桂花小幸 (將軍澳廣場)

營業中

休息中

大掃除完攰到唔想煮飯，同阿囝去咗屋企附近食台灣菜，可以叫埋阿囝最鍾意飲嘅台式飲品ღ三盛紅燒牛肉麵 $85三盛有腱心牛肉，牛腩、牛筋，每件都大大件，啖啖肉，牛腩軟腍入味，牛筋好Q彈，滿滿骨膠原🤤搭配香濃紅燒湯底，滋味滿足！ღ紅燒滷水雞翼麵 $52滷水雞翼有4隻，滷得入味而麵條掛滿湯汁，好快就清晒🤤ღ台灣烤香腸 $35台式香腸甜潤且富含脂香，滿滿肉汁$28可以加配兩款小食，好抵呀！揀咗涼拌黑醋茄子🍆同上湯浸時菜ღ黑糖珍珠鮮奶 $34濃郁嘅奶香味帶黑糖香氣，珍珠彈牙ღ蜜桃烏龍多多 $34果肉香甜清爽，酸酸甜甜帶著清涼嘅味道

天氣凍凍地同媽咪撐枱腳想食羊腩煲，搵到將軍澳桂花小幸。進入好似去左台灣幸福溫馨小店，店內裝修寫意，擺放左很好正能量字句，這種溫暖感令我想起台灣😁羊腩煲套餐-份量大，味道正😋羊腩冬菇馬蹄腐竹等配菜炆到啱啱好入味，估唔到這小店都可以食到出色羊腩煲😋😋蟲草花杞子豬肚雞飯套餐 - 我覺得這店最好係可以選擇豬肚同雞雙拼，樣樣都試到， 雞滑或豬肚夠咬口，唔錯而且好養生😁蕃茄餃子🥟-可選小份量4隻剛剛好，味道特別 飲品香芋珍珠奶茶 ： 珍珠軟滑甜味適好飲🥡小店價錢合理，性價比高，會再光顧😁

去五桂山之前，喺將軍澳廣場食個晏先，順便見吓啲舊同事傾吓偈。因為好耐冇食過台灣嘢，咁啱附近有，所以就決定嚟呢一間。原來呢間嘢落單好奇怪，好多侍應，但係全部都唔係落單嘅。要出去收銀嗰度俾錢落單同埋up枱號俾佢。有個比較大年紀嘅侍應姨姨，叫我哋唔好阻住個門口，要排好啲，唔知仲以為自己去咗黃埔軍校食午飯，如果佢要出去收銀度落單嘅話，點解佢唔整條排隊先叫人排隊呢。跟住收銀個姨姨，都好軍訓式落單。其實已經講得好慢，但係佢都打唔切單，要求我超慢再講一次。既然冇地方排隊收銀又落單有困難點解要請咁多侍應企喺度呢？咁不如餐廳安排掃QR code落單咪仲好。講返啲嘢食，加配咗個魚丸紫菜湯，個魚丸就比較寒酸少少一開議，仲有啲雪藏味。價錢個肉燥飯又平平無奇。好彩個牛肋條炆得好夠味，個牛筋亦都好淋滑，味道挽回咗不少嘅好印象。

今日黎到將軍澳行街街，揀左呢間人氣嘅台灣茶去食個late lunch😋，都已經3點佢地都仲係好多人啊，果然受歡迎～☺️＊＊＊＊＊🐏古法黑草羊腩煲 $98冬天食羊腩煲補下暖下身就最啱架啦，佢地有分定食或者配飯麵，我地就叫左個冇飯嘅煲，佢好大煲架，入面除左大大件羊腩🤤🥩之外仲有冬菇、支竹、馬蹄、娃娃菜等等☝🏻🥩酥炸排骨雞肉飯 $64另一個就叫左個飯黎share～佢可以揀滷肉飯或者雞肉飯🍗，我就揀左健康啲嘅雞肉～酥炸排骨超大塊又香酥🥰🌭台灣烤香腸 $35🍵荔枝QQ綠茶 $28🧋芝士奶蓋阿華田 $32＊＊＊＊＊更多食評資訊：IG🔎litcloud_

天氣開始轉冷，想食碗熱既湯麵，於是黎到附近既桂花小幸食台灣菜🌸 🍜麻辣牛三寶台灣麵（少辣）送涼伴貓耳朵$89：牛腩同牛筋亦煮得好入味＆淋軟，牛肚洗得乾淨冇腥味，湯底濃郁好夠味，湯底微辣，內有幾塊辣椒，另外有一小碟辣椒醬另上，可以自行加入湯底內調教辣度，對唔食得太辣既人黎講非常貼心。 🍜三盛牛肉台灣麵（微辣）$85：：麵既質地剛好，唔會太淋或太硬，蘿蔔呈啡色，醃得好入味，牛腩同上述一樣，淋軟入味😋 🥠酥炸甜不辣$28：一碟有6塊，食落好似魚蛋既口感，味道少少甜唔辣。 🥤火龍果多多梳打$29：真果肉x益力多，味道唔假亦唔會太甜，值得推薦 🧋炭燒烏龍珍珠鮮奶$29：烏龍既茶味比鮮奶味重，整體味道較淡。 事隔數月再光顧，味道仍然維持到水準，會再幫襯😊

