梨滿園韓國料理 (已結業)

驚聞舊同事兼好友的母親因病辭世，不禁令人心酸，家母多年前仙遊，心痛的感覺尤如刀割，如今好友的悲傷心同感受，惟人生就是如此，要珍惜眼前人，活在當下，願好友積極面對，努力活下去，不要辜負母親的期望。及後知道辦事日期，惟當天庶務纏身，未能出席告別禮，遂約好友晚膳並送上慰問和心意，地點約在樂富，彼此下班後皆容易到達的地方。知道好友喜歡吃烤肉，選了吃韓式燒烤放題，時間為一個半小時的放題取價分兩種，$168和$188，$168的牛肉有美國頂級安格斯一口牛粒及美國頂級肥牛，而貴$20的分別是多了三款牛肉：頂級韓牛肩肉，頂級韓牛板腱肉和頂級韓牛仔骨，其他的海鮮，雞，豬，蔬菜，湯，飯等都同樣有供應，還有壽司，刺身，小炒，炸物等，看來相當豐富。我們決定選取較貴的一種燒烤放題，在菜單剔選了食物，我們便去雪櫃取飲品，而飲品是任飲的，有罐裝汽水，果汁之類，接著服務員端來泡菜，荳芽和雜果沙律，與及汁醬、包肉用的紫蘇葉，餐前小吃，令人胃口大開。不久，燒烤的食材也端來了！先烤海鮮，因較易熟，有海蝦，魷魚，青口和帶子，質素尚算新鮮，而豬腩片帶油脂香，牛舌爽脆，雞肉醃得好味。點了的海帶湯也送來了！每人一窩，份量很大，熱騰

晚上和媽媽來了樂富商場，雖然有不同的食肆，但我最喜歡的還是韓式炸雞。韓式芝士炸雞熱呼呼的，一口咬下炸雞時，是滿滿的幸福咁，因為沾上了芝士醬後，使炸雞的味道更為突出。而媽媽也是首次嚐這道菜，也大力讚好呢！若有石鍋暖著芝士會較好，因天氣冷，芝士容易凝結。韓式海鮮年糕最滿足的是，年糕上盡是滿滿的海鮮和特色辣汁，當年糕沾上了辣汁後，口感有㬭勁也有辣勁，確實不錯！看來這家韓菜店也甚為正宗，下次再和朋友來呢！

食燒烤對我來說好吸引，所以今日到樂富見到梨滿園韓國料理，忍唔住今晚的晚餐揀了食燒烤。餐廳是特色的韓式燒烤餐廳裝飾，粉紅色的燈下是可伸縮的抽氣系統，方便又美觀。放題menu都很多選擇。頂級韓燒放題$188放題有海鮮類、A加頂級牛類、頂級肉類、肉類、海鮮湯飯類、及有煎炸、前菜、壽司、刺身、甜品、飲品、蔬菜壽司刺身及小炒…等等任食，嘩，很是期待哦。侍應先送上餐前小食，有芽菜仔、泡菜、沙律及一碟可用來包燒肉食的生菜。最愛頂級韓牛肩肉，頂級韓牛仔骨美國安格斯一口牛粒及美國頂級肥牛很快就上枱啦。頂級韓牛肩肉比較薄，所以燒的時間比較快可以食，三樣牛各自各精採，不過最愛的是牛仔骨，感覺厚肉味更濃。原隻墨魚仔、鮮帶子及鮮蝦。海鮮都很新鮮，墨魚仔帶點爽口很美味。帶子啖啖肉很鮮甜，所以再加追了一份。鮮蝦鮮甜爽口。青口、金菇肥牛卷青口很大隻又厚肉，食燒烤都比較少見到這麼大隻的青口。金菇吸收了肥牛的牛脂及牛肉的香味，令兩者都非常美味。食完覺得材料高質，性價比高，下次還會再來。

