梅窩麻糬王 (電氣道)

營業中

休息中

最近大家都情迷麻糬波波，最近去北角工作發現了「梅窩麻糬波波」，立刻買來吃，因為不同時段出的口味不一樣，我那個時段是原味，出爐的香氣確實濃郁。味道來說可能有太大期望，所以我覺得它其實還好，麻糬可以接受，原味芝麻味很明顯，口感能鬆一點會更好，咬開的時候比較不利落，所以就是可以好奇一試。完。

Mschichi- 銅鑼灣抵食日式飯 味道⭐️⭐️⭐️價錢 ⭐️⭐️⭐️⭐️⭐️服務 ⭐️⭐️⭐️⭐️⭐️回頭率 ⭐️⭐️⭐️⭐️中午經過呢度有超級多隔離學校嘅學生食望一望價錢又真係超級抵食！ 唔怪唔得知吸引到咁多學生哥！ 入邊堂食都大約有20人座位。 最經濟實惠嘅有照燒雞扒飯同埋牛肉飯， 都只係$40！ 今次我就叫咗個叉燒蛋包飯$55， 都算性價比好高！ 老闆仲話佢會成日都轉餐牌， 咁就有更加多選擇啦❤️❤️❤️滑蛋真係冇得輸， 叉燒都有四大舊， 不過就稍為鹹咗啲 😆😆 要同飯一齊食就可以中和到個重口味喇 估唔到碗仔細細， 但係都食得超級飽 👍🏻喺呢條街度算係最強之選！ 因為隔離店的刺身碎飯都成$98啦🥲🥲🥲 推薦推薦！跟學生哥搵食就係識食嘅指標😆😆😆😆

近排麻薯波波周圍都係 而家北角都有哩間，今日經過終於試到！佢係現場即整 新鮮熱辣出爐，啱啱去到剩返兩袋 紫菜肉鬆味 即刻買咗，因為下一輪要等多半個鐘。 番到屋企即刻食，有少少硬同脆，但紫菜肉鬆味好好味！！下次再試埋其他味😋 35元6粒。

平時收工返屋企有時會經過電器道， 10次有9 次都會見到佢掛住個牌寫賣晒，想食佢都真係幾難， 今日放假去左做gym同行街， 返屋企果陣諗住去碰碰運氣， 點知見佢10mins 後出爐， 即刻排隊， 果陣只係排身6 左右， 佢準時出爐， 買左原味就即刻試返粒，勁好味， 外脆內軟， 抵佢咁好賣， 排隊都值得

遠處見到有堆人圍住，香港人心態梗係8下有咩喇~ 喂！！出爐 麻糬呀~ 即要左袋原味+朱古力味留俾阿囡做早餐先原味我食個陣已經係放涼左，但都好脆好香，散發住粒粒芝麻味，不停口連食左3個。焗熱翻食既朱古力味，阿囡好興奮，係咁話裏面啲朱古力漿好好味，要我再焗多啲

以為梅窩麻糬王喺梅窩，點知原來間鋪喺北角，平日下晝去冇乜人，但聽講午市、放工同週末都排幾十人長龍。今次得兩隻味，原味（有黑芝麻）$25六粒同朱古力味$35六粒，每人限買12粒，所以唔洗諗每樣一袋，但只收現金上手仲熱辣辣，不過想拎返去請同事食，唔封口費事焗出倒汗水。大部分同事㨂朱古力🍫味，我都揀咗個朱古力🍫味，外脆內軟，入面有朱古力🍫漿，新鮮出爐應該係半融狀態，同事提我返屋企叮熱或焗熱應該都做到半融效果。有同事食原味都讚好👍🏻同事自己整面包都話整唔到外脆內軟既效果

🇭🇰梅窩麻糬王·雙重芝士$35/6個呢個我哋之前見到勁多人推介 所以難得經過就決定排隊買啦😎😎但係原來佢係包裝好曬既 無得揀幾隻味 所以我地最後就揀咗呢個雙重芝士味🧀️佢呢個雙重芝士味 我覺得真係幾好食 佢個芝士係好鹹香 好真嗰種芝士嚟嘅 食落味道好豐富 而且佢麻糬波波本身嗰質感都做得好好 係真係完美嘅外脆內軟 口感超好 我哋食完已經想再試其他味😍😈·#rbyeat#rbybakery#rby北角 #rby炮台山·📍北角電氣道302號地舖

