影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
咁多國家菜系中，日本菜算喺較多食嘅之一，然而，日本菜中，就以日式放題比較少食，大抵無以前咁食得，就好似自助餐都食少咗。最近，有朋友就極力推介呢一間新開嘅放題店「極．大瀛喜」，所以，就趁機同朋友嚟聚一聚狂野哋食番餐。成日話香港飲食業生意唔好，但嚟到真喺好大反差。先講個環境，地方好大，樓底又高，最欣賞喺間開唔同區域，分為A、B、C、D……朋友嚟到都易搵啲。雖然以金色為主調，有種金碧輝煌之感，但一啲都唔俗氣，通道、座位都好闊落，令用餐體驗更好。我哋揀食中午，平啲吖嘛，12:00pm開始陸續入座，一區一區坐滿，最後，近乎全院滿座。星期六、日、假期午市做到5:30pm，我哋食完離開時一樣見有人入座。而且，可以食足3小時，夠晒時間慢慢嘆。餐環境講咗咁多，順便介紹埋自助食物區，就晌入門口左邊，地方都好大，通道同樣闊落，唔怕人撞人。掃視一番，絕對令人花多眼亂，非常多元化，睇相你都見，照顧到唔同年紀層嘅人，包括有30多款冷盤小食、沙律，以及自助餐常見嘅凍海鮮，仲有燒味、炸物、熱湯、點心、生果、甜品、雪糕雪條、軟雪糕搭多種配料、自助茶啡、果汁、自家製健康飲品，同埋一大櫃多到數唔晒嘅飲品。淨喺呢個自助區都可以食飽人啦！除咗出面自助食物區之外，呢一款「放題A」可以點嘅食物分類有刺身、創作刺身、串燒、燒物、卷物、軍艦、壽司、創作壽司、火炙壽司、炸物、天婦羅、一品料理、煮物、蒸焗鐵板燒系列……等等，相信計計埋埋晒有超過百款食物。價錢就分日子、分時段，自行研究研究。如果貪心少少想食多啲貴價菜式，可以選「放題B」，等同「放題A」加多$80，就有近10款特別嘅菜式任點任食，例如：拖羅、北海道帶子吞拿魚蓉魚籽杯、上湯芝士焗龍蝦伊麵底、油鹽焗奄仔蟹……等等，等陣再分享！掃二維碼落單成為趨勢，一來減省人手，亦減少人為出錯，二來點咗乜可以睇番，一清二楚少咗啲爭拗，好老實，今日成餐飯都無漏單，至多有一、兩款食物上得較遲。更值得一讚嘅喺，有咩要注意晌單度都溫馨提示埋，所以，頭2.5小時主要食二維碼落單嘢，剩番30分鐘，就主攻自助區嘅甜品！飲品喺自助食物推影完相，第一件事就喺順手攞埋嘢飲，小弟一起手就先試柑桔青檸汁同洛神花檸檬茶，兩者都喺自家製，喂！有誠意喎，前者酸香清新，後者酸爽清香！放題B精選既然選咗「放題B」，第一轉就梗喺試晒所有菜式啦，包括：鱈魚乾海膽吞拿魚蓉Taco、拖羅、火炙A5和牛伴海膽、海膽三文魚籽親子杯、北海道帶子吞拿魚蓉魚籽杯、鯛魚薄切、魚籽醬配餅乾、上湯芝士焗龍蝦伊麵底、油鹽焗奄仔蟹、皇子糯米乳豬。款款都賣相精緻，一啲都睇唔出喺放題出品，同晌日式餐廳食嘅無分別，而且，用料新鮮，食材嘅配搭亦有心思，個人推薦鱈魚乾海膽吞拿魚蓉Taco、北海道帶子吞拿魚蓉魚籽杯、火炙A5和牛伴海膽，當然其他都好食，但呢3款晌食材配搭上好有驚喜，味道豐富。