今晚同家人食dinner, 去左附近一間韓國餐廳, 本身打算食set dinner, 發現原來有個更抵食既放題, 任飲任食2小時韓烤, 每位都係$188! 抵啊~! 即時胃口大增!先送上多款配菜、醬料,Click order 紙落單, 除左烤肉, 仲有4款海鮮、湯飯、麵、熟食, 仲有刺身、壽司。雖然刺身、壽司款式少, 但主打烤肉, 刺身就當過下口癮吧~飲品方面, 罐裝汽水任飲所點既order都整齊排好上檯, 份量以每位計,牛肉色澤嫩紅, 帶點厚度, 有薄薄雪氣, 但呢幾款冇被醃過, 還好燒既過程都有血水滲出~一口牛、牛板腱帶有咬口, 其中最值得encorn係牛仔骨, 醃得入味夠林, 特別係近骨位置既筋, 爽口!帶子表面加左蒜, 燒至半成熟, 點少少豉油, 味道唔錯, 冇雪味肉類除左牛, 仲有豬肉、雞肉選擇, 點左黑豚腩肉, 但肉質唔太嫩雞腎都幾大件, 厚切爽口金菇肥牛卷, 燒既過程肉汁滲係金菇中, 正~牛舌大大片, 略帶咬口感三文魚刺身、甜蝦, 質素唔算top, 但過得去啦!韓式蛋卷: 蛋卷包住韓式粉絲, 蛋唔太嫩滑, 冇咩驚喜~烤粟米很清甜熟食我就揀左炸醬麵, 麵質很林, 個醬甜甜地

之前食過呢間韓式餐廳都是套餐，味道不錯，今次第一次有韓式燒烤放題當然試吓啦😋餐紙上種類豐富，有很多不同韓式種類食物選擇。前菜有泡菜、大豆芽菜、菠菜最愛的牛肉有很多款選擇，有頂級牛肩肉、頂級肥牛、頂級牛板腱肉等......牛肩肉肉味濃郁，煙韌帶爽、厚薄適中，每塊都充滿咬口。頂級肥牛油脂分布平均，口感軟綿😋牛板腱肉質較堅韌富彈性、韌中帶爽。海蝦蝦身有手掌咁大隻，新鮮爽口鮮甜，不用額外的調味，吃得出爽甜嘅味道👍豆腐辣鍋這裏除了豬雞同海鮮，還有韓式湯粉麵飯小菜欽點，我個人比較喜歡這裏的湯,點了份豆腐辣湯，非常足料，入邊除了豆腐還有其他豐富海鮮，成個湯鮮味十足😋味道不會太辣，鮮甜，夠熱，冬天飲暖笠笠😋

食咗幾日西餐，今日要食韓。午餐餐牌有好多嘢揀，最後叫了辣豆腐牛肉湯及部隊辛辣麵。一坐低，店員已經上前菜，包括泡菜，南瓜，薯仔。味道份量剛好，之後先來豆腐湯及飯，湯熱辣辣，味道唔夠辣，豆腐嫩，湯料亦加有海鮮。十分欣賞其白飯，好有咬口，似珍珠米。部隊煱，午餐肉夠厚，但麵底煲稔了，有感並不是辛辢麵，扣分。整體評價，餐牌選擇多，價錢合理，服務正常，食物質素就有點飄忽！

好耐無食過韓國菜喇，朋友聚會選址較方便的樂富，商場內有間叫梨門園既韓國燒烤，在地鐵站旁的商場內，地鐵出閘步行3分鐘就到了~~~地點非常之方便～～內裡非常寬敞，地方大所以唔洗等好耐就有位，我地5個人叫咗個4人餐。一坐下來服務員就捧來韓式小食六小碟，碟碟都清爽可口。烤肉什錦拼盤(豬，雞，牛)，五花腩煎完出左啲油，食落好爽口。牛肉醃得好香，唔洗點汁都好夠味。雞肉煎完唔乾，仲好腍好香。生菜籃配麵豉醬，生菜綠綠的，望落非常新鮮同乾淨，朋友將生菜夾上牛肉，味道非常夾，口感非常好，大家可以試吓！香煎餃子，餃子煎得好香好脆， 入面有肉汁，幾好味。鹽燒鯖魚，條魚外面燒到好脆，好香口。師傅將時間拿捏得啱啱好，雖然魚皮燒到好脆，但魚肉仲係好juicy好好嫩滑。再加檸檬汁再點附上嘅汁食，完全係想再叫多份黎食。餐廳環境好，服務員也很周到！燒烤的吸氣管很強，出來不會好大陣燒烤味，都是個優點。價錢都好，低食。餐廳都有套餐可以選，一定會再來！

