校長燒肉日韓料理 (觀塘廣場)

營業中

休息中

最近經過觀塘都會見到個好醒目嘅招牌出現喺觀塘廣場校長燒肉，開左黎觀塘呀！平時除左1至3樓外原來觀塘廣場仲有其他樓層😅都無留意過就係因為校長燒肉，我終於第一次黎到15樓超旺場呀！要排隊上Lift添！好耐無食放題呢度嘅放題超啱胃口好多野食由冷盤海鮮魚生沙律到熱盤點心湯羹都有！主角係韓式燒肉勁多配料有不同丸類同醃肉仲有蔬菜同我最愛嘅菠蘿！除左燒肉，仲可以打邊爐真係各適其式！打邊爐有多款火窩配料同蔬菜連醬汁架都好多選擇校長燒肉唔止食物選擇好多連飲品都好多選擇汽水茶類放滿雪櫃竟然仲有花茶可以自己整！仲有清酒梅酒任飲好正！我地遊走左幾次先揀好食乜先拎左刺身同長腳蟹三文魚正常發揮但榮螺同赤蝦好正，好甜！長腳蟹都有不停refill唔駛爭！然後又食佢嘅熟食點心小籠包同辣酒花螺！正！然後就燒佢送嘅海鮮盤同打返個太極邊爐～有豬骨湯同壽喜燒湯底！好甜好甜～如果有生蛋就仲正！最新嘅哥喇～呢餐真係食得超滿足！

2小時任食任飲😋😋😋火鍋加燒肉👍👍👍仲有各式小食、沙律、刺身壽司🍣選擇非常多😋😋😋估唔到5:00都好多人黎食😆等待入場入門口就有Iron Man 歡迎👏我地啦⋯⋯餐廳超大，食物款式都多！食物放肆中間兩邊都係座位超寬闊🤩🤩🤩四個人坐都唔會迫兩邊係燒烤爐中間係火鍋爐🍲各種醃肉都係自助式任取，自己出去拎碟夾🥢肥牛、一口牛、香草羊架、牛肩條、黑椒牛，各式豬雞醃肉、雞翼雞軟骨👍👍👍漢堡扒等海鮮都有幾款例如帆立貝、不過就細細隻、生蠔🦪魷魚🦑多春魚、韓式龍利柳、鯖魚片、各式腸仔、蟹柳等等火鍋料都好多選擇，各種新鮮蔬菜🥬丸類、芝士腸、芝士丸、南瓜片、魚片、各樣嘅粉面等等飲品區：包梅酒、清酒任飲、另有十幾種罐裝飲品紙包飲品😱😱😱例如常見既維他、可樂、七喜、韓式汽水、仲有3款啤酒🍻最特別係有花茶花茶花茶刺身每最只限3款，仲有赤蝦、刺身類有6種，赤蝦每次限攞一隻，三文魚係預先切好！另有沙律吧！放左幾款沙律壽司類有甜蛋、三文魚、卷物，仲有小菜小吃漬物、秋葵、醃瓜雪糕杯有2-3種口味，另有韓國牌子既雪條,新鮮冰水果片小吃類仲有炸物，蒸湯包、福袋、蒸包、餃子🥟炸春卷、薯角、芝麻球、薯條🍟麥樂雞仲有好多特色嘅甜品🍮

因為早前去過大埔店後覺得校長燒肉很不錯，所以今次去觀塘店慶祝生日。我們於9:30入場，拿食物時見到熟食位置的食物不但沒有refill，而且像食剩的樣子。點心方面，大埔店的點心出色得多，觀塘店的實在是不好吃。我亦找不到校長自製的沖茶飲品，一些在大埔店見到的食物款式在觀塘店完全找不到。職員人手不足，很多時我需要自己執枱。枱的位置很窄，枱和櫈之間的空間放不入我的腳板。沒有比較，沒有傷害。如果沒有去過大埔店的話，相信會覺得觀塘店還是可以的

