板神鉄板燒日本料理 (The Hennessy) (已結業)

※本文以用餐當日的環境、服務和食物質素為準，口味亦因人而異，文章只作參考之用。.除左食Omakase, 其實我都幾鍾意食鐵板燒不過我認識既鐵板燒唔多 板神係其中一間☺️今次食左新出既 #秋日自選晚餐 $980/位 🍽️（除以下，也包括炒飯、湯、漬物、甜品）前菜三點季節沙律西班牙紅蝦/北寄貝 （2選1）龍蝦/南非鮑魚 （2選1）美國牛肉薄燒/日本豚肉薄燒 （2選1）.另外再追加左白鱈魚、鵝肝、蟶子、刺身三點.前菜三點芝士明太子青瓜、芝麻豆腐、煙三文魚卷.師傅會將一大盤海鮮端來 手法純熟處理海鮮鮑魚仲識郁 可見其新鮮程度 ～ 非常豐富！☺️.最深印象係西班牙紅蝦 師傅會將紅蝦煎香再淋上用蝦頭膏炒成的醬汁 搭配多士蘸醬食真係超級惹味！！師傅仲會將部分蝦殼壓平再煎煎完就好似一塊蝦零食咁，咬落又薄又香脆🤭.龍蝦既烹調方法都係差唔多，食落啖啖肉🤤.南非鮑魚同蟶子因為夠新鮮 ～稍稍一煎簡單調味後 口感同味道都已經很不錯！白鱈魚係咖哩人想食的 ～輕輕煎至金黃色入口帶微脆 魚肉嫩滑 好食！.鵝肝煎得恰到好處 用迷你圓形包包夾住成漢堡般一口咬落那股油脂滲出 真係不得了 ～很甘香.牛肉和豚肉薄燒一向都係我至愛！

🥢灣仔 城市夜景抵食原隻龍蝦海鮮自選鐵板燒套餐🥢年尾特別多慶祝活動，想同朋友仔食飯或者同另一半慶祝想食餐好，可以試吓呢到位於灣仔的一間海景鐵板燒，裝修日式氣派本系感覺，近日推出了一個價格比較相宜的秋日自選套餐，今晚約咗朋友仔慶祝一下🥢坐低後會提供Menu ,套餐除了有前菜，沙律，可以自選三款鐵板燒主菜，仲有炒飯，湯，漬物及甜品，如果想食得再豐富啲，另外還有多達十多款不同的時令海鮮及肉類俾你自費追加🥢秋日自選套餐 $980 / 位🥢首先店員會擺底醬汁，cocktail sauce,味道清新有蕃茄香，合適點海鮮提升鮮味，新鮮檸檬，仲有芝麻面豉醬，芝麻麵豉醬的濃香味道配肉類就最啱🥢前菜三點 超精緻的前菜擺盤，仲有秋天的紅葉綴，上面的分別係「胡麻豆腐」店員介紹無豆腐在內是用了蒟蒻粉製成的，口質感粉粉糯糯的，好香胡麻味道「明太子青瓜」清爽的青瓜加上幼滑的明太子Cream「煙三文魚」煙三文魚卷上新鮮生菜，咸咸香香的三文魚味🥢季節沙律 配上柑橘柚子汁，酸酸的幾開胃🥢西班牙紅蝦/北寄貝又紅又大隻的西班牙紅蝦，以蝦膏濃郁蝦肉鮮甜見稱，師傅會將蝦頭膏煮成醬汁，再將已煎香的紅蝦放入蝦膏醬汁，蝦肉吸收曬蝦膏的

