校長燒肉日韓料理 (西裕街)

營業中

休息中

因為疫情關係，真係無岀街食飯好耐喇，難得幾日假期，就揀間評語唔錯既來試下喇一入來就見到刺身位，好在快手唔洗排隊款式都算多，都有八款選擇，每次都可以揀3款隔離仲有幾款壽司選擇另一邊就係可以自製花茶第一次見有甘多款式，仲有茶壺俾你沖壺反去慢慢飲，唔洗走來走去，加分除左汽水，仲有梅酒，清酒都可以任飲架熟食都幾多選擇呢度種類繁多，一d都唔似燒肉店，直頭似去左食自助餐多d就連點心都有丫隔離有幾款湯底選擇，可以一邊燒烤，一邊打邊爐燒肉方便，豬牛羊雞唔洗講，呢度仲要有我最鐘意食三文魚頭呢三款刺身， encore 左2次，都幾新鮮燒三文魚頭真係好正丫埋單每人$240連加一，以甘多選擇來講，我覺得都幾抵食

約左好耐，今晚終於約到朋友仔去元朗食韓燒放題，自疫情以來，好耐都未食過，今晚終於可以放監食過痛快校長燒肉位於2樓，上樓時佈置都幾特別，上到餐廳，要量體溫及消毒雙手方可進入，感覺都很衛生餐廳內有好多食物任君選擇，有沙律、日式冷盤有壽司區及刺身區有中式點心區有炸物區、熟食區、甜品區仲有最重要嘅韓燒生肉區、打邊爐區，食物多不勝數，不能盡錄鍾意飲酒既朋友，仲有清酒、梅酒、任飲仲有好多罐裝、紙包飲品、啤酒選擇，花多眼亂刺身有好多款選擇，有赤蝦、三文魚、帶子、蟹柳、希靈魚、吞拿魚⋯⋯枱上有韓燒爐及火鍋爐供應，可以一邊燒烤一邊打邊爐，一次過滿足晒兩個要求韓燒區有很多食物，有好多牛肉、豚肉、雞肉、魚肉，醃得都幾好食，夠入味食完正餐食甜品，有好多啫喱款式有亮點：有冰菠蘿，兒時回憶仲有好少食到嘅沖繩海鹽雪糕，味道不錯配合價錢同服務及衛生程度，係一個不錯嘅選擇

校長燒肉日韓料理性價比高，提早五點吃晚飯晚段只需$158加一，刺身項目需要額外收費。除了燒烤和刺身另外更有不同總類的熟食、火鍋、湯品和甜品，絕對超值！🥢 刺身：有三文魚、赤蝦、甜蛋、蠑螺片等等，刺身品質非常新鮮，值得加錢品嚐！🥢 一口豬：肉感較強，脂肪含量軟低，燒烤後並不會變得乾身，反而味道更香濃。🥢 五花肉：油脂分布平均，肉質有層次，肥而不膩，肥瘦比例極佳。🥢 魚柳：入口即化，新鮮不會有腥味。燒烤後表皮層會變得香脆，口感非常豐富。🥢 雞軟骨：燒香後的雞軟骨爽脆卜卜，除了原果，另外有印度風味，富有咖哩口味。🥢牛肋條：肉質嫩滑，汁多味美。經過燒烤後，油脂和肉質融為一體，十分美味。心🥢 雞腎片：口感爽口，有嚼勁。加上醃製過醬料，味道非常惹味。🥢 碗仔翅：有木耳絲、粉絲、雞肉、冬菇，材料的種類與份量都非常十足，值得一試。

今晚約定媽媽預早慶祝母親節，就選擇了元朗千色廣場附近的餐廳。「校長燒肉日式料理」食放題🎉。來到餐廳門外，等候入座時，看到特色動畫模型公仔，吸引了大小朋友欣賞😍入座前餐廳職員會幫客人量體溫，要求員工和客人須戴口罩，提供消毒搓手啫喱清潔雙手，安排好分隔座位距離，非常細心👍刺身區域，提高衞生程度，是店員安排給客人，每次可以最多選擇3款刺身😋燒烤和火鍋食物種類很多，擺放整齊乾淨👍還有中式點心吃😋火鍋湯底，有3款口味選擇，壽喜燒、韓風辣、曰式豬骨湯，熱水機處理很整潔👍熱盤、火鍋和燒烤食物、甜品、飲料、客人自助形式👍急不可待品嚐刺身，有我至愛大蝦刺身，分量十足，入口味道很鮮味😋輪到食鐡板燒烤，雞翼、腸仔、牛仔骨、多春魚，入口非常香口惹味呀！😋一邊鐵板燒烤另一邊火鍋，雙重享受😊媽媽很滿足的一餐放題，母親節快樂🎉

