桜

同侄仔太古睇完戲，就行左去太安樓是但搵樣野食，咁啱就經過呢間櫻。印象中都開左好耐，但就係冇試過，見到冇人排，咁我就試下啦。我亂叫左個炸蝦手卷，12蚊，冇諗過隻蝦真係熱辣辣，所以就覺得特別好味喇～堂食都幾好，放堆吱吱醬油、wasabi比你用，又環保啲～我侄仔叫左炙燒三文魚，17蚊，佢都話好味～如果大塊啲會正啲～見到仲有好多款手卷，下次真係要預多少少時間試其他款～最後，店員弟弟都幾有禮貌，望入廚房都係企理～…查看更多

呢間日式餐廳提供超過30款手卷，仲有丼飯同埋小食，當中最特別嘅就係炸三文魚皮($23)，所以我叫咗份、同埋要個三文魚蟹籽手卷($26)🤓三文魚皮即叫即炸，攞上手熱辣辣非常吸引，面頭有層白色嘅嘢、應該係鹽，咬落去非常脆卜卜，口感100分，略嫌啲鹽落得太多，所以有幾啖會好鹹，但如果適中嘅話就有吊味嘅作用，部份位置亦都食到好香嘅三文魚油味😋手卷方面就冇乜太特別，用料幾充足、三文魚去到最後一啖都仲有，不過自己鍾意食醋味濃啲嘅壽司飯，略嫌呢度嘅白飯有少少黏同埋唔夠味😉…查看更多

🧚🏻‍♀️ 桜呢間壽司卷日式小食店，Google 太安樓有咩好食嘅時候，佢總係會榜上有名，掃街嘅時候緊係要試埋佢。叫左個三文魚手卷，朋友叫嘅係三文魚腩手卷。等左分幾鐘就有得拎。三文魚片望落色水偏橙色、有光澤 ✨ 不過入口就有啲失望。。。三文魚味道並不突出，魚鮮既味好淡好淡。而手卷嘅飯，唔係一啲軟糯既日本珍珠米，甚至連紫菜亦都有啲偏軟，並不脆化。🥸🥸一個手卷，無論係魚肉、紫菜、定係飯都係做得一般。食完都冇心再試佢其他Product🙁 唔知其他手卷係咪真係出色，但至少三文魚唔係，大家去到可以試少樣野啦～😌😌🔹🔸🔹🔸🔹🔸🔹🔸🔹🔸🔹🔸桜 (西灣河)西灣河筲箕灣道57-87號太安樓地下A48B號…查看更多

太安樓出名嘢食多，今日試咗呢一間平民手卷，價錢接受，質素都OK，平時排隊都唔算太多人，除咗手卷佢仲有丼飯同埋刺身，都非常抵食，對於我哋呢啲上班族黎講，絕對係平民之選…查看更多

𝟘𝟜.𝟘𝟠.𝟚𝟘𝟚𝟚📌 桜 (西灣河)西灣河筲箕灣道57-87號太安樓地下A48B號舖🔎#hkfoodieat_西灣河 #hkfoodieat_荃灣 #hkfoodieat_元朗 #hkfoodieat黃店💛 💸人均消費: $10-100🌿評分: 4/5🈚️加一服務費外賣通常都好難影得靚🤧但好surprise嘅係我本身諗住求其影俾🧸睇嘅時候發現: 唔係喎😂個賣相都幾吸引喎🌷加上食完覺得幾好食就想同大家分享吓🌟遇到呢間日式手卷黃店應該係呢個星期嘅小確幸🍀ꕥ 炸蝦丼 ($30) 首先呢個丼嘅賣相己經冇得輸🙌🏻仲要都係30蚊咋!! 炸蝦送到嚟俾我影埋相先食都仲熱仲有少少脆🌟加埋啲醬汁配珍珠米真係好正🥺同埋份量都唔少✨30蚊嚟講真係好實惠🌷ꕥ 吞拿魚蓉手卷 ($20)吞拿魚蓉嘅份量都幾多🐟同埋個人都覺得幾新鮮😻食完都有啲啲回甘👻紫菜可以放耐咗有少少淋🙈但整體我覺得都幾高質🙌🏻ꕥ 三文魚手卷 ($15) 裏面有兩大塊好長嘅厚切三文魚刺身😻同樣地都幾新鮮🌟係幾高質嘅手卷ꕥ 日式炸雞 ($25)有啲似唐場炸雞但佢又唔係好脆😂但炸雞唔會好乾🍗反而幾juicy✨蛋黃醬都俾得好足🌿欣賞! 整體嚟講係幾高質又抵食嘅黃店💛有機會一定會再幫襯💞…查看更多

