松記糖水店

營業中

休息中

本人幫襯松記超過十年, 分拆成兩店後, 一直支持此元州街店, 店員一向都態度親切!今晚再次幫襯外賣, 卻換來一位女店員惡劣態度對待:由一名較生面口長髮凸眼女店員落order叫了四個甜品外賣: 招牌芒果加布甸x2, 西瓜涼粉, 榴槤班戟; 該女店員立刻表示冇榴槤班戟, 所以我即時改要芒果班戟! 到大概五分鐘後該女店員將外賣拿出來, 卻發現袋裡的是芒果加布甸x3, 和西瓜涼粉! 於是即時詢問該女店員, 是否放錯了(因為少左個班戟多左個布甸), 點知該女店員以極粗語氣話: "我冇拎錯, 係你落order講錯!" 因我落order時習慣複述一次, 所以錯的機會係好微, 但又冇辦法証明, 心想"算啦, 當我真係講錯, 問下可唔可以換啦"點知一問, 該女店員竟然話"依家係你講錯, 我地唔會換, 你要就再俾錢買過個!" 真係唔知呢d係咩服務態度, 就算真係客人錯, 都冇可能咁既態度對客人掛!!! 以後絕不再幫襯此松記, 恭喜佢地流失一個老顧客…

去開o個頭，都必定食我就鐘意幻彩明珠，我個friend就最鐘意佢d芝麻胡

Chung Kee and Hui Lau Shan are both my favourite dessert house,I like the dessert in Chung Kee because the dessert are tasty and fresh, I like the red bean dessert and mix fruit dessert, they are yummy! I must come again.thank you.

續之前的麻辣米線, 到松記食甜品.甜品選擇相當多, 最後選擇了幻彩珍珠.基本上以這個價錢, 這個質素已經叫人好滿意. 要剔挑的話, 就是芒果略酸, 西瓜無起沙, 但不當造亦無法子.吃過甜品, 又要繼續努力.

一向對甜品不太好,但食過松記後不得不話正!!!幻彩明珠:份量充足,芒果汁味道啱啱好,不太酸更不會甜到漏Summer:消暑佳品,份量驚人,可自由配搭雪糕味道,男仔居然可以食得飽食品價錢同份量比較都算值得,誠意上win晒大型連鎖店

估唔到星期六晚上十二點的松記都有咁多人！芒果西米露-朋友話唔夠甜！芒果黑珍珠-黑珍珠比較硬！綠茶湯圓-湯圓皮薄又彈牙，比起一般湯圓好味！

下午到，將近爆滿，好彩不用等位，便入去食了幻彩明珠($14)和紫米豆腐花($10)。兩樣上檯都滿到瀉，而且質素不俗：幻彩明珠材料豐富，生果有西瓜、芒果、蜜瓜和奇異果等，配珍珠、涼粉再加些少奶，確是相當討好的一樣甜品。豆腐花配上紫米，是幼滑加點咬口，加些少椰汁增添香味，不太甜亦合心意。雖然是名店，不過質量均佳，價錢不貴，就是這樣把客留住。

松記真係好正呢.... 大部份網友都說了我最喜歡的是黃白呀~~~~ 即是馬蒂露+ 豆腐花

都麻麻地...但係好間野幾清潔!<br />d枱細佐d姐

知道松記已經很久，可是始終未有機會試﹗難得跟友人到長沙灣一帶吃飯，便乘機提議到松記食糖水﹗這裡有很多不同款色的糖水，eg. hello, summer, etc.而且menu附有很多圖片，很照顧客人﹗點了個什果涼粉，上面加了芒果汁，幾特別﹗不過，由於點的是涼粉，其實沒有什麼好吃不好吃之分﹗整體上都ok﹗

今年我o係長沙灣返學,特登上Openrice搵下邊樹好食,見呢間好多好評,所以今日專誠去睇睇,我外賣o左o個度推介o既「幻彩明珠」個名真係好靚, 而且意外o既平,我仲搭o左1個鐘車先返到屋企食,返到屋企碗野仲幾凍!!食o左幾淡~好正, 好消暑!!西瓜好多汁, 芒果好甜~但可惜黑涼粉冇咩味..同睇o個度都坐幾迫..下次食杯杯冰~***外賣加$1

黎過幾次喇~今次又係點左呢個好食水準冇差過,下次想試下個個summer

其實自從冇o係深水步讀書之後~~已經好少去呢度食~~差唔多有一年冇黎過喇............今次同d fd一齊黎~~我試左什果杯杯冰~~佢一拎到黎~~已經嚇死喇~~因為勁大碗呀...........又多料~~好多生果~~刨冰~~紅豆~~加埋奶~~簡直係可以當正餐食啦........我d fd話佢地一個人都食唔晒~~不過因為我大食~~所以最後一個人已經吞晒成碗野~~仲食左d我d fd o既糖水添~~我有個fd食左summer~~不過我見佢個樣好似好普通~~裡面有雪糕(但好老實講~~食雪糕都唔駛去松記啦)~~有另一個fd叫左擂沙湯圓~~不過好似冇咩特別~~都係食糖水好d~~至於環境~~其實唔係好寬敞~~但又唔係好迫~~服務都幾好~~落單o個個阿姐都好好笑容~~唔會因為好忙就語氣好差~~下次要再試試其他味道o既杯杯冰先得~~

呢一晚終於食了松記了~名不虛傳，又平又好味叫了幻彩明珠同埋芒果"pan cake"好好味又唔係細份呢~事後睇返張單...完全係意料之外地平~

每次經過松記門口ｏ既時候，不論係乜ｏ野時間都好，都係多人得好誇張，好似戲院散場咁！我比較鍾意食佢地ｏ既楊枝甘露，因為真係好好食，好足料，芒果夠甜，西柚唔太酸，個汁底夠杰，可以講係咁多間出名甜品店中最正，同埋最對辦的！但最好都是買外賣比較好，因為伙計們相當趕客，一見你食完就用九秒九的速度清理現場，而且座位相當擁迫！