校長燒肉日韓料理 (西裕街)

營業中

休息中

生日行山和好友欣賞完千島湖清景台美景後，回程到來校長燒肉食放題，任食確實幾開心的。一入店內便望到樓梯間放置左件人型大小的iron man模型，相當逼真有型。而餐廳算幾大，張張都大枱座位疏鬆，枱與枱相隔遠，好有自成一角的感覺。放題分左幾個時段，當中我地揀左五點食到七點，兩小時都係每人$148，仲包埋刺身都算抵。該店可同時燒烤和打邊爐，美食選擇多，除了各類燒肉外、壽司刺身、中菜點心、沙律甜品樣樣都有。飲品有清酒、梅酒、汽水、罐裝飲品及紙裝飲品，當中最喜歡清涼爽，解渴解燥又無氣，飲多都唔易飽肚。燒烤食材食材勁多選擇，就算豬牛雞都分左不同部位和口味。食材有一口牛、蒜香牛肋條、蒜香牛扒、豬扒、牛仔腸、香草魚柳、韓風魚柳、秘製叉燒、金沙骨、麻辣雞腎、一口豚、咖哩雞軟骨、麻辣雞軟骨、蒜香雞軟骨、梅肉片、豬五花、牛五花、多春魚、秋刀魚、三文魚、鯖魚、魷魚鬚、魷魚翼、雞扒、韓風雞扒、咖喱雞扒、雞中翼、土匪雞中翼、印度風雞中翼、韓風雞中翼、炸魚蛋、貢丸、豬柳漢堡、煙鴨胸、芝心丸、麻吉燒、日式蟹柳、紅布腸、雞肉腸、台灣腸、午餐肉、火腿片、芋絲、四方魚腐、金菇、金菇肥牛卷、牛油雜菌、雞軟骨餃子等等。在煎鍋上放

今次要分享嘅哩間燒肉放題 性價比好高！成人嘅收費只係百幾蚊而又可以食到燒肉、火鍋、刺身、壽司、蒸點、炸物、清酒、甜品、雪糕......💜超多款式 想食乜都有而我個人重點推介以下幾款：🔸刺身：三文魚同蝦都好正，肥美大件彈牙！🔸壽司：款多，同埋啲壽司飯做得好好🔸海鮮類：啲魚大部分都好食，又嫩滑又厚🔸雞翼：大隻而且好入味！咖哩味最香！🔸炸格格薯塊：好香脆🔸人蔘雞湯：飲落好舒服、冇味精，人蔘味唔算強，但湯夠濃🔸腸：有好多款，脆皮腸最正🔸清酒：微度底、易入口，清清地又有米香🔸飲品：種類比其他放題多，仲要有維他系列同埋有汽利賓納！✅其實佢太多嘢食，我哋一次都試唔哂。咁多種類而質數唔差，真係堅抵食！

其實我哋校長燒烤都幾熟悉, 不過呢以前就係去荃灣嗰間多嘅, 而家喺元朗做嘢咁今次就嚟元朗試一試一樣都係有好多嘅食物選擇, 我哋一家人過嚟食放題最緊要就係種類多每個人都有自己啱嘅食物, 估唔到呢度嘅擺設好似酒店buffet咁, 蓮點心都有真係好多好多選擇燒肉保持一貫水準, 好入味魚生好肥美, 蝦都係超大隻火鍋今次就試咗壽喜燒, 食完咁多肉食返啲菜中和下甜品就梗係大家嘅favorite, 奶凍, 冰菠蘿, 海鹽雪糕都有, 食完真係大滿足最重要最重要係性價比極高$148可以食咁多野,真係超抵, 唔怪得五點幾已經滿曬客, 記得下次嚟要book枱先

