校長燒肉日韓料理 (西裕街)

營業中

休息中

難得同老公落元朗行街，先去UNY朝聖下，買左好多野，咁就去附近食埋飯，我就想食放題，記得附近有呢間校長燒肉，同埋好耐之前去食過，抵食之餘，地方又夠大，坐得非常之舒服放題加埋一都係$200鬆啲，超抵食👍🏻食物選擇真係多到不得了，有燒肉類，乜都有，任君選擇，而且已醃好👍🏻仲有熱盤食物👍🏻有啲似酒店級buffet☺️因為太肚餓，老公好細心先拎壽司及點心比我醫肚先😍壽司不太大件，岩岩好一口壽司，咁就唔會食飽左😜點心款式都好多👍🏻食到咁上下，就開動燒物，醃好晒，食起上黎好夠味，而且食物質素都好高👍🏻食左咁多燒肉，梗係要食啲菜中和下，最後我食埋烏冬，感覺成餐飯好滿足

一早已經聽過朋友介紹呢間餐廳 ，話食物非常高質， 今日終於都可以入元朗一探究竟。一早已經book咗枱，先要拎張入座紙，方便安排入座！由於係分時段嘅，所以都已經有好多食客等入去，好期待哩！ 入到去見到佢嘅爐係放咗牛油紙，咁就唔怕燒燶喇！！ 另外亦都好多調味料任加， 就真係視乎即刻個人喜好調味啦！除咗一般罐裝同包裝飲品之外 ，有我最鍾意嘅就係花茶區， 一路食熱氣嘢一路調和返身體，要balance返！一開始當然要食刺身， 見到就知道係新鮮貨，肉質鮮甜！壽司方面，估唔到會有咁多種類，絕對值得一讚！！ 而且口味都非常之好！！ 可以媲美專營壽司嘅食店！最可愛嘅係有中式點心， 細細個籠，一籠一件！！ 大概有7至8個不同既點心！質素仲幾好添！！炸物同沙律都有唔少選擇！！主角當然係燒物啦 ！！起碼有三、四十種選擇！！！ 淨係雞翼都有三、四種味 ，當然都有一啲肉類係冇醃可以食到原味㗎喇！！因為加咗牛油紙，所以手殘嘅都可以食到唔燶既燒肉！！大大減少咗浪費食材嘅機會！！支持！本來仲有得打邊爐， 但係實在太飽喇！！所以留待下次再戰！平均每人都係240蚊，就可以食到咁高質、多款式、豐富嘅晚餐真係超級抵食！！！

元朗一直係我少去嘅地方，如果唔係朋友新居想睇風水兼裝修，相信都唔會入元朗.睇完單位度完呎之後，朋友話去鄰近校長燒肉開餐，我當然歡迎啦，早年曾經幫襯過，記憶中佢地服務同質素唔錯，所以放心再幫襯！再度幫襯先知道，原來佢地已經搬咗新鋪成半年有多，不過搬唔遠，都只係對面條街.我地夜晚7：00到場，可以食兩個鐘，當然係任砌啦！元朗嘅校長面積比荃灣鋪更大，提供嘅熱食比荃灣嘅更多，單單一款蒸龍脷柳，我食完一次又囉一次，龍脷柳肉超滑而且入味，驚喜！另一款熱食係炸咖喱薯餅，相信係啱啱炸好，因為超熱，亦因為啱啱炸起，所以外表超脆咖喱味重而且內裡薯蓉足無偷工減料，唔錯！再留意一下，荃灣無嘅蒸點心，元朗鋪都有！更加有蝦餃提供，係我最愛嘅點心！驚喜x2!我重發現，元朗校長出餐極快，我囉鰻魚壽司時得番最後四件，轉個頭已經出盤新嘅鰻魚壽司，囉蒸扇貝又係，最后兩件被我清哂，轉頭已經出燒蠔！莫講話打邊爐，連韓燒都未玩，已經食飽8成！喂喂喂！啱啱又有盤好正嘅豬手出場！隻隻大大件！唔好再出熱食啦！被我玩吓韓燒啦！好奇怪，元朗同荃灣嘅校長，都唔醃牛仔骨，點解？如果醃埋更理想！刺身嘅海蝦。每一隻嘅份量比想像中大，蝦肉彈牙味道鮮

