桂花小幸 (元朗廣場)

營業中

休息中

來到元朗廣場逛逛，發現桂花小幸在這開了新店🙈，總店在將軍澳有點遙遠了😭，開到來元朗當然要去探店一番，看看質素如何吧。店舖環境裝修是文青風格，坐位間有很多空位，所以坐得挻舒適的。💥蕃茄酥炸排骨米線 HKD$63，蕃茄湯味道濃郁，而且有很多蕃茄肉，所以口感更豐富😍。排骨是分開另上，這樣可以保持酥脆的口感，另有醬汁配著吃味道更惹味😊。💥紅燒鍵心牛肉麵 HKD$59，這款另有配菜在麵上，而湯底顏色較口深，味道帶點甜味挻香的😚。牛肉肉質煙韌，配著麵吃感覺不錯。每一款主也可以加購小吃，價錢由HKD$4起。我們分別加了：涼拌貓耳朵/滷水豆腐/滷水蛋/紫菜魚丸湯。這幾款食物味道香濃，而味道不會太咸，用來拌麵/飯吃也不錯。飲品方面我們點了芝士奶蓋香桃烏龍茶和百香QQ綠茶，兩款飲品味道各具特色，味道也很香濃。自選飲品可因應喜好而調節糖度冰塊😆，所味道不會太甜的。食物質素不錯，價錢一般。

元朗廣場新店，早前見佢裝修已經好期待初一試業，初四正式啟市果然冇失望!早食唔駛等位，就算等位，舖外面都有位可以坐著等新開張，非常乾淨，對出係豐年路輕鐵站，非常光猛舖內裝潢走文青風，我最喜歡旅行主題的那部份店內的座位多種類，卡位、普通對座位、長櫈和吧枱位都有5分鐘上菜，好好味有啲台麵店的牛肉湯底都比較油，呢度就好清，但都有濃郁牛肉味台灣麵條彈牙，花枝丸大粒爽口手拍黃瓜酸酸地亦開胃芒果綠加珠，正常size 正常味, 都唔錯整體而言非常滿意服務態度也是非常好暫時真係搵唔到缺點希望正式開張後質素保持到

間唔時心癮起，好掛住台灣嘅美食，唯有食下台灣菜頂住先😙依間桂花小幸既總店係將軍澳，而最近係元朗國開左新分店，一早已經聽聞過佢哋食物既質素唔錯💛• 麻辣牛肉雞翼米線套餐 $69個湯底好甜好好飲，一啲都唔油，唔會越飲越口渴，飲上癮‼️本身辣度比較輕，所以店家好貼心咁另外再附上麻辣油，鐘意食辣既小肥妹緊係要加，成件事即刻刺激好多🤤。牛肉係少有地用上牛腱，軟得黎仲keep到咬口👏🏻麵底緊係要揀返台灣麵啦，完全感受到麵粉既筋度，要學台灣人講返句「好Q彈」🤣• 鹽酥雞排滷肉飯 $59食台灣野點可以唔叫滷肉飯😠滷肉飯係一樣我覺得唔容易整得好食既野，唔夠肥膏就會唔夠香口，太肥又會覺得好油膩，依碗滷肉飯有肥有瘦，餸埋珍珠米食唔覺意就食哂🤤鹽酥雞排以另一隻碟奉上，放耐左都唔會淋，份量好大，炸漿同調味適中😗• 麻辣紅油水餃 $28@4估唔到餃子咬落竟然有汁，豬肉饀料就中規中矩，比起一般紅油水餃冇咁油膩，唔會有好大層油浮面☺️• 椒鹽花枝丸 $28@3依道花枝丸係店員既推介💛比起一般現成貨色更有空氣感，因此唔太過硬實，夠爽彈，亦食到內裡有混入唔少既花枝肉，係少數高質既花枝丸，必點😳• 紫菜魚丸湯 跟主食+$8飲得

呢間台灣菜裝修走文青木系風連野食擺盤都用刻咗鋪頭名嘅木托盤呈上周圍仲有好多小擺設同乾花🌾落單主要用qr code 落單 更快捷方便.🐥鹽酥雞排麵雞排即叫即炸 外脆裡面juicysize有一隻手板咁大鐘意食肉朋友仔食完應該會滿足而麵質係我鐘意嘅粗身麵麵身好掛汁.🐂滷水蛋牛腩滷肉飯牛腩炆得好軟淋 雖然滷水但唔會過鹹而伴碟蘿蔔都好食遇正依加蘿蔔當造 入口鮮甜.🦑椒鹽花枝丸🥟煎餃子花枝丸圓碌碌大大粒 酥脆彈牙 食落裡面真係見到墨魚肉煎餃個餡幾飽滿 點酸醋好開胃.🍵芝士奶蓋桂花烏龍🍹仙氣草莓茶桂花烏龍茶味好出，個menus 寫住係餐廳推介的草莓茶酸酸甜甜粉紅色 啱少女心飲 又叫主食又叫小食又叫特飲，2個人2百幾唔算貴