校長燒肉又到放假當然就係約朋友去食飯啦，朋友話最近有間燒肉店午餐做做緊優惠所以啱晒食肉獸嘅我哋見到佢哋午餐都做緊個優惠百零蚊就可以食到燒烤，再加多少少錢仲可以食到刺身同火鍋，啱晒選擇困難症嘅我哋火鍋仲可以自己選豬骨，清湯或者壽喜燒湯底😬而且佢哋嘅配料選擇都幾多燒烤佢哋嘅選擇都幾多，淨係雞軟骨都已經有好多種唔同嘅味道有韓式又有麻辣飲品方便選擇都好多，有啤酒有汽水，唔鍾意飲凍野嘅朋友仲可以選擇花茶朋友都覺得幾抵食呢個價錢，提供一個唔錯嘅食物質素

超高質燒肉放題😍😍除咗燒肉，連中式，日式，泰式都有，一次過可以食晒唔同款😍😍仲有炸物添🥰燒緊嗰陣可以拎熟食，勢要爭分奪秒🤣超大粒蝦餃，食咗勁多粒😂😂炸物即炸😍😍加分！超多肉汁😘

首先價錢真的超實惠，普通的98元齋燒肉已經有挺多選擇，有我心心念念的韭菜，可以自己燒韭菜，不過調味料再加個椒鹽就好了，店內裝修可能開了挺久，有點舊了，凳都有點脫皮，有個比較暖心的服務，下邊抄車牌，店員會提醒樓下有抄牌，通知大家，加分

2021年2月19日晚市燒肉自助餐7:15pm-9:15pm成人$198+10%=$218出示長者咭減$10 即$208個人覺得刺身最好：赤蝦、帶子、三文魚壽司都很好，飲品種類多，有啤酒燒烤生料就喜歡：土匪雞翼、金沙骨有長腳蟹及凍蝦，但係啲肉質好奇怪，應該係冰鮮得太耐溶雪之後嘅效果，唔好食熟食及甜品都冇以前咁好，以前有蝦餃及燒賣很好吃，而家蝦餃出咗一轉就冇再出，不過都不好吃，品種及出品都今非昔比。唯一可取之處，這個地方有冷氣，可以任飲任食慢慢坐兩個鐘頭，價錢又唔算貴。今餐主力食刺身及飲品

韓風辣湯火鍋，味道香辣、惹味，火鍋配料包括有麻吉燒、魚腐、蟹棒、香腸、竹輪、芝士包心丸、芝士腸、烏冬麵。韓燒食材，包括有梅肉片、美國一口牛、漢堡扒、金菇肥牛卷、牛油雜菌、牛肋骨、雞軟骨餃子、加拿大頂級肥牛片。壽司，包括有豆皮壽司、蟹棒壽司、綜合卷物、芝麻鰻魚壽司、三文魚壽司、帆立貝壽司，綜合卷物嘅餡料包括青瓜、蟹柳、玉子、黃蘿蔔。熟食，包括有粟米蛋花湯、炸餃子、葡撻、章魚小丸子、咕嚕肉、日式煎餃、日式酸薑、醃白蘿蔔、地瓜球。蒸物，包括有茶碗蒸、小籠包、奶黃包。雪糕，包括有玄米茶雪糕、抹茶雪糕、椰子雪糕、香草雪糕，口感細滑、煙韌，味道濃郁。泡芙，口感鬆軟，忌廉味道香甜。罐裝飲品，包括有SUNDROP天然酸桔汁、SUNDROP優質牛奶咖啡。自選花茶，胎菊茶、茉莉花茶，飲落好清香，茶味濃淡適中。

中午個陣我男朋友有啲肚餓，我同佢講不如去食校長燒烤啦！咁就一齊去樓下就有個女仔接待我地，而毛地今次揀左$138（燒烤，刺身，打邊爐）嘅放題！其實今次我都係第一次去食我地一上到去，職員就好好人安排左卡位兩人枱俾我哋，而我哋好快就出去揀野食有唔同各方面嘅美食，我都差啲流晒口水（講笑😂😂😂）溫馨提示：（如果你想拎刺身佢係啲職員係要你俾個貼紙俾佢哋睇先可以俾係拎）啲壽司同三文魚刺身食一次就足夠，唔好要求太多（但都交下相先）😀 之後就開始燒嘢食啦！燒土匪雞翼，我最中意食😋燒野食嘅相唔係影得好多！請見諒🙏🏻仲有花茶專區，有唔同嘅茶放便大家可以食到有啲飽可以唔使怕肥啦最後兩個人埋只係$302！