Yeah~好耐無食過放題。。難得約到朋友一齊，就去開餐啦好彩我地有預先訂枱，原來真係好多人食，可能臨近爸爸節，好多一家人慶祝。餐廳有分時段訂枱，我地訂左黃金時間7:15-9:15分，可以食2個鐘。。。我地7點就去到啦，先係樓下登記，再等到7點15分先可以上去，餐廳面積好大！食物區都好大好豐富！先消毒，再探熱，帶口罩先可以拎食物，所有食物都妥善蓋好，乾淨衛生。刺身區有好多選擇，最意想不到竟然有赤蝦同帶子！好多貴嘅酒店buffet都無啦，呢間放題竟然有！仲要都算大隻赤蝦，加分加分普通嘅三文魚，吞拿魚，希靈魚呢啲都係有嘅！壽司🍣有好多款式，飯係細細舊，有三文魚腩，鰻魚，腐皮壽司，加洲卷。。。好多點心區估唔到有蒸點心！燒賣，粉果，鳯爪，小籠包，荷葉飯，蒸包。。。。又係多種多樣！仲有碗仔翅，茶碗蒸，螺。。熟食區又蒸魚，炒菜，青口，鴨，串燒。。。炸物八爪魚丸，麥樂雞，薯格，雞粒，葡撻，炸蝦天婦羅🍤。。燒肉區豬牛雞一定有啦，另外有坊間較小見嘅大腸包小腸，漢堡扒，雞軟骨。。。打邊爐🍲材料就唔多啦。可以烚下菜，丸，餃子🥟飲品有4個大雪櫃，汽水，茶，楊協成飲品都有！甜品有香港品牌coco雪糕，又有好多小甜

隨著疫情緩和，今日終於可以外出大吃一餐，去咗元朗校長烤肉，入場前餐廳員工幫客人探熱也有消毒洗手液供應，照顧周到，在場內拿取食物時也要戴上口罩，所有食物有蓋蓋著，令人食得放心👍♥️抵讚首先食個沙律，沙律菜多款選擇，醬汁也有很多選擇隨你喜好配搭👍當然也不能不吃刺身，蝦十分鮮甜，已經記不起吃了多少隻超正燒肉款式多不勝數，肉類海鮮，種類繁多醃肉十分惹味喜歡吃甜品嘅朋友絕對不能錯過，我今晚一次吃了平時一個月份量的甜品，絕對可媲美五星級酒店

好耐無食放題，呢日去元朗買狗用品，順便食埋晚餐先返去，三個人各有喜好，最好食放題，就搵咗呢間最啱食肉獸嘅仔仔之餘又可圍爐及又有壽司刺身食刺身刺身選擇都算多，有榮螺片、三文魚、吞拿魚、帶子、希靈魚、赤蝦等，整體都新鮮甜美，夠凍無雪味亞仔唔食生嘅蝦，就將赤蝦燒熟嚟食，佢話仲鮮甜彈牙，而且多了份香烤味添壽司壽司都有很多款式，賣相非常精緻熱盤肚子餓未燒得切食的話可以食住熱盤先，菜呀肉呀應有盡有燒烤及火鍋料區數十款肉類、海鮮、丸類、菇類、菜類，多到你一次過試都試唔曬特級煙肉片、香辣特級雞中翼及美國頂級一口牛非常惹味秘製特級豬仔骨、台灣香腸及牛肉片都喺唔錯的選擇火鍋區火鍋湯底有三款選擇，日式豬骨湯奶白香濃，另有多款醬料可按自已喜好自己混醬特色點心連港式點心都有，珍珠雞、奶皇包，仲有埋碗仔翅添，可惜胃只得一個，真喺食到捧住個肚啦甜品但點都要食埋甜品先至完美，練奶雪條真心推介，奶香濃滑，手快有手慢就無，非常搶手㗎

元朗💛美食多😍 -原來校長燒肉日韓料理搬左新舖呀！ 除左有韓燒、壽司刺身、打邊爐仲有點心食呀💛--韓燒-有牛扒、豬扒 、一口牛等唔同種類嘅肉類！-自選火鍋湯底+火鍋醬料, 仲配上各重有齊各種麵食！-多款壽司刺身🍣！-新加入左點心區有蝦餃、奶黃包糯米雞！-飲品區櫃除左有各款果汁汽水,仲有有梅酒🍸清酒🥃啤酒！雪糕櫃有最特別嘅沖繩海鹽味雪榚！ -甜品仲有布丁同埋豆腐花、冰西瓜冰荔枝等等！-你地都快d約埋三五知己黎食一齊#happyhappy💖💕 啦！💛💛