成日經過校長燒肉，但係一路都冇試過，今日朋友話好多款野食，同食buffet差唔多，於是就去試下門面裝修得幾簡約，門口睇落好似好細間，但係上到去發現都幾大，同埋佢有位望住樓下，揸車既客人可以好方便咁睇住有冇抄牌👍🏻👍🏻👍🏻👍🏻天口咁熱，坐底就梗係拎野飲先，佢野飲真係好足，罐裝紙包都好多款。想特色d既，有清酒梅酒綠茶。重有花茶可以自己揀唔同花黎沖，非常驚喜呢排可能見有疫情，重有呢款黃薑斑蘭薏米水，都算係逆意自救之道🙏🏻野食方面，主打當然係燒烤，但除左燒烤之外，原來重有得打邊爐，上面果排就全部都係燒烤邊爐既食材，選擇非常多👍🏻而邊爐湯底都有3款揀第一輪野食當然要執多幾款黎食啦，有幾樣特別推介：香草魚柳真係好出色，好嫩又唔腥；燒牛肉亦都好juicy；雞翼好大隻，又有淹過最正係重有刺身食，款式就一定比唔上放題，但係基本一定有三文魚呑拿魚，重估唔到連赤蝦都有🤙🏻🤙🏻🤙🏻除左燒烤邊爐，重有少少特色小食，例如碗仔翅，溫泉蛋，蒸蛋，點心😂真係同buffet冇分別話明似buffet，甜品當然都唔輸蝕，雪糕，奶凍，布朗尼，布甸，乜都有得食，最尾試左個雞蛋布甸，都幾滑🥰最尾埋單3百幾蚊，真係好抵食😂😂😂

校長燒肉係元朗開左好耐但今次都係第一次食。呢間餐廳裝修好得意，一入門口首先見到一隻有真人比例咁高既iron man，然後入到去就見到好多唔同顏色既area，各個area都改曬好得意既名而且裝飾得色彩繽紛，非常多打卡位。因為價錢便宜（$198 任食兩個鐘），食之前其實冇咩期望，但呢間燒肉係比到驚喜我。首先食物種類繁多，有熟食、肉類、日式美食、邊爐食物、甜品、花茶等等任均選擇。肉類我地食得最多，最推薦係魚柳同金菇肥牛卷。魚柳唔散，而肥牛卷超有牛味！加上爽口嘅金菇真係好正！然後因為間店叫校長燒肉，除左燒肉外冇諗過仲可以打邊爐，而且仲有3款唔同既湯底比你簡，個人推薦壽喜燒鍋，呢款湯底既味道同出面日式餐廳既壽氣燒一樣，配埋自己中意食既材料，食得特別開心。甜品方便除左種類多，雪糕、布甸、蛋糕、啫喱等等⋯最特別係有菠蘿冰！ 菠蘿冰係香港已經唔係好多地方食到，呢到有菠蘿冰呢款香港經典懷舊美食真係夠曬特別。咁抵既價錢，有咁多野食選擇，仲可以任食兩個鐘，真係非常抵食，難怪疫情之下既平日呢間燒肉仲可以差唔多全場坐滿曬呢！

悶左幾個月都唔敢出去食大餐，最近見疫情有所好轉，就決定約女友去食下放題，近近地元朗既校長燒肉，cp值甚高！好在一早book好位，650pm去到已經人山人海等位！荃灣既'校長' 食過兩次，元朗反而係第一次，估唔到地方咁大，裝修又靚，食物選擇又多，成條長長走廊都係各式食物選擇，有生有熟任君選！百幾蚊一個人都已經有任食刺身食！質素仲要唔錯刺身隔嚟仲要有大量壽司選擇，擺得靚靚整齊任人拎！刺身對面有自助既飲品區，啤酒汽水果汁呢d基本野一應俱全，估唔到仲有女友'飛佛'既花茶！受疫情影響關係，餐廳都做得非常安全，所有凍肉上都有蓋，雖然會有少少不便，但令大家夾同食都安心！一齊嚟睇下壽司既質素，賣相唔錯，而且都新鮮！凍肉選擇都多，而且有d比較高質既凍肉都會有提供，例如一口牛，同唔同款式既腸仔都有！其他凍肉都唔錯，我同女友食燒肉同熟食都飽晒，邊爐都未有打！特別推介印度風味雞扒，辣辣地幾好食！最後留返多d篇幅講下甜品，呢度既甜品同樣選擇多多，有奶凍，雪糕，布丁，仲有估佢唔到甜到入心既馬卡龍！其實選擇真係好多，多到我都介紹唔晒！除左以上既甜品外，仲有驚喜既菠蘿冰，龍眼冰，同埋我非常喜歡又脆又甜既焦糖脆片！兩位

