桂花小幸 (將軍澳廣場)

營業中

休息中

將軍澳呢間台式料理，下午茶時間坐無虛席，用QR code落單以及電子支付都好方便。上菜速度好快，有多款台式主食、小食和飲品供應紅燒半筋半腩牛肉麵大大碗牛肉麵，湯頭特別鮮甜，麵條軟硬度適中！牛筋同牛腩都相當入味，質感亦軟淋。份量亦都算多，食極都仲有！古早味滷水拼盤拼盤分別有雞翼、牛肚、牛腱和滷水蛋。份量都幾多，滷水好入味.椒鹽花枝丸（5粒）巨型花枝丸，外面炸到脆脆，內裡有墨魚粒，食落爽彈好惹味！芝士奶蓋抹茶（凍）濃郁既芝士加上淡淡嘅抹茶味，好夾！夏日水漾鮮果茶（凍）幾樣新鮮水果製成嘅水果茶，甜度適中，飲落好清新！桂圓蘆薈菊花茶（熱）菊花桂圓，加上蘆薈，特別滋潤.

將軍澳廣場入面都有好多嘢食，今次我哋去咗桂花小幸，主要係食台灣嘢～❥麻辣番茄牛筋腩麵麻辣油係另上所以可以自己控制辣度蕃茄湯酸酸甜甜加咗麻辣油會比較香～牛腩有兩大條，炆得好軟腍腍牛筋份量較多，骨膠原感滿滿台灣面都煮得好彈牙！❥清燉酥炸排骨麵 呢個係一個套餐，包一份小食我哋揀咗椒鹽花枝丸椒鹽花枝丸有兩大粒入面有花枝粒都幾大彈牙排骨炸得好酥脆肉感滿滿❥煎餃子煎餃子有四隻係正常嘅豬肉餡配香醋～❥芝士奶蓋桂花烏龍茶❥芝士奶蓋抹茶

「桂花小幸」位於將軍澳廣場人氣嘅台式餐廳，價錢便宜，款式多仲有多款台式飲品選擇✨鹽酥雞排麵 $74可自選湯底我就揀咗紅燒牛肉湯底，味道香濃雞排炸得酥脆美味肉質食落夠嫩，而且麵嘅份量超多食完好滿足😌午市套餐仲可以揀一款小食上湯浸時菜✨紅燒惹味牛腩麵 $82午市小食 +$5揀咗椒鹽花枝丸好Q彈湯底同樣揀咗紅燒牛肉湯底夠惹味😋牛腩有好多嚿😆 半肥瘦入口軟腍入味跟餐有飲品🥤/加錢轉其他飲品黑糖珍珠鮮奶 $29蜜桃烏龍多多 $29

平時好多時都係幫襯午市，午市冇原盅燉湯定食套餐，難得夜晚過嚟食，一定要試試我哋叫咗一個雞翼一個鹽酥雞扒，兩個定食套餐都有包括滷肉飯+燉湯+青菜，是日燉湯係青紅蘿蔔煲牛腱，蘿蔔同粟米好清甜，牛腱份量好多，我個碗起碼有五六嚿，仲要好林有少少筋好出色鹽酥雞扒份量多，皮脆肉嫩，雞翼係滷水，大大隻都幾滑。燉湯定食都係行健康風，個湯完全唔油，但都夠鮮甜，定食配送嘅青菜滿足咗營養目標。我哋另外加配咗小食，一款$16兩款$28 ，當然要叫兩款share。涼拌貓耳朵同涼拌黑醋茄子都係酸酸辣辣好開胃套餐可以加配隔離茶研社飲品，正價減$5 ，新推出嘅山茶花大杯裝就有特價更餐只需$21 ，揀咗鮮奶珍珠山茶花，雖然冇茶底，但飲落似奶綠，可能因為山茶花同綠茶一樣本身都有淡淡清香

抵食台灣菜😍 夜晚嚟到環境舒適熱鬧，7點已經坐滿人，好受歡迎👏 食物選擇好豐富，今次每樣都試吓😆 人均$100已經好飽🤩原盅燉湯、湯時菜、酥炸排骨、滷肉飯大大塊酥炸排骨外層酥脆，內裡肉質軟嫩多汁，滷肉飯香醇惹味，好好味！湯時菜爽脆可口，原盅燉湯濃郁鮮美，好滿足😍蕃茄湯水餃米線有驚喜！蕃茄湯好濃郁，酸甜可口 非常開胃，水餃皮Q彈，內餡鮮美多汁，米線條Q彈爽滑，吸收了湯汁的美味😋另外每個套餐加$28就有2款小食，好抵😍涼拌貓耳朵、上湯浸時菜、紫菜魚丸湯、滷水豆腐款款都好唔錯👍 值得試夏日水漾鮮果茶夏天必飲☀️清新爽口，果香味濃！黑糖珍珠鮮奶（凍）Q彈黑糖珍珠加濃醇的鮮奶，香甜味十足🤤

