松屋 (仁信大廈)

營業中

休息中

未能完成艱辛的考試，心情其實都幾低落，星期五的晚上便去了吃甜品令自己開心點。來到了位於西營盤第三街的松屋，是一家集合主食和甜品的小店~ 晚上九時多來到，客人都不少呢松屋主打日式甜品，有不少是以我喜愛的抹茶為主最後點了兩款甜品: 1) 抹茶心太軟配抹茶蕨餅心太軟份量十足，抹茶流心洶湧澎湃，甜度適中，茶味甘香小妹對蕨餅本身興趣不大，但這裏令我刮目相看，沾上抹茶粉後的蕨餅煙煙韌韌很好吃呢2) 士多啤梨窩夫配雪糕賣相吸引，熱辣辣的窩夫鬆軟可口，充滿牛油和雞蛋香旁邊的士多啤梨很鮮甜，好好食住在西環的街坊晚飯後可以來這裏吃甜品呢

<用丸久小山園抹茶粉整既甜品真係特別正🍵> 呢間喺西營盤既松屋 以綠白牆身 木枱 做裝修 播住日本歌 地方雖少 但十分整齊 👍🏻 食既有唔同既日本定食set . 仲有各種甜品😍 因為剛食完飯 入到黎當然食甜品啦 😍🍡松屋創作甜品 58 蚊日式蕨餅抹茶心太軟伴抹茶雪糕🍵🍦一望都知正野 抹茶味勁香濃既心太軟 出面厚度適中 帶點甜 同暖 一整開 抹茶醬半溶甘流出黎 抹茶密度高 又香濃 😍 側邊既雪糕 一樣都係 好香抹茶味 加上彈牙煙靱既抹茶蕨餅同cream 👍🏻鍾意食抹茶既朋友必試😍👍🏻🍡紫薯梳乎厘伴雪糕 58 蚊🍠🍦紫薯梳乎厘外表好靚 口感帶d彈 上面鋪滿左紫薯粉 一整開 入面帶d紫薯溶同根 夠哂新鮮 😍 最正係側邊加埋 香甜既曲奇雪糕 同梳乎厘係perfect match 👍🏻🍦P.s. 每人post相打卡 送價值10 蚊既雪糕球 有抹茶 雲尼拿 曲奇同朱古力🍫佢今日轉左mango同朱古力 mango既芒果雪糕幾香甜 朱古力味夠香濃 入面仲有朱古力碎都好正！👍🏻Score 平均分 <8/10>Taste 味道：👍🏻👍🏻👍🏻👍🏻Present 外

吃飽飯後也想吃甜品可能不是嚐甜，不是吃不飽卻是因為，心情太苦了———小店位置係西環大斜坡上，跟住google map走，一路行一路行，真係出哂汗先到😂🙈———咁辛苦黎到，緊係點店內最有名氣嘅兩款甜品！🍵日式蕨餅抹茶心太軟伴抹茶雪糕 $58作為#抹茶控，這個抹茶甜品認真吸引😍心太軟烘得好靚仔，切開發現是湧出來的抹茶朱古力內餡😍不過可惜味道令人有少許失望，選用丸久小山園抹茶粉製作味道確是濃郁，但偏甜膩而欠茶味微苦回甘😢而外層如果能做到帶點微脆的蛋糕口感，相信更勝一籌！自家製的抹茶雪糕味道和質感都不錯，但放在心太軟上被熱溶得很快🙈而蕨餅口感帶煙韌微涼又富抹茶香，不錯呀！整體份量不大，所以價值略厭偏高呢🙈🍠紫薯梳乎厘伴雪糕 $58梳乎厘烘得好靚，蛋白打得夠鬆軟，吃下口感輕盈，更驚見底下有不少真. 紫薯蓉！！微甜的紫薯蓉加上打發蛋白，令成件事多添左份實在感😂又幾夾喎！🤣不過配上的雪糕就好快溶，味道口感都比較普通了🙈———整體來說，很欣賞小店由一位廚師一手包辦，由主食到甜品都應有盡有！👍🏻甜品用心製作，不過質素仍然有進步空間💪🏻

