桂花小幸 (元朗廣場)

營業中

休息中

朋友介紹元朗廣場新開嘅台灣菜門口擺設好台灣文青feel,店員帶坐卡位，座位寛濶舒適打開Menu除咗地道台灣菜如滷肉飯、排骨麵，另有多款特色飲品，三兩知己食飯傾偈好地方滷蛋牛腩滷肉飯牛腩炆得好入味，而我最欣賞係蘿蔔🤪浸滿牛腩湯汁咬落無渣超正😋套餐仲有上湯浸時菜同是日燉湯非常之滿足台式雞肉飯套餐雞肉算嫩滑，另有蔥油拌飯，蔥油好惹味不過如果能夠另上會比較好，啲油唔會浸到飯😅套餐另有三款小食同青菜茄子🍆木耳同青瓜都唔酸酸甜甜好開胃，另外仲有紫花枝丸湯酥炸花枝丸呢個小食係我食台灣菜必食，呢度嘅大大粒唔油膩，炸得乾身咬落唔會好粉團又食到粒粒花枝肉唔錯飲品款式多我飲嘅黑糖薑茶薑味夠唔太甜值得一試朋友飲珍珠奶茶正常調味會略甜，但珍珠有咬口，嫌甜可以選擇少甜比較好

I miss Taiwan😶😶😶一年多無去台灣真係忍唔住要去食台灣野止下癮呀。😰每次去夜市除咗滷肉飯，雞肉飯都係必食。滷肉飯比較多地方食到，所以今次食返碗雞肉飯。雞肉幾滑幾好食，調味都唔錯。仲有紫菜魚丸湯，滷水豆腐。都有八成台灣風味，質素唔錯，各樣都幾好食。仲有其他套餐都想試下，牛肉麵好似唔錯下次再同朋友黎試多幾樣野食。黑糖珍珠奶茶，珍珠軟熟好食。飲品種類都唔少，餐廳出面有飲品外帶。環境幾舒服，一人之境慢慢坐食個lunch都開心☺️

元朗廣場開左台式連鎖店桂花小幸，中意食台灣菜既我緊係要黎試下啦！ 店內裝修走台灣文青風格，有好多綠色既植物點綴，令人感覺舒服。而牆上亦寫住標語「用你的微笑改變世界」，真係好有心思！ 紅燒半筋半腩牛肉麵$64食台灣嘢點可以唔食牛肉麵呢！我揀咗紅燒牛肉湯，湯底好重牛肉味，特別係牛腩好好食，肉質軟軟地唔會難咬。 而牛筋就好有咬口及彈性，但就唔係咁重牛肉味，所以我會比較推薦牛腩。蕃茄水餃麵$52有成五隻水餃，每粒都好大隻，皮薄肉多，最鍾意佢肉中間配左啲椰菜，所以即使食五粒都唔會好濟。呢個蕃茄湯底亦唔馬虎，好濃蕃茄味，其中更有兩舊鮮味的蕃茄係湯底入邊。黑醋茄子+手拍小黃瓜 $15跟餐加$15可以有兩個小食，都幾推薦大家加小食，呢兩個小食都酸酸地好開胃！鹽酥雞排 $38雞排一食就知係新鮮即叫即炸，外皮好脆，唔會太厚， 好似食緊台灣啲夜市既雞扒咁！ 荔枝QQ綠茶$22綠茶配椰果好夾，杯野亦好足料有成半杯椰果咁多。賞味香芋奶茶$20睇呢杯野嘅顏色就知佢係有幾多香芋啦，飲呢杯野就好似每啖都食緊香芋咁呀。

元朗食玩桂花小幸 地址: 元朗青山公路249-251號元朗廣場地下3及5號舖電話: 21239497=====================入元朗國郊遊一天，天氣熱太陽猛烈，玩了一整天特別餓。環境幾多綠色同木系色調，舒服到有人仍在樹林中架錯覺飯 台式飯麵同小食索價大多只是50來元起，小食也只是數十元，叫多幾樣醫肚都唔怕食窮男友離不開$59 鹽酥雞魯肉飯，炸過架大塊雞扒不油膩，調得入味香酥，基本上只要有魯肉汁我可以食曬成碗飯$63魯水拼麵有齊雞翼牛展魯蛋，蛋白質十足岩曬今日行左好多路補充一下，湯濃味配上白麵條絕對剛剛好。加了份餃子一顆顆大隻飽滿，皮是比較厚身似食緊上海鍋貼抹茶紅豆苦甘中搭粉糯腍身的紅豆粒，重奶香好喝黑糖珍惜鮮奶，甘甜而養生的黑糖，天氣熱大大力啜入肚涼透心。你均百來元，再入元朗國要encore 飲料

