松記糖水店

營業中

休息中

綠茶皮奶皇湯圓食極都唔厭超級好味~

其實本人之前對松記已經好困惑..因為朋友話我知呢間有咁多人排O既松記冇註冊商標，但後面O個間有...咁呢間咪姐我食開呢間係假野???但我又覺得好好味...直到尋晚，又如常去左松記，食完個芒果加布甸，再行過後面搭車，見到有註冊商標O個間松記，又有小食又有面賣就覺得不再困惑。因為唔理真定假，賣糖水賣到要玩埋飯面，就知道就知道食開呢間好D...話哂可以一心一意玩甜品MA~~~

豆腐花加黃沙糖可為我最喜歡食既甜品/糖水，行開黎長沙灣就順便黎松記試下，真係好彩呢度都有黃糖供應，豆腐花又香又滑真係正，咁好味都只不過係八蚊雞，唔怪得咁多人話呢間野又平又正，不過原來佢地差唔多成下午一點先開門，好似遲o左d姐。

行完西九有d口渴,就去松記食下野...雖然已經六點幾,但係仲有好多人黎食,不過都唔使排隊...叫左個什果西米露同一杯飲品—－薄荷飄雪...先講什果西米露,裝到滿到瀉...好多西米,ok甜,唔係淡而無味,都夠凍...至於什果都幾多下,有西瓜,蜜爪,哈密瓜,奇異果,芒果...西瓜,蜜爪,哈密瓜都甜,但芒果就有d酸...其實整體d什果都新鮮...至於薄荷飄雪,就係一杯薄荷飲品加d類似西米的物體(有可能係西米)落去...飲落好重薄荷味,好涼...都幾好飲...埋單$26,幾抵食...至於邊間松記先係正店,就不得而知...下次試下後面果間...

間餐廳雖然細～但係ｄ野都幾好食～我最鐘意係幻彩明珠～

仍然有叫幻彩明珠,仲係好食今次叫多個杯杯冰好大個呀..!!!!!我覺得係全場最抵食既!先22蚊,哈哈一個人真係冇乜可能食得晒!2個人食都會好滿足咖~!夠凍~生果夠甜!不過冰就唔夠碎啦!

糖水店講, 佢真係好多選擇, 而且價錢一都唔貴, 夏天就最鍾意食"哈囉" , 但如一個人食哂的話都幾飽呀, 冬天就鍾意食"花生糊" 及"芝麻糊" , 特別係"花生糊" , 真係越來越少地方有得食, 但湯圓對本人講就甜d

食完劉森記，就去埋松記食糖水。Menu 有好多選擇，最後要了芒果琉璃和六寶丸。琉璃好爽，大小如魚籽，不過咁大碗食感覺有啲怪，加上芒果汁太少。至於六寶丸就不錯，薑汁糖水幾好，六種湯圓中有三粒係奶黄（只是個皮不同），另外有花生﹑芝麻同紫糯米。幾抵食！

松記對本人o黎講真係好"隔涉",但都特登搭車入去試﹐事關幾年前去試o既時候竟然誤進同區另一間松記﹐今次點都要試o下呢間話係原店o既松記。下午去到﹐好彩唔駛等位﹐見比較疏落就坐左o係張細細四人檯。一坐低梗係點左個幻彩明珠先啦﹐但係又衰貪心﹐另加左個芝麻雪糕球﹐o黎到就知道唔好喇﹐因為阿姐放低碗甜品時好求其﹐D芒果汁見漏晒o係碟上面﹐跟住芝麻雪糕又溶得快﹐當堂變左淡味o既灰色明珠﹐芒果得兩條﹐嗚.....不過十幾蚊﹐都算係o甘啦﹗一場o黎到﹐食一樣就閃又好似好浪費﹐就點多個三寶湯丸﹐其中一粒換做綠茶奶黃。等o左一陣上桌﹐薑湯ok﹐不過淡左D﹐同埋熱D仲好。至於湯丸本身﹐皮算係薄薄滑滑﹐已經跟佢地建議次序﹐先食奶黃然後花生最後芝麻﹐但唔知點解食完又唔覺得好食。地方o黎講就麻麻地啦﹐因為有o的唔乾淨。順帶一提﹐坐低後有兩個阿姐就一直叫D人埋黎坐﹐但係外面明明有好多檯未坐滿﹐有三個客入黎﹐佢地都硬叫人埋黎搭檯﹐人地都皺晒眉頭﹐問外面仲有幾張檯﹐點解要坐呢張﹖好心啦﹐下午又唔係繁忙時間﹐唔駛計到o甘盡丫嘛?!坐都坐得唔舒服﹐食完只想快o的閃(阿姐求之不得)會唔會專程o黎多次? 睇在地方同服務上﹐我