yummy值得好好記錄的一餐。 正日的生日飯，朋友帶我到板神食好野。環境：去到一間大房，有著沙發，已經坐了2 檯客，6 個人圍繞著鐵板。師傅在手起鏟落，非常利落的烹調中。前面有碟旁邊客人的食材，非常新鮮似的服務 : 有1~2位"姐姐"殷勤地服務，拿籃子給我們放袋，倒茶等等。最後還介紹我們坐靚景位，影生日合照，又出了很多posts 的ideas, 非常熱情～smile食物： 第一眼看到menu 是有點嚇到。因為本來就是被帶去**神秘**餐廳食好吃的 。食物種類與價錢相比，好像有點少，但最終有驚喜，所以想法有點改變了tongue對每一道菜的comment, 我都在每一張相寫了。在這篇內容，就不重複了。前菜 - 灣仔的板神鉄板燒日本料理前菜 - 有碟好似豆腐的，不是豆腐，似是甚麼泥的季節沙律 - 灣仔的板神鉄板燒日本料理季節沙律 - 透明一條條是爽的，不是粉絲哦主菜-美國牛，海鮮，大蝦，鵝肝 - 灣仔的板神鉄板燒日本料理主菜-美國牛，海鮮，大蝦，鵝肝刺身 - 灣仔的板神鉄板燒日本料理刺身北海道帶子 - 灣仔的板神鉄板燒日本料理北海道帶子 - 鮮甜象拔蚌 - 灣仔的板神鉄板燒日本料理象拔蚌 -

今日特別日子，一早訂定枱去食午餐我哋點左龍蝦鮑魚帶子🦞和牛二人前套餐+鵝肝師傅先介紹食材，未燒已經流口水🤤！師傅正準備既時候，先上前菜同刺身作熱身食左開胃沙律🥗，再黎三式刺身，普普通通，合格嘅！開始黎到主菜啦，先上鮑魚，鮑魚鮮甜又淋身，調咪剛剛好之後再上帶子，加上魚子醬，7分熟，美味可口龍蝦🦞爽口彈牙，師傅調味確係有一手，真係好好味鵝肝係另點的$220， 超抵，大大舊，師傅煎出功架，8成熟，入口溶化，超掂！超讚和牛不過不失，有水準；炒飯不得了，吃到飯碗見底之後仲有龍蝦面豉湯，超鮮味，忘記影相😂甜品都清埋，超滿足的一天，是日晚餐只吃了水果宜已🤣🤣🤣🤣

之前5月尾嚟神板慶自己生日～ 無人對自己好，就自己對自己好～極上。席前鉄板燒套餐 （二人前）有前菜三點/沙律/刺身三款/帶子/法國鵝肝/本日海鮮/季節野菜/炒飯/漬物/麵豉湯/甜品/咖啡▫️配 美國牛肉 $2580(薄燒）/ $2680（厚燒）▫️配 澳洲和牛 🌟$2780(薄燒） / $2880（厚燒）▫️配 A5和牛 $2980 (薄燒）/ $3080（厚燒）前菜三點：麻醬豆腐- 開胃～蕃茄啫喱- 有金箔幾靚～螢光魷魚🦑睇吓鋪咗菠菜 ～蘆薈野菜沙律 - 酸甜開胃～刺身： 鮫魚、澗白、赤身 - 厚切而且夠鮮甜～蟹肉牛油果他他 - 蟹肉他他好鮮甜又有肉汁，上面放上咸鮮嘅三文魚子及金箔顯矜貴感，最底下就係滑溜嘅牛油果，配上多士更有口感～鐵板石斑 - 魚肉好嫩滑又帶肉汁，魚皮亦燒得帶少許脆口， 好食～鵝肝漢堡 - 三色漢堡仔幾特別，鵝肝肉厚大塊，煎完油潤香口，夾埋輕煎過嘅漢堡仔吸油無咁膩～龍蝦肉配龍蝦膏 - 睇完師傅煎煮時已經令人唾涎！味道當然好正！龍蝦肉肉厚鮮嫩又彈牙，再加埋龍蝦膏真係不得了～入口香濃惹味！另外，龍蝦頭會用來煲湯， 龍蝦頭麵豉湯特別多一重鮮甜蟹蝦味！最後加埋澳洲和牛 🌟$

