根

營業中

休息中

“香蒜橄欖油虎蝦意粉”($188)“苔玉/仙人掌/樹頭蛋糕”($78/68/68)“午夜抹茶”($75)“柚子抹茶梳打”($60)身為柳柳粉知道呀Jer喺啟德開咗cafe💙所以就趁平日放假去試吓😚Cafe位置唔算太多最搶眼嘅就當然係用800塊樹皮砌成嘅大樹🌳為咗坐樹下嘅位所以都等咗一陣先可以入座食物方面主要提供意粉,多士,甜品等香蒜橄欖油虎蝦意粉蒜香十足🧄🍝虎蝦有3大隻🦐肉質厚實☺️意粉質地偏硬,個人十分喜愛🥰呢道嘅蛋糕造型都好可愛同特別叫咗苔玉/仙人掌🌵/樹頭蛋糕3款蛋糕都係朱古力味為主🍫當中樹頭蛋糕入面有麻糬,比較有特色😋飲品方面就點咗午夜抹茶,柚子抹茶梳打🍵整體嚟講食物性價比唔高🙈身為fans一試又無妨嘅🤣

🎈Root柳闆有份投資的Root ，閒日3點嚟到，大約等咗30分鐘左右入座餐廳佈置上最大特色係放咗一棵大樹🌳部分座位圍繞大樹而設，加上落地玻璃，環境開揚🎈Carbonara聽講係柳闆大推嘅菜式意粉做法正宗，醬汁以雞蛋同巴馬臣芝士烹煮，而唔係用忌廉，口感濃郁得嚟唔會膩🍝伴碟嘅煙肉帶焦香好惹味❣️加上Parma ham十分滿足🎈仙人掌賣相精緻😚 仲以朱古力模仿仙人掌嘅刺，相當用心❤️上層綠色嘅係Hazelnut Mousse，口感輕盈下層朱古力撻味道香濃，最欣賞中間的焦糖醬，係流心狀態㗎，甜而不膩🎈樹頭蛋糕配合餐廳主題嘅一款甜品，以朱古力配合內裡嘅戚風蛋糕同麻糬，造型啱晒打卡而且口感豐富

以「根」作主題的高質cafe☕️ @rootcafe.hk Jer有份投資，位於啟德站以「樹根」為主題的咖啡店，無論中庭的一棵大樹、壁畫或是牆上的一些小擺設，都充滿藝術感，環境開揚但地方比預期中小，座位與座位之間的距離很靠近，所以感覺會較焗促，不太舒適。礙於始終地點較隔涉偏遠的關係吧，即使假日人流都不算太多，但礙於新開業人手調整中，需留意不同時段供應的食物會有所不同。主菜、甜品或是咖啡的質素都不俗。難得到此當然要嚐嚐Jer大力推薦的Carbonara跟香草烤雞，Carbonara口感清爽不會過於黏膩，芝香濃郁配搭香脆可口的Parma Ham再加上溫泉蛋的濃郁蛋香，少了普遍卡邦尼的那種膩胃感但依舊美味；香草烤雞皮脆肉嫩多汁，預先醃製過的烤雞味道惹味香口帶點微辣，絕對值得一試。賣相很可愛精緻的「仙人掌」面層的Hazelnut Mousse口感輕盈，底部香脆可口的朱古力撻味道香濃加上中間的流心焦糖醬，甜度會稍高但不至甜膩，口感豐富；而樹皮柚子撻相對地較清新，柚子醬酸酸甜甜很開胃，中間一層軟糯帶點Q的麻糬增添口感，加上面層製作成像「樹皮」一樣的朱古力片跟可可粉，甜度適中，唯獨略嫌撻皮有點硬。Fl