夜晚9點嚟到太安樓，第一站就食手卷，嚟到唔算太多人等，有好多選擇，仲啲刺身可以買👍🏻————————————————————————⭐️A11-炸軟殼蟹手卷🦀$23 軟殼蟹即叫即炸，食落口仲好熱，入邊仲有少少沙律醬，壽司飯粒粒分明😋唯一缺點就係紫菜有少少淋，不過都唔影響口感👍🏻⭐️A41-海膽拼三文魚籽手卷🟠$48 海膽好大塊面仲有好多三文魚籽😋食到底都仲食到海膽同三文魚籽👍🏻————————————————————————整體來講，食材新鮮，真材實料，好抵食👍🏻👍🏻👍🏻…查看更多

今次去太安樓試左炸軟殼蟹手卷 手卷即叫即製 軟殼蟹岩岩炸起超香脆 而且好大隻 勁足料 蟹吾會腥 仲食到有少少蟹膏😍😍手卷內淋上海量沙律醬 同炸軟殼蟹勁match 好yummy💛…查看更多

坊間新開的外賣手卷店有很多大多以大件夾抵食作賣點定價和份量很多時都比魚生的質素顯得重要呢間手卷店款式非常多共51種配搭 最吸引當然係三文魚同海膽!主打手卷 刺身 如吞拿魚海膽三文魚腩和油甘魚作主角配搭多變 特選海膽手卷 紫菜食落特別脆口 加埋豐富既海膽真係鮮味十足光澤圓潤海膽十分鮮甜甘香味道久久不散~小食的選擇也不少有紫芋薯餅南瓜餅等也有師傅特別調製的冷麵店名 櫻 手卷西灣河筲箕灣道57-87號太安樓地下A48B號舖Shop A48B,G/F, Tai On Building, 57-87 Shau Kei Wan Road, Sai Wan Ho平均消費$50評分7/10…查看更多

太安樓真係好多嘢食繼林記車仔麵之後去咗呢間櫻買手卷一去到都有幾個人等緊睇menu真係花多眼亂選擇困難症嘅我要用刪去法去揀😂😂最後揀咗軟殼蟹手卷店員都有問即食定拎走而且佢好有禮貌🥰都等咗一陣相信因為即整拎上手熱辣辣拿拿林去附近公園少人啲嘅位置解決咗佢😏一打開 會唔會太大隻軟殼蟹😍仲有啲熱度咬落去真係無得輸個人覺得夠味唔落豉油都ok (其實係唔記得咗落 食吓食吓又唔覺)期待下次翻兜Btw原來拎走係要自己包埋😅最後都係捩咁棄🤣🤣🤣軟殼蟹手卷 $22 🙆🏿‍♀️…查看更多

太安樓高質手卷店 - 桜太安樓地下有唔少食店，相信唔少人試過喺太安樓掃街。今日經過西灣河，我都忍唔住入太安樓行番轉，買啲外賣番屋企食😋————————桜主要係賣手卷同丼飯，今日我就嗌佐一個三味魚丼同一個甜蝦手卷。🍣三味魚丼 🍣 （7.5/10）一次過試曬三款三文魚，而且啲魚都算新鮮，真係大滿足啊。飯上面仲鋪咗啲魚籽，撈埋啲飯一齊食味道好夾。唯一略嫌啲飯偏乾。下次一定會再嗌😋🦐甜蝦手卷 🦐 （8/10）甜蝦都幾新鮮，而且份量都相當大方。唔好睇佢面頭好似得幾隻甜蝦，但其實暗藏玄機，手卷下半部分仲包住咗唔少甜蝦，真係啖啖都食到肉🤩————————推薦大家下次去太安樓掃街既時候可以試下桜☺️————————😋味道：8/10🤵🏻服務：7.5/10💰抵食：8.5/10⏳外賣排隊時間：10分鐘…查看更多

