東記上海麵

營業中

休息中

每逢週末大埔墟街市的停車場一定係大排長龍。難得今次搵到咪錶位車位泊車，即刻去試東記豬扒麵。食物：豬扒拼菜肉雲吞粗麵新鮮熱辣豬扒嘅炸粉係好薄，炸得好正，唔會好油。本來諗住淨係叫豬扒麵，侍應姐姐話雙拼都係同價，所以點了菜肉雲吞試吓。發覺菜肉雲吞都好好味。牛丸拼榨菜肉絲粗麵牛丸和榨菜肉絲較為遜色。好普通。服務💁🏻‍♀️：- 熟食街市需要自己搵位，需要去屬於東記劃分嘅座位食。點完菜之後，上菜才既付現金。- 冇服務可言，唔會有餐牌，需要直接睇鋪頭的餐牌。- 張煥記嘅侍應會主動走過來問需唔需要飲嘢，都係飲品到達才付款。環境：座位比較擠迫，有些座位不能移動，是固定的。泊車🅿️：可以直接泊大埔墟街市停車場，第1小時會比較平，第2小時會較貴。總結：如果去開街市買餸，不妨都去食東記嘅豬扒。

去完林村許願就出大埔搵美食， 聽人講話大埔墟街市超多嘢食， 三個女仔膽粗粗咩都唔知就走上去去到見到呢個豬扒面好多好多人食緊， 豬扒雙拼麵都係38蚊， 等咗一陣畀人叫咗去後面坐原來東記冇曬位， 只要你幫襯後面嗰檔嘅嘢飲， 你就可以用佢個位食埋東記嘅麵反正東記都冇嘢飲，我哋就幫襯後面嗰檔飲凍檸茶，奶茶 hkd 16蚊 杯，ok既 唔特別好飲但唔特別差我哋三個人喺東記叫咗兩碗 豬扒竹筍上海麵， 一碗豬扒雪菜米線等咗五分鐘左右就送嚟， 一送到黎嘩左一聲。。。 佢嘅豬扒係平時喺出面食到嘅大一半， 炸得幾香口唔油， 豬扒都幾厚身。。。正呀平時好少食到上海麵， 呢度嘅上海麵都好煙韌竹筍嚟到嘅時候好大陣味， 但食落反而味道就唔會好強烈， 都好爽脆食咗朋友小小嘅雪菜， 好有味道都幾夠鹹38蚊咁大碗。。。呢個價錢係抵食嘅， 下次有機會都會再去幫襯

呢日大概晏晝十二點幾嚟到呢間位於大埔墟街市2/F熟食中心嘅《東記上海麵》食lunch。這個檔口有好多食客幫襯 ，張張枱都坐滿客人，要等左五分鐘左右先有位。我叫咗一碗炸豬扒配竹筍肉絲粗麵，盛惠$38。豬扒外面有層薄薄嘅炸漿，炸漿炸得鬆化香脆。豬排夠入味，肉質亦唔嚡口。竹筍夠嫩，冇渣。竹筍味濃，口感爽脆，整碗麵味道唔錯。雖然呢度服務、環境及衛生只屬普通，不過呢碗麵又真係幾好食，而且價錢合理。唔怪得有咁多客幫襯啦！。

走進大埔舊墟街頭唔難發現有座標奇立異既建築大埔人會叫佢做新街市裡面有街市，食店，運動場，圖書館其中大門直上電梯就會來到大埔既熟食市場，food court形式💁🏻‍♀️入鄉當然要隨族依度都會有依度既文化雖然係food court但其實都分左地頭😎咁都好合理，保障食店一定利潤睇枱頭既餐具或餐牌咁就唔難分到枱屬誰家咁樣的確做到百家爭鳴既效果依度既食店多到一個點各有特色各有千秋今次要講既東記同鄰近既世記係兩兄弟餐牌幾乎一樣，味道就略有不同但同樣出色入正題，兩個人食既話不妨一個叫雞翼一個叫豬扒，份量已經好足夠配其他餸都唔洗加錢，一睇炸菜同竹筍滿滿，就知一定令你飽肚講番豬扒，炸粉恰到好處唔會太厚同油膩仲有d鬆軟既感覺，唔痴牙雞翼又炸得乾身，味道足，有時候出面食炸粉厚又炸到硬，咬到牙肉損痛，所以好快就俾我清哂早餐唔想食大集團又想熱熱鬧鬧感受不一樣的早上不妨試試份量足，每人除開40$有找仲想點？