作為鏡粉，鏡仔開嘅Cafe梗係要去支持下。位於啟德新豪宅區地下嘅Cafe，可以話係萬綠叢中一點紅，因為只有呢間舖頭門口有人排隊🤣Cafe入座時間冇限時，變相排隊時間冇得預，去到條隊唔算長，但都要等個幾鐘。明白雖然大家都尚算自律，但始終又要打卡、又要相機食先，上餐時間又比較慢，基本上用餐1小時都走唔甩😏開心店員為我哋安排咗樹下嘅座位，面對着水泥牆，倚傍住油彩名畫，實惠最佳打卡位置😁😆😁由於怕排隊耐會餓親，我哋先簡單食咗個午餐，所以今次只係試到佢嘅小甜品ssss🙃【仙人掌- 榛子朱古力慕絲、焦糖醬、朱古力脆脆撻】榛子mousse驚艷，配合脆脆撻就好似一粒高級香濃版金莎🤩【苔玉- 朱古力慕絲、朱古力軟心、朱古力脆脆蛋糕】- 外貌固然精緻優雅，味道都唔錯：chocolate mousse香濃幼滑，雖然成舊都朱古力味，但口感味道層次都有所不同😋夾埋亦唔算太甜👍【巴斯克芋泥芝士蛋糕- 芋泥、特濃芝士】說好的芋泥欠奉，芋頭粒唔夠融、唔夠粉，完全破壞成件cake嘅口感🥺【樹頭蛋糕- 朱古力、麻糬、朱古力戚風蛋糕】麻糬米香濃郁，QQ彈牙，成為亮點🤩【樹皮柚子撻- 麻糬、柚子醬】撻皮牛油味香濃，實淨美味😋

在啟德站落車，行數分鐘便到。附近都係私人屋苑為主。今日是平日，有幸是不用排隊。迎合餐廳的名，內部裝修就有一棵樹，好吸引眼球👀另外一邊就係餐枱及點餐的位置有沙律，小食, 吐司，意粉，主菜同甜品。本來想試個卡邦尼意粉，但可能剛剛完咗lunch hour, 所以無了。 最後叫咗個香蒜白酒蜆肉炒意粉，加個甜品苔玉同埋一杯熱的泡沫咖啡☕️個意粉有少少微辣，蜆肉都多及大隻及有甜味，意粉都炒得乾身。蒜片味唔算突出，整體來講一般。甜品是後上，賣相好靚😍裡面有mousse及蛋糕，朱古力味都濃，好味😌加埋杯熱的泡沫咖啡☕️剛剛好整體來講，今日試的甜品及咖啡是比意粉出食的 😌另外，佢哋嘅服務都好好及好主動👍👍

因為朋友生日，所以擇日去左根試下新cafe,當然都因為朋友係柳粉所以決定去啦！12點開我地排第三，一入去已經有4至5樣野無貨！！，咁就是但叫左個兩併多士，兩杯野飲加兩件蛋糕！多士是但啦！都唔會覺得好食到飛起，叫左兩杯 午夜抹茶都正常，但真心杯野唔計佢味到係幾靚嘅，好似幅水墨畫咁！所以同朋友仔起勢打卡！但！！重點來了😐最後上場兩件甜品真係大開眼界，柚子麻薯撻硬到覺得變左牙齒健康測試!! 入口更食得出係喺雪櫃攞咗出嚟冇耐，而另一個店員推介苔玉，味到還好嘅，但又係喺雪櫃攞出嚟冇耐，件蛋糕底部出水，仲要所謂嘅底部朱古力脆脆淋曬有趙口我同朋友更默默地聽到隔離枱話啲薯條剛剛炸好多係軟淋淋呢一餐食左500幾蚊，真心覺得不太值，朋友話當食環境，但環境又未至於去起到覺咁無敵，除左樹個邊有啲野打下卡，佢落單個到個張樹枱開左無一個月已經見到花哂！問心有冇下次！肯定答你冇！