好開心試到一個好正嘅抹茶甜品，超級心心眼， 一個甜品有齊曬冷、熱同埋唔同嘅口感。 個抹茶雪糕真係好正呀，唔會太甜又有香濃抹茶味， 抹茶控一定唔可以錯過。抹茶心太軟都好好食， 溫度好適中，又焗得好香口， 一解開真係有流心㗎， 又冷又熱真係好有層次， 仲要有配搭抹茶蕨餅同埋丸子，令成個甜品嘅口感更加豐富。朋友食嗰個芭菲杯都好特別，試咗佢一啖生朱古力真係同出面不一樣，好有心思， 老闆仲同我哋講生朱古力係佢哋自家製， 真係好令人回味嘅朱古力。

一入到間甜品舖 見到都好主打抹茶同埋梳乎里 本來想試推介嘅紫薯梳乎厘 但係可惜賣曬 又唔係特別想食抹茶嘅嘢 嗌咗個 生朱古力布甸芭菲 一杯有齊幾種享受 口感豐富得黎 又一次過滿足到幾個願望 首先講個雪糕 Cookies and cream嘅雪糕 都係正正常常 唔算太特別下層嘅布甸 都幾滑溜 牛奶味又香濃 抹茶蕨餅 好開心食呢個芭菲都有抹茶蕨餅配搭埋喺入邊 抹茶味的確好香 蕨餅做得好軟 又大一啲煙韌嘅感覺 最有驚喜係面頭嗰幾舊生朱古力 好滑好香推介 仲加咗兩條朱古力百力滋 真係唔同嘅口感都集於一杯芭菲

松屋夜麻麻，想食甜品，其實係西環都幾難搵到間甜品店，唯有用search engine搵下啦，最後比我搵到呢間甜品店，松屋。北海道牛奶梳乎厘(原味)伴綠茶雪糕，$58，呢款甜品只可以即整的，真係要等十幾分鐘才到，保證新鮮。甜品來到時，個梳乎厘彈下彈下咁，好似個水泡，幾得意，食落口時，個梳乎厘充滿了雞蛋味，而且牛奶味亦冇失去到，師傅手功剛剛好，梳乎厘皮鬆軟香囗，質地有彈性，幾好味。推介指數：8/10椰子雪葩(Coconut Sherbet)，$36，我見係雪葩，最初以為是酸酸地的，原來一食落口是甜的，口感跟雪糕差不多，只是質地有小小分別，而製作方法應該是用新鮮椰子，將佢冷藏至結冰，然後磨成沙冰，其主要甜味是來自椰子，我估師傅也加了點椰奶同沙糖，令到雪葩又甜又重椰味。大至上好味過雪糕嘅，主因是用新鮮椰子制造，變成好有椰子鮮味嘅雪糕。推介指數：7/10

松屋在西環第三街, 如果從西營盤站第一街出口過去, 也要一點時間,而且西區同一條街也可又上斜又落斜, 未食甜品先動動身, 哈。餐廳不算大, 是我喜愛的小店格局。內裡顏色配合主打的抹茶甜品, 感覺溫馨。今日因為只有自己一條友, 所以就簡簡單單食了這裡主打的創作甜品:日式蕨餅抹茶心太軟伴抹茶雪糕($58)因為即叫即焗, 所以很正常的等了10分鐘左右, 整份甜品有看得出很有心思, 除了有心太軟、日式蕨餅和抹茶雪糕外, 其實還有小許忌廉和抹茶粉伴碟。整份甜品也是由京都丸久小山園抹茶粉製作而成, 抹茶濃度適中、香氣宜人不搶喉, 並帶有小許回甘。心太軟切開都幾流心, 配合上方的抹茶雪糕簡直就一凍一熱perfect match!!而蛋糕的質感也實在, 但又不算太硬, 又不會「得陣風」,所以其實都幾OK!另外鋪上抹茶粉的蕨餅QQ 軟軟, 又不會過甜, 可以中和心太軟的甜度。總括來說, 松屋沒有連鎖店的霸氣, 沒有千篇一律的芒果甜品, 卻有小店的溫情和創作特色與執著。若下次再經過西環我還是會來坐一坐的。

