東記上海麵

營業中

休息中

難得踏單車入到大埔，緊係要試下大埔街市入面最最最出名既炸豬扒面!記得一年前食過，當時2個人叫左一人一碗豬扒面，再加多碟炸雞翼，結果太多要外賣拎走番屋企食今次汲取教訓後，我地都係一人一碗炸豬扒面，無再額外叫多碟雞翼啦~~ 佢既炸豬扒依然keep到水準，個炸漿好鬆脆，豬扒超有肉味，側邊仲有少少肥膏，超正!!個上海面跟既醬都好惹味!如果佢開分店就好了聽聞大埔街市入面仲有多檔炸豬扒面，(好似又係咩兄弟拆夥，另起爐灶) 大家都可以試下比較下睇下邊間好味D! 溫馨提示，除非係係大食王，因為一碟炸豬扒再加埋個面食完己經好飽了! 佢豬扒份量好多架，唔使驚得好少

咁岩嚟到大埔搵朋友，朋友就帶左我去食好出名既豬扒麵😍豬扒麵位於大埔墟熟食中心入面，一睇就覺得好地道～我地係平日既中午去食，要等一陣位，見好多人麵食緊豬扒麵，心諗咁多人食應該真係好不錯🤤坐低即刻叫返個招牌既豬扒麵，再配菜用雲吞。豬扒同麵係分開上，咁樣既好處係避免豬扒比湯整淋。麵同豬扒既份量都好足，豬扒岩岩炸起，炸得金香，外皮脆口，入面就好juicy,唔會梅，好香口好好食，而麵入面又有雲吞又有菜，好有份量感🤤

星期日一早起身入大埔去梁九記幫屋企個雪櫃入貨。但梁九記真係太多人，有計劃嘅我通常會一早去樓上嘅街市熟食中心醫飽肚仔先開始行動😉舖頭有2名物係一定要食嘅：炸豬扒同炸雞翼竹筍肉絲粗麵拼豬扒 $38竹筍肉絲唔係間間舖都有，而且舖頭嘅竹筍份量勁多，好爽口，正！炸豬扒咁出名，因為佢大大件，炸醬脆、肉juice，而且價錢唔止實惠，而係超值😆😆菜肉雲吞粗麵拼雞翼 $38菜肉雲吞有成4粒咁多，而且大大粒，絕無欺場。雞翼炸醬雖比豬扒的薄、比較硬身，但內里同樣juice講真，而家呢個世代，一碗40蚊有找嘅麵竟然咁高質！老板咁有良心，點會唔多生意？大家企係度等位都要食☺️

大埔友都識既豬扒麵，豬扒外脆內juice😋😋😋大埔街市東記真係數一數二出名🥳鋪頭有時即叫即炸🤗如果你甘岩去食，食到即炸豬扒👍🏻真係好好味，豬扒皮脆內軟，真心好正，豬扒大大份又分上🤩真係好抵食 $38/碗（以前$36）通常我地會叫豬扒雲吞粗 （上海粗麵）粗麵略軟，欠口感但有時遇到佢炸起左，好似今次甘😖就會5夠熱，食落皮硬左😔睇下大家彩數中午時段多人有時要等🤭但等得通常可以食到即叫即炸🥳有利有弊🤗利申：成日食，以平均水平評分,唔怕肥既可以試👍🏻Follow us instagram @cc_yo_cc————————————————滿分5🔆🏝環境🔆🔆🛋服務🔆🔆💲價錢🔆🔆🔆🔆😋食物質素🔆🔆🔆🔆💥翻兜指數🔆🔆🔆🔆🔆————————————————📍餐廳名稱：東記📍地址：大埔新街市2樓#東記 #豬扒粗 #food #foodies #美食日記 #美食分享 #大埔友 #大埔美食

第一次係大埔墟街市食lunch，等左大半個中先有位。豬扒雪菜肉絲米線豬扒炸得脆，但肉質唔算滑所以唔似會落左鬆肉粉，比較欣賞多雪菜個米線好夠味。雞翼菜肉雲吞粗麵雞翼都係炸，幾脆，雲吞多肉少菜，另對粗麵無感。 人均$50東記上海麵大埔鄉事會街8號大埔墟街市及熟食中心2樓CSF27舖.......#hkfood #hkfoodblogger #hkfoodreview #hkig #hkfoodie #foodstagram #eatstagram #foodie #foodblog #foodig #instafoodie #foodporn #foodreview #foodhunt  #travelhk #eatlife #life #taste #먹방 #맛집 #맛 #홍콩  #comida #大埔搵食 #大埔美食 #test_taipo

