校長燒肉日韓料理 (西裕街)

營業中

休息中

元朗校長燒肉中午食放題系列🥳元朗既放題真心唔多🤣Lee 間校長燒肉好大間，坐位都好闊落我地係黎食"假日午市刺身自助餐 "成為$148一位再加一又可以燒肉又可以打邊爐😍重有壽司同剌身🍣🍣☺️燒肉嘅選擇非常多，牛又有豬又有雞又有，辣嘅又有，孜然味又有，叉燒同金沙骨超入味😍仲有土匪雞翼😍😍打邊爐方面就有唔同嘅湯底，我選擇咗壽喜燒甜甜地嘅湯底，火鍋湯底有蔬菜🥬到肉類應有盡有！旁邊仲有啲熟悉，例如茶碗蒸、章魚小丸子、點心等等飲品除左汽水、啤酒、清酒重有令我好驚喜既花茶系列😍😍😍 燒野食熱氣都可以下下火☺️☺️雪糕都好有驚喜，有椰子、綠茶、芥末🥳🥳🥳飽飽🥳

一家大細黎都真係好岩，因為有人想打邊爐，有人想韓燒，呢間放題岩哂!咩都有，鍾意打邊爐可以羅野打，鍾意韓燒可以羅野慢慢氅，好多唔同嘅肉類比大家選擇，除左生野，仲有好多熟食，唔洗等同台人燒，中式西式又有，蝦餃燒賣又有，連日式壽司都有，而且質素係高的。飲品多到花多眼亂，就連唔飲凍飲嘅人都好多選擇，因為有唔同花茶比大家配搭。另外，雪糕好特別，傳統朱古力味、士多啤梨味、豆腐味、薄荷朱古力味呢D不在話下，佢仲有芥辣味、港式奶茶味、玄米茶味、沖繩海鹽味等都非常特別又好味，仲有各式各樣的甜品，真係滿足一家唔同嘅好味。最重要係，呢到好乾淨，所有食物都排列得井然有序，服務態度亦好好，欣賞!會再黎!生日仲有88折

今日朋友生日，聽講元朗有間任食日韓料理環境幾好，又好抵食就決定去試試佢！我哋晏就嚟到，入到去先揀想食嘅價錢，加埋食刺身都係百幾蚊，咁抵梗係加埋佢啦！入到去地方都幾大，仲有啲好正嘅打卡位，邊食邊影相玩，哈哈有得打邊爐，又有得燒肉，食肉獸表示好滿足，都幾多選擇揀，非常好！雖然出面有勁多調味可以任攞，但真係就咁食都十分OK ！食物都幾新鮮，唔會有雪櫃擺咗好耐嘅感覺，本身嘅調味都好夠味，但唔會死咸，真心高質喎，估佢唔到咁平咁有驚喜！燒肉配啤酒，無得輸！仲要係任飲！燒到咁上下，就出咗去攞香港人至愛！就係食返夠本嘅壽司同刺身！溫馨提示呢度除咗啤酒之外，仲有好多嘢任飲，食刺身梗係飲清酒或者梅酒啦，你冇睇錯，係有清酒、梅酒！任！飲！雖然係晏就，但好似去咗happy hour咁開心！真係唔好俾佢停！繼續食下，打返個靚邊爐，仲有日式湯底可以選擇，同各款新鮮食材，好想講隻得意鴨仔幾好味，哈哈，有啲似魚片咁！！食到差唔多就食返個甜品先！我最欣賞係佢有好多特別味道嘅雪糕，特別係港式奶茶同芥辣口味，奶茶個款淡淡茶香，唔會太甜，剛剛好，芥辣個款食到我哋笑咗出聲，真係好芥辣！但餘韻又有牛奶味，幾得意，出面放題我真係冇

之前喺元朗食飯，經過校長燒肉都勁多人！排隊望上去，面積都唔細！所以今次決定同屋企人試吓，雖然叫校長燒肉，但係其實佢唔係淨係食燒肉！佢嘅選擇非常之多！包羅萬有！👍🏼👍🏼有日本刺身，壽司，燒肉材料，牛豬雞腸仔丸諗得出都有！而且仲有湯底俾你打邊爐，湯底都有幾個選擇！仲有沙律吧，有自助沙律，雪糕有成10種左右！梗有一隻啱你食！甜品亦又唔好多選擇！多到食唔晒！熟食方面仲有一啲已經炸好嘅嘢食，例如春卷，咖喱角，雞翼等等！仲有新鮮出爐點心，真係多到你唔信！飲品方面果汁，汽水，啤酒任飲係基本！而且仲有梅酒，sake,俾你任飲真係誇張到你唔信!