西營盤自從地鐵可達之後，都多左好多野食，大部分都以小店形式經營，吸引唔少人專程襯假期過黎嚐鮮。早輪都有不少人介紹呢間松屋嘅甜品，特別係抹茶甜品，聽講好出色。遇正放假要去銅鑼灣食晚飯，之後就不如坐叮叮去西環食埋甜品先離開。小店位於第三街，唔難搵，位置唔多，小店一間，大約十零個位，甜品店裝修簡單。一般甜品店都係飯後時間會比較多人，但我地係大約6點鐘到，就唔多人。不過都係來到先知佢地有晚餐供應，類似日式嘅定食，例如咖哩雞、燒鯖魚，都係58-78蚊。甜品餐牌都好多款式，當然唔少得招牌抹茶系列，即時製作，強調用丸久小山園出品嘅抹茶粉，自然有期望同信心。另外亦有梳乎厘、窩夫、燉蛋、雪糕等嘅甜品，價錢合理。晚上9點鐘後入座，每人最低消費一份甜品或飲品。試左兩款店主話係最受歡迎嘅產品，包括日式蕨餅伴抹茶心太軟、抹茶雪糕(58)，限量供應，見隔離枱食緊，賣相幾靚，我都唔諗，即點。心太軟即時整，等左約十五分鐘。心太軟幾大粒，放上自家製抹茶雪糕、抹茶粉。因為即時焗，咁雪糕都慢慢開始溶化，好似瀑布咁以日式蕨餅伴碟。心太軟焗到啱嘅好，外脆內軟，唔會好厚身，裡面好流心，配埋抹茶雪糕都滿足到抹茶控。味道濃郁，雖不至

又再走到浪漫的第三街晚飯後總要甜品慰藉這家甜品小店正合我心店家強調即叫即焗那當然要試試梳乎厘先點了焗冰火布朗尼梳乎厘跟朗尼沒關係但一樣火辣辣上層是原味梳乎厘口感軟滑中間是冷冰冰的雲呢拿雪糕底層是暖暖的布朗尼一口甜品三種質感三種溫度另點了朱古力梳乎厘伴雪糕即叫即焗新鮮出爐朱古力味道濃郁梳乎厘質感同樣鬆軟香滑是水準極高的甜品雪糕是綠茶口味奶味重綠茶味薄弱如果可配朱古力雪糕就更好我們已相約下次試試他們的紫薯梳乎厘

作為一個抹茶控，見到有抹茶甜品，梗係唔會放過～我大概夜晚八點左右嚟到，時間尚早，唔使等位就直接入座了。入到去見到老闆嘅仔仔一路食緊飯仔一路喊，感覺非常溫馨。我同朋友叫咗兩個甜品，兩樣都覺得好高質！日式蕨餅抹茶心太軟伴抹茶雪糕 $58呢個真係好好食！心太軟入面嘅抹茶醬非常好食，食得出入面嘅抹茶係靚野，唔係一般貨色嚟！蕨餅我本身唔係太鍾意食，所以對呢個蕨餅無咩特別評價，不過我同行友人覺得好食！至於抹茶雪糕，我覺得都好食，不過就無心太軟令我咁驚艷！朱古力梳乎厘配抹茶雪糕 $58呢個朱古力梳乎厘非常實在，食完一個真係會飽～朱古力好濃郁，而呢個朱古力亦都好食，唔係死甜的朱古力味，唔會食食下覺得滯！呢度嘅梳乎厘好受歡迎，見到每一檯都有人叫，大家嚟到都可以試下～總括嚟講，兩個甜品都非常好食，之後有機會可以再試！

食完阿元來了，我地再去附近食甜品：Ｐ🍵 日式蕨餅抹茶心太軟伴抹茶雪糕 $58 可以一次過食晒3款甜品，抹茶心太軟好流心，而且好大個有一定既厚度，都唔會太實，抹茶味好香但冇回甘既味道，所以有少少失望🤭抹茶雪糕用左京都丸久小山園抹茶粉整，味道幾出，不過我唔中意雪糕放係心太軟上面，因為好快開始溶，蕨餅沾滿抹茶粉，食完透心涼～☺️ 🍫 朱古力梳乎厘 $58 梳乎厘有原味/抹茶/紫薯味，我就揀左朱古力🍫，梳乎厘發得幾整齊，食得出有朱古力味，中間有少少朱古力醬，質地頗綿密，但梳乎厘既面就焗得乾左啲，可以成塊揭起，個底就食到有少少糖粒，有待改善，整體驚喜唔算太大，抹茶心太軟比較吸引🙌🏻🙌🏻 餐牌