知道校長燒肉這間放題很久，終於來試試了。安排入座後，就出去走一圈看看。看得真讓人興奮雀躍😆，因為實在太多食物選擇，已經急不及待要起動了，而且那刻滿餓的😂。有韓燒和打邊爐用的各款肉類和蔬菜、沙律、刺身、壽司、海鮮、熟食、炸物、水果、甜品、雪糕，甚至連點心都有！真是全包宴😂，不得了😆。刺身和壽司款款都新鮮味美，火炙三文魚和左口魚更是焦香和油脂滿滿。肉類十分多選擇，基本上全部都很讚，沒有一款讓我們失望。說幾款特別喜愛的。好像雞軟骨，有三款味，分別原味、咖喱和麻辣，燒烤後全都好美味，香脆而味甘😋。肥牛片、豬五花、牛肋條、金沙骨、多款雞翼，全都肉味香濃油脂四溢，要吃完再吃🤤。然後麻吉燒中間的麻糬口感軟彈，加上外面的魚漿，完美配合。孜然肉棒，每一啖都是濃濃的孜然和豬肉油香味，不得了。台灣腸，燒過後焦香惹味。魷魚，十分新鮮彈牙，又一吃完要再吃的選擇。薯仔沙律和蘋果沙律都好味。竟然有大腳板，還有一款韓國奇異果味雪條，第一次見。這次放題吃得很開心滿足，因為食物選項真的包羅萬有，而質素也很好，這個價格，校長燒肉非常超值。

在元朗區短期工作快將完結,趁著此刻當然相約住在附近的好友來個飯局聚聚;好友比較喜歡食放題,原本想去打邊爐放題,但又有點擔心近期疫情,經過大家商議之後就有了決定--元朗校長燒肉;從大馬路過去不過是5分鐘左右的腳程,在約定的時間見到好友後就立即進入食店了;疫情之下,量度體溫機基本上是必要裝置,第一步也必須要做的;依舊是熟悉的環境,之後侍應生帶領我們經過擺放食材食物的走廊就讓我們坐下來,在安頓好隨身物品後,好友與我馬上起行去拿取食材,展開2小時的美食之旅了!在款式豐富,有不錯質素的肉類食材中,鴨胸是當中的表表者;其次是雞中翼,有多款味道可選;先選了土匪及印度風雞中翼,混以麻辣雞腎,一口牛肉,香草魚柳,放在鋪上隔油紙的滾熱的煎鍋上,翻弄了幾下已開始釋出本身的油脂,眼看顏色的轉變,伴隨著煙燻及本身的香氣,灑上海鹽,即磨胡椒粒,少許七味粉,美味的食物就是這般煉成的!因場內免收開瓶費,用自帶的法國紅酒,配上最快煎熟的麻辣雞腎,鹹香及麻辣味的恰到好處,酒中的酸度及果香,加上雞腎的爽脆滑爽,即時開啟了味蕾,留下美好的印象!通過烹煎,將一口牛的油脂逼出,入口除卻充滿肉味及肉汁外,也更添嫩滑!接著是香草魚柳

食生日飯當然揀d有生日優惠既餐廳啦見到有88折咁抵即刻去食啦。就收工時間我食7點3既時段，職員好準時放我地入去。入到去我有點嚇親係好似酒店自助餐咁出去拎，而且野食好多。有刺身壽司甜蝦正呀好新鮮。仲有冷盤沙律海鮮呢個價錢竟然有長腳蟹同蝦食真係好過份。有熱食，點心，有燒烤肉類，亦有掛邊爐嘅材料真係花多眼亂。甜品櫃都有2個海鮮夠新鮮又乾淨。肉類都唔差有不同醃料，唔夠既話枱上有調味料俾你。環境好乾淨亦都好注意衛生，熱嘅嘢食會蓋好保持着溫度，而燒烤打邊爐生既野亦會分開蓋好。甜品每樣小小都有試好食！唔好過甜，雪櫃仲有雪糕雪條性價比好高嘅任食自助餐。

