板神鉄板燒日本料理 (The Hennessy) (已結業)

幾個月前網上見到這餐廳做感謝祭$398鐵板燒餐有14點品, 係幾吸引😍 終於的起心肝打電話去book枱, 午餐晚餐同價, 各分兩段時間, 晚餐1800/2015. 當晚2015準時到達, 不過在門外等到2040才安排入座, 我倆安排坐counter位, 一枱12人都坐得比較緊貼. 廚師會將各人點餐的食材放在眼前, 完全準備好晒才正式開爐烹煮同時服務員亦會送上沙律配醋汁&前菜蘿蔔絲刺身三品, 刺身色澤一般, 質素普通終於等到鐵板燒出場, 我倆分別選擇生蠔&鵝肝. 另外亦有帶子選擇. 生蠔蠔味好重, 好味😋 鵝肝夠大件, 可惜煎得唔夠香口鮑魚爽口, 有口感大蝦肉質彈牙夠實在美國薄牛肉, 肉質ok, 內有蔥粒&乾蒜片, 可惜蔥粒唔夠蔥味野菜有紅甜椒, 黃甜椒, 菇&秋葵鐵板燒不可缺少的炒飯😅 今次廚師炒飯炒到一粒粒&乾身👍 味道少少淡, 所以我自己加多少少鹽 味道更加昇華😋麵豉湯&牛蒡漬物最後有半塊焦糖多士, 多士邊有少少燶, 所以味道有啲苦. 另外可以選擇咖啡或甜品(二選一) 總括來說, 這餐只需$398+10％(食材不升級情況下)完全冇投訴. 非常推薦大家去食😊😊

超受歡迎嘅鐵板燒餐廳做緊感謝祭🇮🇹午市同晚市都係$398起！📞由於銅鑼灣店長期打唔通(而家有得wtsapp訂座喔），最後book咗灣仔分店✨ 灣仔鐵板燒位係睇唔到海景的，要普通卡位先睇到套餐$398起包左牛肉、南非鮑魚、緬甸大蝦、刺身、鵝肝或帶子或鱈魚等等14樣野食，我同朋友加錢將$398薄燒牛肉轉左$548美國和牛同$648日本A5和牛set๑´ㅂ`๑👅鮑魚勁新鮮，煮之前仲郁緊，肉質好彈牙好好食👅鵝肝好肥美，平時啲餐廳要加錢先會有鵝肝👅兩款和牛都好好食，有對比下A5和牛juicy啲👅大蝦，刺身，配菜，蝦膏炒飯，甜品厥餅都正正常常🍞甜品焦糖多士好好食！不過睇住師傅用大量砂糖牛油黎煎，勁邪惡😆總結：平價鐵板燒來講，食物質素好高🫶🏻但聚餐/慶祝嘅話未必適合，因為餐廳做兩輪，入座前逼喺門口等入座，趕住交枱令個體驗好趕。另外留意返卡位先有海景，鐵板燒位係冇架！🌊經理溝通技巧亦有待改善，當日有客人投訴，佢都唔識處理。👅 味道：8.0/10🥂 賣相：7.8/10🌿 環境 : 7.2/10🙇🏻 服務 :4/10📍性價比：7.8/10💰 人均消費：$600/pp用餐時段：午餐__ __ __ __ _

今日既體驗真心差！！！今日同fd食野，叫左兩個最推薦既set，結果個沙律入面有紙皮，叫左waiter過黎俾佢睇，結果淨係講左句拆箱果陣唔小心跌左入去，勁快手拎走左個證據，連道歉都無一句🤷🏻‍♀️🤷🏻‍♀️🤷🏻‍♀️同一間以前都食過一次，以前d service都算周到，但今次，真係差左，會無預警地伸隻手入黎收碟，幫我地加茶可以一個有一個無咁，同埋d茶仲要係凍既🤷🏻‍♀️🤷🏻‍♀️🤷🏻‍♀️不過老實講：鐵板既食物味道算ok，但係d食物質素唔值呢個價，今日唯一滿意既可能就係望住佢整，同埋有少少景（但唔多，得樓景）同埋個份量相對黎講唔多～如果為左服務，呢間真係可以不了🤦🏻‍♀️真心差左…🥲🥲🥲越黎越唔值得食呢間喇

