影片
招牌菜
網上團購了餐卷，可以$128任吃指定點心一小時四＋五分鐘，以酒店中餐廳來說，價錢都算合理。或許用餐時段略早，人客不算多，地方寧靜。點心整體來說頗有水準，賣相小巧精緻，未見有將貨就價的情況。尤以筍尖蝦餃、鮑魚篜燒賣、紅映三鮮、紅油抄手、1965陳皮手剁牛肉腸及椰汁桂花糕頗有水準。倘若餐單多加菜蔬及炒粉麵選擇會更理想。
繼續閱讀
從廣告知道飽魚套餐298元,再加10元有花膠扒,便立即打電話預約.即定.即有,不用一日前預訂我們一行三人就叫三個套餐,實行大飽囗福.開胃菜還可以.湯也真材實料主角鮑魚,花膠,鵝掌一碟上,但三件花膠扒各有不同厚度.丈夫的花膠扒厚度只有我的花膠扒一半再說鮑魚,入囗鯰滑,沒有質感.在第一口的鮑魚,丈夫感到一些沙子樣的東西, 之後，是我的女兒感到一些沙子樣的東西, 而我在最後一囗時也感覺到.很懷疑是新鮮鮑魚,因菜牌上沒有說明是用乾鮑魚,只是在報章上有說明乾鮑魚旳制法,有誤導之疑.花膠沒有味道,只靠碟上大量的汁而甜品就好漏,覺得食好多花奶旳感覺.總結是無一可取. 但服務好,值得稱讚附加費:茶每位10元,泡菜15元,再加一服務費
繼續閱讀
前幾日見到呢間酒樓喺某報章賣廣告, 推個震撼全城$10食花膠皇 唔係咁平呀話...!睇真啲, 原來係食個$298超值鮑魚餐, 先至可以加$10換多塊花膠扖 之前LUNCH間中都有去呢間酒樓飲茶, 水準同東海/利實閣呢啲差唔多啦, 就係未試過食晚飯...呢次見做特價, 決定試吓前菜有: - 燒腩仔(皮夠脆, 肉夠厚), 椒鹽雞軟骨(用脆醬炸, 有啲古怪, 麻麻地), 香芹木耳(GOOD! 幫我降血脂)到主菜喇:- 花膠響螺湯 (好味, 唔覺有味精) - 鮑魚花膠鵝掌 (鮮鮑魚, 花膠同鵝掌都夠淋, 個鮑汁值得一讚)- 龍躉蒸蛋白 (未試過咁食法, 都算OK啦)- 神草時蔬 (無特別)- 鮮奶滑豆腐 (呢個真係要讚, 好香膿好滑 , 估唔到酒樓甜品都可以咁有水準)總體黎講, 食物質數中上, 對得住呢個價啦!!再值得一讚既, 就係啲樓面既服務態度, 經理不時會過黎問吓食客意見, 負責開紅酒既待應, 居然會問我支酒要唔要DECANT咗先至試, 真係令我喜出望外
繼續閱讀
本來BOOK了另外一間酒樓吃飯~~~~~但由於某些原因去唔到,所以係附近搵了這間酒樓。一去到冇咩人, 所以環境清靜, 吃得很舒服~~~部長與其他侍應都招呼周到~~~叫了6菜1湯~其中最好味的是這個牛肉食落有好多肉汁~~~好有肉味~~~仲有好靚既小棠菜整成玫瑰花做伴菜~~~~好有心思~~~豆腐好入味~~~另外湯係豬展西洋菜湯~~~~都煲得好好味~~~D湯渣都俾我們差不多吃光~~~魚都好新鮮~~~~~掛住吃~~~所以有D冇影相LU~~~HAHA
繼續閱讀
早兩日約個客係灣仔食晏傾野，原本諗住貪就腳落皇悅地底食番龍皇酒家，去到先知原來轉左手，變左做東海龍王，仲要係新開張無幾耐。橫掂都係食中菜，問左個價錢都OK，加埋地方睇落幾光猛企理，於是就坐低照食。可能因為新開張，中午時間都唔算好多人，靜靜地0岩哂傾野。比起其他茶樓，老實講呢度既食物選擇就少D，不過食野貴精不貴多，好唔好食先係重點。有個余經理鬼咁熱情同我地打招呼，推介我地試呢樣試果樣，最勁既係，可以度身訂做，幾咸幾甜由食客話事。結果點左十個八個點心小食，真係有意外驚喜：避風塘豬扒仔－－豬扒肉質鮮嫩，蒜、椒及豆鼓香味四溢，必食推介；蟹粉小籠包－－皮薄多汁，食完齒頰留香，有衝動想叫多一隻；1965陳皮牛肉腸－－據稱係用1965年既陳皮黎整，食落有一種奇異既香味，正；北海道牛奶豆腐－－滑溜，甜味適中，女仔應該好鍾意；南薑茶湯丸－－好辣又好甜，重口味者首選；其他如蝦餃、叉燒－－中上水準。服務方面，上菜速度尚算迅速，侍應招呼頗為周到兼且笑容可掬，普遍有禮貌，令人感覺舒服。
繼續閱讀