板燒郎燒肉鐵板放題料理專門店 (已結業)

琴晚食完呢間，個身都無乜油煙味，很好！我食個D主要都係生肉類，又可以燒又可以食funny得多啦！不過，我同班friend當然有叫刺身個d啦！平時日本放題有個類野食呢度都有，三文魚刺身我仲要係不斷叫黎食添，呢度呢d唔腥又肥又夠滑好味阿我地係最貴個個時段去都只係$218再加1，肉類仲要係任燒任食，仲有我中意既angus一口和牛、黑豚肉添仲要係網燒，ｗｏｎｄｅｒｆｕｌ！！

乘地鐵去佐敦，女朋友已經在呢間野訂好位，這裡的價錢及食物的質素令我們相當滿意。環境舒適，座位甚為寬敞，而且我們坐的卡位仲可望街景！這裡用的是網燒，有鋏子提供給每枱客，相當貼心又衛生的服務，值得一讚！野食我們叫左十多款，當中有和牛類的一口牛，牛仔骨及鹽味牛舌等等！！以上的肉質很好，燒過之後的肉質非常鬆軟，脂肪較多的一口牛比較香口，肉汁也較多。重點是只要在能食完的範圍內都可以任點任食，這點我覺得很好。刺身來到一定要食，很新鮮！刺身保持到冰冷，特別是帶子，口感鮮甜，入口溶化，好食，本人覺得必食！甜品雖然只限一人一件，這樣做的方法我覺得不錯，因為食完一整晚的肉，甜品只是給人轉換一下口腔的味道。女朋友覺得已經很飽，甜品最後更是推給我K.O.掉。

因為之前在團購見過這間鐵板燒, 咁啱同阿媽行開佐敦,咪上嚟試下.........原來樓下都有優惠券派(*送龍蝦), 所以根本唔駛買團購券限制自己可能我19:00前入座, 所以無咩人, 好好招呼, 無漏單, 及經常換鐵板^^ ; 但枱面好有汁漬, 有d污糟感覺...........燒物都算ok, 但壽司和魚生就差了賣相和唔夠新鮮所以我只會食一次便夠了@@

板燒郎! My friend bring me here twice already, although not really grand, but good fit with the price haha板燒郎 is probably the first place you think of when you think of all you can eat Japanese food. But if you’re looking simply for some good food at a good price with a variety, then 板燒郎 is just that place.

一入去佢俾佐張收費紙我地,見到唔同入坐時間唔同收費!!!我望佐望覺得we are sooo lucky!!!因為我地去戈個時間仲未算最貴架!!!!依盤刺身裡面,最好味係三文魚,魚腩算係幾香鮮滑口厚切關係鮮滑感覺更出眼見肉類選擇多到不得了,我地差唔多每樣都畫左舊黎試牙咩味!!佢d和牛類真係不容錯過有d牛肉比較肥肉質好嫩滑,又有肉香有咬口好似牛舌咁,切得薄薄易咬易入味,燒左一陣食得,有嚼口青口有附埋舊牛油黎燒,我地一邊燒一邊走晒d牛油好浪費當時把火仲要好猛下不過我隻青口燒耐左變到干干地,得翻少少牛油味早多三、兩分鍾夾起應該會幾嫩口姐.

希望貴公司如果想持續發展、請正視待客問題.就算要額外收費都不要多翻提示。好像睇唔起人禁，香港人就睇唔起禁，咩意思呀。追個order 、幾次都冇理，到俾錢都冇到，聽order又心不在焉，明明落1枝啤酒，2枝清酒竟然落左3枝啤酒2枝清湧，須然3個人飲到，但佢地都very bad,呢間既食野價錢，即使銅鑼湾都揾到，何必要我們受氣呢?

晏周匆匆飲左杯咖啡頂住個肚，1直忙到10點幾先發覺自己真係好肚餓，所以同fd黎呢間一齊補番餐晚餐。見到和牛種類都有好多款wor！味道鹽味既牛舌；燒汁就梗係安格斯1口牛、牛仔骨、牛裡肌。1口牛我琴晚食得最多，燒耐左好難咬，有1、2舊比較韌，我點左綠色個酸辣汁，隻味會變得清新d，仲無甘油膩tim bor！牛仔骨雖然都有d筋，不過食落好嫩好香，加上脂肪燒完又夠晒香wo！好好味雖然甜品都真係幾好味，由其芝士蛋糕，質感軟線線好滑；有點美中不足就係唔可以任食lor！不過將心比心，如果有1間放題d cake做到呢個質素仲要可以任食？有既，機會不大lor朋友食個舊Tiramisu味道偏濃厚，不過就好軟、腍、滑。