自從禁左晚市堂食之後就全部外賣或者自己下廚，所以亦都冇再寫食評，而家重新執筆既第一篇就用女朋友生日既 lunch黎做個開場啦今次黎到板神係灣仔既分店，貪佢景觀開揚，可以用更好既心情黎為呢一餐生日飯加分。首先黎左沙律黎開開胃，酸甜清爽，大熱天時食真係好舒服之後就黎左個刺身三點，厚切肥美，味道唔錯，不過今日重點並唔係佢今日既主角黎啦，一陣就會將佢地送晒去祭我地既五臟府首先開始處理帶子同鮑魚，兩隻既size都非常大，自己買都唔會平，所以可見餐廳既用料係唔錯。帶子煎香左表面，而中間仲係生既，入口甘香鮮甜又軟嫩，加上魚子醬既咸鮮，充分帶出佢既美味，一流相比之下鮑魚就冇咁出色了，不過仍然係非常爽脆彈牙，只係冇帶子咁令人驚艷之後就到龍蝦，望住師傅係面前將龍蝦起肉，加上用龍蝦膏做成既醬汁，真係視覺同嗅覺既享受，龍蝦肉爽口鮮甜，醬汁濃而不咸，並冇蓋過龍蝦肉本身既味道，反而有畫龍點睛之效，令味道更上一個層次再落黎就到牛肉既部份，今次叫左美國牛，加多60蚊試晒厚切同薄切，薄切會加蒜片同葱粒，不過並冇蒜臭味同葱既草青味，只係增香，所以怕口臭或者怕葱味既朋友都可以試下，而厚切既牛肉就比較有咬口，兩隻各有特色，大

板神有三間分店，分別喺觀塘、灣仔同埋銅鑼灣。我去嘅係灣仔分店，去過兩次，兩次嘅體驗都好好😊灣仔分店喺The Hennessy 30樓，居高臨下，有部份位置仲可以望到海景🌊。一係坐卡位，一係就坐喺師傅面前睇佢整鐵板燒，我就梗係揀望住師傅整嘢食啦😜我去嘅時候有個好抵食嘅套餐，最平大概HK$400，就有好多道菜，有沙律🥗、大蝦🦐、牛肉🥩、鵝肝🦆等等，價錢就視乎你揀嘅牛肉質素。師傅嘅時間控制好厲害，即使同一時間處理幾枱客人上菜嘅時間都控制得啱啱好，每道菜都好食。師傅仲會用大蝦嘅蝦頭🦐剩返嘅蝦膏加上蔥花炒飯🍚，熱辣辣香噴噴😍最後以蕨餅為個long lunch畫上完美嘅句號🥰💰: HK$400 pp (Lunch)💝: 9/10

間中要食好啲😚灣仔分店仲有海景位 不過可惜係坐海景位就睇唔到廚師即場煮😢．午市商務鐵板燒套餐($1680/2位）首先有沙律同前菜 前菜係一個菇煮洋蔥蘿蔔 之後係三款刺身 刺身都係厚切同新鮮·本日海鮮-會跟返當日新鮮的海鮮選擇 我哋嗰日係魚柳🐟魚柳簡單用咗鹽同胡椒調味 再用牛油煎 食落去好香牛油味 同埋本身魚嘅鮮味·南非鮑魚同龍蝦-鮑魚煎得啱啱好 好彈牙 🦞龍蝦嘅煮法好特別 廚師用咗龍蝦膏煮汁去配龍蝦食 愛膏人士極推🙌🏻·厚燒澳洲和牛-係靚靚嘅粉紅色肉質鮮嫩多汁 同好有牛味 而且好貼心用咗麵包來給血水 另外炸蒜片都炸得好好 ．最後就係炒飯同龍蝦麵豉湯 炒飯我覺得偏濕 比較普通 反而龍蝦麵豉湯有啲驚喜 真係完全冇浪費到龍蝦 將佢用喺唔同菜式度😳·甜品係蕨餅同焦糖多士 焦糖多士煎到卜卜脆好好食😚