晚上夜收工，唔想煮飯，同老公一齊夜麻麻出去食大餐。可能太夜食飯就食唔到太多。朋友網上見到短片介紹校長燒肉，睇完介紹十分吸引，觀塘新店開張，儘管試一試。去到不是太多，食物種類多不勝數，而且望落好乾淨。燒肉區，你想得出的肉類幾乎都齊全，食幾多拎幾多，不要浪費。火鍋區亦有，水鍋湯底也是自助，口味亦好多選擇、火鍋料選擇相對少d, 但都非常足夠，還設有沙律區、前菜泡菜、刺身壽司、點心炸物、共他熟食區，真係冇可能樣樣都可以食到。甜品也有好多款，雪糕雪條任選。

勁平燒肉+火鍋放題 仲有刺身壽司加任飲清酒梅酒汽水校長燒肉日韓料理 最便宜價錢由$118起!小童$88,食足120分鐘全自助式放題,好耐無食過呢種超平價放題!包燒肉,火鍋,壽司,沙律,小吃,熟食,飲品,甜品,蛋糕雪糕 B-D貴價時間仲有刺身任食!四個人一爐,晚市優惠9點半後入座第2位$109 ,平均一個人$165網上食評好壞各一半,有人話唔補貨,食完就無,要搶住拎結果食左個幾鐘,肉類,熟食沙律等唔同食品都有KEEP住補貨各種醃肉都係自助式任取,自己出去拎碟夾,肥牛,一口牛,香草羊架,牛肩條,黑椒牛,各式豬雞醃肉,雞翼雞軟骨等海鮮都有幾款,例如帆立貝,不過就細細隻,魷魚,多春魚,韓式龍利柳,鯖魚片,各式腸仔,蟹柳等等火鍋料都好多選擇,各種新鮮蔬菜,丸類,芝士腸,芝士丸,南瓜片,魚片等等飲品區,包梅酒,清酒任飲,另有十幾種罐裝飲品紙包飲品,例如常見既維他,可樂,七喜,韓式汽水,仲有3款啤酒刺身每次只限3款,仲有赤蝦,刺身類有6種,三文魚賣相最好睇,全部係預切,另有沙律吧,放左幾款沙律壽司類有甜蝦,三文魚,卷物,仲有小菜小吃漬物,秋葵,醃瓜雪糕杯有2-3種口味.另有韓國牌子既雪條,新鮮冰水果

話說好耐無食放題，揀左間屋企附近既放題，價錢幾抵 17:00入座，19:00入座，每位都只係$168加一。再黎睇下有咩食，燒物任食 ，飲品任拎，雪糕甜品任食，點心任食，熟食區任食，配料任拎⋯⋯唔夠仲可以自己拎個煲黎打邊爐，有豬骨湯、辣湯同壽喜燒湯，另外168呢個package仲包埋刺身🤩🤩，真係好痴線🤣🤣。入座前員工會俾一張刺身貼紙，去拎刺身時要show一show，不過每次只可以拎三款，唔夠食唔緊要，行多幾轉就得😂。仲有熟食區，熟食區有青口🤣🤣正呀！！！仲有我愛食既豬紅😋😋，味道都唔錯架。多數肉都已經醃製好，燒數就唔需要調味料，所以好方便，只需要關注熟唔熟就得啦🤣🤣👍。真係食到好開心，尤其係咩都任食冇限制🚫，真係食肉獸既福音😜。

