板前壽司 (已結業)

之前約過舊同事食板前.. lunch set 質素唔錯，價錢合理.. 所以在一個月前回到 hk 後，便再約舊同事去青衣板前食 lunch.. 順便比手信。今次叫了鐵火井，佢話冇晒吞拿魚，可否轉做長臂吞拿魚？咁我就冇乜所謂，所以轉左。不過，長臂吞拿魚生好腥，同埋食落冇質感，覺得佢唔係好新鮮。至於三文魚呢，可以從相中睇到，佢既顏色都唔係好靚，同埋食落去有少少霉。我同事就叫左魚生井。佢地有吞拿魚粒，但睇落去既顏色又係比平時的暗，好似條吞拿魚流左血咁。平時都幾鍾意食板前架... 但今次真係令人失望，要比喊面囉。希望下次去的話會有改善吧﹗

因學校關係間中會去這間板前食午飯食物質素是板前一貫水準但服務卻...上次朋友問佢有冇某款午餐丼, 個waitress話冇就叫第二款;點知一陣佢行埋嚟話我地今日冇呢款喎, 其他兩款都有朋友問清楚, 你又話第一款冇ge?點知佢今次話第二款冇, 第一款有...囧；今次去我同朋友一齊叫, 又係丼餐, 朋友們就散叫(經理落單的)佢地全部都齊哂, 當然要催下單點知冇落...都算嘞再落過又等左超過5分鐘再催點知個呆下呆下的waitress話"你地armarm落單je, 好快到la..."嗰刻真係好想...結果2.20分度第一次落單個丼到我面前係3.0x...其中5次催單(同2個waitress, 1個經理)簡直令人憤怒到食唔落!!!!（尖沙咀的板前服務不錯，快上菜又冇漏單...)

　呢個星期食左兩間板前, 一間係旺角家樂(26/09 fri), 一間係青衣城(1/10 wed), 試晒兩間都係6日內發生o既事, 一日係假期前夕, 一日係正假期。旺角家樂果間有食評過係旺角最好o既一間板前, 7點幾上到去真係好多好多人, 我同男朋友響旺角行埋隔離o既潮特, 返到黎都仲要等十五分鐘。最尾8點幾至有得坐低, 我o地叫左個珍寶帶子, 呢個真係要試, 好似$35蚊有兩件, 啖啖肉~ 仲有叫左蝦膏甜蝦軍艦, 三文魚壽司, 三文魚, 天使蝦等等。味道無咩驚喜, 最令人失望係連最基本的三文魚壽司都又干又無味... ... 而板前出名o既天使蝦, 個蝦頭又凍又出油, 蝦身又干, 又無味~ 好失望啊~~~~而且壽司中間都無好似佢寫o既咁樣已加左wasabi~ 可能人太多了, 師傅根本做唔切!! 同我睇o既食評完全兩個樣丫!!!!~~~ 都幾參差>.<青衣呢間好好多!!! 8點幾去到, 可能因為晏左少少, 等左五分鐘左右已經有得入去坐卡位, 唔緊要啦, 都唔會食迴轉台架啦~ 叫o既o野同旺角果間差不多, 由最基本o既三文魚壽司至蝦膏甜蝦軍艦都俾十個滿意佢。男朋友都覺得青

師傅都試過唔少壽司店, 但偏偏從來都未試過呢間, 本來對呢間食店都不太感興趣, 但又成日聽到好多人都讚, 既然係咁冇理由唔試一餐, 終於喺上個月黎食左一餐!去到門口, 一如以往人山人海, 攞左張飛仔等左一陣就有位, 真慶幸唔使等好耐; 一坐底即刻睇下有咩好食啦, 最後就揀左北寄貝壽司, 吉列蝦卷, 三文魚魚子杯飯, 三文魚刺身, 蒸蛋, 吞拿魚沙律, 飛魚子, 龍蝦沙律同埋火炙三文魚!試勻咁多樣, 師傅唔覺得有邊一樣特別出色, 樣樣都係普普通通啦, 可以接受; 最吸引算係蒸蛋, 蒸蛋熱辣辣, 加上非常滑勁好味; 而三文魚刺身都頗新鮮, 肉質都鮮甜, 可以啦; 但最令師傅失望就一定係三文魚魚子杯飯, 三文魚子係幾大粒, 不過就幾腥, 一d都唔吸引, 再講食完後係有渣, 都幾差!總括黎講食物質素普通, 服務就幾好, 環境都叫清潔乾淨, 價錢就一般, 埋單大約一百八十蚊, 抵食情度屬於普通啦; 師傅覺得呢間食店都係名大於實, 坦白講峰壽司同和花亭比佢更好, 所以再次光顧嘅機會不大, 而笑臉都比唔到!