《 自成一國元朗國 》成日聽人講元朗國，本來以為係講笑。到我今日趁好天入去參觀下先發現，元朗自成一國嘅氛圍，真係有種出左國嘅感覺。難得出國又點少得食丫～🐣 鹽酥雞排滷肉飯 $59我第一印象 就係ok喎，雞扒都大塊喎，雞皮夠脆，雞肉香味又夠，最重要係炸漿唔會太厚同炸得太粉，認真不錯！而滷肉飯發揮亦都不錯，滷肉有肥有瘦，醬香味十足，只可惜白飯較濕潤令口感有啲扣分，但整體仍屬高質之選！🐂 麻辣牛肚面(小辣）$52牛肚碗麵認真不錯係個人嘅最愛。食麵先飲湯，湯頭味道鹹中帶蔬菜嘅清甜，十分好飲。另外牛肚份量極之大方，每一舊都爽口入味，配上餐廳自製麻辣點牛肚真係停唔到口！🦡 椒鹽花枝丸(3粒) $26比較少見到花枝丸包脆漿炸，不過咁嘅炸法有令椒鹽味更為突出。花枝丸味道不錯，但略嫌入口口感較為粉同散開，有待改善。🐮 古早味滷水拼盤 $63滷水拼盤繼續有好表現喎，滷洗拼盤有牛展，滷蛋，牛肚同滷水雞翼，各式滷水食品都濃厚醬油香。尤其牛展同雞翼，滷得入味亦滷得夠腍，味道幾好。另外堂食都可以叫佢地嘅手搖飲品架。🧋芝士奶蓋白桃綠茶 $28芝士奶蓋味道偏甜但無蓋過白桃味，配清香烏龍茶，岩曬食完為口腔解膩。🧋芝士奶

今天我們來到元朗，路經元朗廣場的桂花小幸，被這間餐廳的文青裝修風格所吸引，而且剛剛開業不久，於是決定在這裡食午餐。餐廳裝修得很有心思，環境很休閑舒適。這是一間台式餐廳，店內播放著台灣歌曲，感覺置身在台灣一樣，暫時一解對台灣思念之情😂。食物方面，我們點了滷水牛肚麵($48)～麵底可選台灣麵或米線，我選了台灣麵，湯底我選了養生清燉牛肉湯，再加($8)有一碟上湯浸時菜。當餐廳服務員端上這碗牛肚麵時，已聞到香噴噴的牛肉湯味。滷水牛肚好入味，麵條煙韌爽口，湯底香濃。紅燒半筋半腩牛肉麵($64)～麵底選了米線，湯底惹味，牛筋軟腍入味，但牛腩稍為韌了點椒鹽花枝丸5粒($42)～花枝丸外脆內軟而不感油膩，好好食👍🏻鹽酥雞排($38)～雞排炸得酥脆入味，肉質軟嫩黑糖珍珠鮮奶($29)～濃濃的黑糖味，珍珠很Q彈魔力水晶可可($28)～可可味道濃郁，水晶煙韌

同事話元朗廣場新開左呢間台式餐廳，咁啱去開元朗就去試下。裡面裝修幾靚，但食物質素就真係麻麻地。我同同事都點左紅燒牛筋牛肉麵，食第一啖感覺就係好鹹，我以為因為我口味一向清淡所以有呢個感覺，點知同事都同我一樣覺得重口味。啲牛筋同牛肉口不過不失，牛筋都算軟淋，但係就冇一咬落去漿住個口果種感覺。牛肉都淋，但係冇咩記憶點。麵身方面，個人覺得台灣麵做得唔錯，煙韌有咬口。其實最大敗筆真係個湯底，但係牛肉麵湯底係靈魂，呢樣做唔好其實真係直接影響成個麵，到後期因為個麵太鹹，連麵都食唔落了。