三味魚丼$58有火炙三文魚，辣味三文魚，同三文魚刺生。由於火炙三文魚加咗牛油黎燒，一打開個盒，勁香🥰加分呀👍🏻魚生的份量都唔少架，都算新鮮，飯的醋味適中，飯唔會好似爭鮮啲飯咁死死實實。不過我用黎做晚餐就唔夠飽喇😂…查看更多

自從發現咗太安樓有呢間高質立食手卷每次泥都一定要預留一個位置食佢！必食三文魚腩手卷即叫即整三文魚腩十分肥美而且新鮮紫菜好脆，食落唔會好淋咁嘅質素配咁嘅價錢其實係相當之平Wasabi同豉油都放係枱等人自己落重有不同款式…查看更多

以前係紅磡讀書既時候成日都會去尖東食手卷，自此之後見到平價手卷都會好想食～-唔知由幾時開始，太安樓既宵夜愈黎愈少，有時都唔知食咩好，呢次見到就試下呢到既【三文魚腩手卷】啦～又唔錯喎！首先佢好平，二來用料都新鮮，三文魚腩既魚脂，明白既人自然會明，真係好正，而且佢個紫菜唔會淋咗，好脆，呢個價錢呢個質素，唔錯！-總結，下次唔食正餐啦，黎呢到買幾個手卷食就夠～…查看更多

話說好耐都冇食過日本野，近幾排都係食西餐，突然心感一發，一於去想去好耐既太安樓美食區😍，行下行下見到有一間有靚門面的日本野，就走咗埋去叫二個手卷黎食吓！第一點選嘅當然係我鍾意嘅火炙帆立貝，仲要加上牛油火炙，咬落去口感幼滑，帆立貝又鮮又甜，仲有種層次感😍真係食完會想叫多幾個繼續食嘅感覺。最後當然叫埋我最愛嘅三文魚啦！三文魚拼飛魚籽手卷除咗有三文魚既鮮，加上飛魚籽既香味，鮮到一個點，再加上液狀既芥末，食幾多都唔夠喉呀～…查看更多

早前傳媒報導西灣河太安樓美食多，好適合去同朋友仔「掃街」，上星期我就約左人去搵食探險😬搭地鐵去西灣河B出口對面就係太安樓，入面就好似一個小型商場咁，有好多唔同餐廳、店舖，人流都好多添。行過見到有茶餐廳、珍珠奶茶、車仔麵店等等，真係花多眼亂😅最後我地去左超市隔離間日式小店［櫻］見到門面有好多手卷既相，定價$15-50不等，玻璃櫃仲有不少刺身、丼飯添。店員比左張order紙我地，我揀左帶子拼海膽手卷$48，差不多要$50的手卷，起初都驚唔值。但師傅好快手就做好比我地喇，見到海膽舖滿大半個飯面，而且顏色好有光澤，估唔到係用上新鮮貨😻食落鮮甜不腥，又無苦味👍🏻👍🏻另外帶子都新鮮無冰，至少都食到三片厚厚既鮮帶子，壽司飯軟硬適中，本身無加任何調味，由我地自己隨意加點wasabi、豉油。而友人就點了一件海膽拼三文魚籽手卷$48，海膽一樣咁新鮮，仲有大大粒既三文魚籽，份量好足夠。最驚喜既係我地食到一半，發現手卷裡面都有餡料，原來師傅除左放材料係面之外，飯身之間都有少少海膽咖！😋😋我地都一致認為依間既手卷物超所值，如果可以加埋堂食位置就好，等多點人可以慢慢品嚐嘛…查看更多