校長燒肉日韓料理 (西裕街)

營業中

休息中

唔係第一次來呢度喇，來呢度可以一次過滿足晒刺身、壽司、小食、點心、打邊爐、燒肉同埋甜品的慾望！而且佢各樣都有返咁上下水準，所以隔一排我地又會來。刺身方面，我最鍾意呢度嘅三文魚同埋帆立貝，去到櫃檯即點即切，夠凍夠新鮮，好似喺酒店食自助餐咁。壽司方面，炸蝦卷好有驚喜，佢整到似元氣壽司嘅炸蝦卷嗰種特別的味道，平時在元氣因價錢問題都唔會叫太多，呢度可以任食，正。小食方面，有炸物、各式沙律，也有其他日式小食如中華沙律、章魚小丸子，整體質素不錯。點心多款，質素正正常常。食左咁多野，打邊爐錄下啲菜食，平衡番，都會食一些牛肉過下癮。今次發現雞軟骨餃子都唔錯喎。甜品：佢都有啲自家製甜品例如 tiramisu 都幾好食，食埋呢個香港牌子的雪糕滿足晒。

元朗出名多好野食，想食放題，「校長」必然係其中一個首選。晚市黃金時段只係$198 ，朋友生日更有全單88折添。一入餐廳，已經首先見到刺身及壽司區，刺身有三文魚、吞拿魚、希靈魚、蟹棒、玉子、帶子及赤蝦，每次可以揀三款，當中赤蝦更加係每次只可以拎一隻，相當珍貴。刺身食落新鮮肥美，赤蝦好鮮甜，令人拎完一次又一次。熟食區有好多款式，沙律、炸物、熱食同點心都有，當中炸物會不停轉換，保證又熱又脆；而點心有蝦餃、燒賣及鳳爪等等，每籠都係一至兩件，咁就可以食多幾款又唔駛驚食得太飽啦。食完熟食，終於都到主角燒肉啦。燒肉款式包羅萬有，雞牛豬羊都有，當中一口牛入口好多肉汁，而叉燒及雞翼亦醃得好入味，最令人驚喜嘅係腸仔都有幾款，本人最愛就係台灣腸，入口甜甜地好好味。除左燒肉外，仲可以打邊爐添，湯底足足有三款，但因為燒肉款式已經多到食唔晒，唯有下次先試火鍋。咁多野食，又點可以無野飲，呢度飲品款式應有盡有，汽水、無糖茶、唔同酒類飲品，連花茶都有，食飽飽後歎返杯花茶消滯就最適合不過啦。最後當然要食甜品啦，有雪糕、蛋糕、果凍等等，當中仲有充滿童年回憶嘅「大腳板」添！埋單每人都唔駛二百蚊，而且仲有好多野未試，遲d一定要

有次老公話想食放題，大吃大喝，所以就同佢嚟咗呢間乜都有得食嘅校長燒肉放題，有得燒肉啦，亦都有得打邊爐啦，你鍾意食乜都得，因為佢哋又有壽司，又有刺身，有熟食，任君選擇，最緊要係位置坐得舒服，人流亦都唔太多，所以攞嘢食嘅時候都好舒服，唔會太迫，打邊爐嘅湯底有韓式辣湯，豬骨濃湯同埋壽喜燒湯底，肉類亦都多款俾你選擇，燒嘅肉又有，打邊爐嘅肉類都有，有醃料嘅又有冇醃料既都有，飲品亦都五花八門，有茶裏，有啤酒類，有汽水類，竟然最特別嘅係有中式點心俾你食👍🏻👍🏻👍🏻甜品雪糕亦都大把嚟揀，總之你講得出想食乜呢度都有，最重要係價錢非常之咁抵，任食兩小時，包你食到捧住個肚走，我同老公亦都覺得自己好似喺度食緊buffet咁，因為實在太多嘢食俾你揀🤣🤣🤣🤣