可能因為係新年關係，無咩人會食呢啲嘢，所以完全唔洗等位！食燒肉黎講，個環境真係幾正，可能無咩人嘅關係，所以傾下計都幾好！佢有好多食物，都幾快上枱，個一口牛都幾好食，但魚生就細咗啲，薄咗啲，食唔出咩味！

朋友生日, 我們一行六人來食放題...刺身、燒物等全部任食, 每人加$50還可以任飲sake!可是, 想不到燒肉都竟然可以咁難食...平時D野再難食, 勉強吞左佢就算啦, 但我咁大個女都真係第一次食燒肉可以難食到要即刻"lur"番出黎!! 出事嘅係牛柳粒, 一入口完全係酸酸宿宿嘅味道!! 令人反胃!! 同行友人都一致同意D牛柳粒係有陣怪味, 於是向經理反映啦...之後經理攞過第二碟入黎, 總算味道正常...見味道正常番於是我地就order第三碟, 點知又係一陣酸宿味嘅!!雖然除左牛柳粒之外其他野食都冇出事, 但坦白講真係冇一樣野係好食嘅! 結果全程我都只有食刺身, 因為就只有剌身算係味道正常, 其他所有野都真係好難食!總括來講, 咁難食嘅燒肉我真係第一次試...亦都一定唔會再有下次了。

第一次寫食評…第一次就貢獻左俾呢間野大約8點行完廟街，行下行下有間叫板燒郎，就同女朋友去試。上到去，我覺得環境幾有格調，唔錯一坐低，原來網燒的，我地就每樣食物都剔黎試下，一次過都剔左好多野不過雖然剔左好多，但野食都上得好快，仲好齊，讚呀！有龍蝦送喎！好味！之後同女朋友試呢樣試個樣，女朋友始終鍾意食剌身。剌身：好新鮮，d 甜蝦全部都有連頭上，好少放題可以做到，讚呀！三文魚色澤唔錯，好味！壽司：d 魚生材料又唔會話好薄好細件，厚度大小適中，岩岩好！(本人喜歡個個叫火灸比目魚壽司同火灸三文魚壽司)肉類：勁多選擇，又黑豚又和牛……多到都唔知食左幾多款值得一讚既係安格斯一口牛加埋佢d 醬汁去燒，好味燒香四邊，咬落去充滿肉汁，正！我都叫左好多黎食海鮮：都好多款，又蝦又魷魚類…佢d 魷魚撈埋醬汁去燒，又真係掂個喎，尤其係個墨魚咀！蔬菜：都ok 多款，粟米好味！冷盤：有個叫冷烏冬，個汁好味呀，有小小辣，都開胃天婦羅：好脆，雖然冇跟天婦羅汁，但都有味。個天婦羅壽司幾特別下鐵板：原來有人鐵板即做俾你，送到黎熱辣辣。牛舌，金茹牛肉，同燒翠肉瓜都好味！其實都好多野食，而且我發覺到佢自己撈既醬汁都好味、野食新

對日式燒烤期望比韓燒高,因為正常食物,服務質素都理應較高且看此間如何食評:老實說,這間日式放題是令人失望的,亦不要問我拿相片,進食跟拍照絕對是有分別的和牛粒極肥,雖然本人好肥膩之物,但燒完之後仍難以咬得入...牛裡肌好淋, 淋到有點恐怖,像是用大量鬆肉粉似的...味道像牛腩其他如牛仔骨都好"鞋"自問已經是燒7成熟的了,但料不新鮮是肯定的羊鞍好騷,本身很能吃羊騷味的我也覺得騷,除騷味之外只有醃料味南瓜, 菌類, 實在很不適合拿來燒,燒完好乾,途中好笑的是...問侍應拿個錫紙兜,侍應不客氣地說"你呢D冇架喎!拎張紙黎剔啦!"OK, 我好像忽然變了員工,居然要"被指導"好吃的只有雞類,雞翼雞肉等均很有雞味,不像雪了很久只剩雪味的肉刺身壽司細件且不夠新鮮,天婦羅粉厚,不過燒物地方,我亦無甚要求