經過元朗廣場見到一個廣告牌台式便當😘😘😘俾佢吸引咗！入嚟試一試原來台式便當只有晚上外賣供應😭😭😭好傷心💔唔可以堂食，唯有下一次再試過餐廳充滿文青風格😘好有台灣嘅風格！感覺休閒又舒適，地方都好空曠店係用APPS 點餐，方便易用，減少和服務員接觸的機會👍👍👍滷水豬手飯+ 上湯娃娃菜豬手大大夠仲有d芽菜，豬手淋身入味、娃娃菜浸住啲湯甜甜哋、雞肉絲撈既飯！煲仔·塔香三杯雞定食配上湯浸時菜及原盅燉湯普通三杯雞定食，都係包左上湯時菜同飯，三杯雞好大碗，雞肉好夠味，好香口又唔辣，洋蔥都唔錯，配白飯一流 煎餃子 (8隻) ~ 餡料豐富飽滿，皮唔算厚，外皮煎得香脆! 熱辣辣仲要爆汁😋😋😋好好味一定要叫👍👍👍邪惡嘅珍珠紅豆奶茶好耐冇飲過啦⋯⋯奶茶香濃實在太滿足

其實呢間餐廳應該2月已經有🤣不過我成日覺得元朗廣場好似好少有新餐廳進駐，所以我而家都覺得佢係新開😂到而家間中經過都見到仲係好多人等位👀.我叫咗滷水蛋牛腩滷肉飯。滷水蛋外面望落就夠色，不過入面其實未滷得入味👀牛腩比想像中好，雖然未至於肥美，不過食落都好腍。滷肉飯就正正常常，呢到嘅滷肉係半肥瘦，滷肉汁份量都夠。成餐最出色反而係跟飯加配嘅小食🌻加配小食一款$8，兩款$15，每碗飯可以換兩款，早知換夠四款🤣涼拌黑醋茄子🍆食落酸酸哋好開胃，加上我本身就好鐘意食茄子，所以我幾鐘意！本身menu寫茄子會有啲辣，但其實食落完全冇辣。手拍小黃瓜🥒都係開胃小食，青瓜爽脆。滷水豆腐每塊切到細細舊，豆腐係少少硬身嗰種，食落夠味。都額外叫咗桂花雞翼同花枝丸，都ok。.另外呢到仲有好多款台式飲品，我叫咗凍嘅香芋奶茶加珍珠，原來係勁大杯😯大杯到飲唔哂😅飲落就不過不失啦，有機會下次叫普通珍奶試先🧋.整體食物係合格有餘嘅，元朗人想試吓新嘢嘅話都可以嚟一試。

今日同媽咪針灸完之後見到元朗開咗間台灣嘢，之前喺將軍澳食過覺得都唔錯，所以就同媽咪嚟試吓。佢呢度嘅裝修都係行文青風，亦都有唔少卡位/梳發位，都幾舒服。媽咪就叫咗個排骨肉操飯，佢個肉操飯都幾好味，唔會太咸，肉碎嘅份量又啱啱好。但係個炸排骨就真係乾咗啲，原本佢嘅炸粉其實本身唔厚，但唔知係咪返咋嘅原因令到成塊豬扒好乾。而我自己就帶咗個三寶牛肉麵。佢個牛肉湯都幾好，甜甜地咁，唔係藥材味嗰種。佢啲牛腩都真係好腍，好入味，唔錯。啲牛筋亦都真係諗到入口即溶，好有補充骨膠原嘅感覺。而佢個面都確實幾好食，夠晒彈牙。飲品我自己就揀咗個白桃烏龍蘆薈，淡淡的土味再加埋微甜嘅茶，我覺得幾好飲。媽咪就試咗佢哋嘅鐵觀音珍珠奶茶，佢呢度啲茶全部都係有個茶包喺入邊，所以茶味都好香。最後我試埋佢個仙草甜品，入邊有好多配料，有珍珠紫薯椰果，感覺都幾滿足。

