鮮類，各款韓國美食也是可以任叫。採用電子下單， 十分方便！先點刺身做個前菜，想不到韓燒的刺身質素都不錯，三文魚好肥美！大部份傳統韓式料理都有提供，豆腐泡菜湯非常好味用石鍋熱辣辣上菜！而且非常足料，忍不住學了兩大碗泡菜煎餅都非常不錯，薄餅鬆軟，但邊緣煎得香脆，雖然是放題，但質素媲美外面的韓國餐廳單點的質素！韓式蛋卷都有得食，種類真的很多！餐廳更有提供新鮮生菜及蒜頭，配合肉類一同進食，又地道又健康肉類方面非常有驚喜，牛肉油脂分布平均，想不到放題都有這個質素當中韓牛肩肉及韓牛板腱肉最好味！牛肉味勁香除了牛肉之外，豬頸肉、牛仔骨、豬大腸等選擇都有！牛仔骨醃非常入味，推介海鮮方便主要是青口、海蝦、帶子及生蠔，扇貝非常大隻，如果喜愛食海鮮的話輕易就可以翻本！海蝦非常肥美，而且竟然有膏，實在驚喜

同家人去了科學園逛下， 入夜肚子開始餓了， 但唔知食乜好， 經過科技大道西的梨滿園韓國料理， 見餐廳內裏尚算寬敞同埋都幾多人食， 於是就入去食晚餐。因為天氣熱，所以没有食這餐廳主打的韓式燒烤放題， 而吃了晚市套餐炆牛肋骨牛肋骨和配菜 (紅蘿蔔和白蘿蔔)都炆得很軟稔，而且很入味人蔘雞湯跟我以前食過的人蔘雞湯不一樣， 沒有糯米，蒜頭 栗子，紅棗，京蔥等，只有雞和人蔘， 比較單調， 且雞肉比較鞋口，但雞湯尚有人蔘味。韓式炸雞外皮鬆脆， 但內裏雞肉比較乾，不夠juicy。