原盅燉湯湯時菜鹽酥雞排滷肉飯 $84呢個係大件夾抵食之選🤣個雞排個大大塊而且炸得好鬆脆，又有肉汁🤤滷肉飯有少少黏嘴👍🏻仲要有湯飲😋都幾清甜蟲草花杞子豬肚雞湯飯 $78呢個冬天食會暖身豬肚唔腥，份量再多啲就好😙雞肉都幾嫩滑，而湯係行濃郁路線脆阿華田加珍珠 $30啲脆脆應該係指Oreo碎，時間一耐會變軟身所以我加咗珍珠增加口感😋滷水雞翼(3隻）$28呢個就肉有啲淋，應該係浸得耐咗不過味道ok~蜜桃烏龍蘆薈(凍）$25幾refreshing🤤解膩👍🏻👍🏻

呢度嘅台灣菜真係抵食！佢地嘅紅燒牛筋三寶台灣麵係我最喜歡嘅一款，麵條彈牙，湯底香濃，有牛肚、牛腩及牛筋。微辣嘅味道更加提升咗整體口感。另外，佢地嘅雞翅膀滷肉飯同滷水豆腐都唔錯！雞翅膀滷得入味，配上飯食真係絕配。滷水豆腐亦都好滑嫩，湯汁入味，一碗飯配住呢個，真係幸福感爆棚😙飲品方面，佢地嘅蜜桃烏龍多多同百香果Q Q綠茶大大杯。蜜桃烏龍多多有淡淡嘅茶香同桃味，清爽又解渴；而百香果Q Q綠茶有香濃嘅綠茶味同帶點酸酸甜甜嘅百香果口感😎最後，鹽酥花枝丸外皮酥脆，內裡彈牙，花枝嘅鮮味加上鹽酥嘅香脆口感，好香。呢度嘅台灣菜真係物超所值。食物份量足夠，價錢又合理。

作為一位饕客，最近有幸品嚐了一道令人難以忘懷的美食——手工煎餃子。這道菜品展現了廚師們的煎製藝術，留下了深刻的印象。談談外觀。手工餃子在煎製過程中，獲得了完美的金黃色外殼。這皮薄餡大的餃子，每一個都均勻地呈現著美味的外觀。煎餃子的底部炙熱的煙熏香氣令人垂涎三尺，無法等待著將它們放入口中。口感，咬下第一口時，餃子的皮薄而韌，完美地包裹著餡料。這些餡料是由新鮮的豬肉和蔬菜組成，口感豐富而多汁。每一口都帶來了滿滿的滋味，令人愉悅。而煎製的過程使得餃子底部變得酥脆，帶來了額外的口感層次。這種口感的對比給了整個菜品更多的驚喜。味道，手工煎餃子的味道鮮美，有著濃郁的肉香和蔬菜的清新。豬肉的鮮嫩與蔬菜的爽脆相得益彰，形成了一種絕妙的平衡。此外，餡料中添加的香料和調味料提供了微妙的風味，使整個菜品更加令人著迷。

充滿充式風味的台式餐廳，午市套餐更是非常抵吃～蟲草花杞子豬肚雞湯飯～雞湯清澈不肥膩，味道香濃，豬肚及雞件都很多，數量足夠伴飯吃～酥炸排骨台灣麵清雞湯～ 炸得非常香脆，配以雞湯麵吃一流～鹽酥雞扒～雞扒炸得外脆內嫩，雞肉炸後仍能保持水份感～上湯浸時菜～是娃娃菜來的，冧軟好吃～黑糖珍珠鮮奶及奶茶～ 黑糖珍珠甜度剛剛好，質感Q彈好吃，奶茶的茶味香濃，份量也是非常大的一杯，超值～抹香綠茶～跟餐附上的，有香濃茶香，但不甜的，飯後喝一杯很舒服～

入將軍澳搵個朋友，幾個大型商場連在一起可以慢慢行，行到肚餓食餐台灣滷肉飯，《桂花小幸》嘅滷肉飯一向都是我的至愛。店內裝修，台灣文青打卡位很受歡迎，手機QR code落單好方便。三盛紅燒牛肉麵~紅燒牛肉麵湯底非常香濃，牛腩炆得夠淋，牛筋有豐富骨膠原，牛展也不錯呢，加上台灣麵， 仲有白蘿蔔做配菜，材料非常豐富。鹽酥雞扒滷肉飯~大大碗滷肉飯，正啊！香濃滷肉醬汁，雞扒新鮮熱辣辣炸起，鹽酥炸醬外層特別香口。鹵水蛋~涼拌貓耳朵(木耳)~ 小小辣，加入黑醋，特別醒胃。紫菜魚丸湯~芝士奶蓋抹茶(凍)~ 芝士奶蓋味道勁香濃，抹茶味剛好。黑糖珍珠奶茶(熱)~ 黑糖熱飲都唔錯。