已經久久末有吃放題了，所以決定今晚要大吃一餐，上網搜尋一翻後，找到了一間價錢抵吃，質素亦不錯的燒肉放題店。我還以為自己眼花，早早已有一大郡人排隊，看來我今回沒選擇錯了。一入餐廳已經被這熱飲花茶專櫃吸引，因為好罕見唷～而且花茶的選擇亦不少，非常適合注意養生的我。餐廳名字看似吃燒肉放題，但原來內𥚃食物類別非常多，除了主打燒🔥肉外，還有刺身、壽司、邊爐、多款熟食小菜、沙律吧、點心櫃，甜點等等，可以話應有盡有，選擇非常多，百多元便如此豐富，難怪大家早早已排隊待吃了。一整張長枱都是燒肉及邊爐食物，而且非欣賞店員添加速度及次數，每次食物都是添到滿滿的，不會讓你多等👍🏻👍🏻。放了牛油紙的燒爐可以讓你燒得更放心，牛油紙亦可每限次數更換。香草雞翼醃得好入味，雞腎也很惹味，整體燒肉質素不錯！火鍋亦好好味，力推壽喜燒湯湯底、梅肉片，我追加了無數次🤭。

黃金時段入座＄１９８，人流多到一個點，店內滿滿的都是人，這家校長燒肉的客還很廣泛，有老有嫰，到底是什麼原因呢？一進去就明白了，選擇多到有像自助餐！燒肉，火鍋，刺身壽司，中式點心，冷盤熱葷，炸物，花茶，甜品，湯品，沙律這個價錢，這麼多選擇，實在很難找！而且看來老闆是復聯的粉絲呢！食物：當中以燒肉的選擇最多，除了大量的丸跟腸仔，多款不同醃料的雞翼，肥牛跟豬腩片，牛仔骨跟豬仔骨，多種味道的雞軟骨粒，豬雞牛扒，魚柳跟牛肉豬肉片，一口牛一口豬，還有鮑魚片跟燒賣！全部水陸（火鍋＋燒肉）兩用！最好吃的當然是我最愛的醃雞翼，另外就是扒類，厚度十足，味道也上佳。不過有數個食物牌消失了卻沒有補回，是可以改善的地方。沙律的選擇也夠，加上冷盤熱葷，青口，泰式雞腳等等，健康之選刺身跟壽司也不少，不過刺身一次只發一碟三款，質素也合理花茶竟然有甜菊葉？還有洋甘菊跟山楂等清熱的好物，難得難得火鍋有烏冬跟全部的一般火鍋用配料，辣椒跟蒜蓉都有，湯底我選了豬骨湯，但大家記得要小心拿，因為很熱！不要一手拿火鍋湯一手拿食物啊～中式點心賣相沒那麼吸引，小籠包跟燒賣什麼的，有興趣也可以試試人參雞湯熱葷也有好選擇茄子，涼瓜排骨，蒸魚

好滿足的一餐今次黎到元朗食既呢一間叫校長的燒肉放題 其實就唔止得燒肉食仲有好多唔同既野食 包羅萬有價錢唔算貴 仲可以選夜D或者早D既時段就更便宜了一入到去就見到勁大條既美食街 所有野都可以隨便任食燒肉料同熟食都有好多除左燒肉仲可以打邊爐!!拎左都唔少食物 燒烤類既選擇多到食唔哂咁!!熟食仲正 特別係炸野食 食到停唔到口仲有蒸蛋等等 刺身都有好多唔同既食連碗仔翅都有 味道唔錯架 好過飲野飲沙律更係唔少得啦 我最鐘意食既車厘子甜品成兩個箱咁多既野揀 多到我都唔知揀咩好!! 超滿意!!

上個月同愛人唔打唔撞去咗校長燒肉日韓料理食晏晝放題，坐得舒服人又唔多，最緊要係啲燒肉好好味😋，所以呢個星期日又Book咗去食，今次試吓食夜晚，見佢有三個時段，諗住第二日返工食早啲，5:00唔使同人迫，點知遠處行去，已見校長樓下企滿人，場面墟冚😱鬼咩夜晚食物豐富過晏晝，食貴D，要埋刺身，每人連埋+1都唔使$200，有韓燒有火鍋，同一時間兩種享受。食物種類多元化，肉類款式多，蔬菜新鮮大大棵，籠仔點心賣相好（在下肚腹位置有限，無食）；各款飮品＋酒＋花茶，細心到連🧊冰都有；雪糕來自香港製造，憑記憶有朱古力、港式奶茶、香芒、雲呢拿、菠蘿椰子，朱古力係在下推介；多種甜品唔在講，但都要講下自製新鮮菠蘿冰片，好香甜，有心機一片一片入袋仔供客人享用。

放題多野食就係人都知架啦，今次食既呢間係位於元朗既放題，特別在價錢同食物既質素係成正比既佢有分幾個時間段，未夠7點15分就已經排滿左人等緊入場上到去就即刻食得架啦，超多唔同野食既選擇刺身呢度既刺身種類唔算多，但係非常之高質，特別係呢個厚切三文魚！！正另外就係呢個牡丹蝦，超大隻而且係任食架！！仲有中式點心可以任食，野食都唔少選擇！！最愛既蝦餃都有！！燒肉呢度既燒肉吧超多唔同既食材揀，緊係咩都食Ｄ架啦，特別係雞翼都已經有幾十種可以揀！！最後食個雪糕作結，係滿足既！

