影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
咁多國家菜系中，日本菜算喺較多食嘅之一，然而，日本菜中，就以日式放題比較少食，大抵無以前咁食得，就好似自助餐都食少咗。最近，有朋友就極力推介呢一間新開嘅放題店「極．大瀛喜」，所以，就趁機同朋友嚟聚一聚狂野哋食番餐。成日話香港飲食業生意唔好，但嚟到真喺好大反差。先講個環境，地方好大，樓底又高，最欣賞喺間開唔同區域，分為A、B、C、D……朋友嚟到都易搵啲。雖然以金色為主調，有種金碧輝煌之感，但一啲都唔俗氣，通道、座位都好闊落，令用餐體驗更好。我哋揀食中午，平啲吖嘛，12:00pm開始陸續入座，一區一區坐滿，最後，近乎全院滿座。星期六、日、假期午市做到5:30pm，我哋食完離開時一樣見有人入座。而且，可以食足3小時，夠晒時間慢慢嘆。餐環境講咗咁多，順便介紹埋自助食物區，就晌入門口左邊，地方都好大，通道同樣闊落，唔怕人撞人。掃視一番，絕對令人花多眼亂，非常多元化，睇相你都見，照顧到唔同年紀層嘅人，包括有30多款冷盤小食、沙律，以及自助餐常見嘅凍海鮮，仲有燒味、炸物、熱湯、點心、生果、甜品、雪糕雪條、軟雪糕搭多種配料、自助茶啡、果汁、自家製健康飲品，同埋一大櫃多到數唔晒嘅飲品。淨喺呢個自助區都可以食飽人啦！除咗出面自助食物區之外，呢一款「放題A」可以點嘅食物分類有刺身、創作刺身、串燒、燒物、卷物、軍艦、壽司、創作壽司、火炙壽司、炸物、天婦羅、一品料理、煮物、蒸焗鐵板燒系列……等等，相信計計埋埋晒有超過百款食物。價錢就分日子、分時段，自行研究研究。如果貪心少少想食多啲貴價菜式，可以選「放題B」，等同「放題A」加多$80，就有近10款特別嘅菜式任點任食，例如：拖羅、北海道帶子吞拿魚蓉魚籽杯、上湯芝士焗龍蝦伊麵底、油鹽焗奄仔蟹……等等，等陣再分享！掃二維碼落單成為趨勢，一來減省人手，亦減少人為出錯，二來點咗乜可以睇番，一清二楚少咗啲爭拗，好老實，今日成餐飯都無漏單，至多有一、兩款食物上得較遲。更值得一讚嘅喺，有咩要注意晌單度都溫馨提示埋，所以，頭2.5小時主要食二維碼落單嘢，剩番30分鐘，就主攻自助區嘅甜品！飲品喺自助食物推影完相，第一件事就喺順手攞埋嘢飲，小弟一起手就先試柑桔青檸汁同洛神花檸檬茶，兩者都喺自家製，喂！有誠意喎，前者酸香清新，後者酸爽清香！放題B精選既然選咗「放題B」，第一轉就梗喺試晒所有菜式啦，包括：鱈魚乾海膽吞拿魚蓉Taco、拖羅、火炙A5和牛伴海膽、海膽三文魚籽親子杯、北海道帶子吞拿魚蓉魚籽杯、鯛魚薄切、魚籽醬配餅乾、上湯芝士焗龍蝦伊麵底、油鹽焗奄仔蟹、皇子糯米乳豬。款款都賣相精緻，一啲都睇唔出喺放題出品，同晌日式餐廳食嘅無分別，而且，用料新鮮，食材嘅配搭亦有心思，個人推薦鱈魚乾海膽吞拿魚蓉Taco、北海道帶子吞拿魚蓉魚籽杯、火炙A5和牛伴海膽，當然其他都好食，但呢3款晌食材配搭上好有驚喜，味道豐富。刺身、創作刺身食放題，唔易飽肚又較回本，唔使多講都喺刺身啦，10多款就揀啲少食、又貴價啲，包括松葉蟹腳、大赤蝦、藍鰭吞拿魚、北海道鮮帶子、北寄貝、象拔蚌，師傅更擺得好靚仔，更以冰鎮住，絕不馬虎。整體食落質素唔錯，蟹腳有海水嘅鹹鮮味，魚生鮮味十足，貝類又具咬口，值回票價。另一分類嘅創作刺身，都試咗4款：酒醉鮑魚、醬油乳山蠔、泰式虎蝦及櫻桃鵝肝，款款都做得的的骰骰，而且食得出食材高質，味道、口感都上佳。