429
20
7
所有分店 (2)
電話號碼
21239497
開飯介紹
台灣菜餐廳,其特盛紅燒四寶麵分量足料。另有多款台灣名物,如滷水豬手、麻辣爽豬肚和手搖飲品 繼續閱讀
營業時間
今日營業
07:30 - 21:30
星期一至日
07:30 - 21:30
公眾假期
07:30 - 21:30
公眾假期前夕
07:30 - 21:30
付款方式
AlipayHK 支付寶 現金 八達通 OpenRice Pay
其他資料
無障礙設施 詳細介紹
當面支付
以上資料只供參考, 請與餐廳確認詳情
食評 (502)
等級4 2024-07-20
0 瀏覽
桂花小幸早幾日針灸完去咗元朗廣場食野,見到有一間台灣菜餐廳門口勁多人排隊,於是撳張飛入去試下!餐廳入面唔算好大,等咗大約15分鐘先入到去,我被安排坐喺餐廳最尾,餐廳走廊通道比較狹窄,好彩我部輪椅啱啱好夠過,店員非常有禮,當我發現掃唔到QR code時,即時幫我轉人手落單!1.酥炸排骨滷肉飯+滷水豆腐$74+涼拌貓耳朵+紫菜魚丸湯($28兩款小食)+十勝紅豆奶茶$28(8.5/10)主食就揀咗酥炸排骨滷肉飯,酥炸排骨有少少乾,後來發現點蛋黃醬即刻好味咗,酥炸排骨一共大約有5舊,每一舊都係薄切排骨,滷肉飯唔會好肥,飯量都算多!小食揀咗滷水豆腐,豆腐有少少乾無咁入味,大約有5舊滷水豆腐!之後再揀咗兩款小食,$28有兩款小食,揀咗涼拌貓耳朵同紫菜魚丸湯,涼拌貓耳朵酸酸辣辣,雲耳好爽口,另一款紫菜魚丸湯個魚丸其實係花之丸,紫菜湯好好飲,飲落似無味精!飲品就揀咗十勝紅豆奶茶,紅豆煮得夠淋,奶茶好滑,甜度就甜咗少少!2.鹽酥雞扒麵(紅燒牛肉湯)$74+地瓜薯條$5+手拍小黃瓜$16+黑糖珍珠奶茶$34(9/10)主食就揀咗鹽酥雞扒麵,大大舊鹽酥雞扒,雞扒咬落好脆好juicy,湯底揀咗紅燒牛肉湯,有少少辣,麵好彈牙好掛汁!小食就揀咗地瓜薯條,只係加$5,每一條地瓜薯條都炸得好脆!再加多一個小食$16就揀咗手拍小黃瓜,,我覺得小黃瓜燒酸咗少少,每一舊小黃瓜都非常脆口!飲品就揀咗黑糖珍珠奶茶,每一粒珍珠好煙韌,無硬心,奶茶好滑,甜度就甜咗少少!2人總共價錢$259個人口味總評分:8.75/10 @cafebbc.ylp  地址:元朗青山公路 - 元朗段249-251號元朗廣場G樓003 & 005號舖Please follow me🙆‍♂️ @wheelchaireatinhongkong 如果鍾意我嘅分享,麻煩請follow我,仲有記得Like同Share!🙏🏻🙇🏻‍♂️#桂花小幸 #元朗好去處 #元朗美食 #元朗 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong 繼續閱讀
(以上食評乃用戶個人意見 , 並不代表OpenRice之觀點。)
真係嬲到唔食立即離開!收工拎住一袋二袋又肚餓,諗住食個簡單一餐。咁咪將d大袋小袋放對面位。 又無提供位置/籃子俾客人放袋(係叫客人將袋就咁放係地下定係攬住d袋食飯,定係不如企係度食la!) 個職員9唔搭8, 見客人咁多袋重要即刻放塊透明板話有人就要share枱。非常好彩,係未落單既時候,咁岩有人單獨黎食飯,個職員就叫我拎哂所有野!!!即係叫我攬住d袋食飯!!就係咁,我直接話咁我唔食la!直接拎哂我所有行李離開….其實公司唔想做生意可以講。。。要客人攬住一袋二袋食野,諗下都無可能la連m記 kfc等快餐店既服務都好過呢間店!!不知所謂! 講緊就係岩岩既時間 大約下午3點 平日時段,非繁忙時間!!!垃圾餐廳!客人點求其食一餐都好 都唔會有人想攬住一袋二袋食野!麻煩檢討下!🤬🤬🤬😡 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-13
0 瀏覽
好耐無食呢間,系元朗廣場買完野想搵野食就去返呢間,食物水準都無太大改變。三盛紅燒牛肉麵 $85紅燒牛湯會有微微香辣,有腱心牛肉、牛腩、牛筋,食落都幾腍,麵系台灣麵。鹽酥雞排滷肉飯 $64雞排炸粉吾算厚,食落幾脆口,滷肉飯飯量都多,入面有滷肉同冬菇,吾會有好多肥肉。麻辣紅油水餃 $284隻水餃,麻辣紅油味幾香,食落都幾麻,幾惹味。桂花雞翼 $28桂花醬汁甜甜地,分開上,可按個人喜好自己加上炸雞翼上。炭燒烏龍珍珠鮮奶茶 $34飲品大大杯,比起普通既珍珠奶茶多左啲炭燒香味,會無咁甜,珍珠都煙韌。芝士奶蓋桂花烏龍茶 $32好厚身既芝士奶蓋,桂花味幾出,飲落有啲似食緊芒果甜品。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-11
0 瀏覽
今日食既呢間係位於元朗廣場既台灣菜店, 7點去到已經爆哂場麻辣台灣牛肉麵(半肉半根)呢個無論個湯底定係牛腩牛根定係個麵都係極為出色麻辣我揀左中辣, 原來都唔係太辣, 鐘意食既其實可以直接揀大辣牛根係無敵入味同埋嫩滑, 超正麵質彈Q, 掛湯!! 整個都係勁好味炸雞扒滷肉飯呢個滷肉飯唯一缺點就係太少汁!! 滷肉係正到可以餸幾碗飯, 而個炸雞扒係超超超大塊, 香脆而且入面好鎖汁, 嫩滑既雞肉, 勁大份加勁好味台式飲品同樣出色, 仲可以加配料!! 大大杯 繼續閱讀
(以上食評乃用戶個人意見 , 並不代表OpenRice之觀點。)
喺而家呢個做飲食咁艱難嘅大環境,要按實際情況又keep到水準真係唔容易呢間充滿文青feel嘅小店算係表表者!開業6年,水準依舊,記得新鋪開張曾經光顧,食物水準都很滿意,今日再到訪水準依舊keep到,真心今次選擇咗兩個套餐、小食加兩杯飲品,環境格局都仿如置身台灣文青小店牛腩雞肉飯套餐牛腩炆得幾淋兼夠入味,最怕牛腩嚡熠熠,但呢個完全無問題雞肉都好鮮嫩鹵水雞翼魯肉飯套餐雞翼炆得剛剛好,唔會過淋過火魯肉飯都好入味台灣香腸喺台灣必食,見到即刻點一份,果然無失望,煎得好香脆厚度適中必食鮮草冬瓜茶感覺很消暑清熱,甜度、冰量都可選擇,對我來講少甜剛好台式珍珠奶茶都係少甜剛好,茶味夠濃,奶唔會蓋過茶味,珍珠亦唔會太甜 繼續閱讀
(以上食評乃用戶個人意見 , 並不代表OpenRice之觀點。)