酥炸排骨滷肉飯+手拍小黃瓜+璞玉紅茶:HK$74(*午市套餐)注意手拍小黃瓜不是辣的，而是酸的小吃。璞玉紅茶是套餐附送飲品。除了紅茶，可以選擇綠茶。店舖不收取服務費。共消費HK$74。個人評價是因為當時想吃滷肉飯，所以嘗試這間餐廳，一間普通的台式餐廳。

台式料理來說，這店就真的又平又抵吃了，套餐都包含了主食、小吃及飲品，很夠吃～紅燒惹味牛腩麵～轉了台灣麵，麵質相對比麵線更煙韌，更有口感，牛腩非常鬆軟，湯底味道香濃～鹽酥排骨滷肉飯～排骨炸得很酥脆，滷肉飯的滷肉很多，半肥瘦適中，入口香潤～椒鹽花枝丸～外層炸得很酥脆，是正宗台灣花枝丸，花枝丸內有很多花枝粒，很有口感～地瓜薯條～相比普通的炸薯條，地瓜薯條更甜美可口，好吃～台灣烤香腸～香腸烤後特別香，油脂隨著熱力浸到腸內，熱辣辣的，令人回味～黑糖珍珠鮮奶～鮮奶很濃厚，黑糖味很香，珍珠軟彈，必喝～

桂花小幸 (將軍澳廣場) (將軍澳).酸菜魚米線.酸菜魚份量多魚塊夠滑溜，每次黎都會食，可以揀麵/米線，個湯夠酸夠開胃🤤.手工糭子.適逢端午節，叫個糭食下應節手工糭本身糯米已經係有醬油，入面仲有啲豆類作餡料.台灣烤香腸.每次黎必叫小食，好彩外皮烤得少脆，配上蒜片一齊食！.炭燒烏龍珍珠鮮奶奶茶·水果茶.呢度其中一個最吸引我嘅地方就係有台式茶飲，最緊要係好飲！水果茶清新，嘆盤烏龍茶底香濃，再加入珍珠有咬口.桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

桂花小幸(將軍澳廣場) 一間台式牛肉麵桂花小幸,餐廳位於新界將軍澳唐德街1號將軍澳廣場1樓,餐廳主打台式牛肉麵和台式特飲,餐廳裝修簡約帶有田園色彩,餐廳好以快餐店自助落單付款形式,但服務員好快會捧餐到你枱前,服務員招呼有禮。鹽酥雞扒蔥油拼米線配有紫菜魚丸湯米線內有紅蘿蔔,酸菜,白蘿蔔,生菜,芫茜,雞扒微鹹,炸醬不太厚,食落好嫩滑,米線軟硬適中。糭香扁食套餐阿嬤手工肉糭子係台式肉糭,微鹹,不膩,材料豐富。家鄉紫菜扁食湯係台式雲吞,皮薄肉嫩,紫菜湯好鮮味。小食古早味鹵水牛肚,廚師煮牛肚煮得夠淋夠入味,淡淡牛肚肉十分滿足。鹽酥花之丸有3大粒,炸醬不厚,食落好惹味。蜂蜜檸檬蘆薈入口酸酸甜甜,飲落好開胃夏日水漾鮮果茶水果茶有檸檬,西柚,.飲落透心涼。

✨中女獨食難肥日誌 ✨桂花小幸 中女食將軍澳這間台灣菜是一人晚餐好選擇，套餐有湯有菜有肉有飲品，大滿足😌鹽酥雞排滷肉飯 $84雞排份量足，大塊之餘肉夠厚，新鮮炸起亦不會乾滷肉飯肥瘦適中，油香滿滿！原盅燉湯外出吃飯難得有湯水，而且是原盅燉起，燉湯熱辣辣，而且料足，內有軟嫩的牛肉及淮山，清甜好喝。芝士奶蓋桂花烏龍茶 $27飲品都選微甜少冰，厚厚一層芝士奶蓋，奶蓋略帶咸味配上清甜桂花茶好夾！涼拌貓耳朵 $16夠酸夠辣的貓耳朵，一人小食很不錯。📮地址: 桂花小幸 (將軍澳廣場) (將軍澳)將軍澳唐德街1號將軍澳廣場1樓133-135號舖☎電話: 31062238