今日同朋友放lunch去食呢間 嘗試下 一入到去冇咩人 見到佢個環境都陰陰暗暗咁 環境就真係麻麻地 食物價錢又貴 Lunch最便都要$55以上 仲要唔包野飲 。好啦 我食個個牛肉石頭鍋飯 簡直係難食到食唔落 佢嚟到嘅時候已經燶到爆炸 完全唔想食 嗌咗杯嘢飲嗌兩次都未到 仲要比左第二杯嘢飲我 都算啦。買單嘅時候又計錯錢明明人哋飲普通凍檸茶加$3 就變咗特飲 $5 仲同我地吵左一陣 講到我地老屈佢地咁 一句唔好意思都冇串到死 服務態度好差以後唔會食！！

今日去樂富打波，打完波之後當然要去搵食，但係商場正在裝修緊，行吓行吓見到原來頂樓繼續營業緊，餐廳原來全部喺晒頂樓，見到有一間韓國餐廳好多人喎，睇落又坐得幾舒服，座位之間唔會好迫。坐低咗點埋菜點咗雞肉炒辛辣麵。先上前菜，泡菜同芽菜都好新鮮爽口。雞肉炒辛辣麵有好多配料：金菇，紅蘿蔔，洋蔥，甘筍，娃娃菜，雞肉份量唔少，味道方面唔算太辣，麵身都炒得乾爽，口感唔錯。平時成日都會喺附近打波，呢度性價比好高，值得再黎試下。

平時很少機會去樂富，探完朋友，去了一間韓國菜館用膳。泡菜有六款之多，很有誠意。芽菜，薯絲爽口;白菜有麻油香。南瓜香甜軟糯。泡菜辣度甚高，嗜辣者必吃。二人套餐（特價$258)已有三款燒烤肉類，韓式炒粉絲，湯, 生菜及白飯。燒烤爐是向下凹的，燒烤時不會油煙四濺。烤肉什錦拼盤 (雞，牛，豬)拼盤份量很多，足兩至三人食用呢！雞肉用上雞扒部位，嫩滑無骨。用上韓式醬料去醃，甜甜鹹鹹的，相當惹味。牛肉軟腍，醃料有種像水果的甜，頗有韓式風味。店員會幫忙把五花腩剪細。五花腩是唯一沒有調味的肉類，更能吃到肉的鮮甜。五花腩肥瘦相間，經過燒烤，把多餘的油份也「燒」了出來，不會太過油膩，口感爽彈。套餐內已包含生菜及麵豉醬。用生菜包裹，加上麵豉醬同吃，更加對味。韓式炒粉絲怕你未夠飽, 套餐還包含韓式炒粉絲. 粉絲相當煙韌，有濃濃的麻油香。加入椰菜，紅蘿蔔，雞肉等，口感豐富。人參雞湯（$65)店員幫忙把雞剪開，先呷一口湯，人參味濃卻不苦澀，雞肉嫩滑不粗嚡。還有其他湯料，例如糯米，紅棗等，喝完有一種好滋補，好飽足的感覺。當鐵板燒焦了，店員姐姐很快很主動幫手換鐵板，雖然是街坊小店，但服務卻很好。

近年韓風影響全世界，而烤肉更是韓國料理中的重要的一環，而我個人就喜歡吃醃製過的肉類來配合燒烤。今晚便來到樂富廣場的梨滿園。前菜：芽菜、芥蘭、南瓜、泡菜、酸蘿蔔絲和土豆絲。酸蘿蔔絲酸中帶甜，令人胃口大開。泡菜辣中帶點酸，是非常好味的韓國泡菜。這些前菜是可以免費追加。二人套餐$258，包括烤肉雜錦拼盤，生菜籃配麵豉醬，韓式炒粉絲，跟飯及湯。烤肉雜錦拼盤，牛、雞，全部以醬油醃製過，如果怕油膩，可以將生菜配合麵豉醬，就能減少肥膩感，不過個人覺得將肉類點些醬油和辣椒粉，味道更好鮮美。豬腩肉脂肪肥美，配上生菜和麵豉醬，就不覺肥膩。韓式炒粉絲，粉絲比較粗身，煙煙靭靭，加上醬油、蔬菜和肉絲，味道出奇地好，結果迅速被消滅了。

