Sakura

難得又嚟到西灣河，點都要嚟一嚟太安樓。比起前排，太安樓嘅美食多咗好多，款式又多咗，仲有日式手卷店𠻹喎店面裝潢是是正正，除咗手卷，仲有丼飯、刺身同小食選擇𠻹嘩！估唔到過咗海仲見到，$10就有個手卷，大胃係唔係嚟錯咗地方？真係平到自我懷疑等大胃填張form揀手卷先，大鑊啦，咁多選擇點揀呀？最後揀咗兩個手卷，唔係邊夠飽呀？當係晚餐㗎喇！第一個就係三文魚併吞拿魚蓉手卷（$28），吞拿魚蓉平時食開冇乜味，但呢個魚味幾出，可能芝麻幫到件事。同埋三文魚啖啖肉，都幾鮮甜呢度有得棟篤食，仲有基本三支醬料以供調味跟住就係手卷界貴冑—馬糞海膽手卷（$36），唔會好腥，份量好足料，仲要幾有鮮味咬到底仲有料㗎，真係冇偷工減料啵！呢間絕對值得返叮:)…Read More

太安樓立食手卷之選太安樓出名多野食~今日經過被櫻呢度D手卷圖片吸引左~好多不同手卷選擇, 除左手卷, 仲有DON飯呢~可以堂食/外賣, 買完可以在旁邊立食!! 我一個人食左2個手卷~包括赤貝手卷同埋海膽帆立貝手卷~手卷全部即叫即做，新鮮好味！色澤亮麗的橙紅色的赤貝，肉質非常爽口, 味道鮮甜~ 色澤亮麗, 真心想再encore~海膽同帆立貝都分量十足，海膽唔腥,  帆立貝厚肉，且鮮甜美味所有washabi 同豉油都放在枱面, 客人可自由使用, washabi 仲有款特辣選擇呢~一定會再黎食呢~-- 💕💕💕💕💕💕…Read More

本身去西灣河個朋友屋企打機，點知去到太安樓，佢先話原來女朋友放假，上咗佢屋企。大家都識做嘅，咁我咪唯有去睇下有咩食。行行下見倒呢間壽司小店，一份份嘅厚切魚生放咗係外賣櫃，仲只係$50，見佢性價比咁高，就埋去試。佢哋嘅馬糞海膽手卷($35)，性價比勁高，海膽淡黃和橙黃交雜，顏色尚算深色，食落一啲怪味都無，反而食落鮮甜，甘甜味更為突出。除咗馬糞海膽之外，佢地仲有來源至澳洲、加拿大和日本的海膽。手卷飯粒帶點微暖，醋味剛好。因為食完一個手卷仲好餓，我仲叫多咗個三味魚丼($58)，集合三文魚刺身、三文魚籽等厚切鮮甜的魚生下，係軟綿綿的白飯，加上牛油果的配料，最佳組合非佢莫屬！…Read More

呢個月來過幾次太安樓都見到呢間店排長龍所以都沒特登去試食，但今日經過見人少少，終於可以獻出我既第一次其實第一眼睇個店面睇個餐牌已經夠晒吸引，食物既相片價格一覽無遺，作為海膽控既我本身仲諗住有得食加拿大海膽手卷($45)但竟然咁快賣晒。最後叫左一個馬糞海膽手卷($36)同埋一個三文魚拼海膽手卷($38)。落單比錢分幾鐘個手卷就手到拿來，望住手卷上面滿滿既海膽真係一種享受大拿拿一個海膽手卷先至係三十幾蚊，食落鮮甜沒苦味，真係何欲何求☺另外一提，我食飽左先發現原來一個三文魚手卷先至係$14，窮人恩物呀…Read More

西灣河太安樓越開越多好嘢食，今日嚟到呢一間食日本手卷 桜，呢間店係冇坐位的，不過出面有枱可以企喺度食。平時見到都好多人等緊，今日終於有時間嚟試一試佢嘅手卷。見啲人特別推介海膽甜蝦手卷，今次我哋都叫咗海膽甜蝦手卷，鰻魚手卷，軟殼蟹手卷同埋火炙牛油赤海蝦手卷。佢嘅手卷份量都好多，可以見到佢啲餸係好多好滿的。超值得推介嘅係軟殼蟹手卷同埋海膽甜蝦手卷，佢嘅軟殼蟹手卷入面嘅軟殼蟹炸得好脆，而且又唔會好油，加埋豉油同埋Wasabi食真係冇得頂！…Read More