校長燒肉自從由西菁街搬咗去西裕街之後我都未去過佢新嘅舖頭幫襯下，今日有幸可以坐喺校長室食燒肉，裝修咗嘅校長燒肉比以前嘅舖頭大左幾倍嘢食嘅種類真係好多好多有燒烤食物，火鍋材料燒烤食物有咖喱雞扒、韓式雞扒、土匪雞翼、印度風味雞翼、多春魚、秋刀魚、三文魚呢邊仲有雞軟骨粒、一口牛、西冷牛扒、牛肉片、魚柳、叉燒仲有唔少中式點心同埋熟食添呢度有薯格、葡撻、洋蔥圈甜品款式都非常之多，有芝士蛋糕、奶凍、啫喱、豆腐花壽司就有蟹柳壽司、虎蝦壽司、帶子壽司、三文魚壽司唔同嘅卷物，仲有刺身添最後就拎好晒啲嘢返埋位就可以慢慢燒喇，最欣賞呢個地方係燒烤油煙唔會太大，白色嗰塊燒烤紙係可以不斷咁換總括嚟講價錢唔貴，仲可以燒足兩個鐘，非常抵食

係元朗行行下，見到間外觀好韓國風既燒肉店就比佢吸引左過去睇下個餐牌價錢，咁岩去到又係佢個黃金時段既開始，就直接係到食晚餐了。一行入去就見到隻大大隻晚iron man模型，而周邊既牆身/餐廳內既設計都好特別，未開始食都已經有一種好放鬆既感覺！一行出去拎野食，空間好大，而有既食物都好多好豐富，包羅萬有！前菜有沙律、湯，而其他亦有刺身壽司、中式熱食、炸物、特色小食、火鍋既湯底配料、同埋成晚既重點👍🏼燒烤既肉類！有既食物種類真係好多，多到無可能全部食得晒，打破左我對燒肉放題淨係得肉食既傳統觀念。一開頭我地就先試左刺身壽司同埋炸物小食先。刺身壽司既選擇都算多，而有既款式其本上都係最熱門既款式，魚生既鮮味都幾好，而炸物小食味道都好好，但呢啲都只係前菜，所以都係食左少少就足夠！其後就開始主攻燒烤既肉類了，選擇真係好多，睇到有啲眼花撩亂！我都試左好多款肉類，當中食完印象最深刻既有肥牛、五花腩、鴨腔肉、雞翼、雞軟骨、牛同埋叉燒。肥牛同埋五花腩燒至帶些少焦香，入口咬落既肉味同埋油脂所帶黎既滿足感真係好難用文字黎形容。另外淨係雞翼既味道都有三種選擇，當中比較推介土匪雞翼，味道濃郁好入味，但雞翼較難熟，燒時要

話說琴晚冇食晚飯 所以超肚餓咁睇吓OpenRice嘅評語⋯見到 嘩⋯好似好正喎！價錢又平 又多選擇～咁今日就即刻同朋友做完運動就去食～咁我哋食午餐個一輪（$88）（另有加一服務費）上到去其實都好多選擇嘅以前都食過嘅 記憶中係普通 麻麻地… 今次再俾多次機會佢 去新鋪試吓啦～睇評語話咩燒賣幾好食 點知⋯好難食😣以下相片拍嘅嘢 就係今日食啲野⋯基本上啲肉冇拎過第二round 就係食下面影嗰啲總括嚟講 稍為好食啲嘅 係雞扒 、麻辣雞腎豬肉片都還可以嘅 都有啲香味 建議食法可以加埋泡菜再加生菜一齊食～不過呢 就啲豬肉片有啲厚 同埋有啲軟骨最好食係醃蘿蔔！同埋之後最後拎既「柑肉巨峰果凍」🤪因為浸味好似日本嗰啲蒟蒻 所以最後食咗兩兜同埋加一個芒果味😅 炸香蕉糕千祈唔好拎 因為浸味超級假 走嗰陣時見到隔離枱一個人食得超勁！我諗佢係食咗成5-6碟肉 嗰個經過都望住佢⋯真係好誇張所以奉勸大家 下次肚餓嗰陣 揀嘢食都要小心啲🤪咁呢個價錢就唔好預期食到啲咩 所以係冇差評就係咁解 同埋朋友一問我 ：「好唔好食？」我就同佢講：「係呢度唔應該問呢個問題😀」不過中學生就好啱喺呢度食嘢 令我諗起以前中學時代成日去食