聽左校長燒肉呢個名好耐，見喺官塘開店即刻黎支持下。食19:15一出𨋢已經人山人海，不過好快已經安排好。 食物飲品都係全自助開放式，多款燒肉、火鍋配料、壽司刺身吧、炸物、蒸點、熟食應有盡有花茶、日本酒、罐裝飲品、甜品區，多都數唔晒。排隊輪候時間算okay，二人分頭行事，好快拎齊要飲要食既，成檯食物超happy吖今晚刺身有帶子、三文魚、八爪魚等等，最正係蝦唔係普通甜蝦，而係阿根廷赤蝦。 順手夾D壽司卷物中式湯有老公最鍾意酸菜豬肚湯，我就拎青紅蘿蔔粟米湯夠滋潤。熱食蟹子小籠包大大粒、茶碗蒸既蛋都幾滑溜重點緊係Focus返食燒肉啦！ 燒肉區範圍亦係最大，食肉獸既我最中意係羊架、牛仔骨，牛扒、雞軟骨、豬大腸，男人最愛既辣醬魚片、咖喱雞軟骨同雞腎食完再添。花茶區放滿數十款可以任拼配，我就沖左壺雪梨玫瑰黑杞子茶，好香好滋潤可以去下油膩感另外當然要飲下凍飲啦～ 款式太多，我地就拎左Hoegaarden Rosee 即係Raspberry 味，平時買一罐都要十幾蚊最正係可以一邊燒住生肉，另一邊可以做個鴛鴦湯底小火鍋，烚下蔬菜菇類唔駛全程食肉，抵讚！食食下時間好快過，又係時候黎甜品環節，出去凍櫃拎D啫喱，

8月領取咗政府消費券，好多朋友約食飯，今晚朋友又話想食餐飽，咁就決定去官塘新開冇耐的校長燒肉。餐廳鄰近地鐵，坐位寬敞舒適，真係唔錯！朋友坐落後先食日本嘢，魚生、大蝦及壽司，日式前菜全部都好新鮮，但每次只可攞三款刺生，朋友緊係唔執輸攞咗4，5次啦！跟住即開始食韓式燒肉，餐廳肉類款式都好多，真心推介羊架及魷魚鬚最好食，食多幾件羊架都已番本！食咗咁多肉後又想食D菜，咁就開始食火鍋，餐廳湯底都有幾款揀，火鍋煲又可選擇鴛鴦煲同單款煲自取，火鍋料都很多款，真係唔錯！但已食咗很多燒肉，火鍋料唔想再食，衹食些素菜就夠了！最後緊係食埋女仕至愛的甜品，甜品款式好多，同酒店自助餐都差不多，我覺得榴槤雪條最好味。食到捧住個肚！埋單都係每人二百多元，真有超值的感覺

120分鐘放題,晚市最平$118 新開張😍 "觀塘" 燒肉放題 | 適合一家大細 | 校長燒肉 【出街食好嘢】今次同大家去到觀塘廣場試食呢間全新燒肉火鍋自助餐～ 依家燒肉店好爆,每一輪開之前都好多人等，最好book定位先。門口話已經有好大個Iron Man打卡, 入到裏面全場配料、冷盤、甜品同飲品都係自助形式🍽單係肉類都有成廿幾款，絕對滿足到我呢啲食肉獸🥩價錢都幾抵食,晚市最平$118! 依個價錢真係冇得輸，雖然係平日但係依然滿場！是性價比高嘅放題! 另外自助配料吧勁多款熟食、炸物、點心、甜品任食,啤酒、汽水、花茶、老火湯、糖水都係任飲 現場內環境非常新淨 ,好適合一家大細朋友一齊去!!門口話已經有好大個Iron Man打卡一入到去都冇油煙味，枱櫈唔會癡粒粒除咗肉，蔬菜區，仲有壽司，冷盤區，炸物區，有啲冇諗過會喺度見到嘅都有食放題點可以唔食魚生/甜蝦/帶子/三文魚 .....三文魚夠肥美 帶子都幾鮮甜, 刺身全新鮮有賣相，冇腥味！ 肉類選擇三十幾款,燒烤方面種類非常之多，而且係醃製好的，全部都好好食呢度啲肉類燒好之後都幾香口 最特別係有出面少見嘅自製花茶，廿款花茶任你調製自己口味你

由於在面書上這間店鋪天蓋地嘅宣傳，被宣傳吸引訂位預約星期六晚五點開始的放題，我們一步出𨋢口，只見人群堆得滿滿，入座安排有點混亂，令我印象已經打了點折扣，慶幸進場后，感覺裝修環境認算寬敞，食物選上都算多元化，試業中的情況下和價格對比下，還算可以，但有部分飲品在凍柜內，並唔凍接近常溫有點扣分，取食物地方還算淨潔，員工都不停補充缺貨，增分點，熟食選擇還算多，有豬皮蘿蔔豬紅，辣酒煮螺，鹵水紅腸豬耳，炸春捲麥樂雞，薯條，炸雞軟骨等等，食品水平以放題，算超值，兩個鐘內包你飽。