屋邨有驚喜， 偶然行過某大屋邨 聞到香噴噴嘅韓燒味， 竟然見到一間韓國燒烤餐廳。 見到 佢環境優美 及D位 都好闊落， 又唔太嘈，諗住估且試下， 啲朋友食完之後讚不絕口! 我哋叫咗個四人餐， 竟然有六碟前菜， 有飯有湯 ，及生菜無限供應。 海帶湯美味 ，海鮮湯 也很好味， 少少辣，每人有兩碗，又足料， 內有豆腐及金菇 ，蝦同蜆都好新鮮! 跟住黎個 煎餃子， 又有海鮮餅， 香脆同埋唔覺 肥膩。 叫咗個炒粉絲 ，好乾身 ，同埋好入味。 肉類好新鮮， 醃得好入味。牛肉嫩滑， 雞肉唔鞋口，又無骨， 五花腩唔肥。 生菜包住肉再 加啲醬料，食到我哋舐舐脷! 全部真材實料，冇味精 ，食完之後唔覺得話口渴。waiters 好友善， 態度及 服務都好。 幫我哋燒肉，又幫我哋換碟。通常食完韓燒， 離開鋪頭之後啲衫同頭髮都一陣油煙味 ，呢度竟然唔覺有， 通風系統做得好好! 有機會下次會再幫襯。

好耐冇食韓燒了，突然好想食，就近近地約了朋友就於樂富梨滿園食韓燒。餐廳環境寬敞舒適，整齊乾淨，抽風系統做得挺好，每張枱都有獨立的抽風機，基本上沒有烤肉的油煙味我們揀了一個二人餐，有齊我們想食嘅野。有八款前菜，各有特色。南瓜清甜好味，最愛係羅白同泡菜，味道正宗。味道適中，不錯。生菜幾新鮮，很爽脆，可以用來包著烤肉一起吃。肉拼盤，有雞，豬和牛。雞和牛都醃得入味，而且肉質嫩滑。五花腩非常邪惡，半肥瘦，食落油脂四溢。烤了兩輪肉後，煎pan 就燶了，服務員亦貼心地替我們更換。韓國粉絲同本地平時食開的不同，較粗身和煙韌，以肉片，蔬菜和洋蔥一齊炒，粉絲亦炒得乾身入味。食到捧著肚子走

樂富商塲新面貌，四處走走，看到有特價韓式晚餐，真係好吸引，還有韓燒，二人套餐都好經濟，除了烤肉拼盤跟飯，湯和生菜，還可選炒年糕或炒粉絲。入座先來韓式八款前菜，份量都多，酸蘿蔔醒胃，泡菜又不是太辣。烤肉有豬牛雞，店員先剪開豬肉，再來生菜藍，青辣招，蒜片和調味辣醬。牛肉肉質軟又滑，味道調得好好，烤起來好惹味。雞肉好嫩滑，而豬肉就可以烤得熟些，烤到焦了更脆口。韓式炒粉絲，粉絲煙靱，麻油勁香，味道剛好。人參雞湯，雞肉好滑，糯米跟雞湯一齊，好清甜。

<經濟好味韓菜>🇰🇷不嬲喺 hk 食韓菜 都唔平 尤其係喺 tst 既韓國街。 而呢間梨滿園既 dinner set , 燒肉 飯麵等等 質素唔錯 而且夠哂抵食 鍾意食韓菜既朋友值得一試😄🍴辣泡菜餅 🌶 58 蚊 加5 蚊芝士🧀大大塊煎餅58 蚊 個煎餅好香脆 入面既麵粉餅幾黏稠彈牙 泡菜味香🌶上面鋪左加五蚊既芝士 半溶既芝士好香 口感軟滑 🧀 連埋泡菜餅食 十分唔錯2. 🍴精選2 人套餐258 蚊🔥3. 包燒肉雜錦拼盤 牛豬雞🐥🐖🐂 加上生菜籃配麵豉醬 🌿 牛肉醃得好香甜 佢個口感軟淋 夠 juicy , 豬肉 係五花腩黎 燒得耐 d就會好夠香脆 豬油香唔肥膩 而雞肉就彈牙有咬口 可以自己將肉撈飯 或者點燒汁 海鹽汁 用生菜 生蒜 辣椒包住都好味🥬4. 韓式炒粉絲🍜大大碟粉絲 洋葱 葱花 椰菜 雞肉🐥等等連埋粉絲一齊炒 夠香夠鑊氣🔥粉絲比較粗身 口感爽口盡吸醬汁味 加埋辣椒醬更 match 🌶5.跟飯加例湯 佢既白飯係韓國米整夠哂軟淋 最啱連埋 帶有油粉既肉一齊食 🍚湯就係蘿蔔 豬骨湯 都幾入味煲左唔少時間🥕#韓國菜 #韓燒 #燒烤 #生菜包 #炒粉絲 #煎餅 #