元朗街邊啲餐廳全部都現人龍，入到商場一樣都係咁，不過烈日當空之下呢，梗係喺商場排隊好過喺街邊吸廢氣同肺氣啦終於排到入去，食佢啲豬手定食補返腳骨力先，估唔到豬手煮得超腍，不費𦧲骨之力，食得好痛快牛肉麵都值得一讚，牛筋大舊到一個點，相信食完就好似食花膠咁補湯底藥膳得嚟又清清地，怕藥味嘅人都可以試吓，啲麵相當彈牙，仲吸晒啲湯味𠻹每個餐只要加$15就可以有兩款小食，都幾抵玩滷水味嘅蛋同豆腐幾入味，伴正餐食都唔錯青瓜夠酸，開胃之選蘿蔔牛肉湯好大舊，每咬一啖都流啲湯入口食台式餐廳點可以唔食鹽酥雞扒吖？呢度嘅炸粉特別啲，口感脆身，雞肉不失嫩滑鐵觀音珍奶茶味比一般珍奶更突出，珍珠咬勁十足果茶方面，如果怕甜嘅朋友可以嗌走甜，因為火龍果本身都有甜味㗎嘛曬住日光歎美味午餐，像極了愛情

途經元朗廣場見到桂花小幸，主打台式料理，隔離是外賣台式飲料。雖然有少量人龍，但店前有梳化櫈，可以座着等。🥢滷水蛋牛腩滷肉飯（$69）：職員用木盤上一碗滷肉飯和一碟牛腩。滷肉飯用上珍珠米，滷肉是明顯一粒粒豬肉，而不是肉醬質地，滷肉肥肉少，所以配飯食不會油膩，而且不會過咸，如果滷水汁多一啲，就更好食😍牛腩另上，牛腩選用的部位靚，帶少少肥，咬落算淋，亦滷得入味，伴菜有白蘿蔔，好豐富！🥢紅燒腱心牛肉麵（$59）：選了台灣麵和養生清燉牛肉湯。湯底是香濃的當歸味，台灣麵看起來似上海麵，但更清爽彈牙。腱心牛肉應該是牛𦟌吧，半筋半肉咬落彈牙。🥢現做煎餃子（$28/4隻）：餃子煎得脆，內有湯汁，唔錯😋🥢梅子金萱冰茶走冰少甜（跟餐減$5）：飲落咸咸地，梅子配茶清新開胃。

🤷‍♀️少有在元朗出沒的我! 朋友約食晏, 話有間新開台灣菜, 食評正負都幾極端, 所以我哋決定要親身試! 💁‍♀️餐廳裝修明亮, 有少少文青風, 坐位寬闊, 播放著台灣歌曲, 感覺幾好! 🥰🥟先來一客現做煎餃子 (4隻) $28 ~ 餡料豐富飽滿,  皮唔算厚, 外皮煎得香脆! 😑不過食時要小心, 爆汁爆到我成個膊頭都係……😭🐖再來一客滷水豬手 $58 ~ 好腍好滑, 外皮Q彈, 滿滿的骨膠原! 好入味, 味道唔咸! 🐥主食我點鹽酥雞排滷肉飯 $59 ~ 雞排炸得香脆唔油膩! 滷肉香濃唔過咸, 不過因為我唔係喜愛用汁撈飯的, 所以少點汁會更好! 🍜友人點三盛紅燒牛肉麵 🐄$69 ~ 有數款湯底可選, 友人選定養生清牛肉湯, 我偷飲一啖, 有少少藥膳味道🤤, 飲完都幾舒服! 三盛包括: 腱心牛肉、牛腩、牛丸! 🐄牛腱厚厚的, 軟軟嫩嫩, 入口即化! 牛腩唔係腍爛到唔駛咬嗰種, 有少少咬口的! 牛丸爽口彈牙, 有牛肉味! 🍜麵係幼麵, 麵質彈牙! 🥤再來兩杯飲品! 🧀芝士奶蓋🌹玫瑰茶 $28 及 🥤仙氣火龍果茶 $32 ~ 濃濃的玫瑰味, 味道唔假, 🧀芝士奶蓋都幾厚, 味道清新且香! 火龍

純屬個人意見，不喜勿插，e間嘢應該無下次，新開只不過我主子話想試下，本人真係對新嘢不感大興趣，我明白及體諒新開實未夠完美，等嘢食差不多半個鐘，但當時環境並不多人，我諒解，但order咗個酥炸排骨飯，但橫睇掂睇都唔似排骨囉😂😂😂食第一、二舊都無咩嘢，但唔係太熱，點知食到近骨位置，咦，點解d肉透明嘅，再睇多幾舊都係透明嘅，唔係未熟啩，本人個肚玻璃肚，不敢再食，算我愚昧，一間新開食店唔係要做好開頭，連食物質素都咁😩😩😩，真有疑問，一個廚師連塊豬排熟唔熟都唔知？後來叫個職員過嚟，我問佢究竟熟未？佢即話幫我跟進，我話不必，只不過講聲俾您地知，其他嘢都無講，講嚟都無必要，因為食店或廚師究竟整完拎咩比個客食，佢地會知啩，完！