今日同黃兔又試鐵板燒，上次試過這間店的官塘分店，今次試灣仔分店，覺得可能會有不同。果然灣仔分店景觀開揚，可遠望樓景及少少海景，座位也坐得更寬敞舒適。服務也貼心有禮略嫌冷氣開得太勁，不知是否為了要散味？今日我們沒有揀感謝祭$398那個餐，反而揀了2人商務套餐$1480(厚燒美國牛肉)，有龍蝦送。另有加一收費。套餐包刺身，前菜，是日海鮮(帶子)，鮑魚，野菜，牛肉，龍蝦，湯，咖啡或甜品等。我們入座時，已經坐了另外一枱食客，她們已經開始食緊，當我們下單完，鐵板燒師傅好勤力密密燒。節奏好快， 跟返香港人快捷生活。我們未食完上一道菜，已經上下一道菜，食下一道菜時，因為放耐了少少，以致影響味道了 整個用餐過程好似食緊快餐咁，無法慢慢品嚐。我們剛開始食炒飯時，師傅已經連甜品多士也燒好了，我們是同另一枱客同步食完，比人感覺鐵板燒師傅在趕收工最有印象是厚燒牛肉口感肉嫩同龍蝦麵豉湯好飲，因為夠熱整體上不過不失，但不是我心目中最好的。

記得上一次來這餐廳 - 板神鐵板燒日本料理尖沙咀店，是在今年的年初，被這餐廳的健康鐵板燒理念 - 少油少鹽所感動。今天晚上，女兒説又在這餐廳訂了位，說這店有特價的感謝祭應市。但今次去吃的不是在尖沙咀店，而是在灣仔The Hennessy ，高高在上三十樓的分店，再次去品嚐這店的健康鐵板燒料理。這分店的魅力，除了出品之外，便是窗前三十樓外的靚靚維港美景，不論日與夜的景色，都是迷人的標誌。感謝祭原價$398算是合理，可升級品嚐更多的配搭，美景當前，今晚就吃得豪爽一點好了。前菜沙律是醒胃的季節蔬菜，沙律配上酸汁，既開胃也提升了食慾。刺身升級了由三款至五款 （加$120），升級了可試更多的刺身口味，油甘、拖羅、鯛魚、鰹魚等，厚切也新鮮。南非鮑魚和大蝦，燒得恰當不過火，入口爽彈否則就是浪費。女兒揀了法國鵝肝，而我是吃燒赤鯛魚。看著她一口就將鵝肝連個飽仔一拼送進口裡，她說沒投訴，說這樣吃法才夠痛快。而我那片赤鯛魚，魚皮煎得非常香脆，魚肉沒半點過老，時間掌握得非常好。我們加了一隻青龍蝦（升級價$388），龍蝦有二食，龍蝦肉鐵板燒，頭與殼用來做押後上的麵豉湯。龍蝦新鮮燒至金黃，再配以板神特制的蝦醬作調

網上看見餐廳進行$398感謝祭優惠立即預約與家人慶生環境尚算不錯 遙望有少許海景店員安排我們坐在鐵板燒前的位置可以正看廚師為我們準備食材侍應先遞上前菜、沙律及刺身三款味道不過不失 略嫌其中一款刺身腥味較重然後到了鐵板燒的部份廚師先為我們準備帶子及鵝肝 把原材料在鐵板上慢慢燒烤 再加入牛油烤至香脆鵝肝味道較為突出 焦香的面層入口即溶接着便是野菜 共有四款時令款式較為特別的是黃色的翠玉瓜 爽脆的口感 可是味道相對清淡 海鮮部份有南非鮑魚及大海老廚師拿捏得剛剛好 南非鮑魚鮮味十足 外脆內軟建議加上少許淮鹽增加層次感廚師把大海老分為三部份燒烤先把蝦頭烤至香脆 溢出香濃的醬汁再把蝦身切割慢慢煎香 豐富其口感 最後保留原隻蝦尾 並加上醬汁一同遞上重頭戲變是牛肉我們選了美國牛肉薄切 廚師把蒜片及香蔥加入牛肉中間然後把牛肉放在麵包遞上牛肉沒有太大驚喜 味道及口感被配料遮蓋有點後悔沒有選厚切呢還有炒飯、甜品及麵豉湯作結店員更額外送上焦糖多士性價比高 滿足感十足 最後捧腹離場