原來打算用大作的印花卡的，但我們懶得走到荃灣吃，便在青衣城解決晚餐了。很幸運，不用等位。這次的壽司比一月時在綠楊坊板前為差，主要原因是大縮水。先說海鰻壽司，海鰻與飯份量不平均，飯太少，我們不是在大盛吃飯。三文魚壽司一般，至於帆立貝壽司十分肥美，而且很滑口，很不錯。我最滿意的是手卷，大大片三文魚，但侍應給我們的時候沒有把它放在架內，十分失禮。其實板前當下午茶還可以，晚飯可能要恕點才夠飽。

其實我都幾鍾意食手握壽司架！平時機整嘅太大舊飯，食少少已經飽lu......好耐冇食過板前壽司喇，係青衣都有間，所以試吓喇！三文魚壽司 ($9)新鮮！北寄貝壽司 ($20)北寄貝爽口，唔錯！海老箱押壽司 ($15)舊飯大舊咗啲......軟殼蟹手卷 ($20)賣相超靚，軟殼蟹夠香脆，正！吉列蝦卷 ($18)賣相好靚，好大件，不過吉列蝦細咗啲，he!!!he!!!!火炙鰻魚壽司 ($18)嘩！鰻魚超多汁，I like it!!!!!!!!蟹棒壽司 ($12)喱個真係好抵食，蟹棒好大條，又新鮮，只賣$12，超抵！服務唔錯！侍應有禮！上菜夠快！

夜晚同屋企人黎左青衣. 尋晚食左上海野所以唔想食阿拉廚房﹐最後去左呢度食壽司﹐去到唔洗等就有位了. 叫左﹕珍寶帆立貝﹕帆立貝好巨型﹐又鮮甜﹐滿足 ^ ^ 火炙三文魚﹕麻麻地﹐無果種入口即溶既感覺﹐上次0係板長食果一次好味好多三文魚﹕無食到﹐媽咪話唔得﹐薄薄的三文魚腩﹕OK﹐但都係覺得板長較好﹐始終薄了些。媽咪話比三文魚好食火炙饅魚﹕好食! 鰻魚肉很厚﹐而且彈牙﹐味道很好﹐正﹗之後encore了一碟 ^ ^ 板前蝦﹕幾好﹐都幾鮮甜親子卷﹕唔錯﹐三文魚夠厚鱆紅魚﹕OK﹐但唔岩我口味魚﹕無食到﹐爸爸話幾好仲有一樣不知名卷﹐係有d類似紫菜碎既野係面﹐入面有d鰻魚0甘﹐麻麻地﹐好似食草0甘.感覺上質素不及板長﹐但都算OK. 服務尚可.

D: 今日放假去左青衣城行街 知道開左間板前 咪去試下 畢竟已經9點幾 )唔洗等就有位被安排迴轉後面2人卡位坐 但有好多野都無 張紙長到呢 問左個靓女經理張紙D野無架....佢話係呀真係唔好意思 但係我地仲有好多款式 不如 我介紹比你地呀 你有咩唔鐘意食架^^ (今時今日 呢D服務都已經好難見到 好多都係同你講完無就算 值得一讚) 最後我地點左 燒玉子 蟹棒 珍寶帆立貝好新鮮 曼魚手卷好香 三文魚一般 三文魚子ok 到第二次order 板前蝦 火炙三文魚 仲有個甜蝦白湯 個白湯好咸唉...板前蝦 無昧.....失望 火炙三文魚一般 最好食都燒玉子 蟹棒 珍寶帆立貝 曼魚手卷 總括: 服務貼心 盡快回復食品正常供應

前幾天發生中毒事件，今日行開青衣城，見板前無咩人，同媽媽入去幫襯，經過今次事件，我地都估好吃番。我地發現迴轉帶無壽司運送，全部都即叫即做，點了午市套餐（松）：九件壽司即叫即做，麵屎湯內有吞拿魚。海膽壽司：對比平時，今次落料重手，味道好甜。鰻魚生春卷：鰻魚有些un。埋單98元