已經係第二次嚟灣仔依間食鐵板燒，上次感覺好好.今次老公生日話想食鐵板燒就即刻諗起依間今日天氣好好，午餐可以見到咁大個美景心情都好舒暢.今次見到期間限定有折扣而且今日係平日就叫咗午市商務鐵板燒套餐（澳洲和牛薄燒）師傅首先將龍蝦鮑魚都一併放喺我哋面前，見到都覺得興奮😋鮑魚帶子新鮮爽口，煮嘅時間剛好唔會太熟而且調味恰當食得出食材新鮮龍蝦🦞則用返蝦膏牛油再烹調，味道濃郁.估唔到其後仲有龍蝦麵豉湯，食盡整個龍蝦嘅滋味然後就到澳洲和牛薄切，內裏包住好多蒜片同蔥花，超級香口，令整個感覺都唔會太油膩由於老公生日加咗$60叫咗一個心太軟，再食埋和牛炒飯同甜甜脆脆嘅焦糖多士真係超級滿足🧡享受咗個有美景美食嘅鐵板餐，買單仲要有88折真係性價比高👍🏻

平日放假鬆一鬆，可以試下黎呢到食個靚午餐1:45 分後入座仲可以有８折兼有龍蝦送今日來左灣仔海景店，呢間分店比起其他兩間就係高，視野廣闊少少望落去風景都唔錯，人唔多仲可以坐卡位，對住海景食，但就同師傅遠少少我揀左午市商務鐵板燒套餐２位，薄燒美國牛肉，價錢 $1380，８折後埋單$1242可能呢個時間係non Peak Hour，所以人流唔多，服務員態度都好好頭盤係沙律 同埋 秋葵，酸酸尾尾，好開胃，食完已經開始流口水，期待下款菜式刺身三款，有吞拿魚同魚，新鮮好味又唔腥本日海鮮係鱈魚，連唔太食魚既人都覺得好味，個人覺得連醬都唔洗沾，加少少海鹽已經正，好JUICY南非鮑魚，超好味，新鮮，鐵板燒活龍蝦（送)，龍蝦非常生猛，真係活生生咁煮，食完唔夠喉仲想食 薄燒美國牛肉，半成熟，入口即溶，加埋D葱既配搭，好爽口龍蝦麵鼓湯＋漬物 將剩低既龍蝦頭拎埋去煮麵鼓湯，絕對唔浪費！漬物有酸蘿蔔同牛蒡季節野菜：磨菇，紅椒，荀，粟米仔炒飯，師傅炒到粒粒米都好分明，正！食到呢到已經開始飽了焦糖西多士（贈送），有呢個BONUS 都好開心，甜品／咖啡整體感覺用餐良好，服務周到，平日有埋８折優惠都幾抵食仲有個廁所值得

疫情期間，要分枱坐比我地諗到食鐵板燒其實就可以等如同枱啦🤣我鐘意呢度環境，一邊望到山，一邊望到海，完全無壓迫感，枱與枱距離好寛，現在疫情期間真係唔想坐得太迫。睇住師傅煮野既感覺都治療。食物既味道由於所有食材都超新鮮，而且煮既時間係剛剛好，環境方面我覺得係非常好。除了食物，我特別推介支Sake 🍶天敵 ，係佢地獨家，清爽口感帶一點香甜，配鐵板燒係一流，鐘意飲酒既係一定要試 😎食鐵板燒同食Omakasa 其實有啲似，因為師傅係會因應食材而去安排上菜既次序，確保你由淡至濃咁去品嚐，唔會影響你舌尖上的享受。佢亦會一道一道上，令你可以喺食物最佳溫度既時間食到厨師為你精心準備的食物，讓食材更加發揮得更好，令人回味無窮。依加好似仲做緊，第二個餐半價。