好耐無食台灣嘢，腦內即時湧現出”桂花小幸”這四個字於是即刻到將軍澳廣場去搵食。星期六下午2:30到，等左5分鐘可以入座，剛好有食客食完，可以坐到卡位，真幸運1. 椒鹽花枝丸3粒($28) ，花枝丸既即叫即炸，熱辣辣上枱，外皮脆口，內裡彈牙2. 煎餃子4隻($32) ，一咬落去爆汁，小心燙親口，內裡好足料，誠意推介3. 鹽酥雞扒滷肉飯($64) 追加涼伴黑醋茄子($16)。炸雞扒充滿台灣味道，外皮炸得香脆，內裏雞肉Juicy。滷肉飯碎肉超多，滷肉汁十分惹味。黑醋茄子每次必點菜式，味道酸酸地，食完十分開胃。4. 腱心牛肉麵(養生湯)($72)。湯底超甜，牛肉入口即溶，份量亦多，唔使去台灣都食到咁高水準嘅牛肉麵真係難得5. 左: 芝士奶蓋桂花烏龍茶($27)，右:柚子QQ山茶花($21)。兩杯飲品都十分滿意。整體來講，餐廳環境舒適，食物價錢優惠，食物水準亦高，以平價嘅價錢，喺香港都可以食出台灣嘅味道，相信只可以喺”桂花小幸”先可以搵到。

今日突然之間好想食台式野，知道呢度附近有桂花小幸就諗住叫個外賣，咁想食飯又想飲湯，點了一份酥炸排骨滷肉飯及紫菜魚丸湯，之前吃過佢哋其他食物都還可，今次真係重大伏。首先碗滷肉飯濕過平時香港嘅濕度，重點就係個酥炸排骨，一來唔知煮咗幾耐，只有少少暖，其次就係外表同口感完全係茶餐廳及快餐店食開嘅吉列豬扒，究竟邊一忽係酥炸啊？之後輪到碗湯完全得溫暖唔熱，所有食到一半已經頂唔順丟咗，真係唔會再比機會呢間餐廳。

之前食過覺得好味，所以平日某個夜晚再過嚟幫襯。今次叫咗以下食物：🍜紅燒半筋半腩牛肉麵（ $75 ）：牛筋及牛腩嘅份量充足，醃得入味，牛筋亦煮得非常淋軟，麵條軟硬適中，整體不錯。🍜秘譚酸菜魚米線（ $78 ）：餐牌寫小辣，但感覺係非常少嘅辣，易入口，米線份量充足，非常大碗，係1.5人嘅份量😂湯底美味濃郁，值得一叫。🍆另加$16嘅涼拌黑醋茄子，雖然寫微辣，但醋味多過辣味，茄子煮得淋軟，正常水準，不至於有驚喜。🥟蕃茄濃湯餃子（$28 ）：一碗有四隻，湯底有真嘅蕃茄碎粒，餃子入面係豬肉餡料，味道正常但冇特別，下次未必會再encore。🍹黑糖珍珠奶茶（ $34 ）：值得推薦嘅珍珠奶茶，茶底濃郁，黑糖份量恰到好處，整體充滿驚喜。🍹檸檬多多梳打：檸檬雖然有少少酸，但加埋益力多，整體感覺清新，值得一叫。埋單兩個人總共二百幾蚊，性價比高，一定會再次光顧。

將軍澳廣場食肆林立，見到間食台灣嘢嘅餐廳，佢午巿嘅Menu都好多選擇，而且台式飲品嘅款式都好多，所以就決定感受下台灣的味道。講起台灣的味道，令我即刻諗起嘅一定係牛肉麵，見到佢個menu 推介三盛紅燒牛肉麵，係包括左腱心牛肉、牛腩同牛筋，啱晒我可以一次滿足三個願望。麵條方面有得揀台灣麵或者米線，咁我今次就揀咗台灣麵，麵質都幾爽口彈牙，唔會好腍。湯底我揀咗紅燒牛肉湯，有微微嘅辣度，佢個湯底都好濃郁香甜，都好重牛肉味。去到三款唔同牛嘅部位先講腱心牛肉，牛味濃郁，而且都好腍，有少少入後即溶嘅感覺。牛腩係超大嚿同埋份量都好多，同樣唔會好韌。牛筋唔會好有漿住既感覺，都好容易咬開，唔會食到黐住個口。另外加配小食叫咗個涼拌貓耳朵，爽口彈牙，酸酸味味，幾開胃。食台灣嘢點都要有杯手搖飲品，今次就叫咗仙草凍鮮奶，飲品都幾大杯，仙草好多，叫咗微糖，感覺上好似健康啲。三盛牛肉台灣麵 $85仙草凍鮮奶 $32涼拌貓耳朵 +$16桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 -135號舖

桂花小幸 (將軍澳廣場) (將軍澳).係將軍澳要食台灣野，佢真係我食足咁多年都覺得好好食.▪️酥炸排骨麵 ▪️.每次黎呢到必食，酥炸排骨唔會太肥膩，湯叫左紅燒牛肉麵微辣夠惹味.▪️葱油雞絲拌米線▪️.唔知係好一段時間無黎食定真係新菜式雞絲撈米線好好食喎，啱曬唔想食得咁heavy又易人口.▪️小黃瓜·貓耳朵▪️.叫套餐係可以加$28要兩小客小食，小黃瓜同貓耳朵一樣係夠酸夠開胃！.▪️蜂蜜檸檬蘆薈▪️.呢到另外有部份調製台式飲品，蜂蜜檸檬蘆薈夠開胃又養顏！.📍桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️