星期六一家大細來左呢間食燒肉放題,book左7:30,到左見到勁多人等位,好彩有book位,10分鐘就入左去,雖然咁忙,但侍應都仲好有耐心講解收費落單各事項,跟住我地一家四口就起動啦對仔女同老婆就較愛食刺身,剔了很多,但都來得好快好齊,老婆仔女都話好食,而且我有留意之前食評有話第一盤先係出有頭甜蝦,但我們落左3round都係出有頭的而我就較愛食海鮮同meat,meat,meat落幾次柯打都差不多我一個人食晒食物質素:雪花一口牛很夠油份,芝士豬腩肉很香口芝士味很夠,海鮮類都很鮮甜,尤其青口同尤魚鬚,青口的牛油燒溶之後牛油香味令到青口食落時的感覺很香,刺身方面老婆仔女都話好新鮮,賣相亦好靚,睇得出好有心機整,另外佢地都有即叫即炒的鐵板食品都好好食,例如炒什菜,火喉恰到好處,唔會太淋亦唔會炒到生,服務方面亦算幾好,個場咁忙既情況底下都算有幾快既效率,亦唔見員工會做到燶口燶面,11月有朋友生日,會考慮book呢間既vip房再食一次生日好似有香賓送！

很久沒有食燒烤，咁啱見到有 “ 團購 ” 放題任食，又係新開不久，應該不錯 所以買了兩張卷 try try 。這裡地點也算方便，而且 Book 定枱， 所以不用等待。這裡還可以啦，坐位也不算太逼， 地方也算是整潔，但抽氣系統普通， 因為一到這間店舖便嗅到濃郁的燒烤味。及較煙，而食物的選擇也算多。當坐下時， 已經有一些 肉類及瓜類 準備好，一坐下已經可以燒。朋友已經急不及待，order 刺身、三文魚花之卷、羊架、牛……刺身都算新鮮， 但就較為細件， 可能預計你會再order。肉類： 雞翼當然是肉嫩，牛肉方面 切到薄薄的一片，好像是“ 牛肋骨、 牛肌“ ，有 小小脂肪所以肉質嫩滑，較為好食！而 蔬菜類，比較難燒，有些用 錫紙兜 載住燒的還可以，但 “ 鮮菇、瓜 “ 好快燒到乾曾曾！最後仲有件 蛋糕作為飯後甜品！時間都算足夠，但就要密密燒。而飲品只有一杯，第二杯是需要加錢。總括來說都還不錯， 如果下次再有團購可以在買！

經常上團購網看看有什麼著數, 相片介紹此餐廳新開, 裝修都幾靚 ,另一點係主題顏色開正我喜愛的紫色 , 又見好多款式選擇 , 一於試吓早成個星期訂位, 一放工就上去 , 只得約一半客 , 侍應態度幾好, 幾張中枱可以給我們選擇 , 揀了較邊比較清靜一些, 方便傾計 一坐下幾個侍應 ( 態度都幾好 ) 輪流的出現 --- 介紹點餐紙食物 , 飲品和甜品只得每人一件, 又有人開爐 , 未等你寫order 已經即時先上一碟肉 , 都唔知是服務好? 還是想你快D食完走 .. 我們牛魔王一族, 當然主攻 "牛" 好多款不同部位 , 不同味道的牛 , 但其實食落大同少異 , 質素普通啦 , 說真有點失望 , 不過百多元一位算OK , 當然不能跟盛八 , 和宴等相提並論作比較啦 , 級數都唔同 .....除了主菜 "牛" , 另外都有好多選擇 , 一般大路的燒烤食品都有 , 但其中的 : 大蝦OK , 粟米幾甜 , 豬頸肉都要試 .... 唔夠飽仲可以食夀司 和 刺身 最後甜品每人一件 -------- 痳痳地

難食不特止,想叫個任飲....居然唔可以1個人叫 一定要全台一齊每位+15蚊先得....咁都算 我7:00入座...佢8:30話要結數 話結完數 就連任食放題既野都唔比叫 有無搞錯....我比2XX蚊係食放題 你居然唔比我點放題既野食 同埋話生日 放D肉黎 D肉又乾又乜 我都黎食放題都係點肉嫁啦 你送呢D比我有鬼用咩 我唔識叫咩..叫D肉 又細舊又無味 最搞笑 臨走想叫佢比杯凍水 居然同我講 凍水要比3蚊 ...