如果你是唔怕肥，愛吃，那就要推介給你了！東記上海麵，真的可以一試。星期日早上10:00，全層大埔熟食街市給我的感覺是有六七成人都在吃炸豬扒，炸雞翼，吸引到不得了，有很多檔都是吃炸物加麵類，今次揀了東記。餐單只得一個，款式配搭不多，但我覺得專注做一類食物，全程投入製作才會有超水準效果。侍應很快手來問你食什麼，食物上枱時立即付款，飲品要向隔離店買。我點了菜肉雲吞米線拼炸豬扒，熱辣辣上枱，雲吞選用菜和豬肉製成，粒粒大小平均，不算好大粒，肉質結實，饀料輕微有汁，不會太乾。湯麵選了米線，除了米線，還可以揀河粉、粗麵和幼麵，清湯配上幼身米線，口感軟腍，也夠滑溜，湯米線份量不少。隨湯米線附上炸豬扒，老闆很細心沒有把炸豬扒放在湯麵上，不然就會把炸物浸濕了！豬扒很厚也很大塊，非常香脆，肉質鮮嫩，雖然咬落有點油，但不致於有滿口油感覺。總結：一碗炸豬扒菜肉雲吞湯米線，飽肚感十足，真的很飽！吃時滿足，飽後罪惡感爆棚，很高卡高熱量的一餐呢！雖然如此，但都值得一試再回味！

朋友話東記豬扒麵好大份好抵食又好食，所以就特登趕過黎食Lunch! 雖然豬扒嘅份量係好多, 但都幾油膩！個麵上到台已經林晒同埋落單落左好耐先有野食，侍應又叫極都冇乜反應，所以呢餐飯唔係話食得滿足，純粹可以話幾抵食。朋友話以前東記既豬扒炸得爽脆好多，我都唔知係一時失手定水準大不如前，但我地四個人都嗌左豬扒面，大大話話都比左幾次機會佢炸，可惜碟碟都唔脆，可能係同一log炸掛？🤷🏻‍♀️佢豬扒個炸粉好厚，令豬扒睇落更加大塊，食落應該都幾肥，所以建議兩個人試一碗豬扒麵，另一位嗌碗清清地既麵好d！

早餐唔想再食茶餐廳常餐 可以考慮一下東記豬扒面 我都係第一次食 感覺很又新鮮 10點左右已經有好多食客 唔需要等位服務員幫你先點餐 食物送到時 隨即付款 點左 豬扒 炸菜肉絲粗面 細心既店員會將炸豬扒另上（附圖）直接入口-豬扒口感爽口 唔會太油膩 (如果擔心太熱氣 見議可以浸一下湯 再進食 有同樣爽口口感）炸菜份量滿多 粗面較彈牙爽口 配上既蔥花（應該係炸過的 好香）唔好以為一碗麵份量好少 食完基本上已經食唔落其他野 好飽 性價比好高 *如果下次 我會簡豬扒配菜肉雲吞粗面 見到隔離男生order 視覺效果都好豐富 味道應該唔洗講啦

小編我本身都唔係幾鍾意食豬扒，因為覺得啲肉質好鞋，但係作為大埔美食擁躉既我。當然係有食過呢間嘅豬扒麵啦，我想講佢超級好食，肉質唔會鞋，豬扒個被唔會似平時啲快餐店咁炸到厚一厚，係皮薄又脆，食落口啖啖肉香脆可口。仲好juicy 添，係大大碟一個女人仔根本都食唔晒。配埋個上海粗面，解一解飽滯感 。正。因為平時個豬扒實在太多，我通常都係會揀雙拼配埋水餃，但係個水餃真係比較失色，不過不失啦。 大家去開大埔一定要試吓不過要等幾個字㗎， 因為佢係即叫即炸

以前已經聽過大埔有間豬扒面好出名而我咁耐都無試過因為成日覺得熟食市場麻麻地一於去試下啦佢有分粗幼面我地揀左粗面等左超過20分鐘不過食落去 乜都值得呀外皮係脆 入面d肉咸咸地好夾呀 再食反啖面Wow 豬扒無得輸呀

