板前壽司 (已結業)

因為要等朋友既關係...所以諗住無咁快有位都ok啦...攞張飛係111號，但係個時叫緊367號....原來叫完400後再由1開始.....即係我要等百幾張飛，真誇！前前後後應該等左個幾鐘，因為攞左飛既人都走曬...有號碼有時跳得好快....三個人都食左好幾樣野，元貝好大隻，至愛既鰻魚最好味，見到有人食好長既星鰻，好似好好味，下次要試下先...後加左鰻魚手卷，d紫菜有d "un"，同埋d飯少左d囉....本人唔係咁食生野，龍蝦沙律壽司都好味！上菜都幾快，唔錯唔錯。

媽媽節,阿媽話想試下板前,咁o岩青衣開左間新既就諗住同佢來試試我6點幾自己去等位先,拎到張飛,再睇睇叫到幾多號,再計計數...要等260張檯先到我!?咁就外賣返屋企食就算了壽司魚生都叫新鮮,媽媽吃得好開心,我都滿足了

預早慶祝母親節, 母親大人喜歡食壽司青衣城又新開左間板前, 所以就黎試下七點二十分黎到, 拎分果陣望一望, 233, 但依家先嗌到 111有排等....好在青衣城都算有野行下, 唔會太悶差唔多八點四十左右先可以入坐食到九點半左右果陣, 基本上 d 號碼都係十個十個咁嗌, 畢竟等太耐 d 人都會放棄質素方面覺得比以前差左三文魚 $9 感覺比三文魚腩 $15 真的差一段, 畢竟一分錢一分貨, 魚腩肥美很多鰻魚壽司熱上, 不會太淋, 感覺不錯帆立貝鮮甜, 大大件, 十分滿足

今日放假走左去青衣城食飯!俾我發現開左間板前,平日去開荃灣食嫁宜家唔洗去咁遠la!見到門口無咩人,就入左去試一試!唔知係唔係新開ga關係呢d野好似特別新鮮d咁ga!不過有d失望囉,我最like ga响螺壽司竟然話無貨！果個黑衣人叫我試下個响螺刺身！咁就試下囉，都ｏｋ！環境尚算ｏｋ，食物ｏｋ，埋單二百幾蚊，以後又多個飯堂！不過．．．．．唔知係唔係ｄ師傅新相識呢！所以有講唔完ｇａ話題！