因為疫情下好耐都冇出街食好西啦難得今日可以鬆一鬆出街，當然要去食返餐啦我一直都食開荃灣分店，因為我真係好鍾意食校長，又平又多款式種類選擇，但元朗我第一次食，係因為難得出街，我又對校長有情意結，所以入到元朗都一樣去食校長一入去就見到好大隻iron man，好吸睛上到去就好似去咗北韓咁🤣長長的走廊，可想而知食物種類繁多壽司刺身類剌身好新鮮肥美，尤其三文魚榮螺香甜到有少少酒香味，正雖然每次只可以拎三款，但每款個量都好多👍前菜沙律類淨係前菜都咁多款推介:醃製酸蘿蔔，好開胃熟食類葡撻好好食🤣比人拎淨2個🤣不過好快已經添置返推介:碗仔翅，好食過街邊添火鍋燒烤類由於疫情關係，全部食物都有蓋遮住，好安全👍雖然影唔到啲咩相，但真係好多款式淨係雞軟骨都有3款口味🤣唔知點解我好鍾意食校長啲肉，可能因為佢所有肉嘅肉質都好嫩滑，醃料味道又好味意想不到竟然有蒸點心類平時茶樓食一籠點心都唔平呢度食幾籠已經回本啦🤣飲品類發覺影漏咗個飲品櫃同沖茶位😅甜品類超超超多款冇可能樣樣都食得哂，但樣樣都想食😭有冰菠蘿、冰西瓜、冰水蜜桃夏日炎炎食呢啲好涼快好消暑

復活節四日假期，梗係要周圍吃喝玩樂啦，今日專登一家人入咗元朗玩，第一站就嚟出名夠平嘅校長燒肉吃餐飽，我哋午市揀最貴個餐都只係$148 （成人），小童都只係$118 ，就可以享用兩小時嘅烤肉、火鍋加刺身自助餐，正呀！呢度嘅食物種類真係超多，分唔同區域，一目了然。首先刺身同壽司區，各有六至七款，都係最基本嗰啲三文魚、吞拿魚、赤蝦、希靈魚、螺片、玉子、八爪魚等等，記得一定要身上邊貼有「壽司刺身貼紙」代表你俾咗呢個價錢先至可以去嗰度拎食物。另外餐前小食和熟食區都有好多選擇，例如日式沙律、泡菜、各款炸物、西多士、洋蔥圈、蒸水蛋、碗仔翅、溫泉蛋和中式點心，另外仲有好多熱葷包括炒粉麵、菜、肉類和雞等。仲有一煲人蔘雞湯，呢個好好味。不過我最緊要就梗係燒肉啦，燒肉和火鍋區嘅食物放在一起，款式都超級多，隨口講幾樣例如火腿扒、牛仔骨、雞腎、牛肋條、叉燒、牛扒豬扒、雞軟骨、雞翼（三款）、鯖魚、秋刀魚、多春魚、魚腐、腸仔、各類丸、芝士腸、番薯、肥牛片等，當然都唔少得蔬菜、粟米和餃子呢啲。飲品選擇都超級多，一般啤酒汽水、紙包飲品果汁等等有罐裝有樽裝，可以沖花茶仲有梅酒清酒（要留意番你個

朋友的店就在又新街，提議收工去食燒肉.約左黃金時段198 一位➕1 可以燒烤，打邊爐 自助區域有甜品，涼菜，冰凍水果（西瓜，蜜瓜，菠蘿，雪糕，泡芙）多到你唔知食咩先.壽司任揀，魚生有每次限量.飲料區域有10-20種飲料（仲有罐裝薑母茶tim）烤肉區域，雞扒，雞軟骨，雞翅極力推薦.牛肉 牛仔骨、一口牛都好出色.豬肉一口豬，五花腩都可以一試.牛油粟米好味到食左5份！不得不提還有點心，198滿足食到中日韓泰，絕對超值.