位於西菁街嘅校長烤肉搬咗新舖，住附近，即刻去試下，地方好大，比以前舊舖大好多，地方寬闊，食物種類亦多不勝數，有刺身，火鍋，壽司沙律等等…各式各樣嘅甜品和酒類任飲任食，比舊舖更多選擇各款各樣食物比以前更出色，壽司種類比以前更多❤️烤肉亦比以前更惹味刺身亦十分新鮮好滿意，甜蝦十分鮮味今晚食咗十幾隻鍾意食甜品嘅朋友，更大飽口福了，各式各樣甜品任君選擇，比舊舖更多款式更精緻啤酒汽水任飲，酒類，汽水多不勝數，除咗價錢冇變，所有食物質素提升咗，地方寬敞咗，坐得特別舒服，cp值超高，一定會再去👍👍👍

放題周圍都有得食，但係今次就嚟到元朗校長燒肉，它搬咗去新鋪，新鋪係樓上， 面積比以前起碼大左2-3倍。裝修又好有性格， 有經典風味。 剩係食都好唔得閒。 勁多新鮮刺生和壽司換黎既就係更多選擇， 勁多款式 任你食同飲。 由生到熟 凍到熱 都有齊晒比你揀， 又燒又打邊爐， 岩晒唔同食法既朋友， 今日同兩倍朋友黎食 剩係見到咁多野食 已經好開心。 咩都想食，事不宜遲 已經拎左d熟食打個底先。 海量燒烤食品多款沙律， 食到你驚花茶都玩埋 死未大量飲品蔬菜甜品選擇勁多，總體黎講， 款式多到一個點， 點都有岩食既野， 而且坐既位置都夠闊 夠大。 又可以同朋友吹水之餘 仲大食特食， 絕對唔可以唔黎朝聖。

其實肥妹仔個人好貪心，好多時候出街食飯想打下邊爐，但係又想燒肉。發覺校長燒肉呢一間餐廳係可以一次過滿足曬我呢兩種願望，今晚肥妹仔就同肥爸肥媽去咗元朗呢一間校長燒肉日韓料理到食飯。一入到去呢肥妹仔就見到好多個唔同嘅飲品同食物區域。佢好特別嘅嘢係有好多種唔同嘅茶葉同埋花茶畀你選擇，一啲比較養生例如好似肥妹仔呢一類人咁樣，呢一樣溝下，溝出一杯屬於自己嘅花茶。壽司區嘅選擇都有好多:腐皮壽司，鰻魚壽司，帆立貝壽司， 熟三文魚壽司，三文魚壽司，蟹柳壽司，八爪魚壽司，鮮蝦壽司等等，即係普通壽司舖有嘅壽司都可以試，而且佢嘅質素唔錯。刺身區嗰邊就有榮螺，虎蝦 ，三文魚，吞拿魚，玉子，蟹柳，希靈魚等等，新鮮。肥妹仔襯未人多嘅時候都試曬佢所有雪糕，肥妹仔覺得最好食嘅係佢嘅沖繩海鹽，非常之特別。鹹鹹哋，而且佢嘅顏色係tiffany blu，e非常之靚。甜品櫃方面就有奶凍，啫喱，豆腐，芒果布丁， 仲有新鮮嘅菠蘿，西瓜等等。沙律吧方便就有新鮮嘅沙律菜，車厘茄，粟米，仲有紫薯。響燒烤方面除咗肉類之外，佢仲有餃子，牛油粟米，燒金菇菜。肥妹仔食咗好多粟米，因為真係好香牛油味。講下佢嘅肉類，佢嘅肉類種類有好多， 例如有牛