話說之前中招隔離嘅時候口淡淡心情又唔好🙈屋企人就買咗新開嘅梅窩麻糬王俾我，咬一啖香甜軟糯嘅麻糬波波之後即刻對世界充滿希望💡🤣自此之後都encore過幾次😛呢間係梅窩起家嘅小店嚟到炮台山之後旋即成為一眾吉舖之中唯一排長龍店舖，只有麻糬波波一種產品，每日出爐幾轉，每次有原味搭另一款口味，包括朱古力、雙重芝士或紫菜肉鬆。想食就要6點前嚟排隊喇。買返屋企可以keep三日，教埋你翻熱方法😎原味每粒都圓滾滾大大粒好吸引🤩🤩趁熱食，外層超級鬆脆，內𥚃香軟chewy，口感一流😗😗仲散發住一種小麥香甜味🥰凍咗少少都好食，熱辣辣🔥仲正。朱古力朱古力味🍫香甜啲，咬落食到少少朱古力融化嘅感覺，可可味偏大眾化，我鍾意再濃啲苦啲，不過都唔錯😗😗人均消費：$30推介指數（10分為滿分）：8.5分

呢間店好多人排隊，排左好耐先至輪到我哋買，我哋買左肉鬆同原味麻糬波波。啲麻糬波波全部都好香好脆，入面係軟軟既堅韌既。原味同肉鬆既分別就係，肉鬆味入面有肉鬆，原味就無既。但肉鬆既份量其實好少。如果可以多啲就更加好了。呢啲麻糬波波夠哂新鮮，即出爐就即賣。有興趣既人可以睇實幾時出爐，提早去排隊買。#梅窩麻糬王 #梅窩 #麻糬王

原味$5@1，$25@6， 其他口味$7@1，$35@6，可以原味加其他口味雙拼-地點好近炮台山出口，出爐時間同口味都冇特定🥺要去睇彩數，當日平日朝早11:00去到，完全唔使排隊，咁啱遇着出爐原味同肉鬆紫菜味，但本人唔係好鍾意肉鬆紫菜，所以淨係買咗原味。原味中間有啲黑芝麻粒😋即刻食真係外脆內軟，中間係半空半實心狀態，唔算係超級煙靭，但好香口，值得一讚個包裝好方便，食唔晒有條鐵絲可以捲返封實。下次希望撞中朱古力或者芝士味出爐🤩 -店家都有提供翻熱方式🔥真係建議即買即食，或者加熱返，拎咗返屋企擺咗一陣，口感會偏硬

今日同朋友經過呢間賣麻糬吧嘅舖頭啦！次次都好多人排隊！但係可能今次唔係賣朱古力味，竟然冇咁多人排隊！我本身自己係超級推薦朱古力味，真係好香濃！因為都試過原味，所以今次試咗紫菜肉鬆味，價錢係$35 有6個。🧡紫菜肉鬆味麻糬包佢個肉鬆嘅質地係有啲濕嘅，好味呀！未試過嘅可以一試！而我心目中最喜愛的都係朱古力味😋

同事因有朋友在北角區住， 知道開了間小店做麻糬波波， 做得幾好， 買過一次比我食試過唔錯。當日因工作關係遲左食飯， 食完在附近， 一於睇睇有冇出爐(因為小店一次做唔多， 出左爐多數排隊道買Q晒)去再門口見有條唔係好長嘅人龍， 就知道應該就出爐( 講真我係唔知幾點出嘅， 唔洗問我, 不過當是你1405 左右) 。每爐會做兩個味， 買都有上限，一人唔可以多過12粒原味+ 12粒其他味道(當係肉鬆紫菜) 正🤭。當日收工又要去覆診， 平時阻住人地收工。一於買盡啲， 慰勞下人哋， 當然自己都食左2粒。粒麻薯波波熱果時煙煙靭靭， 外脆內軟真係嘢正(對我呢啲妹仔肚來講) ， 下次經過都會再去睇睇出爐未， 真心小店有禮又好味， 真係好難得， 老闆加油。🤭