唔係第一次來呢度喇，來呢度可以一次過滿足晒刺身、壽司、小食、點心、打邊爐、燒肉同埋甜品的慾望！而且佢各樣都有返咁上下水準，所以隔一排我地又會來。刺身方面，我最鍾意呢度嘅三文魚同埋帆立貝，去到櫃檯即點即切，夠凍夠新鮮，好似喺酒店食自助餐咁。壽司方面，炸蝦卷好有驚喜，佢整到似元氣壽司嘅炸蝦卷嗰種特別的味道，平時在元氣因價錢問題都唔會叫太多，呢度可以任食，正。小食方面，有炸物、各式沙律，也有其他日式小食如中華沙律、章魚小丸子，整體質素不錯。點心多款，質素正正常常。食左咁多野，打邊爐錄下啲菜食，平衡番，都會食一些牛肉過下癮。今次發現雞軟骨餃子都唔錯喎。甜品：佢都有啲自家製甜品例如 tiramisu 都幾好食，食埋呢個香港牌子的雪糕滿足晒。

元朗出名多好野食，想食放題，「校長」必然係其中一個首選。晚市黃金時段只係$198 ，朋友生日更有全單88折添。一入餐廳，已經首先見到刺身及壽司區，刺身有三文魚、吞拿魚、希靈魚、蟹棒、玉子、帶子及赤蝦，每次可以揀三款，當中赤蝦更加係每次只可以拎一隻，相當珍貴。刺身食落新鮮肥美，赤蝦好鮮甜，令人拎完一次又一次。熟食區有好多款式，沙律、炸物、熱食同點心都有，當中炸物會不停轉換，保證又熱又脆；而點心有蝦餃、燒賣及鳳爪等等，每籠都係一至兩件，咁就可以食多幾款又唔駛驚食得太飽啦。食完熟食，終於都到主角燒肉啦。燒肉款式包羅萬有，雞牛豬羊都有，當中一口牛入口好多肉汁，而叉燒及雞翼亦醃得好入味，最令人驚喜嘅係腸仔都有幾款，本人最愛就係台灣腸，入口甜甜地好好味。除左燒肉外，仲可以打邊爐添，湯底足足有三款，但因為燒肉款式已經多到食唔晒，唯有下次先試火鍋。咁多野食，又點可以無野飲，呢度飲品款式應有盡有，汽水、無糖茶、唔同酒類飲品，連花茶都有，食飽飽後歎返杯花茶消滯就最適合不過啦。最後當然要食甜品啦，有雪糕、蛋糕、果凍等等，當中仲有充滿童年回憶嘅「大腳板」添！埋單每人都唔駛二百蚊，而且仲有好多野未試，遲d一定要

有次老公話想食放題，大吃大喝，所以就同佢嚟咗呢間乜都有得食嘅校長燒肉放題，有得燒肉啦，亦都有得打邊爐啦，你鍾意食乜都得，因為佢哋又有壽司，又有刺身，有熟食，任君選擇，最緊要係位置坐得舒服，人流亦都唔太多，所以攞嘢食嘅時候都好舒服，唔會太迫，打邊爐嘅湯底有韓式辣湯，豬骨濃湯同埋壽喜燒湯底，肉類亦都多款俾你選擇，燒嘅肉又有，打邊爐嘅肉類都有，有醃料嘅又有冇醃料既都有，飲品亦都五花八門，有茶裏，有啤酒類，有汽水類，竟然最特別嘅係有中式點心俾你食👍🏻👍🏻👍🏻甜品雪糕亦都大把嚟揀，總之你講得出想食乜呢度都有，最重要係價錢非常之咁抵，任食兩小時，包你食到捧住個肚走，我同老公亦都覺得自己好似喺度食緊buffet咁，因為實在太多嘢食俾你揀🤣🤣🤣🤣