天氣涼左，又想食下燒肉打下邊爐咁，聽聞校長搬舖後有哂兩樣野食，價錢仲唔貴添，book定枱同元朗友黎試下先。book左5點個場，貪佢平啲呀，七點前離座$158一位，已經包刺身，唔食刺身更平添呀，哈哈。新舖都迫喎，四人枱都算濶落，枱面有燒烤爐同電池爐，可以一次過又燒又滾，而加張燒烤紙不用錢換，以前好似要六蚊張？一晚都要換兩三次㗎，抵左。枱面有簡單調味料，嫌不夠可以去醬料吧，有至愛的麻醬，正呀。肉類係一般大眾貨式，豬扒，牛扒，雞扒，豬頸肉，雞翼等。仲有肥牛片，午餐肉，腸仔，魷魚，鯖魚等。開波燒一燒先，雞軟骨又幾正喎，加啲七味粉就perfect了。燒肉未熟可以食下壽司刺身先，質素就一般啦，至少係新鮮嘅。其實熟食仲有蒸點心，茶碗蒸，炒菜，炸咖哩角，雞寶等，對面仲有沙律吧，凍青口，蝦等，真係應有盡有，哈哈。打邊爐都有四款湯底，我地揀左甜醬油，食返條菜先。飲品櫃就唔少得有啤酒汽水等，個人至愛呢個花茶corner，沖番壺菊普先，水滾茶靚。想飲凍茶都有紙包裝㗎。食飽飽又係時候食甜品，泡芙，布甸，雪糕等，全部任食正呀～一人唔使二百蚊，抵食啦。

早前看見校長燒肉裝修，今天就立即去試一試。裝修後的校長燒肉令人眼前一亮呢，是高質的放題！一進去看見座位分開左右兩部分，中間一個很大的位置就是取食物的地方。這裏食物款式多元化，中式熟食炸物、日式刺身壽司、燒肉款式很多，牛、豬、雞、魚應有盡有。這裏還有自助火鍋，湯底有三款選擇呢！我和朋友先去取一些刺身，刺身有帶子、三文魚、赤海蝦等。刺身厚切肥美新鮮，所以不斷重複取來吃。吃完刺身就當然燒肉，牛五花燒一燒就熟了，牛味挺濃。金菇肥牛卷也是一個不錯的選擇。魚肉大件，每次都忍不住吃多幾件！最有驚喜是燒雞軟骨粒，配上椒鹽真的一流。至於火鍋方面，火鍋配料也很多選擇，不過因為想吃燒肉，所以火鍋主要用來食菜。壽喜燒湯配生菜、芽菜是一個不錯的選擇！吃到最後當然要吃甜品、這裏有雪糕任裝，連海鹽、芥末味也有。甜品櫃有奶凍布丁，但我最愛吃還是雪凍的忌廉泡芙，像在吃雪糕泡芙呢這次的燒肉放題真的很回本，下次也要再來吃！

成日行過都見到大排長龍，終於可以朝聖一下，校長燒肉係樓上鋪，係地下有專人招待客人上去。-入到去發現整個格局同香港普遍的街市一樣，好有香港獨有的味道。座位大部份都係卡位，感覺好舒服。絕對係一家人朋友的聚腳好地方。-校長燒肉提供既食物五花八門，令人無從入手。除了燒物之外，仲提供刺身，中式點心，熟食同埋打邊爐！岩哂一家大細，男女老幼。每種食材上亦會貼有食物名稱，真是十分貼心。-燒物方面，極力推介雞軟骨，非常香口😋而熟食方面，炸物亦很香脆，款色各式其式，應有盡有。岩哂不同老友的口味。甜品種類亦有不少，雪糕有不同口味，岩哂小朋友。-總括來講，你想食啲咩，飲啲咩，校長燒肉都會有合你心水的食物。價錢仲要唔貴，呢個價錢食到咁多野，抵到爛，值得一試！