上星期, 板前爆出了十多個食物中毒個案, 估計也許是分店開得太多, 開始管理不善了罷. 然而, 一向自恃'圾垃肚'的我們, 因為星期日過度肚餓, 也因為根據朋友的理據, 剛爆發食物中毒個案的食肆是最衛生的, 於是決定去幫襯店前變得水靜河飛的板前. 我預計, 爆發負面新報之後, 服務和食物水準應該加倍才能夠挽回顧客的信心罷. 可惜, 我錯了.首先我們被安排到店內最入的迴轉位置, 一坐下, 立即聞到一陣飄香---垃圾味. 我轉頭一望, 看到廚房在我的斜後方. 在這種環境根本不能進食, 於是立即要求換位, 心中在想: 為甚麼廚房會傳來垃圾味呢? 由於太肚餓, 無暇細想便立即order食物. 每次去板前必點三文魚腩, 但今次......三文魚腩變了普通三文魚的質素. 板前卷呢? 餡料(帶子和三文魚)的size竟然細了一半! 最最最令我狂抓的是, 該店的冷麵汁竟然是無味道的! 我吃了一口, 叫了經理過來問: 怎麼冷麵汁沒味道的?他竟然答: 我們換了另一隻冷麵汁, 如果你嫌不夠味就加豉油吧.我倒抽一口涼氣, 他媽的, 吃了咁多年冷麵, 真是首次有人叫我加豉油吃! 好! 我就試試看! 幾乎把半

星期日~6月15號夜晚10:30去到青衣城醫肚仔,諗住試下板前啦...(因為掛住個"響螺刺身"$45一碟,好好味架)當時都仲耍派飛...不過等2~3張飛...所以咪等下...過左一陣就有位...坐側邊Ｄ檯....諗住落單啦....嘩...見到有個牌寫住無以下既食物買喎....有成十幾樣都無得買....無墨魚...無瀨尿蝦....無響螺壽司...咁多野都無既.....無計啦,唯有食其他...舉左手好耐,Ｄ人都理我地,好似好忙咁....問Ｄ服務生有無響螺剌身,又無回應.....卒之叫到個男仔,著西裝的,幫手落單.問佢有無響螺刺身啦....佢話無...之後再覆我地海膽都無喎...我男友勁咁同佢講咁成張取消佢,我地想走,點知個西裝人仲好無所謂咁話好....之後我地就話以後都唔再去食野講真丫....有生意都唔好咁唔"志在"丫

失望的地方:1) 壽司飯比堂食的份量少 (但我落ORDER 前已經問咗STAFF喺話同堂食份量一樣)2) 用料比堂食差 (見下面)可以接受的有:1) 蟹棒2) 板前蝦3) 珍寶帶子不能接受的有:1) 三文魚籽: 有「窿」的壽司 2) 空運象拔蚌: 邊大邊少，有一件象拔蚌比尾指還少 3) 三文魚: 比堂食少20%, 更貼切的形容詞是: 百佳的三文魚壽司仲大過佢4) 三文魚腩: 跟三文魚的分別是: 零5) 海蟃: 圖中見到的已經是經修正，我取外賣的時候，呢盒放最上面，嗰時啲料已經散晒喺呢間買外賣， 都是因為想食得好啲，點知比百佳仲差，可能因為外賣唔會即時發現問題，又冇乜機會換貨，所以求求其其總結: 去樓上買仲好

最新一間板前係青衣, 壽司迷梗要去試, 不過真係後悔嚟食.一開既時候, 都想嚟食, 但頭兩個禮拜都要等200張檯, 所以都放棄. 一至開咗第三個星期, 居然只係等20張就有位, 真係唔係好對路.一如以往, 叫咗三文魚, 帆立貝, 鰻魚壽司.....樣樣都唔夠以前咁新鮮, 連舊飯都散嘅, 似乎同元氣差唔多.鄭生真係要睇緊啲, 唔好成日掛住上電視, 我地唔想食名氣.

去過尖沙咀,銅鑼灣，旺角，荃灣，機場依幾間板前食壽司吃過！今次係青衣食的板前係最最最最最最最最最最失望的一次！不論食物質素,服務態度,食俱素質都很有問題,首先就食物質素來評價,食材不新鮮，同時食物size 比以上其他分店黎講細得可憐…其中以三文魚腩更為過份，size 只得其他分店的一半小D，個魚腩size同個飯size 基上一樣，薄到呢~~我同個經理講碟野好似有D 問題…佢話無問題，好標準~~我當堂啞左``````第二，服務態度，有一個男待應，黑口黑面，一D笑容都無。之後落order 都十問九唔應，仲有個佢地對鞋，好dirty dirty dirty ~~~有個侍應明明對鞋係白色但dirty到呢````` 最後,食俱素質.....對木快嚇親人，係街木快邊有刺咪算… 當我夾起壽司，放落個口，木快D刺，"吉"到 > <``````````都唔講咁多啦````````.................................................

食物 quality is good , 但不論穿黑制服經理級, 低至細路仔級sushi makers, 他們做得好開心, all the time 吹水, 一邊做 sushi, 一邊傾, 唔知可唔可以叫管理層要求他們put on mask 呢 ?唔知有冇人有同樣感覺???