响天祥食完，實在太飽，要散吓步先食得甜品...响深水埗食甜品我大多數都會嚟呢度，如果想食傳统糖水就去綠林...去到難得唔使等位，唔使再係門口望住嗰個矇查查嘅電視..老友竟然未嚟過，有冇攪錯>.<，於是揸住個menu好似解書咁講，最後佢揀咗雪山，我就依然係叫例牌菜--- 六寶湯丸，嘩...又食唔食得晒ar?...叫呢個湯丸主要係飲佢個夠薑糖水。湯丸就算有六寶(綠茶、黑糯米、蔴蓉、芝蔴、紅豆及奶黃)都吸引唔到我，因佢點整都唔夠福元好食...糖水夠薑，咁晒我呢亭老人家..嘩...又食晒la..

六點幾去到, 唔駛等位真好.試了芒果班戟和芒果布甸.芒果布甸d芒果好大塊, 好新鮮, d布甸好似豆腐咁樣, 好滑. 至於個班戟都好食, 很多cream的.

cindy,對不起令你一肚氣，本人巳了解到當晚發生的事‧這位女樓面處理不當因為本店以客惟本，順應顧客要求，錯誤次要，相反對客要有禮和解決問題是重點。守門口女樓面巳換了另一位有經驗和有禮的替代，而出錯的女店員巳掉轉會在內部工作，這次的不愉快的經驗令本店更注重和顧客溝通cindy可直接到本店的論壇給意見。cur你都好有心思見你影了那麼多的相片，你給本店的巳見本人會跟進。好久沒有回覆但本人有留意各位給本店的意見，本店會接受任可批評者的寶貴意見，本店亦會盡力而為，希望不會令熟客仔失望。 陳太

尋日食完雲南風味米線過左黎食糖水,都有一排冇食lu,好似少左好多人喎,9點幾都冇人等位?!之前食成日食特別d果d,忽略左d普通野...今次叫左好著通既西米露:紅毛單西米露$14雜果西米露$14今次覺得有d難食...前者好似飲奶咁,好重花奶味...後者d生果全部都唔甜,成碗野好淡...又唔夠凍,即刻諗,媽咪整果d好似仲好味喎!係咪質素下降左???有d失望tim..

我和男友最愛到松記吃糖水(因為近屋企,,haha),高峰期時隔兩天去一次!已完完全全地取代了許留山在我們心中的地位..我們吃過的也不只以上的,只是去得多,也懶拍照了。要推介的還有"琉璃系列",看似西米,吃進去會發現有驚喜。喜歡松記不只是她的食物,還有其快得可怕的工作速度,等位快,製作速度更快,傳菜是超快,由order至到食物放進口,為時只需2分鐘。這點我是超級欣賞的。(其實係想我地快d食完快d走唔好霸住個位...)到她的網站看看吧,看看"友情貼圖"貼上了她們的聚會照,(那個不知是不是橋寶寶?)看看"松記論壇"竟然是每篇都有回覆,你會愛上她的親切..親民。回樓下的:開頭我同男友都好唔中意果個女人,好鬼惡呀佢,但後來去得多就發現原來佢本身係咁架,,,佢講野係咁大聲架,,佢仲好中意話:"靚仔幾多位!!!"次次都係問靚仔幾多位,唔會問靚女幾多位..

同老婆去完小金井就走到后面街果间松記糖水叫左3个糖水试一试。芝麻雪米糍，紫米豆腐花和楊枝甘露。。芝麻雪米糍（8元）：有4种味道，撈D芝麻食，yummy 底食紫米豆腐花（10元): 有D咬口但味道一般楊枝甘露（18元）：正正，芒果好甜服务员有好有坏看运气啦，有时间会再来