我和小鮮肉老公最喜愛台灣這個地方。愛屋及烏同老公仔亦十分喜愛食台灣菜。今日決定去將軍澳食吓CP值超高的台灣菜。一、鹽酥雞扒：外層炸至金黃酥脆，配上特製的鹽酥混合香料，香氣四溢的口感。每一口都充滿了濃濃的雞肉香味，讓人回味無窮。此外，他們的鹽酥雞扒搭配的沾醬也非常特別，帶有鹹鹹酸酸的風味，增添了整道菜的層次感。二、紅燒牛三寶滷肉飯這個絕對是肉食愛好者的天堂。紅燒牛腩、牛筋、牛肚慢慢燉煮後，肉質鮮嫩多汁，入口即化。紅燒的醬汁濃郁醇厚，絕對是一道讓人回味無窮的美食。三、蟲草花杞子雞湯飯：這是一道營養豐富且美味的料理。蟲草花是一種珍貴的草藥材料，具有多種保健功效。這道湯飯以蟲草花和雞為主要材料，搭配嫩滑的米飯和清淡的湯汁，口感豐富又健康。蟲草花的香氣和杞子的甜味相互融合，為湯飯增添了獨特的風味。每一口都能感受到湯飯的柔軟口感和滋補的效果。四、百香多多梳打：如果你想要一杯清爽的飲料，百香多多梳打絕對是不容錯過的選擇。每一口都能感受到百香果和益力多的清爽口感，清涼解渴又充滿了水果的天然風味。五、芝士奶蓋阿華田：這款芝士奶蓋阿華田是一款結合了台灣和西方元素的飲品。阿華田是一種台灣特色的飲品，濃稠的巧

今日同朋友收工嚟到位於將軍澳嘅桂花小幸食台灣嘢><去到晚餐時間已經排晒長龍等位～朋友叫咗個塔香三雞定食～份量好多而且雞大大舊好惹味😙鹽酥雞扒肉燥飯雞扒炸得鬆脆，咬落去肉汁好豐富～肉燥飯唔會太鹹～飯同肉燥份量分配都好均勻金錢肚好入味份量都好多～同朋友兩個人食飯加個小食啱哂另外我哋嗌咗兩杯嘢飲芝士白桃桂花烏龍桂花味好重但唔會完全掩蓋咗烏龍嘅茶味～芝士奶蓋偏鹹😊黑糖仙草鮮奶仙草份量好多～飲一杯可以當飯後甜品😙

由於我剛搬入將軍澳廣場，呢間行過食過幾次，但一定會再幫襯。每次都中伏。如果你係一兩個人去食，裡面有個阿姐好鐘意係你食食下野叫你調位，調你去角落位，食過幾次都係咁，但個位本身就係你安排比我的，煩過西，食都食得唔安落！！！！叫了個鹽酥雞排+雞肉飯，d雞肉好明顯係剛剛係冰箱攞出黎，凍到冰咁！！！！試過有次食其中一次件炸雞排有陣臭味，食食下冇食。$79不如食商場內其他快餐店仲好，大把選擇，每次食食下比服務員要求調位真係dllm

♡ 平民抵食台灣菜 ｜ 桂花小幸 ♡-將軍澳一向都有好多嘢食🥰朋友介紹呢度有一間台灣菜充滿台灣地道風味 又平又抵食 👍👍- ♡ 蔥油雞絲米線 ♡ $70蔥油雞絲米線嘅口感嫩滑，蔥油嘅香氣滲透入米線同雞絲之中呢碗米線食落唔會太油膩，清爽又美味！-♡ 紅燒半斤半腩牛肉麵 ♡ $75牛肉煮得剛剛好，好滑好多汁，入口即溶 啲牛肉唔會太腍太硬，麵條好彈牙 吸收咗牛肉湯嘅鮮味。-♡ 桂花雞翼（五隻） ♡ $42必食推薦‼️真係好香好好味！🥰皮炸得好脆好金黃，而肉呢度好滑好多汁，一咬就感受到桂花嘅香味，真係好開胃，好令人回味。-♡ 脆脆阿華田 ♡ $32一粒粒脆脆連埋冰凍阿華田飲勁正😆口感一流～❥#⇢店鋪資料：桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖## 🔍尋找同區美食📍➾ #礦泥黃X將軍澳-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好

假日外賣的一餐首先送餐速度都算快，半個鐘內都送到，假日嚟講餐廳要應付咁多單，都能夠做到半小時送到，這樣做得幾好。包裝方面：都是一貫做法會分湯，送到嚟屋企嘅時候啲麵唔會淋，啲湯都仲係熱嘅食物：由於係外賣的關係，所以我對食物質素要求普遍都冇咁高，嚟到嘅時候啲湯都暖暖哋，溫度方面合格，至於份量都算多，雞件都多，蕃茄湯都濃味好食，不過唯一扣分嘅地方就係面包同炒蛋，麵包用普通方包，中規中矩唔算突出，至於個蛋就炒到好老好鞋口，好扣分位。因為而家普遍出邊做蛋嘅質素已經去到好高，對比之下真係做得唔好。