元朗人沒理由沒吃過校長燒肉！校長燒肉搬了舖，跟校長割席，我覺得都可以支持一下（笑）吃過都知道，校長出名貴多不貴精（但其實我是真心覺得質素不算差...）最啱大胃王，一家大細開心燒。新舖梗加入打邊爐和燒烤盤共冶一爐，超級無敵抵食！單是肉類就有這個排場（笑）自助形式，吃多少取多少。蔬菜類，打邊爐或食燒來吃都非常不錯。冷盤區有飲食青口等海鮮（但我們一家都不吃海鮮所以沒拍照～）偽日式美食當然不少得，刺身之中我最愛甜蛋，記得拿去燒一燒，把內裡的糖燒得焦香會更好味！最想像不到的是連中式點心也有（笑）還有數款中式熟食粉麵，怎麼可能吃得下所有呢？燒烤盤是這樣子的。兩小時任燒很爽～肉類的質素就跟燒烤場的差不多，醃製過的味道，調味不算過火，雞翼和雞扒我覺得很不錯，燒多春魚和魷魚都很棒！打邊爐就是小小的鍋子，主要是燙蔬菜，平衡一下瘋狂吃肉後的罪惡感（笑）除了這個飲品櫃，還有大量其他選擇，不能盡錄！驚喜的是這裡有花茶corner，因為我不喝汽水和凍飲，所以有熱茶真是一大喜訊！除了雪糕櫃甜品的選擇還有布甸等等，款式多得眼花瞭亂！！記得一定要訂座，是一定要！因為walk in是絕對沒可能！尤其是剛剛重開，實在受歡迎

相比舊鋪，食物比之前舊鋪多化好多，地方比之前大，環境舒適，座位寛敝（還有如店舖名稱有關的主題房、名字可愛）例如：校花校草....冷氣十分凍。食物種類多，分別有寿司，燒烤爐，火鍋，點心，獨立碗湯，炒菜 ，甜品，生果，花茶，一應俱全。本人最喜歡佢的花茶，因為種類繁多。但食物質素偏低、炸物不夠熱、刺身不夠多、相對沒有重點、只是樣樣皆有，但點心好精緻，味道不錯。飲品種類繁多，啤酒種類如果還有其他品牌更加理想。希望在食材上能花一點功夫。性價比ok.唯一可讚是服務員態度不錯，令顧客感覺良好。

見佢啱啱新裝修就試吓同之前有咩分別環境靚左乾淨左坐都坐得舒服啲嘢食就同之前差唔多咁我就加咗錢食刺身 刺身就普普通通肉類選擇都多 正正常常唔會難食如果一大班fd諗唔到食咩呢間都係一個好選擇

喺元朗嘅校長燒肉，人氣極旺，晚上7：15的時段，門面堆滿了等待入座客人，仲要全部都訂晒枱，想Walk-in都冇，勁誇張！就算係最貴嘅時段，都只係每位$218，價錢相當親民，難怪大排長龍了！食物種類真係激多！除咗有傳統嘅肉類同埋海鮮之外，仲有大量熟食可供選擇，連小龍蝦都有！亦有冷盤、小吃、沙律等等！當然唔少得極受歡迎嘅刺身同埋壽司啦，三文魚、帶子和巨型甜蝦都係極為新鮮，值得排隊等候！飲品的選擇也是激多，有汽冇汽有酒精無酒精都一應俱全，淨係嘢飲都有排揀！雪糕的口味也是超多的，臨完場時必需要啪返幾杯！連中式點心、包點、打邊爐都有，真係花多眼亂！校長燒肉的特色是爐上的牛油紙，可以保持肉汁之餘，又冇咁易燒燶，又唔會彈油，完全唔需要叫人換板，一下燒到尾！桌上有鹽、黑椒和七味粉等，可以按個人喜好調味，一路燒一路磨黑椒，扮大廚！食太多肉有罪惡感，要開返個爐黎烚返啲菜，平衡一下！

—見到facebook澄清同年年廿五歲無關係先知原來搬咗鋪位 寬敞咗更加舒服午市燒烤火鍋刺身自助餐2小時($148/成人)畀咗個貼紙for拎刺身 未夠12點已經好多人食緊同時燒肉之餘可以打邊爐淥菜 自我感覺比較健康lol小食炸物熟食蒸點心 沙津壽司甜點都有得食除咗汽水有梅酒清酒 多種花茶泡製 Refill收碟都快手 而且會幫忙換爐紙——————————————————————校長燒肉日韓料理元朗西裕街達輝徑1號足彬大廈1樓3B號舖