元朗廣場最近新開咗間台式餐廳，放工後約埋飯腳朋友去食dinner：.餐廳環境唔錯，食物或飲品選擇都幾多，門口仲有個counter專營飲品外賣：🇹🇼煲仔·塔香三杯雞定食套餐（$88）追加滷肉（+$6）追加小食：滷水豆腐+手拍小黃瓜（+$15/ 2款）套餐附送上湯浸時蔬及原盅燉湯，呢個價錢嚟講都幾抵食👍🏻雞件加入好多洋蔥及九層塔一齊煮，未食已聞到好香，雞件係惹味，略嫌煮得較乾唔較嫩滑；上湯浸時蔬係娃娃菜，味道夠清甜；是日原盅燉湯係青紅蘿蔔馬告燉牛展，味道勁清甜，飲得出原汁原味，真係無加味精，正👍🏻滷肉好味又好下飯；滷水豆腐淨食都唔會好鹹，幾好食；手拍小黃瓜口感爽脆清新😋🇹🇼紅燒牛三寶麵（$69）追加小食：涼拌貓耳朵+涼拌黑醋茄子（+$15/ 2款）牛三寶係牛筋、牛腩及牛肚，三款都燜到又腍又入味，紅燒牛肉湯底濃而不鹹，蘿蔔吸收咗湯汁後好入味，而台灣麵亦掛滿湯汁，好好食😋涼拌黑醋茄子入味又唔鹹；貓耳朵口感爽脆，味道酸酸辣辣，但味道淡咗啲！🇹🇼鐵觀音珍珠鮮奶茶（跟餐價$24）茶味較濃，奶味相對較淡，另揀咗「微糖」，飲落有少少甜，呢個比例幾合我心意🥰配埋有咬口嘅珍珠，味道ok😋.🇹🇼夏日水漾鮮果茶

之前嚟呢度食過午餐，覺得幾好食，所以今日帶埋阿媽過嚟食台灣菜～ 今次2pm嚟到等位等咗15分鐘，人氣依然高企🆙 可以喺OpenRice攞定飛，呢度係QR code自助落單，方便快捷，上菜又快💯🐂 三盛紅燒牛肉麵 $69 我揀咗台灣麵，麵質彈牙，真心唔錯。湯底就要左養生清燉牛肉湯，貪佢夠健康，但又有牛味。三盛分別係有腱心牛肉、牛腩、牛丸。肉質嫩滑多汁，唔會肥膩我鐘意。下次想試埋牛筋🤤🍆 涼拌貓耳朵、涼拌黑醋茄子 +$15加配小食～ 兩款都係標明辣嘅，但食落唔會太辣👍🏻 貓耳朵係雲耳，爽口清新。黑醋茄子好友驚喜，大大嚿好有「肉地」，而且黑醋嘅調味都好襯👍🏻🇹🇼 台灣烤香腸 $28我食台灣嘢必叫呢個！質感厚實，肥瘦參半，幾有咬口，豬肉味濃郁，好食😋🐓 桂花雞翼（5隻）$42大大隻嘅炸雞翼配上桂花醬，外層炸得酥脆，內裡肉質鮮嫩軟腍，配埋甜甜地嘅桂花醬更加好味😋🍠 紫薯珍珠黑糖冰仙草 $35食台灣野梗係要食甜品☺️ 紫薯真係成幾舊仔咁上，真材實料；珍珠細細粒，有咬口；仙草份量好多。🧋 黑糖珍珠鮮奶（少冰半糖）$29阿媽最鐘意嘅飲品～ 虎紋掛杯效果做得好好，700ml真係大大杯。珍珠唔會整得軟爛，口