老老實實，之所以會揀呢間，真係唔關個老闆事，純粹係因為佢個森林主題同cafe呢個字眼吸引到我，但係決定幫襯時我都係搵左個柳炒fd一齊去，哈哈哈哈……去個陣都好彩唔多人等位，又因為我地肯坐吧檯，好快有得坐，柳炒fd好用心同我介紹店內裝修，為免令本食評有濾鏡，我就唔細說啦XDDD建議大家自己去店內感受下 Btw，我對佢地12個是但一個品牌，無論食ge著ge都一向得一個字：好x貴，意外地呢間只係中上價位；又可能因為已經開張左少少時間，d staff都上左手，整體都好有驚喜 我地叫左個卡邦尼同慢煮牛意粉，好啦係時候要挑剔下，食物份量比想像中算少ge，但係，我要嚴重聲明，卡邦尼係好有驚喜，仲好好食！好啦呢間個食譜好似幾鍾意創新，卡邦尼唔係傳統個種漏到吐ge卡邦尼，個幾塊應該係巴馬火腿ge咸肉，仲有麵條間的小煙肉同黑椒粒，對好鍾意食卡邦尼但又嫌漏ge人而言真係好fresh！慢煮牛肉醬意粉一樣好食，但相對下就顯得普通左d～ 然後係甜品，我地叫左苔玉同樹頭蛋糕，兩者都係朱古力。首先店內推介ge苔玉……我……我想講…朱古力慕絲蛋糕就係朱古力慕絲蛋糕……但係…你地自己睇相又好點都好，過嚟買件食一次（我咁講

本以為純粹去一個打卡嘅Cafe, 大樹的確好有感染力，令人靜下來欣賞它，慢慢享受環境同食物。有心的食物製作，親切的服務員。好想有多點時間去慢慢欣賞收銀位置張枱，很美😂。

今次黎依間鏡粉必試餐廳。星期日2:30左右大概有20個人等位，入面大概有10張台左右，我地兩個人等左9個字左右入去。依間既擺設都係以樹木為主，餐廳中間放既樹好靚，仲有種chill既感覺。但近樹個邊既位置就比較細，可以放到既食物唔多，建議叫左甜品既要後上。脆條三步曲 $78有紅菜頭、蕃薯、薯仔，側邊有松露醬。一上台d脆條好熱，要慢慢食。紅菜頭冇咁脆，但就真係原條紅菜頭，粉唔會太多。蕃薯同薯仔就真係好脆，好好食。香蒜白酒蜆肉炒意粉 $158香蒜味唔算太濃，我係比較鍾意淡味野，所以覺得啱啱好，意粉韌度剛好，而且蜆肉都漲卜卜，又鮮甜。煙三文魚牛油果碎蛋沙律配柚子醋汁 $98柚子醋汁唔算濃，車厘茄令到個沙律酸酸甜甜，都好開胃。午夜抹茶 $75攬拌後抹茶同咖啡味都濃，仲加入左竹炭，都幾好飲，但略嫌有d貴。樹皮柚子撻 $68好多既甜品都有植物既元素，上面既朱古力就有d樹皮既造型，入面有d蛋糕有柚子醬味，仲有麻糬係入面，出面就有個撻皮，牛油味唔算重，但同蛋糕有d分離，唔太一體。另外一提，有個女服務員態度好好，佢會間唔中黎睇下每一個位有冇吉碟，有就即刻幫手收，笑容好sweet，又會問下我地d野食好唔好食

忍唔住寫第一篇食評去分享呢間Cafe1. Service好入座前Staff已經會問定想坐近樹(Cafe Signature Design) 定係 枱，樹個邊其實好啱1人/2人坐可能Staff都習慣大家影相打卡，會停低唔阻客人影相，幫手揸機又會就角度影得好靚2. 餐牌選擇多由輕食，到主食，特別甜品都比一般Cafe選擇多唯一要挑剔嘅係飲品如果非咖啡類，得Matcha Dirty較吸引，而且飲品好多偏細杯。3. 食物推介主食好高質素，意粉煮得好好，Carbonara如果一人獨食有d「漏」，反而蝦意粉份量會較適合，而招牌燒雞唔細份，配埋薯條女仔一個未必食得哂，特別一提，燒雞佢燒到啱啱好，肉好嫩，不過同一晚有客人要求餐廳再煮熟d , 所以建議想食overcook就落單同店員講聲。食飯當日M9和牛吐司7點已sold out，所以想試呢樣睇黎要早d去到甜品佢會砌埋一碟，打卡真係最靚效果♥如果鍾意食拖肥，推介仙人掌，係Hazelnut Cream x 拖肥撻底！如果鍾意朱古力，大力推介仙苔，唔會太甜ga！樹皮柚子撻就睇個人口味，鍾意微酸柚子先揀，唔係就唔好食樹皮了(笑) 芝士蛋糕就同出面餐廳嘅分別不大