刺身、創作刺身食放題，唔易飽肚又較回本，唔使多講都喺刺身啦，10多款就揀啲少食、又貴價啲，包括松葉蟹腳、大赤蝦、藍鰭吞拿魚、北海道鮮帶子、北寄貝、象拔蚌，師傅更擺得好靚仔，更以冰鎮住，絕不馬虎。整體食落質素唔錯，蟹腳有海水嘅鹹鮮味，魚生鮮味十足，貝類又具咬口，值回票價。另一分類嘅創作刺身，都試咗4款：酒醉鮑魚、醬油乳山蠔、泰式虎蝦及櫻桃鵝肝，款款都做得的的骰骰，而且食得出食材高質，味道、口感都上佳。串燒、燒物、炸物再落嚟呢一轉就試啲熱氣嘢，一口氣點咗6款大家都最想食嘅：鹽燒牛舌、香草燒羊鞍、燒溫室甜菠蘿、極品金枕頭榴槤燒、榴槤炸彈及3.6牛乳脆皮鮮奶。牛舌、羊鞍真喺無得彈，燒得恰到好處，濃濃嘅獨有味道，而兩款榴槤嘢食，真喺滿足到我哋好榴槤之人。凍海鮮食完幾輪嘢，又加一堆熱氣嘢，喺時候回回氣，所以，出去自助區拎咗少少凍海鮮謏返嚟過過場，估唔到又幾唔錯喎，蝦肉、螺肉都好爽口鮮甜，而青口口感柔軟，唔會好似擦紙膠咁韌。蒸、焗、鐵板燒呢個系列其實都好吸引，不過，去到近尾聲，真喺食唔落咁多，仲要留肚同甜品搏殺，故此，精選咗3款一試，包括：甘鯛立鱗燒伴黑松露忌廉汁、金銀蒜蓉粉絲蒸蟶子皇、川式珍寶生蠔燒。以前食過立鱗燒，專登嗌嚟俾朋友一試，佢大讚好正，魚鱗脆到不得了，而蟶子鮮甜惹味，生蠔辣而不嗆，蠔味夠濃。甜品大募集小弟向來都好鍾意食甜品，所以，臨尾點都要留番兩乘空間俾甜品，先試噝二維碼落單嘅海燕窩椰汁燉木瓜同法式麵包開心果誘惑，前者燉得夠火喉，木瓜又腍又甜，加埋椰汁，好潤；而後者賣相極具打卡感，麵包外脆內軟，襯上雲呢拿雪糕同開心果醬，絕對喺甜魔誘惑。終極一戰喺晌自助區拎番嚟嘅「拼盤」，有Häagen-Dazs雪糕、Dreyer’s雪糕、榴槤雪條、榴槤大福、芒果糯米糍、芝士撻、芝士餅、焗榴槤布甸及蜜瓜軟雪糕配Nutella榛子朱古力醬，原來呢部Nutella機暫時喺全港獨有，加咗當然好食好多，至於其他甜品，都同樣好味，實在大滿足。今餐真喺食得稱心滿意，不單地方大，環境好，食物選擇多，供應充滿，而且，上菜快，又無漏單，招呼好好，啲店員好有禮。由頭領放到尾，除咗我哋嘅食力有番咗上下，點菜策略亦得宜，自知無可能試晒所有嘢，重點出擊啲心水菜式，先可以食得咁盡興！
繼續閱讀
身為海鮮同日式放題嘅忠粉，見到呢到主打新鮮刺身、頂級海鮮同日式料理，仲有自助熱葷同甜品區，簡直係我嘅夢幻天堂！🌊🍴 餐廳環境寬敞又熱鬧，掃QR Code落單超方便！刺身拼盤靚到爆，北海道帶子 甜美彈牙，油甘魚 油香滿滿，三文魚厚切 食落好爽！🦑🍣 甜蝦同虎蝦 都鮮甜到停唔到筷！😋 我地升級咗做B餐，一定要食返夠本！ 🌮 鱈魚乾海膽吞拿魚蓉TACO：海膽濃郁＋吞拿魚蓉鮮香，配上脆口TACO，好有創意！ 北海道帶子吞拿魚蓉魚籽盛：魚子醬鹹香＋帶子鮮甜，夾到正爆，食完即刻想encore！🦪 油鹽焗奄仔蟹：香味濃郁，蟹肉嫩滑入味 🦀 波士頓龍蝦：肉質爽彈，鮮味爆棚 🦞 魚子醬伴A5和牛薄燒：牛肉香濃，加埋魚子醬鹹鮮，入口層次超豐富！🥩✨ 熱食一樣出色！ 金銀蒜蓉粉絲蒸蟶子皇：蒜香十足，蟶子juicy到不得了 皇牌燒乳鴿王：皮脆肉嫩，咬落好香 壽喜燒牛肉鍋：湯底甜美，牛肉濃香滿滿 🍲 自助區 要自己出去攞，但選擇多到眼花撩亂，仲有呢部Nutella醬機！抹喺雪糕或者甜品上，甜到心坎入面～🍫🍨