成日聽大埔同學仔講 東記豬扒麵 好好食我呢個九龍人 就特意渣車入去試下佢咩料！一上到去大埔熟食中心 就見到東記 好多人 個個都坐定定 享用既呢度既炸豬扒。雖然多人 但大家都好跟規矩 排隊叫野食。一黎到 30幾蚊 咁多肉？ 第一啖 飲啖湯先 唔似有味精 。之後食麵 係細個食果隻上海麵既質感！到食主角豬扒同雞翼 佢炸得黎唔油 亦好鬆軟，佢仲有個泰式辣醬比你蘸 加一加又轉左第二隻口味。見到碗麵有條菜 都好開心。因為而家出去食飯好多時都唔會有條菜送。 多左顏色又多左纖維 開胃晒

近期有位朋友搬咗入大埔，佢話俾我聽原來大埔都有好多美食，喺新街市裏面嘅熟食攤檔，間間都臥虎藏龍。今日難得有時間，過去探朋友之餘，就梗係要同佢食餐晏晝啦。原來呢度好多熟食檔，一係只開早上，一係只開晚市，今日朋友帶我就係食呢一度最出名嘅豬扒麵，佢話嗰種風味出邊唔會搵到，只此一家。豬扒麵一碗$38，唔算貴，不過塊豬扒真係好大件，一隻碟都裝唔晒，豬扒個面好脆，但食落又有肉汁，唔會韌，鹹鹹地，配埋個辣椒醬就一流。就係等得比較耐，不過好嘢食就係要等，無辦法啦。

上星期我去到大埔附近工作，有同事推薦大埔墟街市有一間勁好食的麵檔，於是中午午餐時間我們一行五人去到這裡食飯。這裡的食客人流非常多，等了好一會兒才有位坐下。同事說這間食肆最出名的是豬扒雞翼上海粗麵，於是我們便點了四碗豬扒雞翼粗麵，以及一碗淨雲呑一齊share。先上菜的粗麵，份量大大碗，絕不欺場。湯底是清湯，粗麵口感順滑，不是爽口彈牙的那一種。接下來就是最期待的豬扒雞翼，這裡的豬扒雞翼是與麵分開另上的，不會沾了湯汁，以確保脆度。份量同樣超大份，豬扒肥瘦均勻，肉質較淋身，雞翼外皮炸得脆口，內𥚃肉質嫩滑配，搭配粗麵堂食只需38元，非常抵食。雖然豬扒雞翼都好好食，但兩者比較，雞翼更勝一籌，下次可以單點雞翼麵再試試。淨雲吞不過不失，但與這裡的豬扒雞翼麵相比，當然是較為遜色。

聞說位於大埔墟街市及熟食中心既的炸豬扒是區內首屈一指，這天剛巧來到大埔區遊走，一於先上去試試，一如所料，門庭若市，要找到兩個位置也很不容易，最後找到喇，還有問題，就是豬扒也是即點即炸的，等上半小時是等閒事，一場來到，也無理由放棄，一於等。小丸子點的是，豬扒分開上的，金黃的外表實在吸引，外層香脆甘香，熱辣辣的，肉也煙韌，乾身不油，厚身而不實，水準實屬不錯喎，而菜肉雲吞則只是一般貨色，上海粗麵也煮得煙韌不稔，整體不錯說。比利的，除了豬扒好吃，想不到雞翼也有水準，同是炸的，也是分開上，熱烘烘的最好吃，大大隻，外脆而內嫩，只是油份略多，加添了少少膩感，不過整體有驚喜喎!不枉此行，也不枉等了差不多成個鐘，吃到美味炸豬扒，值回票價。

今日eatmug9 #27大埔地大胃口大喺大埔嘅食店多到行一個街口又幾間 行幾步又有一間嚟到大埔 想同大家介紹下一間位於熟食中心出名豬扒麵嘅舖頭"東記上海麵"主角當然係塊豬扒喇個皮炸得夠嚟 又夠脆口仲要幫你切好一塊塊但係 但係塊扒本身炸得略為過咗隆肉身比較乾絕對唔係唔好食 而係有啲美中不足啫同埋間舖本身冇水吧 坐底之前會問你飲唔飲嘢如果飲嘅呢 就會安排你坐其他位置想食嘅話 千祈唔好中午時間去成個熟食街市都排晒隊 有排等