串燒、燒物、炸物再落嚟呢一轉就試啲熱氣嘢，一口氣點咗6款大家都最想食嘅：鹽燒牛舌、香草燒羊鞍、燒溫室甜菠蘿、極品金枕頭榴槤燒、榴槤炸彈及3.6牛乳脆皮鮮奶。牛舌、羊鞍真喺無得彈，燒得恰到好處，濃濃嘅獨有味道，而兩款榴槤嘢食，真喺滿足到我哋好榴槤之人。凍海鮮食完幾輪嘢，又加一堆熱氣嘢，喺時候回回氣，所以，出去自助區拎咗少少凍海鮮謏返嚟過過場，估唔到又幾唔錯喎，蝦肉、螺肉都好爽口鮮甜，而青口口感柔軟，唔會好似擦紙膠咁韌。蒸、焗、鐵板燒呢個系列其實都好吸引，不過，去到近尾聲，真喺食唔落咁多，仲要留肚同甜品搏殺，故此，精選咗3款一試，包括：甘鯛立鱗燒伴黑松露忌廉汁、金銀蒜蓉粉絲蒸蟶子皇、川式珍寶生蠔燒。以前食過立鱗燒，專登嗌嚟俾朋友一試，佢大讚好正，魚鱗脆到不得了，而蟶子鮮甜惹味，生蠔辣而不嗆，蠔味夠濃。甜品大募集小弟向來都好鍾意食甜品，所以，臨尾點都要留番兩乘空間俾甜品，先試噝二維碼落單嘅海燕窩椰汁燉木瓜同法式麵包開心果誘惑，前者燉得夠火喉，木瓜又腍又甜，加埋椰汁，好潤；而後者賣相極具打卡感，麵包外脆內軟，襯上雲呢拿雪糕同開心果醬，絕對喺甜魔誘惑。終極一戰喺晌自助區拎番嚟嘅「拼盤」，有Häagen-Dazs雪糕、Dreyer’s雪糕、榴槤雪條、榴槤大福、芒果糯米糍、芝士撻、芝士餅、焗榴槤布甸及蜜瓜軟雪糕配Nutella榛子朱古力醬，原來呢部Nutella機暫時喺全港獨有，加咗當然好食好多，至於其他甜品，都同樣好味，實在大滿足。今餐真喺食得稱心滿意，不單地方大，環境好，食物選擇多，供應充滿，而且，上菜快，又無漏單，招呼好好，啲店員好有禮。由頭領放到尾，除咗我哋嘅食力有番咗上下，點菜策略亦得宜，自知無可能試晒所有嘢，重點出擊啲心水菜式，先可以食得咁盡興！
繼續閱讀
最近聽朋友講，荃灣「極」放題有啲唔同，做咗全線第一間分開A餐同B餐嘅分店，話B餐多咗好多獨家菜式，就決定去睇下有咩咁特別。我哋揀咗 B餐 ($408/位)，整體食物種類同質素都比平時食開嘅放題有提升今次試咗好多款嘢食，有幾樣印象比較深🐟 刺身拼盤 & 拖羅壽司刺身係放題嘅靈魂。呢度嘅刺身拼盤都幾新鮮，三文魚切得夠厚身，食落有魚油香；吞拿魚赤身魚味濃郁；甜蝦亦都爽口鮮甜。特別要讚嘅係 拖羅壽司，魚肉上嘅油花分佈得幾靚，放入口唔需要點樣用力咬，魚油嘅甘香就慢慢喺口入面化開，口感好軟滑🌮 鱈魚乾海膽吞拿魚蓉taco呢個係全晚嘅驚喜之一。佢用咗塊好香脆嘅鱈魚乾做底，上面裝滿咗打到好幼滑嘅吞拿魚蓉、鮮甜嘅海膽同埋鹹鮮嘅三文魚籽。一啖咬落去，鱈魚乾「咔嚓」一聲，跟住就係吞拿魚蓉同海膽嘅軟滑口感，味道層次好豐富，非常有創意🍣 海膽軍艦 & 精緻前菜杯海膽軍艦嘅海膽份量足，味道甘甜，冇苦澀或者腥味，食得出係新鮮貨。另外幾款前菜杯都做得幾用心，其中一杯係帶子、吞拿魚蓉配飛魚子，帶子嘅鮮甜、魚蓉嘅軟滑加埋飛魚子톡톡聲嘅口感，幾開胃；另一杯三文魚粒配青瓜亦都好清新🐚 汁煮鮑魚 & 甘鯛立鱗燒伴黑松露忌廉汁除咗刺身壽司，熟食都唔錯。汁煮鮑魚煮得好腍，但依然保持到彈牙嘅口感，醬汁嘅鹹甜味滲晒入鮑魚入面，好入味。甘鯛立鱗燒個外層炸到好鬆脆，入面嘅魚肉仲好滑，配埋面頭 creamy 嘅醬汁，味道好夾🌟 B餐獨家主打菜式 🌟當然，B餐亦都有 上湯芝士焗龍蝦、油鹽焗奄仔蟹 同 火炙A5和牛 呢啲重量級選擇，用料都幾有誠意，鍾意食海鮮同和牛嘅朋友應該會好滿足🍫 甜品亮點：Nutella朱古力醬機 🍫最後要提一提，自助區有部全港獨家嘅Nutella醬機，可以任唧Nutella醬，無論係配雪糕定窩夫都一流，為成餐飯畫上一個完美句號。
