松記糖水店

營業中

休息中

何謂六寶？即芝麻，花生，紅豆，奶黃，綠茶　＆　紫米前四粒ｏ既外皮都係白雪雪，每咬一口都有驚喜，因為你永遠ｏ吾知下一粒係ｏ羊饀料後兩粒都有驚喜，因為估ｏ吾到綠荼同紫米係指佢ｏ地ｏ既外皮（不過我ｏ吾係幾食得出個味），餡料都係奶黃可謂驚喜重重味道方面，外皮好有咬口，料又夠足，甜而不膩，ｇｏｏｄ！冬天食好似好ｄ，事關佢係熱ｏ既，而且薑湯驅寒ｍａ

高中生一名, 由之前唔食糖水試過松記後到而家一個禮拜食一次或更多(可能近學校)放學時間人唔多, 所以多數都有位服務態度都幾好, 落單3分鐘內有得食款式都唔知算唔算多, 不過好食既,兩三樣都可以了, 貴精不貴多麻多數都係食芒果既野芒果加布甸, 芒果班戟, 芒果Summer(沒錯, 是將什果轉芒果)不過有時候會幾酸價錢都算大眾化, 大多十幾蚊, 而且夠份量偶而叫兩round都唔會太破費最貴既CK酥都係28蚊,但係次次見人點都會有唔同既食法如果去食松記的話幻彩明珠($14)同summer($16)都應該係首選

我次次想嗌新野..但係幻彩明珠真係太正\'\'..芒果班CAKE..雷沙湯圓..SUMMER..CK酥\'\'都好掂\'\'....又抵WOW!!

我同三歲幾既姨甥女每日食飽飯, 都會去食佢既糖水, 每日既水準都好穩定,每碗既份量仲唔少&又唔會偷工減料, 我地最鍾意係什果西米露& 什果黑珍珠, d生果又新鮮又足料, 而另一至愛係芒果明珠, 芒果超多明珠超"煙un"芒果汁超濃, 好正^.^

確實有一段長時間沒有來松記了，主要原因是兩間分店都不就腳。年廿九的晚上剛好有空，於是和男友重遊舊地。晚上10點門口已有大批人在等候，幸運的是我倆只等了一分鐘就可以入座。我依然是食幻彩明珠，男友就食summer。幻彩明珠仍然是大堆頭，大量的生果，又有大西米，很不錯。但是有很多我不喜歡的黑涼粉，大煞風景。summer有兩個雪糕，看上去都很好味。不過男友說不落花奶會更好，因為落了花奶會很"杰"。沒有試過另一間松記，不過真的想知道二者之分別。

我叫左個芝麻薑汁撞奶,雖然個樣唔"靚仔"但入到口就薑味好重,薑汁份量好似多左D咁....

曾經有一段日子不停在這裡吃ＳＵＭＭＥＲ！好味！期間加價了１大元正，也無損我們對它的鍾愛！兩個雪糕球又大又好味，水果新鮮多款，大西米有咬口。雖然是加了價，但也只是＄１５，不過好久沒去，不知現在又如何？這裡的確是下班（５－６時）好去處，跟親愛的ＦＩＥＬＤＭＡＴＥ談天說地，當時的人又不多，不亦樂乎啊！

我和朋友一行四人到深水埗增輝大排檔飽餐完畢，朋友說松記糖水很出名，我們到達時更見大排長龍。等了差不多半小時終於有位。心想一場來到，又等了好一陣子，我們便貪心地點了芝麻糊，紫米奶黃湯圓，綠茶奶黃湯圓，兩個木糠咖啡布丁，榴槤班cake，什果透明涼粉狀東西，同埋CK酥。其實好老實講，芝麻糊欠芝麻香(i.e.淡而無味)，榴槤居然係脆的！木糠咖啡味道虛無縹緲。綠茶和紫米湯圓反而不俗，湯好像比圓子更出色。什果透明涼粉狀東西中規中矩，CK酥味道不錯，酥皮好味，但曲奇雪糕極甜欠曲奇味(雖然老公喜歡)。(註：雖然多人光顧，但老細應注意個別員工態度，這樣生意才可以越做越有！)

自己似乎唔記得上次果句,今次又黎左呢間食...不過因為係同呀媽黎,始終都係對呢間有信心d...八成滿坐,吸引唔少學生黎食...選擇眾多,今次點了幻彩明珠,呀媽點了紫白(紫米露+豆腐花)...幻彩明珠如常多到滿瀉,新鮮的水果,佔了重要地位,散佈在碗內的不同位置,紅黃綠加上芒果汁,花奶形成幻彩的顏色...西瓜,芒果,蜜瓜甜甜的,不過奇異果就酸左d了...明珠應指黑珍珠同大西米,一粒粒的散佈各細小的空間...大西米煙煙韌韌,黑珍珠都唔錯...至於紫白,自己只食左一羹,豆腐花好滑,豆味夠香濃,都唔錯...因為份量多,食味唔錯,加上價錢平,兩人都食得滿足...呀媽話下次會帶其他親戚呢度食...