西灣河太安樓最有名就是乜都有得食，早前都同朋友經過這間小店係食日本手卷或丼飯，手卷種類真係多到款款都想食。                但太肚餓了我就決定叫一碗丼飯，蟹將軍丼飯HK$52 ，即叫即整師傅仲好好 仲好有禮貌。           等了一陣熱辣辣成碗飯，加上即炸好既軟殼蟹大大隻，出面都未必食到整食，好金黃好脆同好香。     每一口咬下去都好有口感淡淡蟹香味，配有兩大條蟹柳，肉質甜又軟淋，仲有蟹籽非常之多，加上有豉油、Wasabi 一起點來吃,非常之夾。      另外師傅都比左獨立包裝紫菜，除時可以吃仲更加脆卜卜。提提大家這舖只收現金,手卷由$10-40 ，全部都是即點即整架…Read More

今日去咗人稱「平民天堂」的太安樓覓食，去咗呢間我成日都黎的日本野食。我即場叫咗個三文魚子拼海膽手卷($48)，同埋三味魚丼($58)。先講個手卷，啲食材俾得好充足，魚子堆到好似山咁，魚子同海膽嘅味道好夾，完全無任何腥味。海膽甘甜而沒雪氣，入口即溶。同時,魚子係品嚐嘅時候來回於舌尖上，豐富嘅口感不停迴盪; 兩者用料皆為上品。三味魚生丼，相信大係都係日本食得多，主要由辣味三文魚腩、三文魚籽、炙燒三文魚組成，加上鮮魚子的點綴，食落有種去咗日本嘅感覺，再細細品味，轉眼間已經食晒。肥美嘅三文魚互相襯托著，鍾意食芥末嘅朋友仲可以加埋秘製芥末醬，下次再黎西灣河，我都會再食呢間。…Read More

每次來太安樓必吃的手卷😋 老闆每次都給了超足的料，我最喜歡這間的海膽手卷，海膽鮮甜，一開始以為只是表面鋪滿了海膽，居然吃到中間還有滿滿的海膽！價格也比普通壽司店便宜，大部分的壽司店一小碗海膽壽司已經要超過一百，所以喜歡海膽的朋友一定不要錯過這間的魚籽和三文魚手卷值得一試，性價比很高！！除了手卷還有好多款魚生飯可以選擇☺️第一次來這間店的時候我一個人一連吃了四個手卷，本來還想嘗試太安樓其他小吃，吃完基本吃不下其他東西，後來就變成每次來附近都必吃😆😝…Read More

收工經過呢間櫻🌸手卷 俾佢豐富嘅手卷餐牌吸引左🤣就買咗兩個手卷試試佢 一個係海膽拼三文魚籽手卷($48)🍣 食海膽最驚就係腥 但呢個手卷食落啲海膽唔腥仲幾先甜😯加埋三文魚籽 食落好有海鮮嘅鮮甜味🌊🥰 另外買左第二個赤海蝦拼三文魚手卷($36) 🍤一樣都幾好味 啲蝦肉肉質唔會覺得霉 彈牙新鮮 手卷嘅紫菜都夠脆身唔會軟林林👍🏻 門口有張枱仔 可以即整即食 枱上面有豉油同Wasabi 可以跟自己口味加 仲有枝勁辣Wasabi 貪得意唧左少少 真係辣到標眼水😂想挑戰一下Wasabi辣度嘅可以試試佢☺🔥…Read More

心血來潮想食魚生飯🤨但又唔想專登搵間日本餐廳坐低食🤪就外賣咗呢間櫻手卷嘅魚生飯🤩 揀咗個餐牌最吸引嘅極尚刺身丼飯🍱盛為$78刺身丼飯入面有三文魚✅赤海蝦✅帶子✅三文魚籽✅同埋甜蛋✅ 三文魚味道正常😊但佢個赤海蝦同帶子就真係幾正😋size勁大味道鮮甜 唔加豉油食都好好味 將啲三文魚籽撈勻啲飯到 啖啖都食到鮮甜嘅滋味🤤 而且壽司飯都幾軟同香口 唔似啲機製壽司飯咁硬同過酸🍣不過唔係好食得辣嘅朋友就唔好加太多Wasabi 佢呢款Wasabi十分強勁好攻鼻 以$78嘅刺身丼飯黎講算係物超所值🤩下次可以再試埋佢啲手卷😃…Read More