今日嚟到灣仔板神分店，想同朋友慶祝生日食個lunch， 呢間餐廳個lunch set包左好多款食物，夠哂抵食！首先嚟嘅前菜有三樣，分別就係螢光魷魚、芝麻豆腐&日本海草😋😋螢光魷魚個味道超級特別，一咬落去果下係會爆汁🤩🤩好有驚喜！芝麻豆腐嘅味道其實有啲似芝麻糕，好重芝麻味😋日本海草就有少少酸酸地嘅味，食落都幾開胃～之後嚟嘅係蟹肉雜菜沙律，啲菜同蕃茄都好新鮮，同埋隻碟好靚😍❤️食落都特別開胃～然後就輪到刺身，一共有三款，師傅仲教我哋食刺身嘅次序係要逆時針食，咁先突顯到唔同刺身嘅鮮味🤩果然最後食嗰塊赤身係最好食😋同埋佢啲刺身都好大件！食完刺身之後就嚟左隻好靚嘅碟，上面係牛油果蟹肉沙律，仲有啲三文魚子同埋蕃茄粒係頂，外觀好靚👍🏻😆食落去都好新鮮～之後就輪到師傅燒野食比我地，第一樣嚟嘅就係帶子👍🏻帶子大大粒、啖啖肉😍上面仲有啲魚子醬～就連嗰碟都係貝殼形🤩真係好靚！！然之後就係燒法國鵝肝，厚厚嘅一塊鵝肝燒到個皮好脆，再夾落迷你漢堡包一齊食，個感覺就唔會咁油膩～而且好香🤩❤️不過都幾飽肚🙈然後就輪到燒澳洲龍蝦🦞，龍蝦啲肉超級彈牙，仲要加埋佢地個自製嘅龍蝦膏汁，真係好入味！🤤😋之後師傅燒咗啲蔬菜比我地食，

週末天氣不錯，就下午出動去咗灣仔店食個鐵板燒，記得預先訂位，因為餐廳都好full放假就食豪一點，跟朋友點了一個$2580極上席前鐵板燒，今次個餐仲送上澳洲龍蝦或澳洲鮑魚，我哋揀咗龍蝦先上前菜沙律芝麻豆腐青瓜汁 ，酸咪咪好開胃，仲有新鮮肥美刺身三點，赤身、北寄貝同間白接下來一盒子裝住螢光魷魚、微酸帶甜蕃茄及濃厚芝麻豆腐到鐵板了，厚厚嘅鮮帶子，煎到2邊金黃，再加入矜貴魚子醬，鹹香中帶出帶子鮮甜味法國鵝肝大大件夠厚切，師父煎到焦香出哂鵝油，用上彩色小型漢堡包夾住食，咬落好肥美甘白，超級邪惡呢款他他用上牛油果、蟹肉及三文魚籽，用咗厚脆餅配食，食落蟹肉好鮮甜，但又有三文魚籽鹹鮮，整體好夾我哋揀咗薄燒美國牛肉，牛肉大塊鐵板煎完放上香蔥蒜片，牛肉都嫩入口又夠惹味送嘅澳洲龍蝦上場了，師傅即場起肉再鐵板，煎到剛好熟夠哂爽口彈牙，面頭係煲煮過嘅蝦汁，用嚟點龍蝦食極鮮味最後有最愛嘅鐵板炒飯，飯粒分明又足料再配上熱辣辣龍蝦頭麵豉湯最後有蜜糖多士及蕨餅，好滿足完美嘅一餐

鐵板師傅一路做鐵板燒旁邊有另一個頭髮散亂的員工同佢大大聲吹水，以為去咗大排檔！服務員水平低，同去100蚊set lunch地方冇分別！很明顯服務員訓練不足，鐵板師傅根本就唔夠班，對佢哋嚟講只係放D食物喺塊板度燒，忘記了這菜式的文化背景，師傅亦忘記了這個不是他與同事吹水的地方！佢哋吹水比客人聊天更大聲！唯一可取的是居高臨下的境觀…破壞了慶祝週年紀念的興緻！如果咁都叫Tepanyaki King, 就真係侮辱了這個cuisine了！2人午餐消費超過$1500，都起碼算是中檔吧？何以感覺咁cheap? 飲食業咁好景請唔到人嗎？