屋企人介紹元朗有間放題,黃金時間段收費$198，任食：刺生、壽司冷盤、燒肉、火鍋同各類熟食，聽到咁多選擇，所以就book位去食；準時7：15pm入去，一於行一圈相機食先📷刺身有三文魚、赤蝦、希靈魚、帶子、吞拿魚同螺肉，有好多選擇，每次可自選3款，每款2件；鮮味十足，淨係刺身都足本。壽司都有好多款式，一d都唔馬虎，而且壽司飯口感同醋嘅調配都好好，我哋都食咗幾件。燒烤方面真係要讚👍超過40款肉類任君選擇，雞翼有3個口味；連魚類都有4款唔同可以揀，比燒烤場款式都多。一入到去好餓都唔怕因為熱盤都有好多好嘢😁有炸物，雞全翼新鮮炸起，味道正過一般茶餐廳；日式薯餅外脆內軟，薯類粉絲記得食；重有點心，蝦餃燒賣都有，就算老人家嚟度都有嘢岩食，呢間放題真係好周到❤️今次未夠大胃王所以未食到火鍋，下次再同屋企人嚟食；食埋個本地雪糕品牌雪糕做甜品，滿足晒！

早前同朋友去咗校長燒肉度食放題 其實呢間燒肉已經食咗幾次 知道質素都唔錯 而且價錢唔算貴 算係性價比高 呢度除咗有燒肉之外 亦有火鍋炸物熟食甜品飲品任飲等等 亦有刺身同壽司 燒肉種類繁多 豬扒雞扒牛扒就唔在講 仲有我至愛嘅雞翼同咖哩魷魚 醃得夠味 燒上嚟好好味 火鍋料亦有肉有蔬果有麵 啲料都新鮮同乾淨 小朋友就鍾意食出面啲炸物 有時有薯角 有時又有咖哩角等等 都算熱熱地仲脆既 甜品有啫喱蛋糕雪糕等等好多選擇 滿足開心 推介

早年前在舊店食過呢間,有一日行經見番呢個熟悉名字,加上原來搬大咗地方,所以預早一日打電話book 位食。晚市放題分四個時段,由5:00pm-11:30pm, 價錢由$108-$148不等,我哋揀了7:15-9:15pm 共2小時的時段$198/位另加一餐廳要行上一層, 上樓梯時見到放咗隻好大嘅 iron man都幾吸引, 唔知老闆係咪粉絲呢呢間餐廳環境開揚闊落,坐得舒服, 而且食物種類多。入座後,先在餐廳自助區內逛一圈先。自助吧食物應有盡有,有韓燒、火鍋、刺身、小食、沙律、熟食、飲品同甜品區等,全部都任食因太肚餓,先嚟轉冷盤先,刺身有三文魚、吞拿魚、帶子、長腳蟹食材非常新鮮又鮮甜仲有壽司大大件。至於沙律有車厘茄、薯仔和沙律菜,又係好新鮮。熱盤主要有蒸魚、蔬菜、洋蔥豬扒等、仲有薯條、薯格,同一籠籠熱辣辣點心。🔺燒章魚丸炸起唔會太多粉,足料🔺芝士波有咬口🔺葡撻個皮焗得鬆脆吃了熟食後,便開始燒食物。燒烤配料大概有50款左右,有腸仔、雞扒、牛扒、豬扒、雞翼、金莎骨、义燒、五花腩、魷魚等。🔺雞翼醃得入味,烤過後仍保原汁原味。🔺雞腎、牛柳粒及豬軟骨幾有咬口。🔺牛扒肉質嫩滑,有牛味。🔺牛扒又係啖啖肉

今個月咁啱撞正朋友生日 生日之星當月有88折 今日食19:15至21:15呢一輪 平日每位$198/位 任飲任食兩小時 瘋狂韓燒+瘋狂打邊爐 兩小時瘋狂勁擦後 我的肚子像懷孕了三個月壽司超吸引 好多唔同款式 全部擺放得整整齊齊 色香味俱全 特別欣賞火炙三文魚腩壽司 魚片肥美光澤 鮮味非常 有種入口即溶嘅感覺冷盤方面最令我意外的是竟然有長腳蟹 百多元的自助放題 竟然能夠提供自助餐才能吃到的高級食材 長腳蟹海水味非常重 蟹肉一梳梳 極度鮮甜 海蝦鮮味又彈牙 非常爽口刺身方面質素也不錯 整體沒有雪藏味 有充分時間解凍 入口時刺身還是微凍的 刺身蝦大過手板 肉質爽而彈牙 蝦頭有膏 味道甘甜 鮮帶子軟綿綿 榮螺脆口自助韓燒及火鍋肉類 款式多羅羅 光是牛肉都有好幾款唔同部位 有醃製的 有原味的 任君選擇， 雞扒/腸仔/午餐肉/多春魚/三文魚/龍利柳/豬扒/豬頸肉/雞翼… 不能盡錄 總之就好豐富啦本人很喜歡多春魚 燒過以後整條都能吃下肚 魚春脆卜卜 口感超棒的整體食物質素很好 肉類還有原本的肉質和味道 燒過以後還是有肉汁的 餐廳用牛油紙鋪底 這個做法很聰明 可以避免食物黐底 有需要的話只要更換牛油紙