繼續閱讀
好滿足既放題✨最難忘係櫻桃鵝肝🍒!仲可以任食奄仔蟹，好瘋狂🤤荃灣店設AB放題餐A餐價錢加$80就可以升級到B餐😛仲有全港獨家Nutella醬機～🌟A餐私心推介🍒櫻桃鵝肝外層係啫喱，食落似鵝肝味慕絲冷盤，甜甜鹹鹹香香，好似甜品咁～我不停encore食咗好多粒😍✨✨紅燒蟹肉花膠翅調味好食過好多酒樓既紅燒翅湯汁濃厚又有少少層次食到一絲絲既口感-✨泰式奶油麻辣焗大頭蝦醬汁係靈魂🦐 香口惹味！奶油同麻辣汁係不敗嘅組合✨酒醉鮑魚·吉品鮑汁花菇珍寶鮑魚口感剛好，入哂味尤其係鮑汁調味出色！另外竟然仲有立鱗燒同蟶子皇😱見隔籬枱食甜品法式麵包開心果誘惑都幾靚有機會下次再tryyyy😛😛－:+:－:+:－:+:－:+:－:+:－:+:－🌟B餐私心推介🦀油鹽焗奄仔蟹鹹鹹香香，蟹膏豐富蟹肉都係新鮮，有鮮味的放題食到呢個質素，有驚喜🦞波士頓龍蝦諗起自助餐常見嘅凍海鮮龍蝦肉彈牙有嚼勁蘸上醬汁都幾滋味🤤
繼續閱讀
大瀛喜開到嚟荃灣店。全線第一間有分a，b餐嘅分別！假如嗰日有慶祝活動，更可以升級食b餐，獎勵一下自己！只有荃灣店獨有的菜式，要視乎當天餐廳的qr code, 有機會增減。 A餐藍鰭吞拿魚刺身吞拿魚色澤鮮豔，肉眼可見精緻嘅魚油花紋，食落油香四溢。櫻桃鵝肝細細粒，外面係Cherry啫喱皮，內裏係鵝肝，入口即溶又不膩。油鹽焗大頭蝦我食咗一打🤣大頭蝦特別多蝦膏，蝦肉爽口彈牙，油鹽焗的方法，只用鹽輕輕調味，最能食到蝦的原味。草莓戀人咕嚕肉酸甜好吃，又開胃。金湯花膠蟹黃翅女士恩物，估唔到放題都有補品食，花膠都算大塊，唔係煲到溶晒，飲多幾碗好過飲汽水。甘鯛立鱗燒伴黑松露忌廉汁獨特嘅燒魚技巧，令魚鱗加熱後呈現豎立的效果，食落好香脆，魚肉嫩滑多汁。金銀蒜蓉粉絲蒸蟶子皇蟶子新鮮，肥美又鮮甜，撈埋啲蒜蓉粉絲一齊食係最夾。法式麵包開心果誘惑甜品方面，除咗有任食雪糕、雪條，呢款岩晒開心果控，每一口都係濃醇的開心果風味。全港獨家嘅nutella醬機在自助區，可以唧落麵包/雪糕到～小朋友會興奮的部分🥰除咗以上重點食物，其他食物五花八門，刺身、壽司、天婦羅、一品料理、串燒、炸物、鐵板燒依舊有得食，食到大滿足啊
繼續閱讀
荃灣新開不久的大瀛喜，餐牌推陳出新，特意前來食返餐！環境新淨，尚算舒適！甫坐下，即到自座區巡一巡，有多款涼菜、口水雞、炸餃子、海鮮🦞、中式餅乾等等，包羅萬有！先來花膠蟲草花燉雞湯，暖一暖胃；花膠軟腍冇腥味，湯汁甜美，是款會encore的湯水。接着點了刺身拼盤，象拔蚌、拖羅、赤身、油甘、三文魚、蟹腳，應有盡有！擺盤精美，打卡必備。刺身新鮮肥美，最愛象拔蚌及拖羅，好食😋！拖羅、象拔蚌、醃漬鮑魚 😋😋😋刺身過後，壽司也是不可缺少的！瘋狂地點了多款壽司，大滿足！和牛、碟魚、海膽等高檔次的壽司，任點任食 😍😍 一品料理有油鹽焗奄仔蟹、櫻桃鵝肝、香煎銀鱈魚及燒羊架。奄仔蟹膏多肥美，連吃了四件，歸本無難度！至於甜品，這裏有全港獨家嘅nutella醬機，放在在自助區自由享用 😋😋😋甜品還包有任食Häagen-Dazs雪糕，法式麵包開心果誘惑、燉木瓜及燒榴槤。燒過的榴槤，味道更加甜美香濃，即時encore!
繼續閱讀