同朋友係元朗附近行完山，人多就梗係食任食放題先夠盡興裝修，比我好舒服既感覺，座位夠寬，地方空間好大，唔使會坐/行得迫，仲有冷氣好充足唔會焗到成身味。食物種類方面，好多選擇，有燒烤+火煱，可以同步滿足，仲有熟食提供。食物種類真係好多，有中式點心包括牛栢葉，燒賣及粉果等當然，仲有我至愛刺身，三文魚好新鮮，口感十分肥美，仲有壽司可以自行夾，有沙律可以自己MIX & MATCH。黎得校長燒肉最愛當然係燒烤，燒既食物種類選擇一枱都係，牛肉、香腸、雞中翼、雞軟骨粒，豬柳漢堡等必燒一口牛+秘制叉燒+鴨胸。個人特別推介是鴨胸，又香又新鮮，烤完之後好入味。食到咁上下輪到打邊爐，湯底有日式豬骨湯、韓風辣湯、壽喜燒，丸類都好多款，包括三角魚蛋，貢丸，芝心丸和黃金魚片頭等，蔬菜冬姑，粟米，金姑等，粟米特別甜，好味道。飲品款色也很多選擇，，利賓納，蜂蜜軸子同清熱下火既飲品，個人推薦自己沖花茶果茶，有成個沖飲櫃可以自行調制，甘甘微甜好飲。甜品都好豐富，賣相又靚，有雪糕好多款口味，有雲呢拿，海鹽和奶茶。個人認為海鹽味+奶茶最好味，不太甜但味道好濃，呢款雪糕超市無得賣，口味好特別，推薦。總的來說，170蚊左右連烤肉又

這家燒肉店以前已經吃過，但搬了新鋪之後就未去吃過了。這次就決定去吃吃，看看素質會否有不同。去到的時間需要在樓下取號，等待1915才可以進去入座，這段時間已經爆場了🤭。環境比舊店鋪大很多，裝修很美又光😆。而食物分門別類很清晰，我們也看到眼花撩亂🤭。食物可以分為：有烤肉/魚生/壽司/火鍋/沙律/餐前小吃/熟食/飲品/酒類飲品/甜品/雪糕。💥晚市放題 HKD$198，價錢不算太貴可以接受，食物種類多，而且很衛生。烤肉令有蓋子令食客更放心，肉類新鮮，吃起上來不會感到韌的口感。由於烤肉很多也是醃製好，所以不用點醬汁也有味道。為配合抗疫時間，餐廳還有湯水/涼茶供應，選擇也有數款。吃烤肉也有花茶飲感覺不錯呢🤭，既養生又清滯女生最愛飲花茶💕。這次靜靜沖泡了柑桔檸檬飲，沒有放糖味道很清新，而且又潤喉挻喜歡🥰。

出開元朗買狗用品見行到太夜就順便食埋晚餐先翻屋企因為三個人想食嘅野都唔同傾唔掂數最後搵左校長燒肉滿足哂大家願望刺身區八款刺身除左放題較常見嘅三文魚以及吞拿魚仲有希靈魚同埋帶子粒；赤蝦成隻手掌咁大生食或者燒烤都得好正壽司款式亦都唔少而且質素唔錯；其中必試火炙三文魚腩油脂豐腴加上芝士半融邪惡到爆燒烤區/火鍋區餐應提供多達三十幾種肉類海鮮以及火鍋配料選擇食極都試唔完；個人認為香辣特級雞中翼最正不過如果自問食得辣嘅話可以挑戰下麻辣特級雞扒火鍋湯底就只有日式豬骨湯同壽喜燒湯以及韓風辣湯揀不過都幾濃郁；重點推薦豬軟骨餃子食落口感脆軟翻兜左好幾次熟食區熟食主打亞洲菜式不過都冇乜點試到因為淨係打邊爐同埋燒肉個嘴已經忙到冇停過幾特別嘅係放題居然會有點心蒸籠同埋碗仔翅呢啲本土野食；試左碗碗仔翅又幾唔錯而且仲有麻油同埋浙醋提供夠哂地道甜品區甜品分開凍餅奶凍以及雪條雪糕兩類而且款式唔少淨係奶凍都有好幾款唔同味道可以揀餐廳仲勁有誠意咁整左啲焦糖脆餅黎配雪糕食打開雪櫃居然見到前排新推出嘅雀巢鷹嘜煉奶雪條；已經想試好耐出面賣成十幾蚊枝緊係要食翻兩枝回本啦飲品區汽水果汁同埋茶類基本都有不過最正嘅係啤酒以及梅酒清酒呢啲