知道校長燒肉放題觀塘開咗新分店於是就嚟幫襯 基本上所有校長燒肉放題都幫襯過 當然係自費 印像中食物最多的是荃灣 因為有點心 最差的是元朗什麼都沒有 其實呢間分店大部分嘅嘢食都係差唔多 當然原來係因為新開關係所以設施環境食物水準都比較乾淨 今次係中午時間去由於三次我哋都係食咗刺身 所以今次其實冇嗌刺身只係嗌燒肉火鍋放題 呢度嘅刺身都係只有三文魚沒有甜蝦 其實今次唔係食好多 反而印象最深刻嘅係呢度有雪糕味嘅港式奶茶同埋有鹽酥雞 其實同其他分店差唔多 呢度坐位都好大 不過上嚟就要比較隱蔽 要喺觀塘站觀塘廣場搭貨𨋢先至上到嚟 門口都係有一個iron Man 係咪老闆好鍾意呢啲figure 唔經唔覺就食咗個半鐘當然你四個人可以食四個鐘 其實好奇一問校長係邊一位呢唔通係譚校長

食物味道一般,取刺身食物有限制每次只可以攞一隻蝦三文魚三件,沒人娶及排隊都要你行幾次奇怪,食物種類都算ok,不過四人燒烤分枱坐好過他們只會開一個爐,分開就會有兩個好得意!

放暑假同屋企人去食放題，午餐時段最抵食，唔洗等位直入！食埋火鍋就加錢$118一坐低就食小朋友最鍾意嘅炸物，款式比大埔分店更多，炸雞翼、炸餃子、雞軟骨、麥樂雞、咖喱角然後沙律菜都唔錯，非常新鮮茶碗蒸同埋關東煮🍢都唔錯另外仲有中式湯同糖水（木瓜雪耳、西米露）燒烤方面，數得出嘅肉類都有，除咗羊肉，另外仲有魷魚鬚屋企人最鍾意食就係燒菠蘿，又甜又多汁最後有任食Coco Berry雪糕，食咗五杯大埔分店冇雪糕🍦觀塘分店先有整體環境都唔錯，加錢的話可以食埋火鍋下次再來

早前跟永安團响元朗嘆過校長午市十分正，知道九龍區有分店新開，方便好多，即走嚟幫襯。早上十一點幾到達，無預約，好好彩，是日唔駛排有位，好爽。是日幫襯左$98蚊再加一個款自助午餐，除左雪糕杯，酒精飲品，花茶，火煱區，刺身區唔包，其他都食得，都豐富。座位夠寬敞，嘢食又多選擇，熟食足夠，燒烤類食物款式多，是日至愛係雪耳糖水，燒菠蘿，蒜味雞亦，咖喱雞扒，牛油粟米和菇，甜薯BB。兩小時輕輕鬆鬆HEA住食，滿足埋單兩人食左共$216蚊，超值喇。滋味滿足嘅一個午餐下次嚟會俾多少少錢試埋花茶區同刺身區，好正呀成壺茶自己嚟。祝“校長燒肉” 生意興隆順順利利觀塘友搵食又多一個好選擇YEAH！是日奧運，香港又添多一面銀牌，喜事一浪接一浪呀，GO！ GO！ GOAL！祝福大家响抗疫之中，都要輕鬆過每一天。食得是福，睇O飯覓食，食吓、嘆吓抒抒壓，美食幾時都咁振奮人心，HAPPY DAY 溫馨提示：觀塘地鐵站B出口開源道入商場，落幾級小樓梯就好行入商場搵M30舖隔離搭LIFT按15字樓就係。如中午十二點半至兩點半唔停某D層，就落長樓梯返去中銀個層隔離間七仔行入去個庶搵LIFT搭上去，等LIFT要預番D時間，因都多人