趁著有空，又和朋友來校長燒肉日韓料理大吃一餐！這是一間令人不停想再來光顧的店鋪啊！來到這裏，最先入眼的當然是琳琅滿目的飲品櫃，旁邊還有熱花茶選擇，款式多樣。店員帶我們坐下後已經迫不及待要出去取東西吃。整個放題自助區域可以分為幾部分，包括日式區、燒肉區、火鍋區、熟食區、甜品區。首先我到了日式區取刺身，這裏刺身選擇很多，除了基本的三文魚、蟹棒外，還有帶子和赤海蝦。旁邊還有各式壽司、沙綠可取，真是猶豫酒店自助餐呢！然後再到了熟食區去了點心，點心小小一籠不會太多，炸物熱辣辣，還有很多中式熟食可取，帶兩個胃來都不夠裝！接著到了鼎鼎大名的燒肉區取燒肉，一排排選擇在我眼前，選擇多元化，單單是牛類也有好幾種，最喜歡拿牛仔骨和金菇肥牛卷來燒。魚類、雞類也有辣與不辣的選擇，照顧每個人的需要！這裏還有一整條秋刀魚可取來燒，是燒肉放題少見的食物啊當然我和朋友最愛的就是雞軟骨，燒完加上椒鹽，真的惹味可口！除了燒肉，當然也要一試火鍋、火鍋湯底選擇了壽喜燒湯，主要用來煮一點青菜吃，感覺不會太油膩！最後來到甜品櫃，有各款小杯布甸、奶凍等。還有西瓜冰、龍眼冰、菠蘿冰，真令人驚喜！雪條方面還有dreyers提供，真是值回

今日同好耐冇見朋友約出來食過午餐，所以約去食中午任食餐廳。因之前己經試過他們舊舖，所以今次去新舖試試。一上到去見地方大了許多，食物擺放位置多了，感覺很舒服之前已經食過晚餐今次食午餐，食物整體冇話午餐就因價錢下降 每張枱位置都有距離所以唔會覺得太迫。因為他們舖頭上了1樓，所以要行上去，但條樓梯扶手因裝修關係，唔係直線所以扶起上嚟比較麻煩如有老人家去食就要小心。中午價錢最貴$138最平$98，本人認為 超值，有基會會再去食過

星期日去咗元朗食韓燒，環境比起其他韓燒餐廳大好多，坐得好舒服😬。最重要係食物款式好多，咩肉類都有起碼超過10幾款。🥓除咗韓燒食物之外，仲有刺身壽司點心甜品，包羅萬有。100%推介

Food was foodWe enjoyedOnly one problemTable71, water is leaking and it got my bag wet😥You guys should fix that

早排經過元朗見到有間性價比幾高嘅餐廳有齊放題邊爐燒肉分享吓先～.一入到去就見到有一堆壽司壽司款式唔算多 但係味道尚算不錯另外有刺身可以選擇 有三文魚帶子等等刺身都算新鮮 比較推薦三文魚燒肉方面 肉類選擇非常多牛豬羊全部都齊 而且部份有醃料味道唔錯！另外仲有熟食區有蒸魚丶牛尾骨丶咖喱雞等等熟食選擇都算幾多！味道亦都唔錯最特別係見到佢有點心區不過味道就中規中矩 冇乜特別仲可以打邊爐 有三款湯底選擇亦都有火鍋料可以拎甜品方面一般雪糕蛋糕都有.總括而言 食物選擇非常多味道亦都唔錯👍🏻可以燒肉放題邊爐集於一身 啱晒咩都想食啲嘅朋友仔！而且價錢唔貴 性價比高！.校長燒肉日韓料理Captain Japanese & Korean Restaurant地址：元朗西裕街達輝徑1號足彬大廈1樓3B號舖