淨係賣麻糬波波都可以吸引到一條人龍見排隊咩年紀都有🤫我哋係最年輕嘅專賣四種口味：原味、雙重芝士、朱古力、紫菜肉鬆不過今日呢個鐘數得原味同朱古力🍫大家可以一半一半 (三朱古力+三原味)咁買，$30一袋▶️ 經典原味($25/6個)可能因為焗爐問題，有幾粒黑啲硬身啲 (以為係朱古力😂)，其他就正常同軟啲 (可以壓扁)Size唔算大，比其他名店細粒啱啱焗起放入袋會有倒汗水，所以老闆會唔封實個袋俾你，咁就可以保持脹卜卜圓轆轆嘅樣如果唔係即刻食，店舖有提供建議烘熱同保存食法，咁就可以保持麻薯波波「最佳狀態」😋雖然叫原味，但係入邊有好多芝麻粒覺得呢個麻糬包同其他嘅分別係佢完全唔油，摸上手隻手都仲好乾淨，一次過食2-3粒都唔濟1️⃣第一粒冇烘熱，所以冇外脆內軟嘅口感，不過幾煙靭 (冇James bonbon咁煙韌)，絕對唔空心，配上芝麻粒粒口感外皮唔硬唔韌👍🏻味道上好香蛋味 (重過牛油味)，亦唔太甜！2️⃣第二粒跟佢指示，用氣炸鍋180度整3分鐘，整完表面呈深啡色完全係另一種口感😲好食好多做到外脆內軟糯！暖暖哋感覺又好似啱啱焗起咁🔥-稱得上麻薯王👑相對健康同有homemade感覺✨ 全部新鮮製作，見到入面量緊

最近試完一間人氣麻糬波波之後，發現香港原來有唔少專賣店‼️依一日喺鰂魚涌附近睇完展覽之後，食咗個午餐就散步黎到梅窩麻糬王，啱啱好遇上原味同芝士味麻糬波波出爐時間✨有少少可惜無想試嘅肉鬆同其他口味~.麻糬波波 (原味 $25/6pcs ; 芝士味$35/6pcs) - 可兩款口味各3件 $30/6pcs行到附近已經見到唔少人買咗兩三袋麻糬波波喇！啱啱出爐嘅麻糬波波就算隔住包裝袋摸，都感覺到質地酥脆亦唔會太硬💕有芝士溶顆粒喺面嘅係芝士味，外面酥脆裡面煙韌！裡面嘅麻糬只有一半，但食起黎煙韌帶少少鹹香~原味麻糬波波嘅表面有少少黑芝麻，芝麻味幾突出，但就有少少遮蓋咗本身原味麻糬波波嘅味道！依間麻糬波波專賣店唔止即刻新鮮食好味道，凍咗用焗爐焗返熱黎食都唔錯啊

雖然佢叫梅窩麻糬王，但小店其實係北角同炮台山之間🤣每次去都會見到有唔少街坊、小朋友捧場，有人龍但唔算好長，每轉出爐時間同味道都清楚寫明，大家唔會漫無目的咁等，呢一點做得好好👍🏻💯今次去撞正原味同芝士味出爐，等左約5分鐘就買到😝小店只收現金（專登去左㩒錢🙈）兩款味可以mix埋各三件咁買，$30/6個為一袋每個都圓滾滾，摸落仲好脆身😍有黑芝麻就係原味，咬開好有煙韌度，唔係走空氣感同軟糯路線，包外脆內軟，食一個有滿足感同飽腹感芝士焗到表面都有，食一啖就見到入面芝士醬🥰有咸香味，不過就較原味空心少少🤏🏻如果想食口感就食原味，有街坊大推朱古力同肉鬆味，因為入面係爆漿同埋勁足料🤤