好多年前試過係富達廣場既舊鋪，果時覺得唔好食，但聽講搬左鋪之後改善左好多，所以今日専誠黎試下。我地揀左lunch時段包火鍋$108，如果唔要火鍋只係需要$88。上去之後環境有驚喜，大左好多，同埋有美食一條街，竟然仲有點心。可以燒烤既野食有好多款，不外乎都係豬牛雞丸等等，選擇頗多不過唔算醃得好好，現場火鍋肉片同肥牛等火鍋料都有，但肥牛好難食。而飲品，甜品等等餐廳都有準備到。總結，呢個價錢黎講，質素就唔算好高，但選擇種類真係好多，質素我會比3.5/5，但性價比有4/5分。

疫情嘅環境下好多食肆都關閉😆又唔需要等位😬今日行到呢條街❤️見到呢間日韓料理放題好多人😄排隊等位，令到我都忍唔住要去試吓，原來係分時段7:15就開始另一個時段入去現在7:00人群已經布滿😀喺門口已經見到水牌牛仔骨還未溶雪，明顯剛剛從雪櫃取出來，非常有牛味脂肪同肉遍佈均勻刺身都非常新鮮 ，三文魚有少少肥，最重要係刺身夠凍，呢一點完全做得到😊帶子夠厚身，甜甜的，咬落口感一流甜蝦夠晒新鮮肉質爽口吞拿魚雖然不是太肥美，但非常鮮甜多春魚，雞軟骨煎完之後都非常香口😬南瓜較為硬😆所以煎嘅時間比較耐，魷魚so味道調較得剛剛好，夠晒爽口，食到停吾到口食完晒之後覺得好飽但係都食得落兩杯雪糕，味道都有幾款菠蘿味雲呢拿味士多啤梨味飲品有我最愛嘅菠蘿汁甜品都應有盡有，第一次去食放題，有百福豆腐花食😀其次就係有蛋糕味道不太甜，我都食咗兩件湯底種類眾多，選完湯底之後，再去選擇配菜，火鍋配料應有盡有肉類，丸類，菜類，都非常多👍🏻適合唔同人嘅口味😁我最愛嘅當然係肥牛，仲一定要配埋醬料👍🏻蒜蓉，辣椒同豉油🤪

偷得浮生半日閑，今日忽然想食燒肉，就同朋友嚟咗校長燒肉放題，我地揀嘅係$138套餐，有得燒肉，火鍋同任食刺身。講返正題，一入餐廳有職員有為我地量體溫，而座位都有圍板分隔開食客，保持衛生。餐廳有條好長嘅食街，食物種類有驚喜，有非常多種類，各式扒類，三文魚，丸類香腸等應有盡有。呢到仲有得打邊爐，餐廳準備咗d火鍋肉片，肥牛，金菇等，比較suprise嘅係我發現到有韓國不倒翁公仔面，而湯底都有4款選擇，我地就揀咗豬骨湯，炸物方面有我鐘意食嘅章魚小丸子同麥樂雞，至於熟食選擇都唔少，竟然有好大條蒸魚同油雞等，現場見都有大約10款中菜熟食可以揀，就算帶父母嚟都一定有嘢啱食。總結嚟講，以呢個價錢嚟講有咁多種類嘢食可以揀係非常抵食，可以再嚟！

今日我哋去咗元朗校長燒肉食放題，呢間燒肉店面積相當大，需要由地下走一條長樓梯進入餐廳，而且裝修非常別致一進入餐廳就見到自助美食區，這裏的區域分得非常清晰，有花茶區，前菜刺身區，點心區，燒肉區，甜品區，火鍋配料區等等呢一度一個價錢可以又打邊爐又食燒肉，的確比較化算而且呢度仲有中式點心，食物比較多元化，啱晒鍾意唔同菜式嘅人而係呢段期間，餐廳都非常衛生，規定每位進食嘅食客出去取食物的時候必須佩戴口罩呢度嘅甜品種類非常多，例如有唔同水果味道嘅奶凍、椰汁芋頭西米露、啫喱、布甸、芝士餅、蒟蒻椰果、仲有意思最鍾意嘅蜜桃冰菠蘿冰等

校長燒肉呢個名聽咗好耐，周不時都見有promotion，不過元朗咁遠好少過嚟，今日就有機會嚟食一餐啦！去到門口先俾佢嘅裝修吸引左，竟然有一大個Iron Man公仔，小朋友見到好開心即刻影相。行樓梯上一層就係用餐區，一路行已經見到啲食物款式真係超級多，我諗幾百款都有。雖然我哋揀嘅餐係包燒肉、火鍋和刺身三樣嘢，不過我哋主力都係食燒肉，刺身淺嘗，火鍋我都係主力要來淥菜。燒肉來講，我推薦食呢個牛冧肉，薄薄地好快熟，而且真係好腍，好味。另外雞翼有幾種味道，都係好好味！仲有漢堡扒同雞軟骨都係我哋嘅最愛之一。除咗燒肉，其他小食都好唔錯，溫泉蛋我哋食咗好多隻，另外碗仔翅都唔差，但一定要試呢個人蔘雞湯，好濃味又夠足料，飲過返尋味。呢度地方相當大，而服務都唔錯，有侍應主動嚟幫我地換走燒爐上嘅紙，以呢個價錢有咁嘅食物質素和用餐體驗，真心性價比超高，我會再來的。