同bf食飽飽米線,飯後糖水係我地既指定動作...個menu好厚, 多數係廣告.睇左成10分鐘, 咁多choice,,,最後叫左summer ($16) 同芝麻薑汁撞奶($17).Summer: 兩個雪糕, 加上鮮什果, 大西米, 花奶, 芒果汁.個樣幾靚, 見到都好開心. 味道ok啦, 有口感,唔花巧.芝麻薑汁撞奶: 個樣麻麻. 入口好大陣薑味,蓋過晒d芝麻. 薑汁份量應好好調過, 免得失去芝麻意思. 食完好暖, 與我的summer 形成強烈對比, 以此名為"winter".哈哈!

食過米線後就黎食糖水，其實食完米線已經好飽，但松記糖水又點能放過！叫咗個"幻彩明珠" (走奶)。好大碗，上面鋪著多多的芒果汁，下面就有好多西米、大西米、黑珍珠、什果、涼粉。什果夠新鮮夠甜; 大西米、黑珍珠好有咬口，食到個口好累！wakakaka...略嫌涼粉太苦，好像跟甜甜的什果不大襯，如果可以落多D糖水就會好好多！價錢真係好大眾化，咁大碗都係$14，勝過大良or 滿記or 手造啦！

I went to Chung Kee on New Year's day, I had a dessert named "Hello", their are many bean in the dessert , taste great! yummy! I must go again, thank you.

剛從外國回來的我, 很久以前看到餐廳排行榜, 它榜上有名, 便想到這裡嘗嘗。我跟朋友各自叫了"什果西米露" "幻彩明珠"西米露還不錯, 面頭他們鋪了一層類似芒果醬, 但我略嫌奇異果很酸, 酸得我把它掉到一旁不吃, 但芒果很甜, 珍珠很好嚼感... 值得一試至於幻彩明珠, 他們在menu上是推薦的, 底下鋪了涼粉, 可惜我沒有嘗過一口, 不敢對此作評論服務, 在繁忙時間欠奉, 還帶點混亂, 我們拿了頭籌, 那位員工都濛查查將位讓了比我們後期拿籌的客人, 有點失望..overall, 可以一嘗

羊腩煲過後,帶著渾身是暖的身軀,徒步到友人住所附近的松記延續這夜,下一下火.前後松記也去過,但每一次,也是以這間松記為首選,可能一直抱著"這間才是正店"的心理作崇,姑勿論點.在長記吃甜品,始終以松記為首選.友人要芒果西米,我就來個"什果明珠".什果明珠最緊要用料新鮮,士多啤梨,西瓜芒果,加上"明珠"黑珍珠.幾種材料共冶一爐.吃得很過癮.友人的芒果西米,味道不得而知,看她的表情,相信也不錯吧.再來杯清新的薄荷飄雪,自少聽得多薄荷對某些東西有所效用,如果屬實的可話係"及時雨".埋單不知幾多,多謝晒.天寒地凍吃凍甜品,點滴在心頭.這個冬日浪漫,本來也很寫意.可惜比地球另一面利物浦市,足總杯第三圈愛華頓主場1:4不敵"暴力般".這個荒謬賽果完全破壞.望住螢光幕上播放中Love Actually DVD,頓時乏而無味.

自從沒有係kowloon tong讀書之後...已經好耐無黎松記食野lu..對上次係補完習黎食!尋日一如以往...喊左個哈囉走mango汁(因為小女對mango有敏感..食甜品真係有d煩)黎食..當初因為中2食喳咋..所以愛上哈囉...哈囉真係好好食,口感好好...透明圓形一粒粒既粉圓(應該係吧!)+埋其他粟米同豆..仲有椰汁糕...冇喳咋果種甜膩感覺...反而多一種清新既感覺...每次黎松記都會令我諗起中5果一年...