西灣河太安樓一向是美食集中地，雞蛋仔、台式、泰式、日式都有，某星期六去港島東體育館健身前行入太安輕食一下，最快最方便就是日式手卷或丼飯。桜是一間店面細細的日式食店，主要做外賣，門口放了一張吧檯方便客人堂食門口當眼處放了餐牌: 手卷、炸物和丼飯，全部都圖文並茂，客人清晰可見。個人對三文魚情有獨鍾，三味魚丼最能滿足我的要求，3款不同烹調方法: 醃漬、火炙、角切等三文魚色澤光亮，好新鮮，飯面再鋪上飽滿魚子，三文魚油香味同魚子鹹香味融合，入口就像有肥美的魚油在口腔中迴盪^^貪心的我另外加配了海膽，口感甘甜細膩，入口即溶啊!!!每碗丼飯都跟有一塊大紫菜，方便客人可以自己包手卷食，小店提供2款WASABI，以液態方式好方便客人使用，而其中一款勁辣級是透明的，我自問就不敢挑戰啦^^行過太安樓的朋友可以去桜試一試，價錢好親民，質素卻保持應有水準!!正啊…Read More

平時見到好多人介紹太安樓有好多好西食，今日特別嚟到”桜”，試吓朋友推介嘅手卷，今次我哋總共叫咗四個手卷，分別係軟殼蟹手卷，鰻魚手卷，甜蝦手卷同埋海膽手卷。店舖的豉油以及Wasabi是自助形式的，可以隨着自己的喜好加不同的醬料。但是我自己食刺身手卷的時候比較喜歡不加任何醬料，因為可以感受刺身的鮮味。他的軟殼蟹手卷，軟殼蟹份量是十分豐富的，而且他炸得很好，不會有太多炸粉，而且不會太油。鰻魚手卷也非常喜歡，他的鰻魚也是份量很多，而且不會有很多骨刺。如果行過太安樓非常之推介大家來試吓手卷！🤤🤤…Read More

太安樓出名多正野食，今日試下日本野！😚1️⃣加拿大海膽手卷($45)😍佢d海膽好多😍好足料，好鮮甜👍🏻推薦啊！2️⃣海膽拼三文魚籽手卷($48)😝海膽同樣係一流嘅😝三文魚籽好新鮮甜美😋3️⃣蟹將軍丼 $52😋D軟殼蟹好脆🤩🤩😍每食一啖都有clack clack clack 聲！😝仲有蟹柳，食落唔似平貨😋將蟹籽、豉油、Wasabi撈勻啲飯食就yummy yummy la😝另外，店鋪好體貼❤️如果手卷係外賣的話，佢會原塊紫菜連包裝一齊包，確保佢係脆😚我個外賣蟹將軍丼都有紫菜，所以都有連埋原包裝俾我返屋企先拆開黎食🙌🏻Btw 佢個度有個牌，寫住只收現金，不收毫子…Read More

去親太安樓掃街都會買黎食😌-✌🏻個人每人1️⃣個手卷~~-💁🏻‍♀️海膽魷魚手卷💁🏻‍♀️三文魚甜蝦手卷-足料, d餡爆晒出黎😂食到中間都仲有一定份量嘅餡, 唔係鋪滿面頭但中間得飯雖然手卷size 唔算大, 但以依個價錢算係咁啦~~-…Read More

下午無食野，於是到向來係覓食好地方嘅太安樓度食D小食。呢間手卷店好似係開左無幾耐，去到嗰時出面都有幾個人排緊隊，我見手卷款式多，賣二十幾三十元一個，幾抵食就決定買來試下。除左手卷之外，呢度仲有其他小食同井飯。我買左個海膽三文魚手卷同赤海蝦帶子手卷。海膽三文魚手卷好足料，海膽同三文魚都好大塊。海膽無腥味兼幾清甜、三文魚都好新鮮肥美！赤海蝦帶子手卷嘅帶子大粒又鮮甜，赤海蝦口感都好爽滑！呢間手卷店用料新鮮又足料，價錢實惠，下次會再來買！…Read More