來一個甜品約會吧！音樂會過後，到附近的甜品舖坐一坐、聊聊天。晚上十時半，舖內差不多滿坐，雖然地方不大，枱與枱較近，不過還算舒適。由名字到食物都是走日本風。* 紫薯梳乎厘伴雪糕 *起初還質疑紫薯部分是否只有上面那些粉。。。當然不止！底部有大概一寸厚的紫薯！不太甜，紫薯很香。有趣的是當蛋白碰上紫薯時，會呈現一種藍綠色。上網一查，是正常的，不用擔心。* 日式蕨餅抺茶心太軟伴抺茶雪糕 *全碟都是綠色。心太軟是比較矮小那款，不算非常流心，綠茶味不錯。比其他店突出的是那蕨餅，質感不錯，清甜。

好好味！食完晚餐想搵一間甜品鋪，呢間小店係食日本甜品，我試左紅豆牛奶布甸，甜面不膩，晚餐完食岩岩好，店主一家三口感覺好溫馨，見到佢仲有晚餐食，我下次一定要再黎試下！

前幾天發現，之前曾到訪的西環一間甜品店已經易手，而新開的甜品更受注目。這天下班後，就跟抹茶控同事一起去嘗嘗。 抵達時，正值晚餐時間，人不多，加上氣溫急降，人們大概是都寧願留在家中吧？雖然易手，不過小店的裝潢沒有大變動，唯獨桌子和椅子的擺放不同了。 店名叫「松屋」，帶日式風格，果然，主打的就是日本口味的甜品，抹茶元素一定少不了。店家原來也供應主食，午飯和晚餐時間也可以吃和風便當，下次來可以一試。 餐牌上，甜品選擇琳琅，抹茶控朋友早已決定，而我思前想後，心大心細之下，就選擇了「焗朱古力梳乎厘伴朱古力雪糕」，朋友就吃「日式蕨餅抹茶心太軟伴抹茶雪糕」。 日式蕨餅抹茶心太軟伴抹茶雪糕 $58 這個甜品絕對會令抹茶控尖叫，因為實在太吸引。甜品用上京都丸久小山園抹茶粉去製作，日式蕨餅、心太軟和雪糕都是青BB，是抹茶的顏色呀！ 雪糕是店家自製，比較易溶，我拍了2張相就開始溶了。質感似 Gelato，中間沒有碎冰粒，抹茶味亦香濃。抹茶心太軟色澤濃綠，上桌時已散發出抹茶香氣。 一切開心太軟，流心內餡慢慢溢出，令人即時雙眼發亮。 心太軟外層的蛋糕抹茶味很香濃，有回甘的味道；流心餡不過甜，亦有抹茶味，

為了食抹茶產品，在下上山下海在所不辭，今次去左西環呢間Matsuya，採用日本全國茶品評會第1名丸九小山園抹茶粉已經夠吸引，而且一般食開有品牌的都要$88以上，呢度價錢相當貼地，又很有質素。店面唔大，正常小店size，不過唔係等好耐者。Menu全部都好吸引！日本蕨餅.生巧克力.布甸芭菲 $48Presentation講究，師傅有心思，菜單很有特色，賣相吸引，用木碟加玻璃杯盛載。朱古力棒很脆，可以沾雪糕食。Cookie n cream 雪糕又大又圓。厥餅軟身有嚼勁，果凍口感清爽。手作的生朱古力質感香濃，口感滑順，且甜而不膩，一吃便知道不是便宜貨，很有質素。整個組合balance得很好，沒有over到。日式蕨餅抹茶心太軟伴抹茶雪糕 $58抹茶雪糕放在心太軟上，切開Lava cake後，抹茶熔岩激湧而出，蛋糕鬆軟綿密，味道咸咸地。蛋糕配抹茶雪糕食，matcha味道double up，抹茶香濃不會澀，口感很rich。