疫情關係，好耐無去港人第二個家——台灣！元朗廣場最近新開台式食店，午飯時段經常有人在門口排隊。今日終於一嚐，以解思鄉之情🥺。落單先以手機掃描QR CODE, 就可開啟餐廳點餐系統。版面一目了然，分左主食、麵類、飲品等幾大類，圖文並茂。手機落單後唔洗一分鐘，店員就埋枱知會我地單已落，確實十分快捷！繁忙多客嘅時段就唔洗呆等落單啦。🤪今次點了特濃蕃茄湯豬肚麵 ($56)飲品選了芝士奶蓋桂花烏龍茶 ($28)🥢🍜🍅特濃蕃茄湯豬肚麵湯底切片新鮮蕃茄🍅煮成，茄味濃郁寧舍開胃。麵底可揀台灣麵或米綫，揀了台灣麵感覺有驚喜。麵身柔韌有咬口，唔似一般精製麵條咁滑身，更加吸收到湯底嘅味道，配上芫荽真係好夾。😋豬肚結實彈牙，入口沒有肥膩感；沒有過多調味料掩蓋原味，相信入貨時材料夠新鮮。而目相當足料，一口麵一口豬肚，後黎麵都吃清光了豬肚還可慢慢歎😂 🧀🥛🍵芝士奶蓋桂花烏龍茶 炎熱天時，飯後飲一杯涷嘅芝士奶蓋桂花烏龍茶，十分滿足。芝士🧀香濃，沉底嘅茶膽🍵一點都不苦澀，拌勻來喝，茶同芝士香味都好突出。店家淨係飲品都佔據餐牌兩版紙，有機會再試。😉店面裝修清新企理，紅磚牆、木櫃子配上綠植裝飾，座位闊落，坐得舒服，感覺特

呢晚亞女約我去元朗食飯，可以做無飯煮婦，真爽餐廳食台灣菜，走文青風格鹽酥雞扒滷肉飯雞扒被薄薄的炸漿包裹着，炸得金黃酥脆，做到外脆內嫩，配埋口感鬆軟惹味嘅滷肉飯，真滋味；而且晚市仲可以升級做套餐，包滋潤原盅燉湯及上湯浸時蔬，呢餐真豐富酥炸排骨滷肉飯同樣升級做套餐，台式的酥炸排骨是用豬里肌做，炸得酥脆香口，肉質鬆軟多汁滷水豆腐/手拍小黃瓜套餐仲可以加配小食，一款$8兩款$15滷水豬手飯定食豬手處理得乾淨無毛，滷得入味又夠淋，呢個定食喺配白飯但可以加$6配滷肉就變成滷肉飯啦紅燒半筋半腩牛肉麵牛筋富膠質及彈牙，牛腩肉則筋肉相間，肉質鬆化，仲可以自選湯底及麵條，加$4配特濃蕃茄湯跟牛肉真喺絕配台南手工餡餅餡餅皮薄香脆，餡料鮮香富肉汁雜果黑糖冰仙草時令的鮮果配搭香甜細綿的黑糖沙冰，再搭配滑溜的仙草、軟腍的綠豆，入口沁涼，口感滑嫩，滋味又滿足飲品夏日水漾鮮果茶，多款新鮮水果配搭醇香嘅茶底，入口清爽，飲完仲可以食埋啲生果添芝士奶蓋阿華田，阿華田的麥香配搭芝士奶蓋，肥死啦芝士奶蓋玄米茶，茶香清新可減低芝士奶蓋的罪惡感

元朗廣場新開咗台式食品🌸桂花小幸🌸 平日午餐過嚟都非常多人排隊 💛💛 就算係旁邊嘅台式飲品counter 亦都企滿人👬👫👭🧑‍🤝‍🧑麻辣三寶米線套餐(轉牛肉麵) &涼拌貓耳朵 (+$8）唔食辣嘅朋友都唔需要擔心 🙈因為麻辣係另上 🤗可以先食原味嘅牛肉湯麵 🍜再因應自己嘅好辣程度去到家麻辣醬汁 🌶一面兩食👍  牛丸豬肚水餃三個餸都唔錯😋炸排骨鹵肉飯 排骨分量非常多😍配上芥辣醬 一啲都唔油膩 💗兩個女仔都食唔曬，只係略嫌排骨有啲薄🙈 滷肉飯夠大碗👍桂花雞翼雞翼唔算大隻，但係個味道真係好驚喜 🤩🤩🤩桂花汁甜甜的，配上炸雞翼 🤗 感覺頓時清新，係想不到合拍不得不提呢度嘅飲品非常高質🧋而且好大杯！！黑糖珍珠鮮奶 $29哩個價錢啦個size真係勁抵飲！！ 珍珠好咬口 夠彈牙👍芝士奶蓋玄米茶🧀 加珍珠椰果芝士奶蓋夠豐盈， 分層喝或攪拌飲都同樣美味！