午餐時段到達，已經排長龍，見cafe有位，但店員未有安排，讓人龍久等，等了二十分鐘，去問店員外賣，怎料外賣只有飲品？食物都要sit in, 甜品都不能外賣😕安排實在要有改善。店內環境不錯，裝修非常特別，不過食品飲料價錢亦都不低，性價比average, 如果來打卡還是可以。等候用餐的時間有點久，正餐食物質素還好，甜品外型特別，有少少over-priced, 咖啡/抹茶average, 期待coffee 有更好的發揮。

不是粉絲 附近居民嘗試一下6pm之前只有下午茶 沒有主食不能booking 只能walkinwagyu三文治一般 遠遠不如Fukuro三拼薯條份量好少 甜菜薯條軟趴趴飲品也一般般要是排隊1.5hr的話略不值得點單得去前台的

星期日11:40到咗，前面約有廿幾人排緊，裡面只有6張雙人枱，8個bar枱位同埋圍繞樹既幾個打卡位，本來都已經打定輸數可能要等第二輪，結果12點準時開門，真係啱啱到我地就截咗，而其實當時幅畫前面仲有兩個位，但就冇安排比人坐。等到12:50有一張雙人枱走咗，收拾完後一直冇安排我地入去，等到差唔多13:00就忍唔住入去問啲職員，點知佢話要Hold比後面8個人，我地嚟先點解要hold比佢哋（佢地仲要離譜到兩個人嚟排隊先，然後最後有6個人加入！咁下次我1個嚟排隊，帶100個人嚟都得啦？！）我話有冇搞錯，然後個職員安排我地坐幅畫前面嗰兩個位，我當時真係火都嚟，你點解唔一早安排我地坐呢個位？！搞到我地白等成個鐘！食物一般，cafe價錢，預咗都係為打卡而嚟，知道會多人嚟朝聖，但安排得咁差真係令人好失望，唔會有下次。

主菜完全唔藉呢個價錢，意粉細得可憐，今日三個女性朋友，order 2個意粉，2份小食，虎蝦意粉$188 竟然用好似大湯碗上，份量真係少，另一個蜆肉炒意粉係無味。再叫甜品就正常好多，份量同味道都ok.但未算有驚喜。如果安排細枱用膳，真係只可以食甜品同飲品，d細枱真係細得可憐，又太近，傾計都驚比人聽到，坐得唔舒服。應該唔唔再去，sorry 柳

最初以為Cafe是mirror成員有份投資，所以餐廳質素有機會名過其實。一心抱著羊群心理去湊下熱鬧，打卡為目的。誰知今次竟然有點驚喜！因為我們到達時間為晚上7:40的關係，last order是8:15，故我們幸運地成為最後的一台顧客。由於沙律和很多甜品已沽清，故我匆匆忙忙點了兩個意粉及甜品。香蒜白酒蜆肉炒意粉及香蒜橄欖油虎蝦意粉味道都很相似，很香濃的蒜片味，少少的紅辣椒帶出虎蝦和蜆肉的鮮味。意粉的軟硬度適中，本人比較喜歡蜆肉意粉，份量也不少，一人量剛剛好。至於甜品，我點了樹皮柚子撻，脆脆的朱古力片放在麻薯柚子撻上，少少酸的味道很清新、醒神，不太甜，相當適合不太嗜甜的人。熱抹茶就一般，不過不失。全間餐廳以根為主題，相當特別。不過店的位置得小，容納人數也不多，枱也小得很。最型格和突出的非餐廳中間的樹幹，在大樹下進食，有一種在大自然的舒適輕鬆的感覺。