女朋友介紹話好好食，話啲豬扒好出名。去到見到招牌有寫住豬扒兩隻字，心諗應該幾正。叫左個豬扒河粉拼菜肉雲呑，一黎到，啲豬扒凍既！連招牌菜都做唔好就拆左佢喇PS 女朋友叫既雞翼幾好食

今日去開梁九記買餸， 順便去埋樓上熟食中心試下。兩個人一人叫左一碗麵，一碗係竹筍加豬扒粗上海麵， 另一碗係雪菜肉絲加豬扒麵。啲麵都幾香， 雪菜同竹筍都勁多。豬扒好大塊， 炸得好脆， 個炸皮都好薄。

每逢週末大埔熟食中心都會好多人！今日心郁郁想食豬排面，就一於決定上去食啦！😂上到去就真係好好好多人！位都冇 唯有買外賣去朋友到食啦！今次就叫左雞翼雲吞粗麵，朋友就叫左豬排米線 等左5-10分鐘就有了！新鮮炸起既豬排同雞翼好香，搞到流晒口水好想快啲返去食 即刻行返2步😂返到去即刻打開黎食 嘩 豬排同雞翼仲係熱辣辣既 不過今次啲豬排就有啲鞋口 冇之前咁好味！另外雞翼size就有2隻都好細隻 冇乜肉 不過都好脆口同埋食落都好有肉汁而佢既辣椒油既味好特別 加埋落個麵到食 正！

成日都睇到啲雜誌介紹大埔新街市有好多美食講到好吸引咁 今日專登去試下大埔人都識既東記豬扒麵 由大埔火車站行去大約5-7分鐘左右 入到街市再上多層就係 可能因為食飯時間 坐滿晒人 要搵左陣先有位 坐低後睇下有咩食 呢到出名炸豬排同炸雞翼 咁就同友人一人叫一個試下見到雙拼同一價錢 就叫左個豬排雲吞米線 一個雞翼雲吞粗麵 豬排炸得有點鞋口 雲吞都幾好味 有4粒 份量都幾多 不過碗米線就得好少 雞翼都幾滑 新鮮炸起 唔算太厚粉 個人鐘意雞翼多過豬排 服務態度就...... 可能全部都係牙姐既關係 所以一個字講晒 差

自己同朋友仔好鐘意食雞翼難得有機會就決定去食東記去到大家諗都唔使諗就可以落單雖然大家都鐘意食翼但無理由唔食下個豬扒所以就叫左豬扒麵 同 雞翼麵一齊開心share食豬扒麵跟2, 3塊大豬扒雞翼麵都有6隻雞翼d雞翼豬扒全部炸到脆卜卜入面仲好juicy 一啲都唔乾好食到停唔到口真係大件夾抵食d麵粗身又好咬啱晒我呢d口痕牙痕ge人朋友仔滿足到未食完已經好想encore諗定下一次入黎再刷😂小插曲：熟食中心咁多好嘢食多人都預左為免走太遠同坐左人地檔所以已經揀檔前1張枱等位坐點知等完一輪個阿姐話張枱係佢地檔 (隔離城仔記) 如果要坐响度食東記要叫嘢飲本身我地都無乜所謂, 叫咪叫囉但係個阿姐又西面 又唔好態度仲要係咁chur我地好似係我地唔識規矩咁結果我地決定拎袋走人1轉身個已經見阿姐响度口upup人地東記無水吧變相俾左生意你咁都唔係咁嘅態度對人掛未食過你檔嘢都唔想俾生意你做

《😎「醒目仔/女」先食到既🐷豬扒》唔係講笑，係依度想食到碗豬扒麵🍜，先要夠「醒目」👩🏻‍🏫，識得如何等位同搵位，因為一個唔覺意會坐錯左隔離鋪既枱，咁你就GG🤡~ 一係比人「吉」，一係就食唔到豬扒麵🤷🏻‍♀️ ～第二樣野係要有耐性🙂，星期六日係度食麵閒閒地等20-30分鐘⏱，唔餓得既，都係咪喇～———————————————————-依度出名係🐷豬扒同🐔雞翼，可以叫雙拚～$36@雖然佢係叫「東記上海麵」，但我強力建議你叫米線而唔好叫上海麵！發到呢🤡⋯⋯但放心，豬扒雞翼同麵分開上，唔會淋～炸豬扒🍗新鮮炸而唔會一早炸定，特別香脆！（人多到都炸唔切啦）外脆內爆汁！而又唔會太鹹或帶甜～（我好怕帶甜，好怪）有陣陣玫瑰露香，正！由於我個人唔主張食太多雞翼（肥同激素），所以無叫雞翼，但一份豬扒都好夠食😋～*👩🏻‍🏫叫野飲又係要「醒目」，因為佢係要同隔離檔買～可以揀茶餐廳飲品或滋潤良茶啦～————————————————————-💁🏻‍♀️東記上海麵 (大埔)大埔鄉事會街8號大埔墟街市及熟食中心2樓CSF27舖