依間台灣餐廳喺元朗開咗冇耐見到裝修好靚亦都坐得幾舒服所以有人食晏晝去咗試吓餐牌嘅嘢食都好有台灣嘅特色而且仲有最鍾意食嘅台灣麵同埋甜品我同朋友每人叫咗一款嘢食，朋友就叫咗豬手拼台灣麵，豬手嘅份量都幾大份，而且個味道亦都好台式，配左牛肉湯底真係好夾另外我就叫咗一份小食，鹽酥雞扒，估唔到份量咁大份仲要係好脆口勁新鮮，雞扒嘅肉質係好鮮嫩所以好好食食得台灣嘢點可以唔食台灣腸呢，台灣腸嘅味道都好入味，同台灣食嘅款式有得揮最後梗係要叫一個黑糖芋圓冰沙啦，唔會太過甜甜品入面嘅材料都好豐富食落去口感好特別夏天食就真係好消暑同朋友兩個share嚟食啱啱好最後我哋兩個人都叫咗一杯飲品，我就叫咗白桃烏龍芝士奶蓋，朋友就叫咗杯芒果特飲，兩杯都可以揀微糖或者少甜，真係好貼心

屋企附近既元朗廣場開左間新 #台式菜館「桂花小幸」，平時都幾多人排，見價錢好親民，環境又幾好坐咁，唔想煑飯就一家人黎試下。8點黎到都好多人等位中，用餐時間90分鐘，等左15分左右就有位喇，比預期中快。落單用QR code, 都幾方便。晚市套餐都幾抵食，點左一款再單點幾款湯麵、飯、小食，加埋野飲已經好豐富。♦️#養生青燉牛腩麵湯底好香濃，有藥膳的味道，牛腩份量唔少，大大塊炆得好稔滑好入味；麵質彈牙幾有口感。♦️#酥炸排骨滷肉飯食台式嘢總係離唔開會點滷肉飯，呢個排骨滷肉飯真係超級抵食呀，大大塊排骨，再加一大碗嘅滷肉飯，夠2個人食。排骨炸得酥脆，滷肉飯鹹香，真係好有水準。♦️#煲仔塔香三杯雞定食雞炒得乾身夠香，份量都幾多，肉嫩唔鞋，不過就略鹹左啲同唔夠麻油香，味道相對單調。配合藥膳湯，好有家常的感覺。另外點左2款小食：#椒鹽花枝丸 及 #煎餃子，花枝丸大大粒好爽口彈牙，係我想要嘅口感；餃子都煎得外皮香脆，個饀保持濕潤多汁，好有驚喜。飲品當然要點 #台式手調茶，我點左 #夏日水樣鮮果茶，夠晒fresh; 阿囡 #脆脆阿華田 都好香濃好好飲；仲有 #芝士奶蓋桂花烏龍茶 及 #芝士奶蓋抹茶，鐘意奶蓋既朋

-香港周圍都出現唔少台灣過江龍，Sell台灣代表食品「台灣牛肉麵」，今次瘦編就試吓位於元朗廣場嘅桂花小幸。😋-依間Menu上面有好多選擇，剩係牛肉麵都有分好多種，有各種牛嘅部位同湯底可以揀，最後揀咗紅燒牛三寶麵，可以試齊牛筋、牛肚同牛腩。三樣都香腍入味，配上煙韌麵條，再飲一口辛香又帶肉香的惹味濃湯，好正！🤩-鮮茄牛筋腩麵嘅蕃茄湯底酸酸甜甜，好開胃，牛筋腩爽口軟腍。小菜揀咗古早味滷水拼盤同台南手工餡餅，正常水準發揮。最後台灣店當然唔少得台式飲品啦。芝士奶蓋玫瑰茶好好飲，奶蓋部分以芝士味為主，非常適合芝士控，同淡淡嘅玫瑰花茶好夾，一濃一淡，中和翻個味道！🌹-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 桂花小幸 (元朗)📍 元朗青山公路249-251號元朗廣場地下3及5號舖-