好耐之前食過觀塘分店，之後疫情期間都冇乜點食過，最近見佢做promotion😍398呢個價錢即刻好心動😚淨係個環境都已經贏晒，30樓有海景😎平時都有食開坐bar 枱，難得有海景就唔使bar 枱先來一啲頭盤同刺身，刺身有三款，鯛魚，油甘魚同呑拿魚，新鮮厚切！三揀一燒物揀左魚🥰🥰🥰油脂正到不行了😚又實肉唔會散開曬！跟住去到鮑魚同大蝦😎鮑魚燒到啱啱好，唔老，蝦頭都好鮮甜！我揀左薄牛，佢用咗好新鮮嘅蔥花同蒜片包喺入邊，識落口仲係脆同香😋😋最後仲有炒飯麵豉湯，同埋牛油焦糖多士❤️兩個人夾埋都唔使900蚊 平時一個人嘅價錢都食唔到一個字，抵☺️已經book咗枱再食

被感謝祭吸引同家人嚟試，坐海景位開揚，適合傾計聚聚。食物方面我覺得還好，食材偏細份，調味較濃，食材嘅鮮味唔出。服務就非常一般，員工一個serve兩枱都唔記得我地落咗咩要反轉頭問，一開始茶要請佢幫手加(之後都會主動加茶)。另外，有別於以往食嘅鐵板燒餐廳 e.g 一道一道菜上，佢前菜一次過上曬，所有菜式無擺位有位就放。最後仲漏咗餐飲，不過都幾飽就無叫佢落返。整體一般，就算係感謝祭價都有少少抵。同埋，有海景但員工唔識影相真係晒咗呀…

－直想試，但一直無去預約，在黃雨下突然二口子去快閃個午餐，環境一流，服務態度很好，師傅廚藝了🉐️，所有食物煮嘅時間剛剛好，食材要好，煮個過程更重要，我們另加龍蝦🦞，鵝肝脆又內軟不油剛剛好，選了美同澳牛，鮑魚好彈牙，其他食物質素很好，最後師傅送上多士甜品，好好👍🏻食，像不起眼的食材，包也能做到糖面脆很不簡單，這個價錢，環境，食物質素，服務，CP 值極高，仍在回味😌

而家板神做緊全日感謝祭套餐😳，可以揀鐵板燒十四品ＯＲ十五品御膳☺️🙈冇諗到$398就可以食到鐵板燒，6月仲有呢個優惠架😆就算係星期六日、公眾假期、父親節都啱用，CP值幾高👍👍等我得閒果時都去試下十五品御膳先😸✨午市時段選擇：12:00-13:30、13:45-15:00✨晚市時段選擇：18:00-20:00、20:15-22:00ＢＯＯＫ位果時記得講明坐鐵板前面定普通海景位🙌之後就會有人WＨＡＴＳＡＰＰ你要比＄２００訂金🤑- 前菜 & 沙律🥗前菜：蘿蔔絲爽口清甜🥕沙律：豆腐、沙律、車厘茄🍅、粟米粒粒🌽配上胡麻醬，味道正常- 刺身三款❤️刺身唔係平時常見既款式，所以我都唔知叫咩名🥹只可以講刺身幾新鮮，味道正常🤣- 帶子💗 (帶子、白鱈魚、法國鵝肝三揀一)大大粒帶子煎得好焦香，用最簡單既鹽提味就帶到帶子鮮甜😍😍- 南非鮑魚💛新鮮鮑魚彈牙唔韌，夠曬爽口，沾上醬汁更加帶出個鮮味😋- 季節野菜🥬有燒過既紅椒🫑、粟米芯🌽、露筍、冬菇🍄，味道正常😺- 大海老🦐大蝦入口爽口彈牙，個汁用左蝦膏醬整成，鮮味更加突出😌呢個係好好味☺️- 美國牛肉薄燒🐄五成熟牛肉雪花紋平均分佈，肉質軟腍、嫩滑，牛脂香重😗薄燒牛肉入

為左慶祝周年紀念，男朋友book左板神嘅晚餐，諗住等我地兩個未食過鐵板神嘅大鄉里try try佢🤭-宜家板神做緊優惠套餐，我地當日叫左個厚切A5和牛嘅套餐，每人都只係$6xx!! 仲要加$180可以食哂餐牌上原本要3選1嘅帶子、白鱈魚、鵝肝‼️於是我地果斷叫左兩個厚切和牛套餐+要哂上面講嗰3樣野🤭（小朋友先做選擇嘛🤣)-第一次食鐵板燒，望住師傅煮野食真係別有一番風味😋個人認為板神嘅食物比較食到食材嘅原味，唔會落太多調味料，如果有需要自己再沾醬/鹽都得👌🏻-食左咁多樣野，我最中意食個麵包夾鵝肝同埋厚切和牛😋鵝肝超級厚切‼️加埋個烘左嘅麵包食，會中和左鵝肝嘅膩👍🏻而厚切和牛加埋炸蒜片一切食，可以減少和牛嘅油膩感，而且為軟熟嘅和牛增添一種香脆嘅口感😋-好開心揀左嚟呢到慶祝周年紀念😚以為大時大節都可以再嚟呢度再戰！（溫馨提示：周年紀念嘅蛋糕要另加$120先有架！）