大埔街市入面真係有好多食店，有好多選擇，泰國菜啦，粥麵啦，點心啦，打冷啦... 不過我最常去都係 “東記上海面”。“東記上海面”最出名嘅係炸豬扒同埋炸雞翼。今次都係照舊叫左一碗炸豬扒米線($36)!!! 其實豬扒近排去食都有啲乾，好似無以前咁好味，不過今日終於食返之前嘅水準，豬扒即時炸，熱辣辣，仲要一啲都唔乾，有少少肥豬膏先好味! 份量依然係咁多! 不過每次去都係好多人，等位同等野食都用左好多時間，希望可以繼續keep住呢個水準，咁等耐啲都值得!!!

在香港吃早餐，來來去去都是那些，想簡單點就吃個麵包，想豐富點就到茶餐廳或快餐店吃個港式早餐，偶然會吃碗粥，甚或日式早餐，假日裡也許會上茶樓吃點心，豪氣的話可以來個 All Day Breakfast或到酒店餐廳享用一頓豪華自助早餐，但在早餐時間吃上一頓上海麵早餐，對我來說，就實在絕少。而這一天，來到大埔墟街市熟食中心吃早餐的我，就幫襯了這一家「東記上海麵」，難得地吃了它的招牌「豬排上海麵」做早餐。大埔墟街市上的熟食中心，一向是就近街坊們覓食之地，也是區外人士在大埔尋找美食的寶地之一，每次我到那裡吃東西，那裡總是人山人海的，氣氛十分熱鬧。這一天，只有我一個人獨自覓食，就較易找到座位。坐下後，隨即點來店中兩大重點推介----豬排與雞翼中的「豬排上海麵」，再另點一杯「熱奶茶」，便安坐在座位上，靜待我的早餐送來。這兒的「豬排上海麵」，豬排與麵是分開上的，好處是豬排不會被麵湯浸腍，但壞處則是豬排炸得較為乾身。這店雖然沒有連飲品的早餐可吃，未計另叫的飲品，單是一個「豬排上海麵」已要 $36，不過豬排的確多，兩大件的豬扒，一上一下的，把盛載的湯麵碗蓋幾乎完全遮蓋，實在誇張。兩大件以鹽，五香粉等調味品

去之前已經知店員態度差，去到就即該領教了，店員差都算，連食物都咁垃圾，都唔明點解咁多人去食？！叫左碗雞翼米線，炸雞翼係用完又完的油炸的，只係味道搭救，一啲都唔新鮮，而且米線係垃圾到無得垃圾，呢間咁既垃圾加入黑名單！

玩完大尾督出黎醫肚，都知大埔難泊車，兜左一陣，好彩係街市附近搵到錶位。上到熟食中心，人山人海，等位都等左好一陣。見網上介紹豬排上海粗面，眼見好多枱都食，望落去厚切豬排賣相吸引。當然咪執輸。我地叫左炸雞排粗，炸雞亦粗，雲吞粗。等左好耐終於上菜，炸豬扒大大塊，雞亦炸得漲卜卜，夠乾身，不過豬排係無味，無調味過。上海粗面亦無味，而且極冧。炸雞亦係，都係無咩味。雲舌算係最有味，但其實都好淡。全個熟食中心超過4成枱上都有點呢個炸豬扒，咁都中伏。🙄

今日朝早要去梁九記買火鍋材料，咁就順便去食東記馳名既豬扒麵🍜數數手指都差唔多半年無去喇😫有去過既人都一定知道，食豬扒麵最痛苦莫過於要等位😭由細食到大既我都唔需要睇餐牌架啦，一坐低就叫左一碗竹筍豬扒米線 ($36) 🤤豬扒炸到金黃色，咬落好香豬油味好香脆，不過豬扒肥膏部位偏多，略嫌有d肥膩，所以我都食淨一大舊，嗚嗚😭另外，湯底方面大家都無需要太期待，係冇乜特別既，都幾淡就冇乜味精味，不過配上煎炸嘅豬扒可以中和返🍴順帶一提，豬扒麵檔係冇提供飲品，如果大家想配埋飲品的話，就要向隔離舖頭落單啦😉