繼續閱讀
依排多左人講日式放題！！！好似好多間都好吸引！今次去左荃灣，依間新分店據講占地勁大，上菜速度都ok～而且佢哋係全線第一間推出A餐同B餐選擇嘅分店，我今次簡咗B餐，真心性價比高！仲要有啲只得荃灣店獨有的菜式🥹簡單黎講，A餐已經包羅萬有，但B餐有多啲高級食材，只係A餐加多$80而已。當日我平日夜晚9:30先到😂想講仲有好多人等緊位，敢講係成個商場最多人既地方😂💎B餐升級精選💎🦞波士頓龍蝦- 龍蝦肉彈牙，任叫好似去左食自助餐咁🦀油鹽焗奄仔蟹- 見到好多膏，油鹽焗咸咸地🐮A5和牛薄燒- 油脂豐腴，火炙後油香四溢，🍣鱈魚乾海膽吞拿魚蓉Taco - 脆口嘅鱈魚乾杯載住海膽同吞拿魚蓉，口感層次豐富，鮮味十足。必叫🫶🏽✅A餐必試菜式🍒櫻桃鵝肝- 造型精緻，口感似慕斯般滑溜🦐油鹽焗大頭蝦- 鹹香惹味，蝦肉爽彈。🍜金湯花膠蟹黃翅- 足料暖胃🐟甘鯛立鱗燒伴黑松露忌廉汁 - 魚鱗炸到脆卜卜，配上黑松露汁好夾。必叫🥰🐚金銀蒜蓉粉絲蒸蟶子皇- 蟶子鮮甜，粉絲吸晒蒜蓉精華，回本必叫！🍨法式麵包開心果誘惑 - 麵包外脆內軟，配雪糕和開心果醬，甜品控必點而甜品區絕對係一大亮點！除咗有Häagen-Dazs/Dreyer's雪糕，最吸引就係全港獨家嘅Nutella醬機！可以自己擠出濃滑嘅Nutella榛子朱古力醬配軟雪糕！仲有依家興返既香蕉雪條🍌
繼續閱讀
放題唔易做菜式真係要與時並進同居酒屋睇齊先可以吸引到人否則我去食返居酒屋好過～～荃灣廣場新開放題吸引我係全因有 #藍鰭吞拿魚 刺身性價比滿分壽司款式都叫緊相潮流可以揾到鱈魚乾海膽吞拿魚蓉taco另外火炙A5和牛伴海膽同拖羅都推薦基本上我主力翻deal嘅都係刺身壽司熟食就深得朋友青睞個人認為有立鱗燒係幾驚喜另外鹽焗焗奄仔蟹、焗大頭蝦同花膠蟹黃翅都ok整體我認為放題係食菜式同CP值同埋旨在成餐飯中西日韓泰菜都可能有啱一大班人有唔同口味都可以坐埋一枱
繼續閱讀
荃灣又有新放題，仲有好鬼多新食物係之前放題店未見過。仲要分A餐同B餐 ，A餐只係$298 一位，加$80昇級B餐就多咗五款精選食物任食，包括北海道帶子吞拿魚蓉魚籽盛、波士頓龍蝦、鱈魚干海膽吞拿魚蓉Taco、油鹽焗奄仔蟹、魚子醬伴A5和牛薄燒，淨係食呢度兩輪都返到本。但係基本A餐都有好多正嘢，海膽軍艦、金銀蒜粉絲蒸蟶子皇、櫻桃鵝肝、拖羅壽司、甘鯛立鱗燒、酒醉鮑魚、金湯花膠、當然佢本身嘅刺身都好正，最震撼到我嘅居然有一大樽Nutella 任唧，係香港buffet真係未見過，難怪晚市出面勁多人等位。
繼續閱讀