最近去左試板神嘅感謝祭menu。最平$398就有deal~ 仲要係有得book dinner。佢哋6月都仲有得食依個menu。今次就揀左美國牛肉薄燒$398 同澳洲和牛厚燒$548。先係前菜嘅沙律同刺生~ 個人覺得佢哋啲碗同碟好靚~ 二人份個鵝肝嘅份量都好慷慨!!! 造型亦都好可愛，用個mini burger夾住！個炒飯超級香口！依個焦糖麵包有驚喜。因為見到師傅落左好多糖，但食落又唔太甜。最後仲有甜品/咖啡揀~ 依個價錢黎講CP值真係超高~

板神的感謝祭應該呢排大家都見到佢哋的廣告，大量foodies/ media page都有介紹呢個咁抵食的餐。睇得多之下我終於自費去試左一次。午餐有分2輪，第二輪1:45-3:15，接近呢個時間去到已經見到好多人係門口等緊，咁上下時間餐廳就會安排入座。Book枱的時候已經講到明會坐鐵板前面/ 普通海景位。灣仔呢間分店分為幾部分，一間房裡面大概有8個位置，2位師傅serve2邊的客，位置上係比較逼夾。店員加水/上菜速度都好快手。-🆗胡麻醬豆腐沙律+漬物。正常水準。-✅刺身3點。有白身魚、赤身同油甘魚。三款都有光澤既，新鮮，但切得超級薄😳-🆗南非鮑魚。鮑魚主要食佢彈牙的口感，無韌，好新鮮🤓 但味道冇咩，要靠啲檸檬汁同沾小小醬汁帶出個味道。-✅✅大海老。呢個大海老係我覺得最好食之一！拆去蝦頭後，仍然好大隻😻入口爽彈。用左d蝦頭汁去煎，所以海老味道特別突出，又唔會過鹹。無論口感味道都very good😋-✅帶子。同樣好大粒，煎到外面焦香，好香，簡單用鹽提味已經食到帶子的鮮甜😝 如果入面可以再嫩d就好，而家有小小過熟，變成一絲絲口感。-✅✅法國鵝肝。呢個鵝肝選材好好，食落一D都唔臊😱 只係帶有輕微

呀媽生日就搵左板神鉄板燒日本料理，好好彩咁Book到灣仔店有海景，望到日落🌄最貴既厚燒A5日本和牛$648/1set 14品沙律不過不失，刺身三品薄到我連相都唔想影，鵝肝香口，運用漢堡包吸收油份減低膩感。南非鮑魚正常發揮，點番個海鮮汁好食。大蝦🍤爽口加埋蝦膏😋和牛同炒飯同樣一個缺點，唔夠鹽，我食唔到有幾出色。蕨餅不錯，可能怕有啲人會order咖啡或者其他飲料，所以最後送你焦糖多士埋尾，肥野的確系正😂食物同服務質素:3/5性價比指數:3.5/5環境指數:4/5

母親節正日下午去食飯，上到去，沒有人招待，我行左5分鐘，才找到位同事，告訴我坐哪裏原先見到佢哋有好多好評，又賣晒廣告，以為會好好食，上到去都已經加咗錢，升級左其他不同食材，例如鱈魚，鵝肝，帶子等等鵝肝，連基本鵝肝醬也沒有，沒有什麼味大蝦，是用冰鮮蝦，蝦膏係灰綠色服務態度也不好，服務我們的經理連名牌也掉轉，落單問佢有咩好推介，佢話佢地係鐵板燒😓 我都知你哋餐廳係做鐵板燒，我問你有咩推介，你同我講鐵板燒😓 語氣態度也相當敷衍建議大家，如果真的想食鐵板燒的話，找一間有服務質素的鐵板燒。人均消費700幾一個人，食物質素又差，服務質素又差，強烈建議大家唔好嚟